影片
港铁元朗站 F 出口, 步行约6分钟
继续阅读
营业时间
星期一
12:00 - 15:00
18:00 - 21:30
星期二
全日休息
星期三至五
12:00 - 15:00
18:00 - 21:30
星期六至日
12:00 - 16:00
18:00 - 21:30
以上资料只供参考，请与餐厅确认详情
良心小店麵家山下（元朗店）就結業喇😭緊係要趕尾班車喺朝聖啦！（題外話：排隊期間聞到隔離間小店嘅雞脾好香，下次一定要試下~）拉麵DX $80拉麵DX揀咗掛湯嘅幼麵同香濃嘅黑蒜湯底，配上筍絲、香蔥，兩隻糖心蛋，同四片焦香嘅火炙薄切叉燒，大滿足！拉麵 $60拉麵揀咗彈牙嘅粗麵同濃厚嘅味噌湯底，雖然得兩片叉燒唔多夠喉，但如果係細食嘅女仔，份量就啱啱好喇~章魚燒 $28可惜我係大食嘅女仔，留肚係為咗食章魚燒~~章魚燒外脆內軟，多醬多木魚多紫菜，仲有7粒咁多，一個字，正！Bikkle $22睇落似益力多，飲落就似可爾必思，不錯~
继续阅读
元朗一帶不嬲都唔少野食但作為對面海嘅朋友 真係太少機會入黎接觸今日就黎左 呢間民間推薦嘅日式拉麵小店試下😋支持良心小店💪一去到已經有人排緊隊 店內位置唔算好多 但都唔駛等太耐拉麵黎講 呢個價錢都幾公道~因為食開重口味 所以揀左佢推薦嘅 味噌揀呢隻味嘅話 要預左湯底會咸D濃味D揀左粗麵 食落口感好D雖然價錢唔貴 但料方面都好多 肉有4大片真係良心價整體個湯底夠濃味好食 麵質彈牙 價錢合理 日式拉麵黎講性價比都幾高😻另外 仲加左個章魚丸，岩岩炸起個皮好脆，入面章魚肉粒都大粒。其他配料都好多唔會慳住，都好值得推薦但由於個拉麵食得太飽喇😹只好比同行友人食多兩粒 最後仲加左杯乳酸飲品 正常乳酸味 我諗加果味應該更好飲 但呢杯都只係加$10整體呢間小店雖小，但絕對係良心價良心材料推薦！！
继续阅读
男人黎講，應該都會幾鍾意呢度既DX拉麵，因為有兩隻蛋，又唔貴，平時夜晚一支公唔知食乜既時候，就會行過黎自己食碗拉麵。呢度有吧枱有餐枱，舖頭細細，主事廚房既係男人，今次樓面多左個細心既小妹妹。今次帶埋個frd黎食，一人一碗DX，真係男人的浪漫。我覺得呢度抵食過商場入面間拉麵舖，除咗一塊塊啲叉燒，仲有啲肉碎，荀又有唔少，湯底算ok，麵又可以揀粗幼，今次碗麵多左紫菜碎，之前好似無？唔知有冇記錯呢。中下價拉麵黎講，呢間都算唔錯啦，重點係位置係巷仔，通常都唔使點等位。
继续阅读
是日稍涼又可以食返 d 熱野😆 係寶屋企附近見到呢間拉麵店就去試下~寶要左辣拉麵，以我地算食得辣既標準佢係三哥五小辣程度😂 叉燒佢係燒過既，肥瘦比例唔錯~ 豬骨湯底佢有鹽/麵豉同醬油揀，我要左鹽同多菜，個湯好醇厚沉實，唔知點解有種家的感覺🏠 我飲哂成碗🙈 不過寶就覺得淡左 d。蛋係一隻好出色既有味🥚🤤 要左煎餃子🥟，偏薄，似蒸多過煎，同麻油味比較重左 d，但都ok 既~大阪燒串好好食❤️ 就係將大阪燒縮細左，我平時會覺得食哂成個好漏，呢個串燒 size 岩岩好👍🏻
继续阅读
山下麵家認識呢間拉麵店係因為幾年前係facebook，睇到條片介紹呢間店既老闆點樣係日本留學定做野，點樣聚左個日本人老婆，又點樣開始左做拉麵。由於我自己十分喜歡有夢想既創業人，亦十分喜歡呢間拉麵店背後既故事，所以『山下麵家』呢四個字，一直係我腦海中揮之不去。近幾個月，新搬左入泥元朗，知道佢有間分店係鳳琴街體育館附近，所以就去試下啦。今次我係叫佢既外賣。佢鋪頭位唔多，目測應該坐到10至12人左右。我叫左一份鹽味湯底叉燒拉麵加雞蛋，盛惠$87蚊。坐低等左5分鐘左右就搞掂。佢將湯同麵分開裝，都幾細心。我大概10分鐘後翻到屋企，啲湯都仲熱。我率先試一啖湯，味道好唔錯，加埋蒽花飲仲正。跟住啲叉燒肉都好味，有啲肥肉但食落又唔覺好油，麵既質感都不俗。最後，我係食到湯都飲晒！下次要試下醬油味先！
继续阅读