麵屋丸京

营业中

休息中

放假不時都會去深水埗，發掘一下唔同小店，成日都會有驚喜收獲~今日黎到深水埗，突然好想食拉麵，最後揀左呢間麵屋丸京，有叉燒同真叉燒，好有趣!餐廳裝潢簡潔明亮，充滿日式風味。丸京拉麵加HK$12轉左蝦湯，賣相吸引，擺得好精緻。大量櫻花蝦香酥可口，湯底蝦味濃郁，好鮮甜。配料有叉燒3枚、真叉燒3枚、蛋及筍。叉燒軟嫩Q彈，而真叉燒經慢煮後，肉質更為鮮甜軟滑，入口即化，正!黃澄澄糖心蛋，呈半熟膏狀，蛋香軟嫩。豚骨拉麵清湯湯頭清澈，有淡淡醬油香，配料為叉燒3枚、蛋及筍。薄身叉燒肥瘦適中，帶點燶邊，鮮甜細嫩有咬口，香而不膩。糖心蛋咬落蛋香滿溢，好滋味。

掛住係鄉下食嘅拉麵🥺🎈麵屋丸京/真•叉燒? 假•叉燒?/好耐之前都知道葵芳有分店 奈何葵芳美食實在太多 所以遲遲都未去食 咁啱經過深水埗就特登過去食下先🤤拉麵有分清湯 濃湯 蝦湯同黑蒜油湯揀咁第一次黎食梗係揀返豚骨湯底啦🐷仲糾結咗好耐 唔知應該揀濃湯定清湯添最後因為怕食唔到太濃味就揀左清湯🍜 清湯丸京拉麵 ($100)師傅將3塊叉燒 3塊真叉燒鋪滿碗邊 再加上2粒切左一半嘅溏心蛋 蔥同筍絲 加啲想像力就好似一個人樣咁😂驟眼睇唔係好分到真•叉燒同叉燒🥩之後先發現原來真•叉燒係無燶邊嘅 同有慢煮過真•叉燒食落比叉燒更加嫩滑😲個人認為清湯都好夠豚骨味🤨食到尾都會覺得愈食愈鹹🙈而可能因為叫左清湯湯底 所以啲拉麵唔係好掛到汁 要一啖麵一啖湯先啱啱好而拉麵麵體就係偏硬少少 食落幾有咬口嘅🍜 清湯真•叉燒拉麵 ($108)呢碗拉麵就係6塊真•叉燒同溏心蛋🥚咁就有多啲真•叉燒俾我哋食下究竟真唔真喇🤪

自從幾年前食過呢道個真叉燒拉麵就一直念念不忘，今日終於有機會黎食💕.醬油蝦湯真叉燒拉麵 $120外表非常吸引，奶白嘅湯底淋上紅紅嘅蝦油，6大片真叉燒，再加大量櫻花蝦。一飲個湯，勁濃蝦味，再連麵食，所有野都啱啱好呀。真叉燒微粉紅色，慢煮令佢似未熟透，好嫩滑好似食緊好貴嘅牛咁🤤.清湯真叉燒拉麵 $108當食醬油濃湯食到膩嘅時候，轉食清湯又係另一番享受，清甜嘅清湯好解膩，適合淡口味嘅朋友。同樣必點真叉燒，溏心蛋都調製得恰到好處👍🏻

我諗很多人都同我一樣，見到menu上寫住真叉燒， 會諗究竟乜嘢係真叉燒呢？當我一路諗，一路自言自語，店員就走嚟同我講，真叉燒就係慢煮叉燒，咁認真做叉燒拉麵，一定要試下啦有兩款拉麵都有真叉燒， 分別是丸京拉麵和真叉燒拉麵， 丸京拉麵($100)有三片真叉燒和三片普通叉燒， 真叉燒拉麵($108)就全部都係真叉燒，加$12可以轉醬油蝦湯大大片的叉燒非常吸睛， 而慢煮總是和肉鮮細嫩扯上關係， 果然真拉麵的肉質細滑， 切得又夠薄， 有入口溶化的感覺，和普通叉燒確實有些差別再講湯底，超級濃厚，另加$12轉醬油蝦湯又的確值得，很多的櫻花蝦，非常鮮味，造就了非常鮮濃的湯底連同糖心蛋也值得欣賞， 不單是煮得剛好真糖心，顏色充滿光澤，蛋味濃郁香甜，發現原來係用靚蛋，唔怪得知啦

在深水埗附近喝了杯咖啡，走著走著發現這邊居然有家拉麵，環境不錯呢！丸京拉麵（$100）有叉燒3枚、真叉燒3枚、蛋和筍。真叉燒其實是慢煮叉燒，比較粉紅色，肉質也比較鮮嫩，配上濃湯真不錯呢。售完即止，想要吃就早點去比較保險呢！另一碗豚骨拉麵（$78）有叉燒三塊、蛋和筍，我還加了紫菜（$10），清湯味道濃郁，蛋也是一樣的流心，不錯呢！唯獨是湯比較快涼，畢竟拉麵還是熱騰騰的更好吃！自家製餃子（$35）吃得出是自家製，因為無論是餃子皮還是餡料都跟外面現成的分別很大，餡料尤其口感豐富又濃味。現在點小吃送飲料，配上雪碧吖可樂等更配合呢！值得一提的是廁所非常乾淨又大間，整個用餐經驗都不錯喔！

今天去去深水埗拿點東西給朋友，聽他說最近想吃拉麵，所以這次就找了一間拉麵店試試，網上看到圖片有很多肉，食肉獸表示很高興！丸京拉麵（１００元）這個可以一次過吃到２款不同的叉燒，分別是傳統的叉燒和慢煮的叉燒。傳統的叉燒吃起來會比較乾身一點，有肉香，而外面應該也有用咖啡來煙燻過的，所以吃起來會帶點咖啡香。而慢煮的叉燒就非常嫩滑，感覺就跟傳統的叉燒是兩回事，完全不一樣，肉味就沒那麼濃，但就比較多汁！而我就比較喜歡慢煮叉燒！湯底方面我就選了濃湯，但原來這裡的濃湯是加了背脂的，非常邪惡，喝起來真的比較濃，幼滑，但就真的非常重口味，如果接受不到的就試清湯就好了！還有最重要的半熟蛋，這裡弄得非常好，醃得很入味，蛋黃是流心的，橙紅色的非常有食慾，醬油味挺濃！真。叉燒拉麵（１０８元）這個就是全部都是慢煮叉燒。湯底就選了清湯，喝起來比較清爽，豬骨味也挺濃的，朋友也說比他想像中的還要濃，而且也沒濃湯那麼油膩！香蔥沙律炸雞（４２元）炸雞都是即叫即炸的，面上撒了七味粉和蔥花，吃起來會帶點辣，又有蔥香，炸雞就炸得外脆內軟的，有肉汁，而且也醃得很入味！不過不太吃辣的朋友就表示這個吃起來有點辣，就要自己注意一下了！

其實深水埗真係好多嘢食，有幾間都好想試，但見到呢到有款真叉燒拉麵幾吸引，就決定試吓呢間。🔝丸京拉麵有叉燒同真叉燒各3塊，而顏色較粉嫩就係真叉燒，即係經過慢煮烹調而成，肉質比較嫩而且好入味，慢煮果然係唔同啲😋▪️而普通叉燒味道比較清淡，肉質就好似平時食開嘅叉燒咁。拉麵除咗叉燒，仲有一隻糖心蛋，拉麵無得選擇硬道，但拉麵質感爽彈，好食。🔝丸雞拉麵有一塊超大炸雞扒，師傅會將一塊雞扒分咗3件，而雞扒炸得唔會乾身，肉質嫩滑又多汁，但係食呢個拉麵最好襯返清湯，如果唔係就會好膩。🔝餃子(大阪燒風味)煎餃上邊鋪滿大阪燒醬同沙律醬，又幾好味喎😋

食左丸京拉麵+蝦醬油湯真叉燒同普通叉燒各有3塊真叉燒入口較嫩好似悟洗咬咁 普通叉燒就鞋口啲 但肉味重啲 各有千秋麵底十分掛湯 因為冇得簡軟硬度 就好睇師傅功力 食到最後啲麵雖然小小淋但都keep到個種咬口有麥味 好香 份量較小 男仔/大食小小都會悟夠飽個湯換左做蝦醬油 比左好多櫻花蝦 配埋麵食好香湯底好濃 但悟係死咸冇邊一part特別出色 但全部都上乘之作 有比較下會令人回頭

依家疫情大家冇得飛去我哋嘅故鄉日本，梗係會相思病發作但我係深水埗發現左一間小型又抵又正嘅日式餐廳入到去已經有好多人enjoy緊，唔單只係真香港人食緊，我見到都有外國人專程去食㗎 張枱唔會太細，有足夠空間。光線充足，俾人一種好舒適嘅感覺周圍都好乾淨最重要一點！店員好好食緊大大碗嘅拉麵嘅時候炸雞都嚟埋，店員見我哋冇趁熱食炸雞仲提我地炸雞凍咗唔好食仲有我以前去其他餐廳飲波子汽水要自己開，今次嚟到呢間餐廳估唔到佢幫我開咗波子汽水跟住我就冇為意佢開左，我自己搞所以倒瀉咗啲 大家有機會一定試吓吖！！大大碗包你一定飽🥰

今天陪朋友去深水埗附近買布料，路經見到有間店舖好有日本風感覺，名叫《麵屋丸京》，岩岩見肚餓，我們2人就入去食碗拉麵🍜醫下肚先。我們叫左極上拉面＄93內有：【叉燒6片、蛋、筍】濃湯加紫菜＄10。湯底濃郁，唔會太咸味道適中，拉麵都幾爽滑，不會過腍身，感覺不錯，有6片叉燒很薄身，肥瘦均勻肉質不鞋口，而流心蛋有1隻也開左2邊，可以看到色澤鮮紅、蛋黃食落口好香，蛋白很滑味道好好味，仲有一些筍和葱花紫菜就放在碗邊大大塊，浸落湯底一齊食比較好味。餐廳招牌菜式丸京拉面＄100內有：【叉燒3片、真叉燒3片、蛋、筍】清湯加粟米＄10。這個最特別的是咩係真叉燒呢？店員解說才知道原來是煮時有分別，就是現在好流行的慢煮烹，肉質比較綿綿滑滑，入口溶化既口感，好濃香又好味道，蛋也是流心蛋，粟米是採用新鮮粟米不是罐頭，所以有口感而且很爽甜。我們2人食完飽飽，很滿足的一個午餐。😋😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日同老公去左呢間食拉麵，我叫左炸雞拉麵！老公叫左黑蒜叉燒拉麵！店內的侍應很體貼！食物質數已好食過很多出名的拉麵店！大家可以試試！☝🏼黑蒜叉燒拉麵！我老公話湯底有少許鹹👆🏼炸雞拉麵！本人覺得幾有水準！湯底只可選濃湯，但不錯！👆🏼蜜瓜梳打水！唔係好甜，不錯！

今日特登帶亞仔過嚟食嘅早幾日就好糟糕啦星期二本來過嚟食嘅點知原來休息激鬼死🤬走咗去隔離白布烏冬浪費quota今日梗係整個正嘢俾阿仔啦$100嘅震撼粒麵😂我就梗係叫$78嗰隻基本嘢都夠啦叫咗三個小食兩個炸雞一個餃子而家叫小食送嘢飲非常好兩點左右唔使等位直入坐吧枱叫咗嘢好快就已經有嘢食超開心有呢間拉麵其實就唔使再去其他嗰啲啦喺深水埗😉服務態度一直保持食物質素唔使講☝🏻💯重點已經唔係第一次⋯好食隨時都會去食唔需要太多解釋😋

同朋友約左係深水埗食午餐，朋友話想試下附近有間拉麵店，以前屋企住深水埗，知道荔枝角道好多舊舖舊餐廳，所以見到門面已好驚喜！係裝潢得好有日本風味，新式的日本拉麵店！感覺好乾淨企理。(座位下仲有個籃仔放袋，好細心!)之後同朋友叫左兩碗拉麵試下一款係真．叉燒拉麵＋粟米（黑蒜油湯）一款係丸京拉麵＋紫菜（蝦湯）　　　　　我地拎左個碗仔share食，可以每款都試下!!(特別要讚下侍應服務態度好好，我地一來一回成日又叫拎多隻碗又拎匙羹咁，佢都好有禮貌回應同好幫手!)至於拉麵，首先想講既係麵質好彈牙，係我好鍾意的口感，唔會過淋又唔會過硬! 好perfect! 另外隻半熟蛋又係好高質，我自己本身唔鍾意太流心，佢整得岩岩好，又夠入味! 令人好想encore多一隻!而拉麵個湯頭又係靈魂所在!! 今次特登加錢都叫個黑蒜油湯同蝦湯，想試下比較特別的湯底。蝦湯好有驚喜! 個拉麵面都鋪滿左櫻花蝦，蝦湯好香，好有蝦味! 另外今次亦試左舖頭好特別的「真．叉燒」，原來「真．叉燒」即係慢煮的叉燒，口感同普通叉燒唔同，而我自己就鍾意有燶邊的叉燒多D。仲有舖頭值得一讚既地方係，佢每枱都有一壺冰水，跟足日本餐廳文化! 令人好似置

好好好高質既叉燒拉麵🍜位於深水埗小店 都容納到好多客人～以真叉燒+普通叉燒聞名🥰湯底可選濃湯、清湯、蝦味噌湯、黑蒜油湯真叉燒拉麵 $108 配黑蒜油湯 (+$12)一上菜 賣相好震撼🤩 要相機食先了🤪有6大塊真叉燒 非常足料😍 而店員亦都向我們介紹 真叉燒=慢煮叉燒😋口感好嫩滑 肉質好柔軟細膩🤤好好味!✨丸京拉麵 $100 配蝦味噌湯 (+$12)集合各3枚傳統叉燒+ 真叉燒+蛋+荀傳統叉燒 味道好香好吸引😜肉味好重😙值得一提 竟然有燒焦既肉邊😳 誠意十足😋蝦味湯底 蝦味香濃 有好多隻🦐自家製餃子🥟 $35熱辣辣既餃子 令人難以抗拒🥳每次食拉麵🍜 都會忍唔住嗌返碟🤓

可憐嘅我地滯留咗喺香港已經一年啦！好想去日本，我唔貪心食返碗熱辣辣嘅拉麵就滿足🥺間餐廳叫麵屋丸京，咁就食碗以店名為名嘅丸京拉麵！未食已經覺得正！丸京拉麵嘩！花開富貴咁樣樣，新年食夠晒好意頭😂日式叉燒好似花瓣咁鋪滿係碗邊，左邊3大塊叉燒，右邊3塊真叉燒（慢煮叉燒)，兩個口感好唔同，真叉燒經慢煮後，肉質依然香滑，食落好過癮。湯底濃湯味道濃郁，配上京蔥、荀，口味更清新，唔錯！豚骨拉麵黑蒜油湯黑蒜味道不錯，如果黑蒜油多啲就更正正！一上碟香味撲鼻。�肥鬼話睇住師傅喺我哋面前用機切日式叉燒切到薄薄一片片，好治癒wo🤣流心蛋雖細小，勝在蛋香味濃，入口溶化，滿足唷！日式拉麵方圓狀且軟硬度適中，肥鬼啜啜下就啜光光晒，係太好味定係太肚餓🤪？我哋最驚喜嘅係手工煎餃，之前學包日式煎餃，用薄皮包滿多多肉，煎後肉汁依然，的確唔容易！幾好😋去唔到日本，瞌埋眼食拉麵頂住先😛......#chantaljj深水埗#chantaljj日本菜 #chantaljj拉麵 #深水埗美食