麵檔 (已結業)

經過登龍街搵食最少都要一百幾十，仲要加一，想搵間平平地有又座得舒適嘅餐廳真係好難，好在再行多兩步轉個彎位，有一間餐廳位置係地庫，佢哋嘅門口裝飾都幾吸引，再睇睇個餐牌價錢都幾合理，由於趕時間關係就落咗去嗌咗個「細蓉」試下，諗住佢好細碗，嚟到原來份量都唔少，鮮蝦水餃皮簿餡靚，蝦肉新鮮爽口，麵旦牙而且一啲梘水味都無，湯㡳清甜仲無味精！最重要一碗只係$26，登龍街平靚正之選！

一直好喜歡去麵檔食麵，只要去開時代睇戲，必然去麵檔食返碗細蓉。麵檔係地下鋪，裝修得好有特色，牆壁掛左好多調味料小招牌，充滿香港味道！座位都有三四十，人流唔算多，所以次次都有卡位坐。依舊叫左細蓉，其實如果唔跟餐，$26一碗又唔貴，湯好清澈，係大地魚(?)嘅味道，好似艇仔粉嘅湯底，好清甜，四粒鮮蝦雲吞好大粒，皮好滑，鮮蝦足料新鮮（我食唔新鮮嘅會敏感），麵爽好味，最愛加埋佢嘅辣椒油一齊食！佢嘅辣椒油好香，唔知係自製定買返黎？次次都加好多羹食！次次黎都冇咩人，希望多啲人幫趁，唔好比佢消失！

咁岩避雨就入去試下，見到下午茶都幾平，三十幾蚊，仲有賣點心的。叫左碗牛丸麵配熱飲係free,重點係佢有得揀茶(香片or普洱),用普洱茶包，所以好濃味，唔似平時酒樓咁幾片茶葉沖一大壺。睇到午市個餐牌都有牛丸麵但貴好似十蚊，問呀姐有咩分別，佢話下午茶係少一粒丸，但麵既分量係一樣既。麵條口感非常爽口，幾乎沒有鹼水味，加點紅醋，真係無可挑剔。牛丸都非常彈牙。碗麵唔係太夠飽所以叫左一籠點心(奶黃包)塞包自己普普通通，不過好在係即叫即蒸。

店內非常寬敞，差不多五十個座位，只得我一千零一個客人，寧靜的食店在香港真的不多。點左一個下午茶餐，細蓉，菜心，凍檸檬茶$46。開放式廚房可以清楚看到廚師準備食物，環境衛生。先上凍檸茶，茶味非常淡，檸檬有點苦澀，等左大約十分鐘再上菜心同麵，菜心蠔油分開碟另上幾貼心，自己可以調節落醬的份量，但麵太過腍，麵量少，另外只有三粒冇乜鮮味的雲吞，對於我個人不太夠，食物量少可以接受但以這收費，食物質素的確麻麻。

I have always wanted to try this joint but forget to try it because it is well hidden in the basement.As well as noodles they serve dimsum which was a surprise as they are called Noodle Stand.Strangely, the noodle choices are wonton noodles, flat rice noodles and rice vermicelli, however the dandan noodle is the only one that has a different noodle to the ones mentioned above so I chose that.The noodles were good with a Sichuan touch but the oil or the noodles were a bit rancid which ruined it.

原來此店已開了兩年，經常在銅鑼灣出沒的我竟然沒發現。今天路過，無意中看到，覺得價錢合理，於是一試。選了他們的下午茶C餐。細蓉+田園蔬菜（我點了腐乳通菜）+熱飮，只需$40。雲吞用海蝦，新鮮彈牙，粒粒渾圓飽滿。湯底鮮甜，麵身軟硬適中，份量很足，並無欺場。雖然是星期六，生意卻相當淡靜。主要原因可能是它的位置躱在波斯富街的一角地庫，頗不顯眼之故。這類小店，在鬧市中經營，絕不容易。所以很想多些人知道它的存在，令它不至又成為另一間無聲消失的店舖。

港人深受自由行、水貨客禍害。搵食艱難，美食難求，貴貴貴同貴﹗致處都是珠寶首飾店、金舖、藥行、化妝品美容公司泛濫，小店、食肆、本土特色崩潰。病態市場租金及病態街舖種類，老闆幫業主、地產商打工，慘不忍睹。重災區上水、元朗、大埔、沙田，就連銅鑼灣都不能幸免！地球好危險，香港淪陷，危險，速逃！今晚出舖頭出糧、開票、找數，做完野自己嘆返個餐先。發現樓下地舖開左間麵檔，而且仲有點心食添喎。知已知彼，探個究竟先。走到門口，原來係地牢舖黎喎，經驗所得樓底必定好矮，內籠必定是非常侷促，慢慢走落樓梯，好快有結果喇。嘩，晚市時間只得兩個食客，真係見者流淚，心頭一酸。搵個開揚位置坐下，樓不未算過低，尚可以接受，裝潢似學生 canteen 多過潮州麵店，空氣流通，都算坐得舒服。為表誠意，等我細閱每張 menu 先。點心價錢費到有點冒汗，北菇棉花雞 $46、蝦餃 $40、糯米雞 $28，最平係叉燒包都要 $26，跟碗丸麵、蛋麵同價，牛麵全部過 $40 呢。單餸湯麵加一個點心加一杯凍飲 $96，雖然真係貴左少少，但係銅鑼灣區天價舖租之下，都不難理解呢，上水一盅蒸飯加一個點心加一杯飲都 $62 啦。藍蝴蝶，咩飲品黎架

每次去銅鑼灣補習，都會經過麵檔，所以今日見有時間，就嚟試下。Every time I have tuition in Causeway Bay, I pass by Noodle Stand. Today I was free, so I tried it.食物 Food：7.5環境 Environment：7.5服務 Service：7.5我叫咗Set A：海蝦雲吞麵，附一碟菜心同熱奶茶。I ordered Set A: Noodles with Fresh Shrimp Wonton in Soup, accompanied by a dish of Choy Sum and Hot Milk Tea.Set A 除咗海蝦雲吞麵，仲有其他選擇。雲吞味道唔錯，但得三隻，少咗啲。麵係生麵，另外可以揀粗麵、河粉或米粉。Besides Wonton, you can choose other toppings in Set A.The Wontons were quite good, but there were only three.I chose slang mein (raw noo

平日在銅鑼灣覓食主打日式、西式。今天沒甚麼胃口，也有好選擇。細蓉-雲呑麵 (4/10)麵夠爽口彈牙，有輕微䶨水味，可以接受的程度。雲呑鮮甜皮薄。價錢相對是便宜($26)但只有三粒有點不夠喉。豬手飯 (4/10)豬手炆得夠淋夠香，可惜飯不夠軟，但是可以接受的程度。菜 (5/10) 套餐加$8 ，份量不多但夠乾身，不會太油，蠔油另上，多少隨客人自己點。合桃露 (5/10)足料夠稠，送來時又糊又燙口，幻想要是冬天吃的話一定很滿足。個人覺得味道偏甜。

星期日嘅銅鑼灣到到都多人，想一個人坐低食下嘢都唔易，咁啱經過呢鋪頭門口，見佢介紹嘅嘢食都幾吸引，就落去試下~環境：落到去鋪面都幾整潔，全店可坐約50人，可能下午茶時間，人唔算多，服務：全店員工都比較年青，雖然見佢地好開心咁傾計，但對住客人時有禮貌，呢方面值得一讚~食物：我選擇咗佢一個脆皮牛腩麵餐，等咗大約15分鐘，先試個麵，麵煮得剛剛好，唔會太硬，食落亦唔會一口鹼水味，再試脆皮牛腩，雖然份唔算好大，但一定係新鮮炸起，非常脆口，而牛腩亦適心處理過，入口即溶，好食，加埋麵同油菜就一定夠飽，可以再嚟食~~P.S.呢間鋪除咗麵食，重有點心，下次再試~~

小弟係果頭返工的。收工好多時都要搵野食，好多時落到去都差唔多關門，阻人收工尤如殺人父母，呢個道理我又點會唔明丫，好多時我都係食十五分鐘就閃人。呢到有咩好食？其實點心都真係唔錯，即叫即蒸，仲有值得一提既係個蒸飯，同我平時食開既蒸飯好唔同，啲飯係好有口感，可能係即叫即蒸既關係啦🤔一啲都唔乾，岩岩試完個北菇蒸雞飯，係值得一試既👍🏿反而個排骨飯就麻麻地，啲肉痴牙痴到呀媽都唔認得😫呢間野叫麵檔，其實主打應該係細蓉先岩，個細蓉既鮮蝦雲吞都幾足料，真係有一隻蝦係入面，食落幾過癮，同旺果街邊果埋麵檔有好大既分別。仲有本人其實都好中意食貢丸，但係呢間既貢丸麵真係唔值得試😨一黎貴，二黎同我屋企打邊爐果啲無分別，我唔記得好似係3x蚊碗😥一啲都唔值！完

Post night shift and came here for a quick bite. It's been a year since I visited it and I thought the noodles were ok. So returned to give it another try.There are a few changes. They now serve not only noodles but steamed rice and dim sum. Menu is now in English and Chinese as opposed to before, it was only in Chinese. There is no 10% service charge.Dim Sum Platter Afternoon Tea Set ($38). This included one har gaw (shrimp dumpling), steamed leek sprout dumpling, one steamed BBQ pork bun and o

放工又自己去偷食,今次去左銅鑼灣地底既麵檔,經過門口見到感覺唔太好諗住博下,落到去發現環境又幾好喎, 好光猛同清潔唔會"up up dum dum"叫左個雲吞麵加介籣加凍檸茶.凍檸茶唔講喇都係平時咁不過唔會苦,ok啦跟住到雲吞麵,湯同雲吞都唔錯,湯冇鹼水味, 雲吞皮薄, 入面多蝦又新鮮爽口,可惜我鍾意舊式鐵線,這個也不差介籣就有d特別,一上枱我以為係菜心苗,我仲問多次小二呢個係籣?佢答我係喎,咁我就半信半疑之下食左一條,果然係介籣!仲要係好嫩好有介籣既味,好食!!最後全部食哂

大年初7情人節，1支公遊銅鑼灣肚仔餓，見到呢間叫”麵檔”既麵檔，一於試下佢。門面裝修幾有心思，好有香港特式，入到鋪頭入面，鋪仔細細，10張4人枱加幾個對牆座位，鋪雖然細，但都無夾硬放多幾張枱，坐落都幾闊落，裝修都明顯系有落過心思，氣氛幾討好。睇睇餐牌，有點心有粥有麵，選擇ok多，但各大類有小小”到喉唔到肺”之感，唔算好齊，但應該足夠應付。價格方面銅鑼灣一般價錢，叫餐由$40至$80左右，醫肚食碗麵加杯飲品40蚊到可以接受。點餐，最後選擇左炸醬撈麵跟凍奶茶$44，飲品3分鐘到，麵13分鐘左右到，如果以當日人流黎講，呢個時間就唔多合格，事關當我點餐后只有另外1個人點餐，同一樣系炸醬撈，我早佢5分鐘點，但到就同時間到，唔通煮麵好似做炒粉麵咁，會等埋幾碟1次過炒，奇怪!?先試下個跟撈麵既湯，暖暖地，唔夠熱，飲落唔算好似味精，但應該都10成10係味精XD.....。麵賣相幾好，炸醬味好中性，幾迎合一般人，麵餅只有1個(一般食得撈麵都預左會有2個麵餅)，麵質軟，唔彈牙，唔似煮太耐問題，問題應該出系個麵餅度，撈麵黎講唔夠乾爽，整體成個餐免免強強合格，基本上係環境分拉高左，用膳應該要計埋環境既!

見openrice食評好似幾好，就入黎一試啦。環境寬敞，廚房半開放式。本身以為有點心供應，餐廳會提供茶。但係只有茶餐廳飲料提供。叫左五個點心，但淨係影左兩三樣。首先叫左個四喜烤麩(音:扶 職員甘叫)，叫呢個係因為上次去小南國食烤麩，覺得好好味，所以就叫。但呢間既烤麩既味完全唔一樣，因為個汁唔一樣，甘唔緊要。個四喜烤麩有冬菇，筍，紅棗， 同烤麩。個四喜烤麩得紅棗味，除左紅棗，其他配料都係吸味既食材，所以其實叫紅棗烤麩更貼切。味道唔岩我口味，甘都算，但入面有舊冬菇係凍既！我唔明點解無啦啦有嚿係凍既，其他都係微暖既，但有一嚿係凍冰冰，呢樣真係不能接受。個名好似再長小小，唔係好記得。個丸係好香口，但唔點汁，個丸係無味既。個汁唔知係咩汁，但酸酸辣辣甘都幾好味，好彩有個汁撘夠。炸牛腩片其實都係食香口，牛腩本身無調味，一般般。如果會再黎（應該唔會有下次），都唔會再叫。另外叫左燒賣同埋拳頭糯米雞。燒賣無酒樓甘好食同足料，反而個糯米雞最得。個糯米雞擺左一陣仲暖笠笠，糯米雞入面有隻咸蛋黃，有塊叉燒，有嚿雞肉同冬菇，足料又好味。200蚊左右5樣野食，同我去飲茶食點心差唔多，呢個價有其他更好既選擇，唔會有下次