麵檔

营业中

休息中

之前一直都鍾意食麵檔覺得料有多選擇，質素又幾好 但最近食左2次都大失所望🫠🫠🫠湯底已經加腩汁，湯底色水好夠，但淡而冇味😵😵 以前都唔係咁炸豬扒腍啤啤👎🏻👎🏻牛腩仲要加3蚊，但非常乾，唔好食👎🏻👎🏻炸魚皮、貢丸、魚肉春卷都仲ok ，因為都係外購haha 🤪最近的第1次：魚肉春卷、炸魚皮、炸豬扒湯米粉 $46最近的第二次：牛腩、豬手、豬大腸湯米粉 & 貢丸、魚肉春卷、炸魚皮湯米粉唔會太想再食了，同區有其他更好的車仔麵啦

黎到銅鑼灣呢間走港式懷舊風既車仔麵店滿足下個胃😎 呢度好似拉麵咁係紙度揀曬自己想要既配搭再俾店員就可以嫁喇, 你要既麵5分鐘以內會送到😚1️⃣三餸$46/ 四餸$54/ 五餸$60/ 每款$102️⃣麵底: 米線3️⃣揀餸: 大排檔黃沙豬膶/ 自家製韮菜餃/ 香辣豬紅/ 魚皮餃4️⃣加汁: 秘製辣醬湯底本身甜甜地, 佢地個秘製辣醬辣得好惹味, 係流鼻水既程度, 餸既份量都幾多, 豬膶好彈牙爽口, 韮菜餃好香餡料好足, 米線煮到軟硬度剛好係爽口果隻😎 佢地既餸係勁多選題, 款款都好吸引🤩雖然係食車仔麵, 但係乾淨舒服, 多人既時候要搭枱, 最欣賞係會有生菜配搭, 仲有擺係枱面既菜脯甜甜辣辣都好好食x 一定會再黎幫襯, 性價比高😋

最近搬到銅鑼灣時代廣場附近工作，開始問下朋友介紹午餐好去處，有朋友介紹我黎呢間麵檔食車仔麵。今日叫個三餸，一向鐘意食內臟，見到車仔麵少有嘅黄沙豬潤，五香牛肺，梗係叫來試，另外叫左朋友話好食嘅酸甜齋。上枱份量幾大，我已經叫扣底，最後都食唔晒啲米粉😅 先講湯底，好傳統嘅車仔麵湯，唔太濃，帶甜，不過本人就唔係好好甜口湯底，不過揀左混醬，叫做咸返少少我可以接受。黄沙豬潤煮得好嫩，火候控制得好好，可惜有少少𥻗…唔知係咪洗切處理得唔夠導致。牛肺大大舊，少少五香味，不過口感太實，唔夠軟熟。酸甜齋係好味嘅，但如果有美味齋揀就更夾味。整體味道可以，價錢合理，乾淨舒適，可作為以後午餐其中一個選擇👍🏻加分點: 有配生菜🤣營養均衡👍🏻

三餸只要$42!!! 估唔到時代廣場隔離都有平價抵食車仔麵，cp值其實好高，不過蚊蟲有啲多。*鹵水孖筋 + 清湯蘿白 + 糖心鹵水蛋 $42米線 + 腩汁 + 自家製沙嗲醬牛筋有三四塊，軟軟糯糯，滷得入味。蘿白清甜但略為有少許渣。糖心蛋做到完美流心蛋黃，但滷水只有豉油鹹香。米線好索湯，沙嗲醬份量少，單食好惹味，一撈開就食唔到沙嗲味🥲朋友叫咗南乳豬手、酸甜齋，豬手軟糯但膠質未算多，酸甜齋甜味多啲，因為兩者都甜底，令湯底變甜。

位於時代廣場對面可以食到$46起既車仔麵真心抵食，不過建議大家12點頭要到先可以避開條人龍🙈Momo同Boo分別試左一個粗麵同一個幼麵🍜前者較掛汁，後者就爽口啲🤗餸方面甜酸齋好大塊🥰超掛湯但可以更酸😛炸廚師腸聽落幾特別🤣食落正常發揮☺️韮菜餃🥟皮比較厚🤔牛丸牛味幾濃而且質感彈牙😍👍🏻鹵水孖筋超入味，可惜豬紅有點失色🥺下次要再試下其他餸先😛Momo&Boo指數 (5分最高)⁣⁣⁣⁣⁣味道: 😋😋⁣⁣😋⁣價錢: 💰環境: 🤩🤩🤩性價比:👍🏻👍🏻👍🏻👍🏻

最近想食平啲就同朋友黎左呢度食車仔麵，三餸麵都不過$46，簡直窮人恩物。而且款式都好多，除咗常見嘅豬紅蘿蔔、牛雜雞翼之外，仲有豬潤、牛孖筋、鮑汁雞腳等等。三餸麵叫左五香牛肚、蠔油花菇同香辣豬紅😬牛肚炆得好淋，有成5、6塊，而蠔油花菇同香辣豬紅都超級入味，麵底揀左粗麵，呢度既菜脯都幾好食，勁快就清晒成碗麵。朋友就話爆汁牛丸同豬手都好好味，雖然份量唔係話好多，但因為夠平可以試多幾個餸，如果怕肥仲可以叫菜底，糧尾可以再黎食過👍

之前叫外賣都覺得好好食 湯底好味 豬扒好食但最近叫咗幾次都好難食豬扒硬無味道，五香牛腩好硬咬唔開味道不如前，咖啡淡到好似水諗住可能忙得滯先咁差，第四次都依然係咁失望 ！！！！！！！！！！！！！！！！

第一次吃我覺得幾好吃 所以之後都有keep住嗌但唔知點解呢幾次嗌 水平差左好多d肉咬唔開 咖啡好淡 好似水咁⋯🥲希望下次吃可以變返之前咁 咁好吃 加油💪☺️☺️☺️☺️

was walking around CWB and made this discovery. The soup base is nice and strong, not like many shops which just added salt into watered down soup. The 4 dishes chosen, all yummy. Drank most of the soup base since it's so good, and, no thirsty side-effect, which is a good sign, no/not much MSG added. Iced lemon tea, made the way I like, not too strong and very refreshing. And, for those weight conscious or low carb eaters, can choose veg over noodles. Worth it, absolutely worth it

餐廳lunchtime都幾多人等，我地排咗10分鐘左右先入到去。入面座位空間唔多，甚至有啲迫，但裝修好有特色，而且啲歌都好八九十年代feel。朋友推介食菜底，但我覺得嚟到無理由唔食麵咁浪費呀嘛XD 另外混湯底好似都幾辣，唔食得辣就要小心了。我地叫咗野食無耐就上菜了，速度好快！整體嚟講麵少餸多，係讚美嚟！我覺得蘿蔔幾清甜，每樣餸嘅份量都幾多，食完都好飽肚。呢個價錢嚟講算係幾吸引呢，下次真係試下菜底先~

之前行過銅鑼灣已經見到呢間鋪頭，裝修行懷舊香港風，食既係地道車仔麵，今次出開呢邊專登揀番佢地做lunch。呢度有樣好處係無論揀咩餸菜咩麵底都係一樣價錢，只係分3餸4餸5餸。而且有接近30款食物可以揀第一碗 蘿蔔、韮菜餃、炸豬扒 配幼麵蘿蔔鮮甜多汁，絕無起渣韮菜餃應該係自家製，食落口感juicy炸豬扒大約3-4件，唔係薄切而且有調過味先炸第二碗 瑞士雞翼、牛腩、魚肉春卷雞翼有2隻，炆到好入味好淋魚肉春卷來貨自香港仔有記，香港製造！！入口有魚味又彈牙，堅係好食牛腩未算太肥，炆得夠入味又夠淋，唔會痴牙

今日行過銅鑼灣，好想食啲平靚正嘅早午餐。經過鋪頭，首先被Beyond 歌曲吸引，係我小時候嘅偶像, 大大部黑膠機係門口，好多水牌、明星海報，感覺到店主想回到過去嘅情懷，好欣賞。一入到去，裝潢充滿 70年代 小販檔嘅感覺。poster , 菜名寫係牆上，好有心思。講返重點，我食左車仔麵，$46 / 3餸 大大個碗好full 好滿足。好多餸菜 係用左 某某鋪嘅招牌，我揀左 有記 魚肉春卷、招牌鮑汁雞腳、魚皮餃 菜底 配 秘製 沙嗲醬。碗大大，餸有 2條春卷，3粒魚皮餃同2隻雞腳。 春卷肉好札實，充料、啖啖肉、果然名不虛傳。👍👍雞腳 醃到啲甜甜嘅鮑汁 滲晒入去，一路啜食，一路覺得好唔夠食，想再叫單點㗎👍👍最後係，魚皮餃，我覺得啲皮唔厚，肉味正常，屬於我中意嘅味道，沒有失望。最後我先食菜，吸晒啲湯汁，好好食。因為我好少食晒啲野，有晒汁加啲菜，好想再食多次。

我工作時不時周圍走，今日係銅鑼灣返，下午食lunch諗緊 銅鑼灣一定得貴嘢食。🥴我又唔想入商場食，所以無入到時代廣場，行咗去廣場後面條街，驚喜發現有間叫「麵檔」東西，裝修幾懷舊，入去試下，一時間都無乜理可以價錢抵唔抵。😄點知一坐低睇下張 點菜單，佢收費又唔算貴，$46 三餸。我今次試咗 油麵底、甜酸齋、炸豬扒、時菜（生菜）揀咗佢嘅腩汁&自家制沙嗲醬。等緊食嘢嘅時候，見到左邊右邊枱嘅換到大大碗，好吸引。🥰🥰差唔多食完嘅時候，聽新坐低嗰個女仔客人問「係唔係送嘢飲？」嗰阿姐答：「係呀，你揀夠四個餸，就送嘢飲」😱我即刻計一計數，我揀咗三餸，再加$10支裝無糖可樂，買單都要$56。如果我揀四餸，都係$54，發現自己蝕咗$2 + 一個餸🥹😭所以建議大家，入呢間嘢事，一定叫四餸會抵啲，佢嘅湯底，同埋腩汁，加自製醬都好正。算係值得推介！👍

經過見到呢間門外放著黑膠播舊歌嘅懷舊車仔麵店，覺得幾特別，就入去食個lunch。lunchtime比較多人，但店員都好快手，都幾快有位了。值得一讚嘅係店員服務好好，雖然係大排擋感覺，但客人落單後再有要求都會處理好！【大大隻雞脾飯】除左車仔麵外，呢到都有飯，而且都有水準！🐔蒜油生炸鷄髀飯$57- 完全無expect過咁大隻雞脾，外皮炸到好鬆脆再灑上蔥蒜等，好惹味，入面肉質juicy，最開心係仲有溫泉蛋🤭份量好足夠，滿足！【懷舊車仔麵】🌟五餸車仔麵$60- 車仔麵同樣係大大碗，麵幾入味，配料都有水準。咖哩魚蛋咖哩味濃之餘，好彈口；豬手紋到淋香入味，仲有好多筋，必食😋另外咖啡都好有大牌檔風味，滿滿咖啡香，而唔係沖粉出來嘅感覺。呢到真係有特式得來有水準，更加係旺區裡少有地平價野食🤩

今晚嚟到銅鑼灣，朋友帶我嚟食車仔麵門面已經充滿懷舊氣息水泥通心磚牆配白牆及細格仔磚店內的音樂都係由門口呢部黑膠唱片機播出仲有張周慧敏poster 而旁邊放滿綠色的餸菜牌子簡單裝飾卻如此用心店內仲有一系列的古董放係架上牆身就有以前公屋常見的標語另一邊牆放滿唱片封套車仔麵揀餸都有唔少款式除咗麵都仲有幾款飯供應賣相非常靚仔豬皮係最好味，爽滑細膩而本身調味不錯沙嗲魚旦大粒夠彈牙五香牛腩味道濃郁夠入味，肉質飽滿滑潤油麵爽口，湯頭沙嗲味香加埋蔥花好惹味另外必試菜圃香辣而清爽追加鮑汁雞腳雞腳柔軟細嫩而滑溜，味道濃郁利口蔥油生炸雞髀飯，賣相相當利害生炸髀好大隻，外皮炸得香酥焦脆，內裡綿滑多汁仲有切對半熟蛋，配埋豉汁蔥花白飯真是一絕整體食物水準高，車仔麵係以前細個食嘅味道店內環境懷舊而玩味十足店舖較細，記得預返時段嚟就唔洗排隊好值得再來～