麵軒 (已結業)

今日同老公到沙田行街街, 到咁上下想食湯麵, 所以就去左食麵軒有餐係$56包前菜或餐湯+ 主菜+ $20飲品一杯, 不過是日前菜係牛展, 餐湯係南瓜湯唔arm口味, 所以冇叫餐, 散叫:我叫左芬香排骨配肉燥飯($32), 老公叫左芬香排骨湯麵(30), 另叫炸菜肉雲吞($18) 另蘆薈西柚紅茶($20)芬香排骨配肉燥飯- 肉燥好少, 而且個飯口感不好, 有點太濕, 但個飯有時又好難咬開咁. 芬香排骨配飯有點不夾味, 老公叫個湯麵反而好食好多炸菜肉雲吞- 新鮮炸出來熱辣辣, 其實味道好一般, 不過點了汁醬會好味少少, 嫌個炸皮比較厚身, 咬開晒D皮先食個菜肉蘆薈西柚紅茶- 幾好味, 如果再多少少西柚味會更好, 蘆薈都幾多粒, 幾好咬, 味道不錯服務一般, 不過地方好迫, 自問不算肥人, 但覺得好迫好難坐得舒服, 埋單$110連加一, 都值得比個笑面既.

周末係新城市度行，簡直係人山人海。非常唔慣。呢度普遍的餐廳下午茶餐做到5點半, 但係呢度就做到六點，唔怪之咁多人。我地點了豬軟骨麵同南瓜雞絲新竹米粉。飲品可以選$20以內的飲品。咁豐富都係$28.豬軟骨辣辣地，好開胃，麵條亦好彈牙，好好味。南瓜雞絲新竹米粉都好好味，尤其係米粉，好幼身，好滑。以咁相宜的價錢，有咁既食品，真唔錯。

o係新城市行左好多個圈，最後o黎左呢間食午餐。因為見到午市，學生八五折優惠。諗住叫樣最普通ge，實無死啦。點知，令我十分十分失望。個麵其實過得去。但係菜肉雲吞，實在唔合格。無菜ge香味，無肉ge香呆。總括而言，無香味。套餐跟的金桔檸檬，實在普普通通。比散叫貴$10，實在唔係太抵。最基本ge，都做得唔好。好難吸引我再來試其他東西。環境方面。台與台之間實在太窄。午市時間，人開始多，就十分嘈吵。實在沒有一間餐廳應有的氣氛，感覺比快餐店更吵。價錢方面，這樣的菜肉雲吞，實在太貴了。還要加一。幸好學生有八五折吧。下次我會試另一間。

兩小時多的食飯時間,不知如何打發是好,唯有去新城市。對自己而言,新城市並無吸引之處,可能因為行得太多,但入面的食肆,只食過幾間。找間食肆食餐飯,是困難的事,除了快餐便想不起較便宜的食肆,就求其入一間。環境方面,初時人不多,越來越多人來,以致頗為嘈雜。點了西班牙海鮮蓄茄湯麵+茉香珍珠。先來茉香珍珠,味不算濃但頗香,珍珠煙韌彈牙,嫌份量不多。之後來西班牙海鮮麵蓄茄湯,選了粗麵,麵不算腍,也不至爽口、煙韌。蓄茄湯味濃,酸酸的頗醒胃。海鮮有蜆肉、青口、蝦、魷魚,四種之中唯觸蝦唔得,雪味頗重,其餘的都吸收了蓄茄湯的味。而蓄茄也頗多汁,不俗。最後差不多將蓄茄湯喝光。服務也不錯,侍應好禮貌。埋單$51,雖然價錢是預期之內,但仍覺得貴。

話說某星期日去同女友食野, 一個叫午餐, 一個散叫, 叫果時佢以為我兩個都係叫午餐, 當時已經同佢講明一個散叫, 當然亦都只係叫左一杯餐飲好啦, 到食完埋單, 佢收左我錢之後等左十五分鐘都唔找比我, 當時收銀絕對唔係忙law, 罷明唔記得找, 仲等我差d 想走, 但係女友諗諗下張單個價錢好似唔岩, 最後同個待應講話佢未找錢, 好啦到找錢既時候果然個價錢唔岩(以為我叫兩個餐), 我同佢講要拎單睇下, 拎到黎當然就係唔岩啦, 個待應一粒聲都唔出咁走返去個counter 度, 之後又好似無人理我地咁, 又等左5分鐘多d , 終於比返收多左果d 錢黎, 但係全程一句唔好意思, 道歉既說話都無, 足足浪費左我成二十分鐘. 一定無下次

5月11日晚在未開戲前,友人選了這裏dinner因無嘜人,前後腳叫?：１）御品牛肉麵﹣聽說（因來到時,友人已食完,連碗都收埋,無得睇）好唔錯,牛肉質素掂,只是得幾片太小了﹣友人選了幼麵,說有咬口,稱這碗麵不失為menu推介之１２）豬軟骨麵﹣據說又是menu推介之１﹣聽友人建議也是叫了幼麵﹣上檯時湯底呈小橙紅色,以為好辣,幸而小辣而已,反可令麵更惹味﹣豬軟骨d肉好腍,細骨可食埋,帶小小咬口﹣略嫌細碗?d﹣若不是好剛時間（與友人前後腳來,先埋單,前後腳走,最後在戲院等）,便可以慢慢品嚐

６點搭車到沙田，想試試這間雞絲麵好食，南瓜湯好味不過３７元一碗麵太貴，無下次!

我同buddy gathering, 帶o左佢o黎依間野try try, 一行四人都好滿足lei.食o左肉燥飯, d餸好好味, 飯就差dd la,因為佢唔夠肉燥, d飯有dd硬.四個餸都好好味ar. 依次如下:甜酸魚塊, 外面微脆, 肉質好嫩, 甜酸汁都好唔錯.椒鹽酥雞, 有一向的水準, 外面有d米通質地的口感, 個汁都好好,少甜, 但係就係冇椒鹽lor, haha香脆雞扒, 好脆, 一d都唔乾豬軟骨, 佢係辣ge, 但係d軟骨唔夠軟lor, 但佢個汁好多, 可以用o黎送飯.正!!!!

個湯底好好味..唔係太酸..我次次食都差唔多飲晒d豬軟骨好淋..好正..d面(我次次都order粗面)..好有咬口仲有蔬菜..好健康講起又想去不過service仲未算最好..waitress多d笑容就好了

Tea time, 一行2人,order 咗:番茄豬骨湯麵--湯底好有番茄味,素菜又夠,豬軟骨好淋.南瓜雞絲湯麵--湯底南瓜味唔夠,但好好味,素菜又夠, 雞絲都夠味.芋絲春卷--雖然的骰,但好食到無倫*********番茄碎疍沙律pizza--用厚多士做pizza底,味道OK.金桔青檸少甜--但都甜咗少少.Italian Coffee--佢哋 D coffee 間間都咁差,E間重離譜,咸味都齊.***唔覺D湯喺味精嘢***total $100

終於我都try 哂佢所有健康麵la, 一至都唔願try依個蕃茄豬軟骨湯麵, 哈哈! 其實係正o野o黎ga bor.蕃茄湯dd酸, 味道適中, ok有蕃茄味, 比綠茶味好多la.好多件豬軟骨, 好好味, d肉質淋, 軟骨都有咬口, 好多時有d舖係咬唔到ga, 依個真係軟ge.有蕃茄同翠玉瓜各3件, 真係好健康wor.不過service真係bad, 有個女侍應係十問九唔應ga lor, 重要眼超超, 好bad ar!!!!!!!P.S.學生有85折, 記住出示學生証la

係沙田大會堂看完話劇後都成十點半，行左好一陣子搵野食，先向角落見到呢間野，俾佢個木筒飯吸引住，加上佢收十一點半，所以好快決定入去。入面環境ok，靜靜地(可能夜啦，得幾台人)。當然叫左木筒飯啦，係香蒜飯配焗豬扒，飲綠茶。再叫了個雞絲粉皮，加左$10要個芒果cheese cake。好快就有野吃了~~先來前菜雞絲粉皮~~雞絲好多、好夠味，個sauce辣辣地，正。個飯好香，個sauce酸酸地好開胃，加埋焗豬扒伴西蘭花，好多芝士係面，好幸福啊。但豬扒稍嫌不夠juicy及鬆軟。份量呢，一個女仔應該食唔sai，男士就剛好飽飽吧。杯野飲正常味，無乜特別。件cake就細size，italian tomato d cake size一半，有少少jam sauce伴碟，靚靚地，味道ok。埋單$97，二人share每人$50，reasonable。憑收據仲有機會抽中Nana2戲飛兩張，雖然抽中機會可能好少，但令人期待。staff幾好禮貌，頗親切ga。

我好鍾意依間店的創作健康麵, 今次巳經唔係第一次食豆漿豚肉湯麵, 依然覺得好美味.先說湯底, 有淡淡的豆漿味, 正!!!同埋佢係鹹ga, 所以唔會怪, 但有豆味.佢真係好健康ga, 有好多蕃茄同西蘭花, 完全適合我lor.豚肉都有好多塊wor, 厚厚的, 但完全唔"鞋", 肥瘦適中.最後tips, 一定要食粗麵, 好過幼好多ga. 會令成個麵,加分

下午茶時間, 惠顧任何小食加$10可跟指定飲品.到呢度, 當然要食地道啦.吐司+珍珠奶茶!珍珠奶茶唔錯, 味道好,但細杯d wo...吐司唔係厚多士...好似有d 偷工減料咁wo! 同埋d 椰香味唔夠重.

11月24日來晚餐,叫1個豆漿豚肉湯麵套餐加1個西班牙番茄海鮮湯麵。-套餐的頭盤是炸餃,一般-豆漿豚肉湯麵:湯底有小小豆味,清甜,麵質不是圓幼身,小粗,幾好質感因不腍身-餐飲:熱珍珠奶茶-西班牙番茄海鮮湯麵:一般套餐加$10,換了個石板街蛋糕:以這個價錢,質素算不俗