麵館皇

营业中

休息中

喺銅鑼灣讀書嗰陣已經成日食，藥膳湯配上海拉麵冇得輸！藥膳湯+雞+拉麵啲雞勁滑，雞油浸落湯到，令到湯好香。加上佢係藥膳湯，好香藥材味，帶少少鹹。拉麵啱啱好，唔會好淋，又唔會硬到食粉麵。食完飲埋碗湯勁正！酸辣湯+水餃+刀削麵酸辣湯好杰，配料當中豆片勁淋索晒湯汁。水餃好大粒，餡又多。刀削麵好粗身，一啖一條都幾過癮。小食-炸雞翼呢個係必嗌，啲雞翼即叫即炸，上枱嘅時候都仲係炸炸聲。咬開好juicy，鎖到肉汁。唔洗點汁都有雞味。小食-炸迷你雲吞一碟有10粒，好細粒，但原來入面個餡仔好夠味，唔係淨係食到炸皮。

銅鑼灣登龍街32號地舖 坐港鐵銅鑼灣B2出口 行五分鐘 店舖乾淨有足夠空間，店員有禮貌，介紹食物時，微笑回應👍 一定要食宮廷煎鮮肉菜雲吞加雞蛋😋 宮廷煎鮮肉菜雲吞加雞蛋第一次食煎雲吞加雞蛋😁買相好可愛，雲吞裏面足夠材料，煎得唔錯。家鄉祖傳豬軟骨刀削麵(藥膳)一碗熱辣辣手工刀削麵送到面前，刀削麵咬入口煙韌有彈性 配藥膳湯底。 另外，送上家鄉祖傳豬軟骨有厚感，味道濃鬱，咬入口好柔軟，連骨都食埋入肚😋 四大名醋之鎮江骨拉麵，藤椒麻醬(拌麵)一碗鋪滿青瓜絲拉麵加上藤椒麻醬，有麻醬香味撈麵咬入口有彈性，入口好煙韌，好滑溜😋 另上， 賣相靚的鎮江骨，厚度合適放入口有豐富口感，帶着清酸甜不錯。 香滑奶茶，充滿茶味，鍾意飲香濃茶味的人就好合適飲呢一款奶茶😋

麵館皇未有英文名Noodleholic嘅時候我已經成日幫襯，我相信佢係登龍街入面最抵食嘅餐廳👍🏻最鍾意麵館皇嘅一點係用熱鍋上菜，就算食到最後湯底都仲係熱辣辣。刀削麵粗幼不一，證明真係自家製，口感依然咁煙韌彈牙。至於湯底充滿濃郁藥膳味道，非常暖胃滋補。朋友叫咗口水雞，口水雞係麵館皇嘅招牌菜，雞件上面鋪滿唔同配料包括花椒辣椒同蒜，口水汁非常惹味，雞件都幾嫩滑。牛頸脊肉味非常香濃，差唔多有四至五件，非常好味。另外我仲加咗藥膳糖心蛋，好食到令人上癮😍自從去咗澳門工作之後已經好耐冇食麵館皇，半年之後食物質素依然保持水準，價錢都係咁平🤣

麵館皇銅鑼灣登龍街32號地舖見藥膳湯底比較多人食另外見餐牌上面有太子湯底揀辣度都係自己揀 QR code落單 有特別要求可以喺備注寫低秘製麻辣口水雞配砂鍋藥膳刀削麵銅記一條搵食街 砂鍋熱辣辣呈上🔥冒煙 滋滋聲 小心熱度惹味口水汁 佢俾咗雞髀我 肥美雞肉滑捋捋由花椒、辣椒、蒜和其他香料組成 真係流口水流汗 真心辣藥膳湯 滋補 多種藥材和中藥熬煮而成 記得飲左湯先！！先飲後食口水雞 免得口水汁蓋過了藥膳湯既味道太子雞翼3隻 $26太子呢個名應該係麵館皇自己創係幾脆 不過會比較油 唔好一次食太多

今天我和朋友去了銅鑼灣行街, 行行下肚餓想吃晚餐, 剛好見到有間刀削麵幾特別, 便決定進去吃晚餐.成年人不作選擇刀削麵 ($80):有很多料, 包括: 香滑落湯雞, 特級手切牛頸脊,葵花獅子頭原本這個餐是跟家鄉祖傳豬軟骨,但因為今天豬軟骨賣哂了, 所以餐廳改為提供葵花獅子頭.雞件都幾滑, 幾鮮味, 不錯, 而且雞的份量都多, 都好食.另外牛頸脊都幾重牛味, 又唔會韌, 幾好食.獅子頭我比較少食, 但又幾特別, 係幾香的豬肉丸尼, 幾正, 又香口, 幾好食.蒸鮮肉大白菜及小棠菜雲吞 ($12):雲吞大大粒好滑, 又好鮮味, 好好食, 好多汁.秘製麻辣口水雞 (半隻) $98:麻辣真係好惹味, 好香口, 非常正.雞的份量都算多, 幾香滑, 又不會韌, 好好食.埋單都只是$199, 兩個人食都好抵食, 性價比高.

去維園睇花卉展，朋友說去食一間歷史悠久的刀削麵。店舖門面簡單，一個大大隻「麵」字。原來麵店創於1994年，是香港第一家引進刀削麵的餐廳，現在已經是第二代經營。最出名係口水雞，花雕醉雞。還有雲吞、水餃🥟。也有不同的小食。花雕醉雞，刀削麵，藥膳湯底 $68。醉雞剛剛好是雞髀位置，雞肉滑嫩，花雕酒味濃郁，的而且確值得推介。刀削麵用砂鍋上枱，熱辣辣，份量很多，湯有輕微的藥膳味道，刀削麵粗幼長短不一，口感層次豐足。秘製麻辣口水雞，刀削麵藥膳湯（小辣） $68口水雞剛剛是雞胸位置，雖然是小辣， 但辣味香口突出，雞胸肉沒有肥膏，質感比較硬。太子雞翼5隻 $36雞翼大大隻，炸得非常香脆。價錢不貴，份量頗多。埋單$172， 銅鑼灣這個商家必爭之地，這個價錢，這個份量，這個質素，真心值得推薦。非常支持小店，加上是第二代，並不是連鎖店，希望能夠繼續保持下去。

晚市時間，去咗銅鑼灣嘅「麵館皇」想快快食個食便餐飯，點知有驚喜！ 麵館皇始於1994年，係香港第一家引進刀削麵既餐廳刀削麵係中國麵食文化中既一個重要代表，製作過程須以精湛手法，將麵片一刀刀地削下，形成獨特既形狀同口感怪唔得咁多人都會叫刀削麵不過我今次想食D 重味既食物😆太子抄手係佢哋嘅招牌菜之一，抄手包得精緻細膩，每一個都均勻鮮亮咬開一口，餡料鮮美多汁，完全捕捉到鮮蝦嘅鮮味同豬肉嘅香濃配合佢哋自家製嘅特製醬汁 無得彈除咗太子抄手，我亦試咗佢哋嘅秘製麻辣口水雞雞肉鮮嫩多汁，配上佢哋麻辣醬汁，辣味刺激但又不失平衡每一口都帶嚟一種辣辣嘅快感如果你鍾意辣嘢，呢個係一定要試嘅菜式最後，叫左個凍豆漿清涼又美味仲可以解辣，perfect!

成年人不作選擇，即係話包含咗所有嘅餡料，唔需要選擇！分別有雞、牛肉同埋豬軟骨份量都好大份，啲雞都幾香滑，而且啲牛肉幾有牛尾米粉有咬口用一個熱鍋上特別有風味黃金豆沙鍋餅 呢個甜品已經好耐冇食過脆卜卜嘅餅 入邊包含咗有少少甜味嘅紅豆外脆內軟宮廷韭菜雲吞 呢個一定要食，都係用熱鍋上嘅熱辣辣嘅鐵鍋上面有五大隻雲吞隻隻都外脆內入邊啲韭菜豬肉好有味道 仲好有汁太子雞翼 炸得好脆都係好有汁好有味道好有炸雞翼嘅感覺店舖唔算好大，但係都有足夠嘅座位

《花雕醉雞藥膳刀削麵》（$68）湯底有淡淡的藥材味，而且用了砂鍋/石鍋，保持湯麵的熱度，喝了很暖身，很適合冬天。刀削麵大小不一，看得出是自家製，彈牙有嚼勁，花雕醉雞吃起來有淡淡的酒味，雞肉嫩滑，與湯麵很搭。《麻辣口水雞藥膳米粉》（$68）麻辣汁很香，里面除了辣椒粒，還有花生粒，令醬汁更有層次和口感，配上嫩滑雞肉，惹味開胃，重口味的朋友，可以將麵條沾麻辣汁吃，非常下麵（飯）。《藥膳糖心蛋》（跟餐+$12）蛋黃呈半熟狀態，有流心效果。《太子雞翼》（$26）雞翼炸得酥脆，外皮香脆，內裡肉質鮮嫩多汁。《凍豆漿》（$9）

一直都好鍾意食刀削麵，但係喺香港好難搵到正宗嘅，但係又唔可以成日返大陸食，朋友介紹咗呢間喺銅鑼灣既刀削麵。佢話呢度好正宗，一開始都諗緊喺銅鑼灣會唔會好貴呢，但係睇咗價錢原來又好抵食喎，咁就一於嚟試吓啦。一去到入面勁多人，但係等咗一陣咪就入得啦。入面雖然唔係好大，但係啲位都唔算迫，坐得幾舒服。我同朋友叫咗個口水雞同埋一個肥牛刀削麵，口水雞一上枱已經見到好似好辣咁，但係食落又唔會好辣，不過真係好香。佢嘅雞肉非常嫩滑，食落係好重雞味，而且又香又滑，真係好出色。最重要最抵讚嘅就係呢個肥牛刀削麵，佢嘅刀削麵應該係自己親手整，食落個口感同埋味道都非常好。而且啲肥牛又係啱啱好，好重牛味，絕對唔係啲雪藏肥牛。呢間麵店又正宗又抵食，唔怪得成日都爆曬客啦。下次就算唔係出開銅鑼灣都會再嚟食呀。

天氣涼涼地想去食有熱辣辣湯底嘅麵，最好仲係藥膳湯底，我就諗起位於登龍街嘅麵館皇。呢間都幾受歡迎，所以好多時都會等位，特別係天氣凍嘅時候。雖然食飯時間特別繁忙，但係店內嘅後生男職員keep住好好禮貌同有耐性，值得一讚！主打招牌藥膳灌湯麵，自家製，堅持新鮮製造無添加，另有飯定食、餃子、小食等等，選擇多。《 四大名醋之鎮江骨 $68 》鎮江骨係點種？必點嘅菜式，果然係唔錯，好入味啲肉亦都夠腍。《 白灼時菜 +$20 》《另再追加蒸大白菜(2粒) +$12》餡料飽滿，皮唔厚。《 花雕醉雞 $68 》係雞肶位，十分香嫩，酒味香濃，配拉麵。如果想飽肚啲嘅話可以叫刀削麵，一樣有彈牙口感。《 蒸鮮肉北京水餃兩粒 +$12 》凍檸茶$9可樂$8

放咗工因為今晚自己一個食為咗可以快啲返屋企休息下打算搵d快、靚、正餐廳路過登龍街見到呢間小店經營嘅就決定試吓佢其實都好多人幫襯又有好多人叫外賣好彩我都算早黎唔洗等位😃花雕醉雞比左雞脾我——正🤭肉質好滑有幾舊青瓜墊底Ordered自家製米粉都幾好食個湯係藥膳湯黎配有蔥同粟米感覺好健康好養生😙涼拌青瓜（+$12)好惹味青瓜好爽脆👍餐廳仲有提供其他set餐感覺都幾多野揀糖醋魚、名醋鎮江骨、獅子頭呢啲通常係大飯店先有唔係咁容易係小店搵到唔錯唔錯😚餐廳標榜無添加、自家製、用新鮮食材製作重視健康養生的朋友的選擇😄米粉係幾好食😋絕對唔係茶餐廳提供的質素飲品就只有幾款：豆漿、汽水、檸檬茶。。。總括餐廳上餐快侍應服務態度好

尼間刀削麵真係平靚正今日凍冰冰最岩食熱辣辣既都刀削麵叫左個口水雞藥膳刀削麵套餐沙鍋上麵，真係好正，藥膳味道岩岩好，吾會太濃又吾會太淡（略嫌麵教硬）口水雞大大件，口水汁酸酸辣辣好開胃配埋杯熱奶茶 大滿足

【銅鑼灣。足料藥膳刀削麵】 #香滑落湯雞。香滑落湯雞拉麵 $65手切牛頸脊刀削麵 $75凍奶茶 $9Zero $8一間幾有口碑嘅麵館，每款都可以有好多麵嘅類型揀。香滑落湯雞拉麵有好濃郁嘅雞肉味道，雞肉份量多仲幾嫰，湯底清澈，仲帶有藥膳香氣，一飲就停唔住。拉麵口感非常抵讚手切牛頸脊刀削麵啦特別之處係佢用咗新鮮嘅牛頸脊肉，然後配上手工切削成闊而薄嘅麵條，有啲筋道嘅口感。牛肉嘅味道好鮮美，不過可能要快啲食，放耐啲會愈嚟愈熟。

「麵館皇」已屹立香港30年，現時已經由第二代經營，主打藥膳湯底刀削麵，並提供十多款主食配搭，有口水雞、醉雞、落湯雞、豬軟骨、鎮江骨、牛頸脊、獅子頭、雞扒、麻辣豬肚豬耳等等，藥膳湯底入口齒頰留香，養生又美味😋咖喱雞扒刀削麵刀削麵口感較為煙靭，不規則嘅麵條較有嚼勁，以砂鍋原煲上，上枱時仲係熱氣騰騰，天氣凍凍地飲返啖藥膳湯非常暖胃，香脆金黃嘅雞扒配上咖喱汁，入口椰味香濃，底下加入生菜更為健康嘅配搭👍🏻鮮肉水餃拼粟米雲吞轉酸辣湯底水餃同雲吞粒粒都非常飽滿，餡料十足充滿肉汁，鮮肉水餃入口滿滿嘅豬肉餡料，鮮味可口，粟米雲吞皮夠薄，裡面包滿豬肉同粟粒，味道清爽而不膩，酸辣湯材料豐富，有大量豬紅、木耳同腐竹，酸酸辣辣零舍開胃醒神👍🏻蔥油餅加蛋蔥油餅酥脆鬆化，油酥嘅餅皮加入香蔥粒，特別香口，加上雞蛋一齊煎香令蔥油餅增添一份蛋香嘅味道，配上咖喱汁更加好食😋香酥炸小雲吞脆卜卜嘅小雲吞一啖一粒，每粒入面都包有豬肉餡，放入湯再浸一浸黎食，別有一番風味📍麵館皇 (銅鑼灣)銅鑼灣登龍街32號地舖人均消費：$100食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️