麵麵 (已結業)

首先坐低就會有杯魚湯仔試下味😋清清地好鮮魚湯味.安格斯牛肉漬定食 $148魚湯配飯一樣咁好食，再一啖食埋牛肉同洋蔥，好滿足🥰仲有沙律同蜜瓜佢.咖哩吉列豬扒伴魚烏冬 $82魚烏冬果然好特別，好鮮魚味又特別既口感，咖哩都唔會蓋過佢鮮味，吉列豬扒皮又薄又脆，係好高汁既豬扒.熱情果香橙沙冰 +$22酸酸甜甜好爽，原來熱情果同橙都幾夾.泡沫桂花奶茶 +$12淡淡桂花味，唔記得咗嗌少甜以為會好甜，點知甜度好低啱哂我😍

餐廳預先安排兩杯魚湯比客人飲，魚味濃郁香甜，冇腥味！秘製雞扒濃魚湯魚烏冬，雞扒份量好多，外皮炸得脆脆，雞肉滑嫩有肉汁！魚烏冬彈牙，有啲鮮魚味。麵麵圍城，有九道唔同嘅小菜！醉蝦，走味濃郁，蝦肉吸晒酒味再加爽脆感覺！明太子雞翼，雞翼多汁，入面釀咗好多明太子。金菇配柚子汁，第一次試，原來柚子味同金菇都好夾，酸酸甜甜好開胃！蛋角，味道濃郁又多汁，配埋明太子醬，正！呢度麵款配左魚麵，魚麵比魚烏冬幼身，更加彈牙，而魚鮮味又更加濃郁，我自己比較鍾意食魚麵！魚麵配芝麻醬或者魚湯都好好味！小食叫咗炸魚皮，份量都多，鍾意佢夠趣口，可以做餐前餐後小食都得！芝士炸脆雞，雞肉嫩滑，外皮都炸得鬆脆，芝士醬味道濃郁！飲品方面，叫咗薄荷朱古力咖啡，三樣味道齊晒，好冰涼！而令一款叫咗桂花薏米茶，有蠟燭煲住茶壺，可以暖暖地咁飲，好舒服，呢款味道比較清淡，我自己加啲薏米落茶到一齊飲，唔鍾意甜野嘅朋友啱晒！

已經嚟過呢間係旺角主打魚麵嘅餐廳好多次啦！好鍾意呢度嘅魚麵條，可以用另類嘅方法無骨又無腥味咁食魚🐟每次嚟到呢度都有一種高檔粉面店嘅感覺，而且食物質素都真係相當唔錯！特別係呢度嘅小食，好特別！見到𝕞𝕖𝕟𝕦有魚皮𝕟𝕒𝕔𝕙𝕠𝕤、芝士墨魚波等等。一定會再嚟試！.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.8/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7.5/10服務 𝐬𝐞𝐫𝐯𝐢𝐜𝐞 8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞𝐯𝐢𝐬𝐢𝐭 8/10🌟 健康粉面之選 • 推薦拌魚烏冬• 可以𝕓𝕠𝕠𝕜位✨.《魚麵/魚烏冬》魚麵用就達70%魚肉去做，口感非常之爽口彈牙；而魚烏冬就有50%魚肉去做，食起上嚟口感比較煙韌～我每次黎都會叫烏冬，因為我自己本身鍾意食粗少少嘅麵條～但同行嘅媽咪就比較鍾意食魚麵，比較起上覺得爽口彈牙啲，兩個都好食！.《極上蟹匠拌魚烏冬》$138🌟7.8/10🌟對上幾次嚟都係食明太子半魚烏冬(超好食😻)，今次決定試吓新野，都一樣咁有驚喜！蟹膏、蟹肉、蟹籽所有嘢嘅份量都好足夠確保你每一啖都食到！而拌麵嘅日式和風醬汁亦都好開胃，好容易一啖有一啖

心血來潮上網尋找那裡有好味的麵去品嚐，發現旺角彌敦道有一間水準很好的「麵麵」，無論食材的質素及廚師用心烹調的功夫，令人刮目相看，我對那家麵麵留下深刻印象，所以前來光顧。位於旺角區，地理位置方便，有一份雅緻休閒，周末假日這裡十分墟冚，很多顧客前來捧埸，所以我和好友平日過來覓食。高樓底令整間店很寛敞，用餐的空間感更舒適，店內佈置優雅，人多也不感覺侷促，舒適很寫意，乾淨整潔，氣氛輕鬆。餐單分門別類，所有的食物能夠一目了然，即時要寫單了，食物質素很好，上菜速度頗快，享受麵的滿足滋味。咖喱吉列豬扒拌魚烏冬豬扒厚身，炸得很香脆，咖喱上面有雪白的忌廉，忌廉味不錯，配上烏冬，烏冬鮮味撲出來，沒有雪味，彈牙爽口，肉質很爽滑，讓人回味無窮。跟餐叫蜂蜜柚子茶熱蜂蜜柚子茶味道清香，吃得有點飽滯，最想喝熱柚子茶，中和之前的濃味食物，非常止渴，讓人回味。極上蟹匠拌魚烏冬極上蟹匠拌魚烏冬入面有蟹膏，蟹子，蟹肉，海苔粉及和風汁，蟹膏，蟹子及蟹肉味道很好，新鮮滑溜，令人品嘗到鮮味，加入海苔粉及和風汁，提升了味道很清新，令口感昇華，特別美味，我們都很鐘意。跟餐叫凍檸檬茶淡淡的凍檸檬茶，喝後喉嚨感到一陣舒適，帶出絲絲味道在

見到ig 好多foodie 推介最後唔啱自己口味嘅餐廳🤣間餐廳標榜食魚嘅 仲有全港首創嘅魚麵聽完好吸引就衝左去食🤤招牌嘅魚烏冬用左50%魚肉打成 真材實料質感好似魚蛋甘（只係變咗麵嘅形狀）所以成餐就好似食咗好多高級魚蛋咁雖然依家唔係我個人麻麻地，但佢價錢唔算好貴，大大份，又夠晒創意，大家鍾意嘅話都不妨可以試吓嘅👍

同男人係旺角行街，記起朋友介紹附近有間出名魚麵，就幫襯下啦～餐牌種類比較多，麵有三款：稻庭烏冬、魚烏冬、魚麵。湯底有兩款：麻辣魚湯同花膠魚湯。🐟魚之戀濃魚湯魚麵（魚麵用了70%魚肉）配料有魚蛋、魚皮鮫、魚片頭等等，全部食材採用魚，無魚骨。湯底好香 清甜濃郁，有花膠嘅味道，十分滋潤。至於魚麵，無魚骨無腥味，仲好彈牙，麵浸在魚湯更細滑，係食過最好食嘅魚麵！讚！🐷日式豬扒濃魚湯魚烏冬(魚烏冬用了50%魚肉）即炸豬扒，外層鬆脆，肉質唔乾身，配上沙律醬，美味！魚烏冬比魚麵較粗身，更煙靭，口感出眾。Fish Nachos on the boat魚皮上鋪了一層醬汁（芝士肉醬、牛油果蓉）第一次食呢個新配搭，幾特別，口感豐富。🐥避風塘雞翼沙律即炸嘅雞翼加上主要靈魂炸蒜，幾好食。整體唔錯👍👍👍

一直想試吓呢間魚製作嘅麵同烏冬，在旺角地帶，呢日去開花園街為我嘅主人（貓咪🐱）入貨，就一定要上去會下佢啊☺️係1樓位置，上到去見到裝修都精緻，燈光充足👍一坐下來待應便給了2小杯魚湯試飲，又幾好味啊😋。於是友人叫了安格斯魚麵加溫泉蛋，配搭咖啡，牛肉肉質嫩滑，花膠湯跟魚麵分開上，友人說正👍。我就叫了麵麵圍城，有9樣配料，有魚湯加魚麵，同樣加配了溫泉蛋，配鮮奶咖啡，9樣配料精緻好味而且過引，啱晒我呢d樣樣想食少少嘅人🤭。魚湯清甜，魚麵食左唔會肥，故我會經過嗰頭就會再食下其他菜式的了😋👍

身邊有唔少媽媽朋友， 食過旺角既麵麵都向我大力推介，因為餐廳主打魚麵，用上 7成魚肉製成，非常健康，小朋友都啱食。😍❤️ 週末前來，餐廳內環境悠閒，第一印象已經很不錯。囡囡點咗叉燒豚肉魚烏冬，加10蚊有糖心蛋，飲洋甘菊茶。叉燒豚肉好似平時拉麵店嘅叉燒，但我覺得味道比平時吃到的仲更加好，因為豚肉係半肥瘦，唔會太乾。魚烏都好彈牙煙韌，湯底有好濃嘅豚肉味。洋甘菊茶以漂亮嘅茶壺上檯，頓時有一種relax嘅氣氛💕✨ 我自己就食麵麵圍城，九宮格有好多唔同款嘅小食，例如麻醬秋葵，明太子雞翼等，啱曬貪心，鍾意試唔同味道嘅我。我就飲桂花薏米茶，好養生，因薏米有美白去濕嘅功效。

之前曾於大廈頂層的西餐廳和朋友慶生，印象中該大廈還有很多不同款式的餐廳，這次就揀選了1樓的「麵麵」😆𨋢門一打開，便有一塊佈滿花草裝飾的招牌呈現眼前，餐廳中間的卡座頂更掛滿燈飾，吸引女士們打卡🥰入座後，店員不是奉上一般的茶或水作招待，而是奉上一小杯餐廳主打的「花膠濃魚湯」供客人初嚐，此舉頗特別，而味道真的很香濃，魚湯亦很甜👍🏻安格斯牛肉漬定食定食便當已包含餐廳主打的「花膠濃魚湯」及「魚烏冬」，所以我當然揀選這款😆定食便當很有日式感覺，前菜有椰菜絲及秋葵沙律，配以哈蜜瓜及醃漬蕃茄，感覺清新開胃，另外還有卜卜魚脆，炸得也熱辣香脆👍🏻魚烏冬口感煙韌有特色，安格斯牛肉片真的有很重的牛香，以靈芝菇和牛肉煮成的湯汁亦很惹味，配魚烏冬同吃一流👍🏻涼拌「麵麵」另一半最喜歡於炎夏食涼拌料理，所以他立馬就揀選了這道菜式！魚烏冬配以蛋絲、青瓜絲及火腿絲等，再混和胡麻醬同吃，雖然食材簡單，但配同特有的麵底 - 魚烏冬，口感獨特，味道不錯😋魚皮餃子配柚子汁這是魚皮餃和菜肉餃的crossover😆餃子皮口感與平常吃到的魚皮餃無異，而餡料則是一般的菜肉餃，配以酸酸甜甜的柚子汁，味道不錯，而且幾清新特別😋凍檸水及凍朱古

香港工作時間真係好長，返到黎成六點，懶得煮飯，近近地就去左呢間用魚做主題既餐廳。餐廳係呢棟美食大廈既一樓，行樓梯可到。門面相當有特色，係清新時尚既風格。疫情期間仲有信封比你放口睪，好貼心。坐低左先送每人一小杯濃魚湯，係佢地既招牌，比你試一試味，又幾好喎。睇睇餐牌，晚市有套餐。我地唔諗咁多，就叫左兩set晚餐同一個小食。D杯碟都幾靚。西班牙煙燻黑毛豬魚湯料理。我地揀左魚烏冬，個烏冬咬落好煙韌，好似魚蛋果種質感，好特別！配上濃濃魚湯，好夾，加埋重口味少少既黑毛豬，吊到個鮮味出黎，不錯！極上蟹匠伴魚烏冬。大大舊蟹膏放係上面，撈勻佢黎食，每一啖都百感交雜，蟹既味道非常濃郁，配埋彈牙既魚烏冬，滿足感爆棚！魚皮餃子配柚子汁。有成五舊咁多，食落好似菜苗餃咁，不過個魚皮就煙韌D，唔錯。

一直好鍾意食魚麵，但製作應該好花功夫，所以係香港可以食到魚麵既地方已經買少見少。最近見到旺角有間專門食魚麵嘅餐廳好高人氣，所以一於試下！當日1點黎到，但已經滿晒人，門口仲有好多人等位，我地都等左一陣先有位。魚之戀濃魚湯魚麵 $72鍾意食魚既一定要點依個，全部餸都係魚既製品，有魚皮餃、魚蛋、魚片頭、魚腐、魚肉春卷、墨魚春卷，好豐富。而麵就揀左魚麵，魚肉比例有70%咁多，少啲澱粉質，食得飽肚又無咁易肥！魚麵質感好彈牙，有啲似變左條狀既魚蛋。湯底唔腥，好清甜！另外，魚辣醬用黎點啲餸都好正，有啲咸香味又有少少辣，好香！避風塘雞翼拌魚烏冬 $72魚鳥冬既魚肉比例得50%，但口感食落比較煙韌，醬汁用左芝麻醬，夏天食好開胃。雞翼有4隻咁多，同人share 食會好啲。漁人樂脆 $58平時炸薯條同蕃薯條就食得多，餐廳好特別咁將魚春卷同墨魚春卷切成薯條狀，魚肉春卷外皮香脆，好濃魚味，不過墨魚條炸得比較乾身，但蕃薯條幾好食，好甜，再點埋黑松露沙律醬好正。Fish Nachos on the boat $68一款好特別既fusion菜，將炸魚皮取代左墨西哥脆片，魚皮連埋芝士一齊焗，口感好豐富，魚皮香脆但又食到

呢度主打嘅係<魚麵、魚烏冬>😋 係位於旺角鬧市嘅健康之選！魚烏冬、魚麵比一般嘅烏冬同粉麵較低澱粉✌🏻而且口感好夾彈同煙韌😻❇️極上蟹匠拌魚烏冬 $138一上到枱已經見到一大舊蟹膏😋，魚烏冬裏面仲有好多蟹肉同蟹子，撈埋一齊食，口感好豐富😋蟹膏好香蟹味！❇️薄荷朱古力咖啡 (跟餐+ $13) 咖啡味比朱古力濃郁😋 亦帶有陣陣既薄荷味‼️不錯😋❇️四川麻辣燒牛肉拌魚烏冬 $92睇賣相已經好吸引喇！呢個麻辣屬於小辣😋有辣味，但就唔麻😋上面仲有好多牛肉添！側面既配菜都唔錯👏🏻👏🏻👏🏻芝蔴醬海苔好好食！而蕃薯仔味道好甜㗎！🍠❇️海鹽焦糖咖啡(跟餐+ $13) 咖啡味好濃郁☺️ 帶有一點點焦糖味😋❇️明太子雞翼 $45黎到既時候 熱到辣口😝 雞翼燒得好炸口！雞皮加分！ 雞翼裡面包住左滿滿既明太子😋 兩種食材好夾啊！

一直喜歡食魚麵，所以找一個悠閒的星期六下午，黎旺角呢間專門店，試下招牌手工魚麵，原來都幾多人等位。魚之戀濃魚湯魚麵魚湯比較淡，魚麵口感彈牙，若是濃郁湯底會較配合，內有魚皮餃、魚蛋、魚片頭、魚腐、魚肉春卷及墨魚春卷，再配合豆瓣醬，味道清淡中帶點香口。 漁人樂脆炸薯條、蕃薯條、魚肉春卷及墨魚春卷，份量多，價錢合理，非常脆口，魚肉春卷口感及味道較佳。炸魚皮配牛油果醬這碟小食賣相吸引，炸魚皮又薄又脆，配上芝士及牛油果醬，但有點偏咸。 整體食物質素尚可，冇預期中咁好食，跟餐加$13就有凍咖啡，的確便宜，但略嫌等位時間長，備餐時間太耐，等候共花上1小時。

今日屋企人唔煮飯,放工同朋友搵飯食,但又唔想咁貴,但又想坐得舒服D左搵右搵,係726一樓有間食麵都幾好,特別在食麵但環境幾靚幾舒服上到去發現原來主打係濃魚湯同魚烏冬,唔係好多地坊有,地方好整齊又乾淨小食係薯仔,蕃薯條,魚肉春卷,墨魚春卷,個醬係黑松露沙律醬,岩岩炸起,有少少油係面,熱辣辣我最鐘意係蕃薯條,甜甜地朋友最鐘意魚肉春卷好彈牙流心蛋+豆腐冷盤,簡簡單單幾好味朋友碗吉列豬扒咖喱烏冬吉列豬扒好脆咖喱好味充滿咖哩我呢個招牌魚主打濃魚湯底+魚皮菜肉餃+墨魚春卷+魚肉春卷+魚蛋+蝦魚湯底好鮮甜,墨魚春卷+魚肉春卷+魚蛋 好彈牙蝦 好爽仲有三款小,蘿白,小蕃薯,海帶跟餐+$5 柚子蜜

見朋友去麵麵食，食完個個都話好食，今晚我就去試下。一坐落，未點餐，已經奉上精緻兩杯仔花膠濃魚湯，魚湯係奶白色，味道鮮甜，好清，無乜油，又無魚腥味。安格斯牛肉漬定食配魚烏冬（$148）~呢個定食好豐富，我分為：前菜有秋葵椰菜配胡麻醬，好開胃，好fresh，最愛食秋葵；小食係卜卜魚脆，好脆口；湯就係花膠濃魚湯，飲大碗d係飲到有花膠味的；主菜當然係安格斯牛肉，牛肉薄切，配以洋蔥菇類炒，嫩夠牛味，洋蔥清甜易入口。配魚鳥冬食用，魚烏冬係有50%魚肉，比起平時食的烏冬，有咬口。最後我認定沙律上的哈蜜瓜係甜品，所以圓滿了這份定食。極上魚宴料理配魚麵（$95）~配餸有魚皮菜肉餃子，墨魚春卷，魚肉春卷，鮮蝦同魚蛋。魚皮菜肉餃子個皮好煙韌好好食，墨魚春卷都好彈牙，魚肉春卷夠脆口，鮮蝦爽口，魚蛋有魚味夠彈牙，每樣配材都好好味，至於個魚麵就係我最推介，魚麵有70%魚肉，麵條幼細，咬落去好爽口，好彈牙，配埋魚湯，真係無得頂👍跟餐飲品有凍檸檬茶走甜（$+3），同凍海鹽焦糖咖啡（$+13）都幾好飲。咁多朋友仔都黎麵麵食，都真係無介紹錯，下次可以試埋佢其他小食。