麺処一家 (已結業)

去開厚福街搵食，經過呢間麵處一家，見到有好一條人龍向門口排隊，唔算係太肚餓，所以就又跟住排隊試試。可能已經接近晚上9點，大約等左10分鐘左右就可以入座。向門口排隊時，見到店外貼左一d訪問，介紹店長如何努力堅持做正宗日式拉麵。所以我滿懷希望可以坐去吧枱望下店長如何用心製作。可惜我被安排到最旁邊既細枱，無緣睇到靚仔店長煮麵😭麵處一家只提供一款湯底配3款拉麵；分別係妹妹推介即慢煮豬肩肉；弟弟推介即火灸豬腩肉同店長推介，即2樣都有。我一向有選擇困難，所以我決定要店長推介，一次食晒2樣唔駛煩。豬肩肉質地好軟滑，豬腩肉亦夠彈牙。湯底有濃厚既豬骨魚介味道，一如其他日式拉麵店，呢款湯底會比較濃厚同偏鹹，配上軟硬適中既拉麵，我本人覺得好好味😋

📍 麺処一家尖沙咀又有另一樣可以吃的東西了在Hashtag B 旁邊的！餐廳只有三款拉麵可以選！但我發現通常這些店舖都是較好吃的只有對自己有信心選擇先會少三款拉麵的差別只在肉方面分別是慢煮豬肩肉、火炙豬腩肉、和雙拼圖一 料理長の選択（雙拼）+溏心蛋 $115+$10圖二 妹の選択（豬肩肉）$105湯底都是豬骨魚介湯湯底不會是死鹹👍🏼有日本正宗拉麵的感覺鹹淡適中喜歡食辣可以+$5 變辣湯或枱上亦有七味粉可加拉麵係幼拉麵來的 同一蘭差不多我既鍾意的 麵可以掛湯每碗麵也有新鮮洋蔥碎配搭🧅另湯底更昇華 📈而火炙豬腩肉 肥的比例較多但味道不錯 可以食到炙燒的味道如果唔鍾意食肥肉的朋友可以選擇豬肩肉豬肩肉只有瘦肉但卻做到瘦而不柴🫶🏻有黑椒醃料包圍着個人比較推薦豬肩肉⭐️溏心蛋也不錯 做到溏心味道也剛剛好 醬油融入了蛋中就係大家平時食到的味道餐牌性價比⭐️⭐️(2/5)環境⭐️⭐️⭐️⭐️(4/5)食物質素⭐️⭐️⭐️⭐️（4/5）總結：重口味人士可能覺得淡了一些但我覺得啱啱好 而且不會很油尖沙咀美食多了一個選擇價錢較貴 份量都唔係好多女仔啱啱好 男仔可能好快肚餓🤣是會再想吃的味道試一次都可以👍🏼

看過一個介紹老闆創業過程的YouTube，決心來小店一試，專誠6:00pm來到等小店開門，老闆當天不在，有兩位廚師和一位樓面。可能剛剛開店，我發覺廚師的一個口罩放在一些碗和餐具旁邊看來不太衛生。後來點了一碗妹妹推介一碗弟弟推介，麵和肉是好吃的，軟硬適中，但係湯底係非常濃味，到一個地步要用好鹹來形容。 很難會再返轉頭幫襯。

來到尖沙咀，順路探下好耐無見既老朋友麵處一家。午飯時間入到去發現得一枱，個心有啲驚嚇，即刻叫左碗濃厚豚骨魚介醬油拉麵，火炙豬腩肉加慢煮豬肩肉。碗麵來到，個湯感覺好薄，飲一口真係印證左，豚骨味欠奉，魚介失左蹤，醬油就只有咸味，真係失望。然後麵質味道普通，不過不失，配上咁淡身既湯，真係淨食麵仲好。由於湯底太弱，生洋蔥既辣味完全蓋過一切，而配菜方面，豬肩肉略柴口，外皮黑胡椒太強烈，食完豬肉個湯更顯得虛無，火炙豬腩肉太瘦，雖有香味但好乾身。唯一可取之處係糖沁蛋，淡淡醬油香且蛋黃流心，成碗麵最好食，不過要加10蚊先有。睇嚟今次要同老朋友絕交了，傷心難過。

約左朋友係尖沙咀行街 諗唔到食咩好就去左最多野食嘅厚福街睇睇 比舖頭門口餐牌嘅拉麵名吸引住我嘅目光🤣🤣呢間拉麵店只係得三款：妹妹推介（慢煮豬肩肉）、弟弟推介（火炙豬腩肉）同埋店長推介（火炙豬腩肉加慢煮豬肩肉）不過一啲都唔馬虎！而且好貼心 店員留意到我地冇紮辮就提供左橡筋比我地紮返條辮 唔洗怕食野頭髮跌落湯入面👧🏻🍜妹妹推介—慢煮豬肩肉 $105 +糖心蛋$10👦🏻🍜弟弟推介—火炙豬腩肉 $105 +糖心蛋$10湯底係好濃郁嘅豬骨魚介醬油湯 係果種擺得耐就會起一層皮嘅油底 唔會太咸亦唔會太淡拉麵軟硬度適中 不過可能我可能有啲大食 覺得麵嘅份量再多返少少會好啲！🥚糖心蛋係原隻嘅糖心蛋 蛋黃好流心 而且真係有少少甜甜地～唯一唔同嘅就係肉果方面慢煮豬肩肉煮好淋但keep到都嫩 冇牙都食得到🤣🤣而且佢邊邊有啲黑椒 少少辣好好食火炙豬腩肉燒到好香口 唔會話燒得太乾👍🏼

尖沙咀麺処一家.味道：8/10🌟抵食：7/10🌟環境：8/10🌟.真 認真做拉麵嘅小店👍🏻小編本身唔算拉麵愛好者，但呢間湯底濃郁🥰豬肩肉同豬腩肉兩樣都好好味，都算係小編香港食過最好味嘅拉麵🍜🤤全間鋪得三樣嘢豬肩肉&豬腩肉&雙拼，建議第一次去真係要叫雙拼！試齊兩款！😆今次坐嘅位正對住拉麵師傅，睇得出煮每一碗麵好有心機❤️鍾意拉麵嘅朋友值得黎試試✨.#香港 #食評 #foodie #食好西 #instagram #香港好去處 #香港美食 #拍拖好去處 #打卡 #尖沙咀 #尖沙咀好去處 #尖沙咀拉麵 #香港拉麵 #日本 #拉麵 #拉麵關注組 #麺処一家

要講喺香港食拉麵，一定要試依間麵處一家，第一次去食嗰時係一位日本朋友介紹我去食，依度只得一款湯底揀，但可以加辣，大中小都有，肉就可以揀慢煮或者燒，或者兩溝。試完兩溝後都係比較鍾意食燒，因為比較香口，可以襯返佢個濃湯。真係要重點講下個湯，因為喺拉麵嚟講，湯就係佢嘅靈魂，就算麵/肉煮得幾好都好，只要個湯一炒車，成碗就唔好食。湯濃得嚟唔會好嚡，好滑，完全感覺唔到有用味精去調味，今次試咗中辣，完全夠力但未必挑戰到大辣塊肉就非常腍，煮得啱啱好，加埋隻溏心蛋就真係吃到飽。一定會繼續支持本店，再介紹多啲朋友嚟食

It's an okay cleanish place. Food took awhile to come and staff do seem very tired. My impression after sitting down was seriously they charge this price for this quality. The food is okay. Noodle was okay, soup base is thinner compare to other Japanese ramen place I've been to. Egg was okay, the meat was okay, i prefer the more pinkish looking ome as the flavour was more towards my liking. The Spring Onion and Onion really ruin the taste bud for me....so overall, it's okay but will I come back?

係尖沙咀突然好想食拉麵，見到呢間拉麵店只全店只售3款拉麵，咁堅持一定有原因，一於試下先店舖位於尖沙咀好旺既厚福街，拉麵店黎講唔算好細，大熱天時，店員見我長頭髮，好細心咁遞上一條橡筋卑我扎頭髮，好窩心☺️，店內只有一款湯底濃厚豚骨魚介醬油選擇，款式亦都只得3款，慢煮豬肩肉、炙豬腩肉同慢煮豬肩肉+炙豬腩肉妹妹推介我揀左慢煮豬肩肉，因為d肉既部位無咁肥，而湯底味道濃郁，咸度尚可接受，用上幼麵，仲加左秘製辣醬、生洋蔥同紫菜碎，整體味道唔錯拉麵個湯底幾岩我口味，但食完唔會話好驚喜，款式又真係少左d，當唔算非常出色既時候，變相就會變得有d單調同失色

厚福街食肆林立，好多時都會路過好多舖頭，因為太多人而無入去。終於有機會試下麵處一家。 近年好多新派拉麵，只顧大堆頭整色整水，完全無嗰種專注做好一碗麵嘅毅力。麵處一家只有一款湯（可能算兩款啦，有辣有唔辣）兩款肉，真正專注做好自己嘅味道。 餐牌上面三款拉麵，其實只係肉嘅分別，慢煮、火炙，同埋火炙加慢煮（我要曬） 🍜妹妹推介，即係慢煮豬肩肉，肉質有嚼勁，比弟弟推介嘅火炙較為清新。麵質適中，湯底味道濃郁，試左一啖朋友嘅辣湯，真係有辣嘅感覺。另外除左有竹筍之外，仲有洋蔥同紫菜。 比起款式繁多但係揀唔落手，專注做好一款味道反而更吸引。

拉麵店的妹妹推介 、弟弟推介同店長推介三個分別係，要慢煮豬肩肉/火炙豬腩肉/慢煮豬肩肉+火炙豬腩肉，湯底只有一款。店長推介$115  拉麵湯底濃郁而不油膩，我地飲湯飲到見碗底haha。面質適中，掛到湯。仲有好多唔同的配料，有紫菜同荀。我地有追加多個荀，不過荀唔算好新鮮，有渣。慢煮豬肩肉同火炙豬腩肉都煮得好林，唔會有一絲絲的肉絲。不得不讚佢個辣醬，辣得黎提升咗成個面的味道層次。拉麵本身無溏心蛋，要加$10 追加，溏心蛋唔會過咸，流心度十足。追加特製面底$20店員話面底有特製醬汁，可以就咁食，但就咁試完覺得普通，最後都係落翻湯入面食

我都話我好鍾意食拉麵，今次食呢間真係好正我都實在係大推介既叫左個料理長推介，豚肉有燒有唔燒既仲要有埋味玉！ 湯底濃而不油膩 起碼唔係好有味精既感覺！ 香港拉麵做到呢種湯底係好有誠意讚

麵處一家從開張到現在, 就是堅持只提供三款拉麵, 湯底和麵身三款也是一樣, 不同的就是叉燒的種類, 分別是慢煮肩肉, 燒五花腩肉和兩者皆有, 作為肉食者的我, 每次來到當然是選擇兩者皆有的那一種. 魚介豬骨湯底味道鹹鮮, 並不會死鹹, 質感也夠濃稠而帶黏口, 麵身幼細口感爽實, 掛湯能力還可以.兩種叉燒處理得相當不錯, 特別是炙燒五花腩片, 豬皮焦爽彈牙, 中間脂肪層夠厚而油香豐富, 內層豬肉夠淋, 越來越少拉麵店的叉燒能做到如此有層次, 甚至說越來越少地方原塊炙燒豬腩片做叉燒. 慢煮豬肩肉脂肪較少, 但肉質相當嫩滑, 肉香柔和, 剛柔並濟, 調理得宜. 流心蛋流心度和蛋香同樣出色, 在這艱難時間, 除了水準維持到之外, 也能堅持自己煮拉麵的風格, 不會為加而加和為做而做, 算是相當難能可貴.The ramen from Ikka is only different in grilled pork but the soup base and noodles texture are the same. The soup is fresh with salty fish flavour a

呢間拉麵店只有一款湯底：濃厚豚骨魚介醬油湯拉麵款式亦只有三款：妹妹推介 (慢煮豬肩肉)、弟弟推介(火炙豬腩肉)、店長推介(慢煮豬肩肉+火炙豬腩肉)款式唔多真係岩哂選擇困難症嘅我🤭🍴弟弟推介 ($105) (糖心蛋+$10)湯底由小魚乾同豬骨長時間熬煮而成 充滿鹹鮮味同埋有幾分漿口 真係好濃郁😆 雖然個湯底好濃但唔會死鹹 差唔多飲哂成碗都無好口渴👌🏻拉麵仲有上荀、紫菜、洋蔥、蔥作為配料火炙豬腩肉焦香十足 但係略嫌燒得乾左少少 拉麵係幼麵 偏硬 我個人幾中意☺️🍴妹妹推介 ($105) (糖心蛋+$10)呢款慢煮豬肩肉有驚喜！😳肉質好嫩滑 一d都唔柴 肉味濃郁 而且有少少厚度 口感唔錯🫶🏻 加埋面頭嘅辣醬一齊食好惹味😋值得一讚店員都好親切友善 仲會主動提供橡筋紥頭髮 好貼心❤️

第一次寫食評，路過見到間店門面幾靚就入去試下，食咗幾啖就忍唔住心諗番去一定要寫食評真係太離譜，點餐幾乎冇得揀只係得肉選擇唔同，湯底全部一樣，重點湯底極咸偏油，飲咗不下5杯水，店員服務極好，水過半就即刻幫你斟水，好似知你黎食就一定會飲好多水，肉同麵都正正常常，但個碎紫菜唔知加黎做咩食完等於冇食，價錢少貴，湯底就一定榮登我心中最難食拉麵冇之一。我朋友差啲叫個廚師出黎幫碗麵加水ps都唔知黎呢間店係為咗飲水定係為咗食嘢