麺屋武一 (已結業)

已經差唔多試哂香港拉麵既我，無論雞湯、豬骨湯、醬油湯、鹽味湯都鍾意，未去到旅行時都可以係香港搵到接近日本味道既拉麵，今次介紹既係算係香港第二主流既雞白湯拉麵，呢家唔再係豬骨湯盛行，開始有好多過江龍、甚至係本地既雞白湯拉麵店。麵屋武係一間來自日本東京新橋既過江龍拉麵店，香港店係2019年開業，係日本國內擁有12間店，海外亦都有10間分店，店舖主打濃厚雞白湯拉麵，香港分店仲有限定既蔬菜拉麵同低糖質蒟蒻麵，食素既朋友都可以食到美味健康既拉麵。呢度既雞白湯底都係係日本入口，同雞肉丸同雞髀肉叉燒一樣，所以可以食到原汁原味品日式風味同啖啖雞肉鮮味。麵屋武一仲有提供迷你鰻魚丼、章魚燒、煎餃子等小食選擇，尖沙咀係一個唔錯既選擇。每次我食過江龍拉麵都會睇下日本本店既評價，日本最多人用、參考價值高既就係TABELOG，高過3.5分既餐廳已經係好好食，4分可能係日本最好食或者係米芝蓮級數，所以當我睇到呢間拉麵有3.72分，而且係同區第三名，就非常期待。香港分店係尖沙咀棉登徑，係K11附近，近地鐵站，所以好方便去到。店鋪唔算大，疲情前去人流都有，近排去人流就無。店舖裝修好有日式居酒屋風格。一個人去個時店員唔會

大伏，叫左碗東京醬油拉麵碗野計埋加一，接近一舊水🥲難食，味咸，份量極少五啖左右就食完男仔一定唔夠飽冇野飲包，得水都可以體諒間鋪細，d位太逼都可體諒但難食，Staff態度又有問題🤨食一蘭好過

平日lunch time 高峰時間餐廳都無客, 果然真係中伏。醬油拉麵($75 另加一）份量比一般鋪頭細，女仔都不太夠食，男人應該食完要另外3點3食tea先夠。拉麵味道吾係一般，而係非常難食，鹹到似吞鹽水，每一啖都要飲水先食得，都幾誇張。估唔到尖沙咀裝修日式既拉麵店會咁差。仲要加一，呢個價錢附近任何一間餐廳質素都好佢成條街啦。非常不建議。建議見到要倒頭走。服務方面，其實無服務可言，一般茶餐廳啊姐姐服務，無特別。

拉麵控又帶我食拉麵🍜🍜唔係第一次食白雞湯，但係第一次來麵屋武一。呢度以雞白湯底為主，有四款濃厚口味俾你揀：分別係醬油丶鹽味丶味噌同埋辣味噌。為咗要試真D個🐔白湯，又唔希望太咸太重口味，所以點了醬油。愛辣的當然點了辣味噌🌶 另外見到有個combo, 有炸🐔 + 芥辣八爪魚，包兩杯沖繩🍺。我因為唔飲啤酒所以轉了Highball 🍻個麵份量不算多，配料只有蔥，洋蔥，紫菜，一粒小肉丸和兩片雞肉，溏心蛋要另加$12. 拉麵條係我鐘意果種，幼身有咬口的😃 湯底滑滑有雞味而且不咸，有驚喜😁👍🏻辣果邊就竟然食到出晒汗，話一大匙唐辛粉真係夠辣。不過就把雞味全蓋過了😢 想專心嘆個雞白湯的要考慮下。Beer Combo $108 係包沖繩啤Orion 其實等於送份炸雞件和八爪魚俾你伴酒，都幾好食😋 炸雞個炸粉唔係硬身的，所以感覺無咁熱氣。棉登徑依家好似變咗條日本街，好多日本食店。下次又有藉口再來了🤓

之前來開附近都會食一蘭，今日想食拉麵又肚餓，一於行去另一頭搵下有邊間唔使等位。雖然去到都要等一張枱，但都算好快。舖頭唔大，但每張枱之間至少唔會太迫。講食物先，拉麵都算幾抵，八十幾蚊份量都足夠。麵質夠晒爽口，叉燒啱啱好半肥瘦，溏心蛋一咬就流晒出來，正柚子梳打飲落幾fresh，又唔會太甜，都好好飲啊﹗朋友要左咖喱薯餅，食落咖喱味好重，不過我嫌太淋，都係鍾意一般薯餅多d整體來講，拉麵不錯，喺尖咀絕對抵食，唔想喺一蘭等位都可以過來試下仲有好多唔同來自日本的樽裝飲品，見到靚靚包裝特別想試p.s.員工態度都好好，過程中有詢問我哋想唔想轉台，方便畀後面3人入座，當問到轉位嗰度會唔會對正風位，佢都好老實答有一邊會吹住，仲話唔緊要，留返原位都冇問題，令我哋感覺都好好。

今日尖沙咀做完嘢，同個朋友仔一齊周圍搵嘢食，行過見到呢間拉麵店，朋友仔話想食好耐，我哋就決定入去試吓。職員俾咗一張卡我地，上面只有幾碗拉麵選擇，選擇好少。我叫咗一碗濃厚雞醬油拉麵$88，另加一隻溫泉蛋$12，仲有加一，埋單$110拉麵有彈性有口感，不過湯底唔覺得好濃厚，雞肉兩小片加一粒迷你雞肉球，味道都唔錯。份量真喺有啲少，食完仲喺好肚餓，返屋企附近再買三文治食先夠飽😅😅如果平返d都可以接受，但呢個價食唔飽就貴咗少少😅其實味道 ok 嘅，喺細碗咗啲😊

叫咗招牌雞白湯拉麵...湯係夠濃厚, 但雞味好薄弱麵係白直麵, 都係大路果間廠拎貨啦雞丸一粒正常味道, 雞肉兩片正常味道起碼無凍冰冰以上味道，收$97，性價比頗低服務方面....入去坐低咗後，有位女待應大力放低個留坐牌話叫我坐二人位，話啲大枱要留俾四人座當時舖內係空無一人我話我食完就走架喇唔會阻你佢話如果一陣有人黎要我讓返個位出黎語氣唔太好我話, 無開佢波我心諗....你LUNCH HOUR一個待應一個廚房唔好話爆場丫, 有1/3入座都偷笑啦結果我食完個麵 (其實無食完，唔想浪費QUOTA，我食剩1/3左右)我坐多十分鐘先，到我走佢都未有第二個客囉一舊水呢個麵, NO WAY

是咁的，嗰晚我地喺灣仔會展閒逛，之後就坐返天星小輪返過去尖沙咀搵嘢食。一落船，就諗住近近地喺海港城食碗拉麵啦！點知過到去，又係排住一條小長龍，約八個人左右。咁我地就諗住轉去第二個地點搵嘢食，一路行一路行，行到去棉登徑喎！咁啱俾我地發現咗著住紅燈籠嘅「麵屋武一」，於是我倆好有默契地就行咗入去啦！嗰陣都差唔多八點幾，接近九點啦！間鋪好細，只有幾張枱，當時已經冇乜食客，但唔知點解服務員都係安排我地坐喺好逼硤嘅吧台度，仲要隔離已經坐咗兩個陌生人。因為餐廳只提供凍水，而我自己想飲暖水，於是就喺背囊度攞個暖水樽出嚟飲咗一啖水，點知個服務員就即刻同我講：「呢度唔可以帶外來嘢飲個喎」！我當時都只係飲咗一啖水啫，駛唔駛咁呢？好啦，咁就拿拿聲點咗兩碗拉麵，一碗係醬油、一碗係鹽味。等咗十分鐘，兩碗麵送到。湯底算幾濃嘅，不過真係偏鹹。雞肉唔夠嫰滑，而且鞋口。溏心蛋仲要加$12先有。最搞笑嘅係，食到一半，無啦啦熄咗我地頭頂盞燈，好似有啲趕客嘅感覺。我當然冇理會，因為我仲未食完碗麵啊！結果我地九點九就離開咗呢個鋪頭。如果以呢個價錢$88+10%，並且完全冇服務可言同埋食物質素亦只屬一般嘅情況下，我情願幫襯一幻好過

Lunchtime here is not too busy, but there is still a constant trickle of customers. The location is hidden away down a quiet lane in the middle of busy TST, and is a quiet sanctuary for those who want a little bit of peace to enjoy their lunch. The restaurant is dim, with Japanese music playing subtly in the background; the main sounds you hear are from the kitchen and a murmur or a slurp from other patrons.I order the Nouko Shoyu Chicken Soup Ramen ($88), which features the famous white collage

因為熱愛日本拉麵，為咗解決思鄉之情，所以一直以來會四出尋找香港嘅日本拉麵，比我響尖沙咀棉登徑發現咗新寵，就係一間專賣雞白湯嘅拉麵店，見到門口招牌 ‘濃厚’兩個字已經極之期待。入到去，店員親切有禮，招呼我坐低，呢度座位不多但環境舒服。 我今次選擇咗濃湯系列《濃厚辣味噌拉麵》。食日本拉麵當然第一啖一定要飲佢嘅湯，嘩~湯味非常濃郁，加上辣味帶黎嘅刺激，令到忍唔住要飲多啖湯。呢度嘅麵條粗幼適中，掛湯能力高口咁豐富，個人唔鍾意啲太幼身嘅拉麵，所以呢度嘅拉麵質地就啱晒我心意。  至於配料方面就有雞腿肉叉燒、雞肉丸，我就另外加咗一隻溏心蛋，味道都ok。整體黎講係好味，會有下次

政府放寬晚市堂食，食嘢要開始排隊，如果通關，相信尖沙咀又會多咗啲拖喼遊人搶食。星期五晚，打算食少少嘢，行吓街，見到對面麼地道排緊少少人龍，友人於是拉我一齊排，望望裏面，友人又話唔想食沾麵，又拉我過對面馬路仔，試吓呢間麵屋武一。入到去發現都一樣係小店，但就有種居酒屋feel。學日文人居酒次序食法，先點小食，炸雞，Wasabi 小尤魚生，胡麻豆腐- 冷前菜間間一樣，無乜特別，但炸雞就有驚喜，外脆內軟，係我哋喜歡嘅，更令到我哋覺得飲水唔夠喉，要嚟支小小清酒。跟住聽店員介紹，叫咗碗塩味拉麵，因為會食到雞湯味，海塩就能引發雞湯味。果然，濃湯味十足，雞片有點燒烤味，但就淡左啲。最重要攞到mood，侍應親切，夠hea，唔會拘束。

第一次起依度寫80字嘅食評，因為實在太好食，啱晒鐘意食濃湯拉麵嘅我今日又去咗依間麵屋，叫咗濃厚醬油拉麵同埋炸雞碗麵又唔算油，湯又夠熱下次一定會再去食叫埋啲fds!!

呢個星期有返夜晚堂食梗係拿拿聲出街搵好野食😂😂喺棉登徑行去見到有呢間拉麵記得之前有睇過介紹話濃湯好正，日本過江龍今日一於試下而家堂食有一連串既措施， 侍應都指示清楚入面都幾有日本feel, 居酒屋感覺除左拉麵梗係再加下啲小食，竟然小食都有驚喜喎炸雞好juicy, 咬落鬆軟， 外脆內嫩，正章魚小丸子都不錯，唔會好似出面食既林晒係脹卜卜，做到外面脆脆地，入面有又章魚既咬口加埋個梅酒，的確唔錯！最尾黎既拉麵 ， 湯底真係好濃厚，雞湯好正！！作為 久違嘅夜晚堂食第一餐整個食物加服務都不錯

1點3入到黎落左order等到1點45分仲味黎發現連遲過我地嘅客都食完埋單煮拉麵嘅staff都停哂手擺明就係漏左單啦待應又唔知去左邊行過去先發現佢原來坐係到睇電話問佢做咩咁耐都味黎 先承認漏左單話等兩分鐘就得 即刻整點知轉個頭問我落左咩order原本今日大好日子 心情比佢搞到無哂mood個麵無話好壞 正常不過環境麻麻 好多雜物擺到周圍都係另外，一入到黎張chair有水漬（味乾）Waitresses 同我講係酒精😅大佬呀 咁你起碼都抹乾左再叫我坐啦係咪？永遠都唔會再食呢間如果唔想破壞自己心情建議真係唔好黎我以性命擔保我講嘅野都係真話

服務態度非常一般，湯底平平無奇，而且湯底亦都唔夠熱，食咗幾啖就已經凍哂，一啲都唔覺得好食，不過個吉列豬扒就幾好食，同阿偉有跟太多其他更加好食嘅沾麵或者拉麵，唔會食呢間