麺屋武蔵二天 (已結業)

據官網介紹，香港麺屋武蔵二天是日本麵屋武蔵海外分店，係日本關東區拉麵戰場排係中間位麵，tabelog評分3.4-3.5，而最特別係每間分店個店名都好有氣勢，如武骨、虎嘯等等，每間分店都有特式限定拉麵，而呢種特式都帶到黎香港嘅分店。二天拉麵配武蔵煎餃子、汽水$75食拉麵前一定要試左個湯先，湯底為豬骨湯，濃厚度中上，但略微咸少少，麵條屬細麵，比較有韌度。雞塊用黑白芝麻一起炸，所以雞塊會帶有芝麻味，但炸雞塊浸左落湯，令雞塊外皮淋淋地不太喜歡，而且雞肉比例都太少，豬扒都有同樣情況。武蔵煎餃子餃子同日式餃子一餅都有d分別，但皮嘅厚薄度係適中，而且脆脆地，餡料帶有肉汁，味道調理得唔錯，如果多少少餡令餃子賣相更飽滿會更吸引。係疫情期間去唔到日本食正宗拉麵，麺屋武蔵二天都算係可以一解思鄉之情嘅。

今日突然興致高漲，搭咗好耐車去到馬鞍山食武藏二天😂因為之前見到啲外賣有炸嘢，已經有啲想食，但因為我唔係住嗰區所以冇得叫😭叫咗個炸雞同埋炸豚肉沾麵，要咗擔擔麵湯。另外仲叫咗個炸蝦春卷🥰其實之後仲有食咗個芝士薯餅嘅🥰我試過唔浸沾汁嘅情況之下，就咁試下佢嘅炸雞同埋炸豬扒，我覺得係好食嘅， 味道都啱啱好。至於個沾汁，其實啲味道係好食嘅，唔會辣，個味道都唔錯。不過如果以正式嘅擔擔麵嚟講，我覺得當然係正宗喇。至於個春卷，我之前其實唔太食春捲嘅，但我覺得佢呢度炸得幾好食，唔會太油膩。上面仲放咗好多芝士🤔不過一個人食春卷，重要之後嚟咗個芝士薯餅(雖然我覺得係最好食嘅)但係真係飽到上心口😂😂我仲要飲咗罐可樂🤡

因為一段時間冇得去旅行，但係又好想食正宗日本拉麵，咁就去咗【麺屋武蔵二天 】食。今次因為係外賣自取，所以揀咗二天沾汁麵-濃厚豚骨、日月沾汁麵-魚介醬油、吉列廣島蠔同埋芝士海老魷魚卷，仲有汽水兩罐。🥰二天沾汁麵嘅炸豬扒炸得超級惹味，表面仲有黑白芝麻令到豬扒更香，帶出更高層次，而炸雞件就外脆內軟，入面好juicy超多肉汁。😋日月沾汁麵嘅炸蝦同埋炸魷魚件就超新鮮，好有海鮮嘅味道。😋另外兩個沾麵都有一隻糖心溫泉蛋，撈埋醬汁食一流，而主角沾麵非常煙韌彈牙，襯托唔同嘅沾汁就帶出曬所有日本原味道。😋吉列廣島蠔超大隻又鬆脆，鍾意食蠔嘅朋友一定唔可能錯過。另外值得推介係芝士海老魷魚卷，比較特別入面鋪有滿滿嘅魷魚味道，而且濃濃嘅芝士入口即融超好味！😋

麵屋武藏成日都見到呢間日本麵食餐廳，但係一直都未去試，我對馬鞍山嘅印象一直都係美食沙漠，但就竟然比我搵到馬鞍山有呢間麵屋武藏佢哋主打沾汁麵，所以我都嗌左碗試下日月沾汁麵 $85原隻天婦羅炸蝦，同埋炸鰻魚，食落口唔會太油，冇油臭味，大蝦外殼脆香，鰻魚表面金黃，再加埋一隻糖心蛋同埋佢哋獨家製嘅沾汁湯，將口感層次提升日月燒鰻魚炸蝦拉麵 $80同樣係原隻天婦羅炸蝦，但係呢一款麵，係配醬汁蒲燒鰻魚，鰻魚嫩滑無骨，醬油味香濃，同傳統拉麵好夾牛油蘆筍炒雜菌 $48呢一款炒雜菌好香牛油味，加埋幼身嘅BB露筍，同埋面頭嘅木魚碎，好好嘅組合😋芝士海老魷魚卷 $45好香濃芝士味，但係又唔會太鹹，鍾意食芝士嘅可以嗌呢個小食

今日近近地去咗馬鞍山麵屋武藏食拉麵🍜嚟到一定要試佢哋既沾汁麵，今次我就揀咗日月沾汁麵 （🐟魚介醬油湯底）仲可以自己揀湯底，有魚介醬油、擔擔、同豚骨湯底添嫁！如果同我一樣口味比較濃既朋友仔一定會鐘意！好香魚油🤤食拉麵既時候推薦加佢地自家製天婦羅粉💯有脆卜卜既口感，令口感更有層次！好少見有鰻魚天婦羅，而且仲整得好食！炸完入面唔會乾身，非常推薦✅而天婦羅蝦就不過不失～第二個拉麵叫咗鰹魚豚肉拉麵，豚肉有啲入口即溶既感覺，但個湯就偏咸咗少少🤏小食方面就叫咗蘋果青瓜沙律，原來佢有啲芥末味同有脆片火腿係入面～但唔會太攻鼻，雖然有微辣，甜，酸味，但係難得地唔會覺得奇怪，會想繼續食，好得意既沙律味！另外，仲叫咗牛油蘆筍炒什菌，好香牛油味，上面仲有目魚碎係面，啲菇仔全部都好滑！嘢飲方面叫咗蘋果&巨峰提子特飲，係堂食鋪頭嚟講$15一杯真係好抵，性價比高！

武藏，這名字有點熟悉。記得很久很久很久以前在將軍澳那邊吃過，印象是不壞的！每次再去將軍澳，如果路綫配合，我都有去吃拉麵的。今天不想除口罩，買外賣回家吃吧。整個商場的食肆都有點人龍，各有粉絲。這店門口沒有人龍，大概跟單價有關係。都已經是下午茶時段了，其他店三四十元都可以了。這店價位比較高，我點了一個沾麵，因爲外賣回家，還有一段路程，這個應該不影響麵條質量。下了單，說要等15分鐘，就在旁邊的商店轉悠等候。拎著外賣回家，打開包裝，沾麵的濃稠湯汁放在一個小的外賣碗。大的外賣碗有兩層，下面大的放了麵條，上面另外一層放了一個溏心蛋（蛋黃最外圍有點熟，中間還是溏心的）另外就是炸的肉，真是跟照片有點不同，看起來吃進口都有點乾巴巴。有些是鷄肉有些是豬肉？吃不出是什麽，這個不及格。麵條好吃，沾麵的濃稠湯汁也很好，算是挽救了這個外賣。這個外賣是78元。下次不吃嚹。

今日天氣熱又口淡淡，唔想食太多飯，不如食麵啦，商場內都不少食店，麵食選擇不算太多，今次決定去買沾汁麵。二天沾汁麵嘅炸豬扒外層炸得酥脆，黑白芝麻添香味，肉質嫩滑，帶少許辣味，雞件一樣外脆內軟，溏心溫泉蛋用醬汁煮過，夠入味，寬身麵質爽口彈牙，魚介醬汁湯魚味濃，帶有醬油鹹鮮。武藏煎餃子 餃子皮夠薄身，饀料滿滿又爽甜，豬肉汁加菜粒，新鮮，汁酸甜醒胃。外賣自取選擇有飯有麵，價錢不算貴，職員有禮貌，下次可以試堂食

今日午餐忙，無時間堂食，工作完決定買外賣回家，經過見到便當價錢抵，決定外賣自取。牛肉鯖魚日式四格便當牛肉用醬汁煮過，牛肉味洋，口感爽滑彈牙，伴上香甜洋蔥，食落更香甜，鯖魚都多肉，肉質滑，少骨，珍珠米煙韌，份量足，好夠飽。我加了小食 - 武藏炸雞炸雞炸醬薄身，炸得香脆，唔會食到成口粉，雞件嫩滑，啖啖肉好滋味。套餐附有味噌湯+ $8 有罐裝汽水外賣自取份量一樣足夠，返到屋企仲好夠熱，沾汁麵都好吸引，下次可以試埋～

呢間出名必點沾麵🍜·二天沾汁麵 配濃厚豚骨湯炸雞加炸豬扒 好脆口 而且唔厚炸粉 仲保持肉質嫰滑 幾滿意 沾麵配埋濃郁豬骨湯 好味 ·日月沾汁麵 配濃厚豚骨湯天婦羅大蝦同醬汁鰻魚 個鰻魚好入味 幾喜出望外 我自己幾鍾意呢個🍜·武藏煎餃子煎得好香口仲保持肉汁係入面 🥟就算唔方便出街食 禁個網上外賣平台轉個頭又食得🍱 用App叫外賣已經禁到爐火純青境界

依家手機外賣app真係好方便，唔使外出就食到想食嘅嘢！今日試吓和風系列，見到呢間麵屋武藏．二天 有拉麵亦有牛肉飯，價錢又唔貴，就叫兩個餐試吓。網上外賣平台好快送到，打開竟然仲熱辣辣，好OK喎！包裝好企理，而且樣樣都分量十足，推薦！二天沾汁麵(擔擔濃湯)：平時都好少食沾麵系列，果然有驚喜！材料好豐富包括有炸雞、炸豬扒加糖心蛋，啖啖肉滑而不韌，日本雞蛋蛋香濃郁。包裝底層沾麵出場，拉麵粗身煙韌適中，擔擔濃湯簡直係靈魂，剛好沾上麵上，入口有濃厚的麻香帶點點辣，立即愛上。溫泉蛋壽喜牛肉丼：牛肉丼份量簡直是重量級特盛系列，牛肉味香加上洋蔥和醬汁配合珍珠米一流！而且溫泉蛋點綴得恰到好處，極之配合牛肉丼。愛吃牛肉之人必點！武藏煎餃子🥟：餃子一共有五隻，菜肉餡料，每隻都脹卜卜，還附上我喜歡的餃子汁，外賣不失原味喎！和風蘋果沙律🥗：和風味道就是加入一些芥末香味，蘋果、青瓜、火腿條和生菜絲配合非常，沒想過這份沙律可以令人吃得越來越開胃，但結果飽到上心口。欣賞這家的外賣包裝，令食物不失賣相，送貨速度快，的確可以保持熱度，下次再幫襯！

疫情下未能去日本走過圈，食碗日本麵，算是滿足一點”思鄉”之情。餐廳以提供麵食為主，我選了二天拉麵套餐（$75），小食選了煎餃子，飲品為可樂。麵上枱時望落有點油膩，因為餸是炸雞及炸豬排。所以不飲湯先，而試食麵條。麵煑得唔錯，咬落彈牙幼滑。而炸雞食落很香口，雞肉外脆內軟，尤其雞肉面層有黑白芝麻，更加滲出麻油的香味。而炸豬排亦juicy，不厚粉。👍🏻👍🏻👍🏻除咗雞及豬，它亦有一隻鹵水蛋，內裏流心，yummy! 😋😋😋餃子皮薄香脆，餡料的豬肉與菜比例平均，我略嫌餡料少，沒有啖啖肉的感覺。雖然整體味道唔錯，不過始終太油膩，所以扣了一格分。

粘麺湯比較咸，喜歡濃味湯的會喜歡，味道唔錯。幸好lunch 送野飲，叫左罐zero...不然會好口渴。蛋入味，好味。雞件上有黑芝麻加辣味粉，一丁點辣味，但係芝麻味好香。

今日約咗朋友食下午茶，朋友話想食拉麵，見呢間拉麵店未幫襯過，而且麵類重有七折同小食第二客起重有半價，非常抵食。自己想食沾汁麵，不過沾汁麵得兩款，一款係炸雞炸豬扒，另一款係天婦羅大蝦及鰻魚，而沾汁麵有三款湯，有濃厚豚骨湯、擔擔濃湯、魚介醬油湯。日月沾汁麵配魚介醬油湯 ($85) : 有天婦羅大蝦、鰻魚、半熟蛋 ; 鰻魚幾大件，而且肉厚肥美，天婦羅大蝦脆口彈牙 👍🏻 不過魚介醬油湯味道真係好咸 😅 無唸過會咁咸。炒雜菌菠菜 ($28) : 半價咗之後好抵食，只需 $14 蚊咋，材料有菠菜、煙肉、雜菌，味道有啲似屋企炒既小菜。武藏煎餃子 ($38) : 普普通通既豬肉餡餃子。

現在做緊散order拉麵7折，加小食第二客半價超抵食，叫了一個日月沾麵，即炸大蝦同炸鰻魚，超脆好味，同二天沾汁麵，即炸雞炸豬扒，味道不過不失。芝士控一定要点芝士薯餅及芝士海老魷魚卷，超濃芝士味，香脆可口。 值得再光顧！

已經好耐冇去馬鞍山shopping, 每次去親都係食沾麵, 今次都唔例外, 雖然行返去熟悉的角落, 但門面已經不再熟悉..............眼前係一間好光猛的食肆, 同以前好唔同, 但入面格局基本一樣, 只係換過d枱櫈, 開頭仲以為轉咗另一間, 但見佢個名都係叫麵屋武藏, 只係响後面加埋"二天", 相信都係同一間集團, 只係改過個名咁解啫~ 唔理佢係咪同一間, 總之有沾麵食就得啦~ 除咗是日推介果張menu係舊之外, main menu係全新的, 除咗基本的湯拉麵及沾麵, 仲多咗定食, 可能要照顧唔同人有唔同需要, 但我地好專一, 都係叫返沾麵~睇完個menu之後, 先知道"二天"係豬扒(豚天)同雞件(雞天), 咁既然二天係主打, 而我地又想食沾麵, 叫兩個唔同沾汁的二天拉麵就啱哂~ 佢有3款沾汁的, 但其中一款係辣, 所以諗都唔駛諗, 就選擇唔辣果兩款啦~等上菜都等咗好一陣子, 證明樣樣都係即叫即整~ 二天沾麵配濃厚豚骨湯呢款係由豬骨+小魚乾+蔬菜煮成, 味道想像唔到佢竟然可以咁濃味, 對我呢d食開淡味的人, 覺得佢係濃到有少少"kwok"喉, 不過鍾意濃味果d人就啱哂~ 好彩