麺屋飛丸

营业中

休息中

今天下班行經教育路，看到這間拉麵店門外有食客等候，所以去看看餐牌，原來這間拉麵店是以雞白湯為主，雞白湯湯底拉麵店不多，所以我便等候入座試一試。好彩等了一會兒便可以入座。餐廳座位數目不多，面積雖小但店員的服務態度很好，非常有禮。餐廳以雞白湯拉麵為主，仲有少量鰹節清湯，今次我跟老公都點了雞白湯拉麵。如果點選拉麵再加小食，還會配送一罐罐裝飲品，或者可以以優惠價轉配樽裝飲品。小食方面，點了吉列炸蠔，外皮金黃香脆，中間炸蠔部份極為多汁，熱辣辣的，十分惹味，配埋沙律醬來吃能夠減一些油份，大滿足。另外一款選了羽根餃子，餃子煎成一個圓形，相當特別，薄薄的脆粉跟餃子連在一起。餃子多汁，入邊仲有爽口的粟米，跟豬肉配搭在一起相當好味，餡料又多，皮薄餡靚，十分好吃。主角出場了，我點選的鹽味雞白湯拉麵，看到湯底都是奶白色的，十分Creamy，先飲下一啖湯底，超濃郁的雞味，充滿膠質，感覺注入了滿滿的骨膠原，十分有質感和濃味，湯底十分出色。拉麵份量多，而且拉麵跟湯汁很配合，湯汁掛於拉麵上，令每一啖都吃到濃濃的雞白湯味。湯底一流，而且餸菜都相當豐富，有一片大大片的叉燒，口感腍身，重肉味，正。仲有一片大大片的雞胸肉，超

今日嚟到元朗，好想食拉麵，於是搵到一間有雞白湯既拉麵☺️店舖雖然唔大，但企企理理於是我地就叫左醬油雞白湯拉麵同鹽味鰹節清湯拉麵，另外加小食可以送汽水，我地就叫左羽根餃子同蟹子沙律☺️再加左個牛肉薯餅醬油雞白湯好好味☺️湯底岩岩好而又唔膩，掛湯一流，而醬油同雞白湯底夾得岩岩好，大推！鹽味鰹節清湯，拉麵湯底比較清，岩啲唔鐘意濃味既人食，另外有個豬肩肉叉燒同慢煮雞胸都好味☺️係拉麵店有薯餅我次次都會叫☺️覺得日式薯餅特別好食🤤今次都唔例外☺️羽根餃子都好好食😋再配埋蟹籽沙律清清地好味☺️另外一讚店員姐姐態度非常好👍☺️小店價錢但質素好有驚喜☺️

因為最近愛上雞白湯拉麵，所以上網搵下邊度有，無意中比我發現左元朗一間意想不到既高質拉麵小店，系外面睇平平無奇，估吾到味道同拉麵質素幾高！雞白湯鹽味拉麵 $90雞白湯味道夠濃，鹽味吾會過咸，無搶左雞湯味。個人覺得呢間既拉麵幾多料，有豬肩肉叉燒、慢煮雞胸、雞肉丸、溏心蛋各一件，溏心蛋好入味，好好食！拉麵揀左適中，食落去吸收哂雞白湯精華，每條麵都好入味。鰹節鹽味清湯 $90鰹魚湯底會比雞白湯味道清一啲，揀左鹽味，個人覺得食到最後會比較咸，配料差唔多，只系一碗用紫菜，呢碗用木魚花。唐揚炸雞 $28炸雞有4件，夠脆，肉質夠嫩滑juicy。大阪風唐揚餃子 $32用大阪燒既醬汁，放系煎餃子上，餃子加左醬汁外皮仍然脆身，粟米豬肉餡，個人覺得幾好食。牛肉薯餅 $28牛肉薯餅炸得夠脆，入面個餡好creamy，仲食到有洋蔥碎。拉麵跟小食仲會送罐裝汽水。

🍜鹽味 雞白湯 拉麵雞白湯：～睇見都知濃郁，入口順滑，味道有層次，又有鹹鮮味，唔會死鹹。味道同一般嘅拉麵店唔同。豬肩肉叉燒：～大塊，有口感得嚟厚薄適中，肉質軟腍，有d叉燒嘅惹味，又有d炙燒烤味，唔肥，瘦得嚟唔會柴口。慢煮雞胸：肉質軟腍，平時少食雞胸肉都覺得好味。雞肉丸：口感幾特別，唔錯，唔係普通嗰啲丸類咁。玉味：調味剛剛好，蛋黃半熟狀態，蛋白滑嫩。竹筍：口感有d似菜浦，但好味好多。紫菜、洋蔥、青蔥：提升整體 fresh 口感，各樣都好脆口。拉麵：麵質係有d咬口，軟硬度揀左適中，，口感剛剛好。🍜柚子大蝦 帆立貝 冷湯麵新出限定，估唔到 的好味！首先賣相 幾colorful，尤其是top 面晶瑩通透嘅柚子 jelly,，見到都想食。蝦同帆立貝都好大隻，肉質又唔錯。個湯底入口 鹹帶柚子酸，fresh 同個溫度 好適合依家夏天。職員有溫馨提示，就噉飲個湯會比較鹹，而配冷麵一齊食真係啱啱好。綜合配料拼盤：～好豐富，抵食，有豬肩肉叉燒、慢煮雞胸、雞肉丸（加配小食）🍤吉列炸蝦、🥔牛肉薯餅：～吉列炸蝦 肉質 有口感，外面又脆口，唔會油膩，共有3件，可以話啖啖肉😊～而牛肉薯餅 好厚身，牛肉同薯蓉好夾（加

今晚二人世界去元朗食拉麵🍜元朗有好多拉麵店，最近呢年鍾情教育路呢間，已經食咗5次，儲咗10個印花，儲多2個就有小食送🤪🤪主打雞白湯拉麵🐔🍜：🐷豬肩肉叉燒好諗好香🐔慢煮雞胸又好諗好有雞味唔會鞋🐔雞肉丸係免治雞肉有啲軟骨🥚味玉煮得剛好流心而且有酒香每樣材料都食得出有心機😋另外夏天新出限定柚子海鮮冷麵🦐🍜，我個人好鍾意，食第二次🤣 除咗都有以上材料，仲多咗蝦同帶子，海鮮有少少酒香！冷麵湯汁酸酸地，好醒胃，配上酸汁啫喱、幾條沙律菜，成碗麵靚哂🤩 夏天食真係好啱，平時唔好澱粉質嘅我都食哂成碗麵🤣 小食叫咗餃子🥟同埋免治雞肉棒🐔，正常發揮，次次都係叫呢兩樣😛侍應好有禮貌😃加分👍🏻👍🏻

入到黎元朗緊係食好野，黎到朋友既地頭元朗，帶左我去一間好好食既拉面店食dinner,果然有驚喜。雖然餐廳面積唔算大，但係我都缺入，唔會話好迫。餐牌選擇雖然唔太多，但係仍然有幾款不同口味嘅湯底選擇。我同朋友一齊選擇咗鹽味同醬油味雞白湯。湯底濃郁，就算就咁飲湯底都唔會覺得好多味精，幾乎比我飲咗一大半。朋友話醬油味雖然濃郁但唔會太膩。拉面份量都好多，日式叉燒好好味，又夠厚！羽根餃子：整到好似一個菜肉餅甘，又幾得意。仲有試埋另一份小食南蠻炸雞，即點即炸。朋友覺得拉面的日式叉燒餅好好食，食到中途決定追加多一件，再加溫泉蛋。買單嘅時候店員仲俾咗張積分咭我哋，一路食一路儲換小食飲品，都幾抵。

太熱🥵..見到佢menu “柚子大蝦帆立貝冷湯麵”，二話不說入去食。估唔到元朗有咁高質麵店，冷麵用幼麵，唔會硬...2塊豬肉1塊雞肉，放係碗邊，以免太冷會硬，細心。個湯冇落冰，所以濃味，加埋柚子啫喱，好清香，即刻有番胃口。隻蝦🦐彈牙冇雪味好新鮮。流心蛋，正值得來。希望大家支持下香港小店。

醬油味雞白湯拉麵評論這碗拉麵的湯頗為出色，濃郁的雞白湯滋味十足，令人回味無窮。本人第一次飲清拉麵湯底，鹹淡適中。然而，肉的部分稍嫌普通，沒有特別的驚喜。如果你喜歡濃郁的湯頭，這碗拉麵絕對值得一試。

位於元朗這一間日式拉麵店，坐輕鐵去只需行2分鐘就到，如果坐地鐵就喺朗屏站經過元朗商場都係大概10分鐘嘅路程。首先間餐廳比較細小，所以記得預留時間早啲去，因為都好多人去食。首先講吓點解咁多人去食啦，佢主打嘅湯底其實得兩大款，一個係鰹魚湯一個白雞湯。兩個湯都非常出色，我自己非常喜歡，因為佢嘅湯底清澈又唔鹹又鮮甜。配上特製嘅雞胸肉，我從來都冇食過咁嫩滑嘅雞胸肉。淨係食佢塊雞胸肉已經知道廚師嘅煮食級別了。另外我哋仲嗌咗幾款小食添，包括有吉列炸蠔，蟹籽沙律，牛肉薯餅，炸雞串。其中牛肉薯餅同我去日本食嘅一模一樣都係咁好食。另外餐廳環境都好有特色，服務態度良好很細心。整體平評分都非常高，值得推介同朋友一齊食。

我都钟意食拉面，见到玩朗呢间飞丸面去试下，佢系小店黎，食饭时间会排长龙，所以今日同朋友早过啲学生去😉🔸 塩味鸡白汤拉面🔸鲣鱼酱油拉面入面都有豚角叉烧1件，慢煮鸡胸1件，鸡肉丸、糖心蛋、竹笋、洋葱、青葱，鸡白汤浓郁奶汤味仲配紫菜，鲣鱼汤鲜甜👍🏻豚角叉烧肥瘦均匀，烤香过味道好香，慢煮鸡胸煮得软熟；鸡肉丸啖啖肉，最欣赏糖心蛋，煮得好入味，甜甜嘅蛋黄心流出😋😋两碗面汤底都好味，一碗浓郁；一碗鲜甜，任均选择。*蟹籽沙律蟹籽满泻，蟹籽份量多，青瓜爽脆新鲜，有蟹柳丝系入面😋 好鲜味*大坂饺子上面铺满木鱼，外皮煎成过，饺子层皮煎到好脆👍🏻内软有口感。*免治鸡肉棒啖啖肉冇骨，好有咬感，鸡肉棒用炭火烧得好香。叫小食奉送罐装饮，我拣左～波子汽水同埋无糖嘅乌龙茶。呢个价钱可以接受，佢有个学生限定～$56碗拉面送饮品，抵食👍🏻即叫即煮，热辣辣，好味道😋#pancake #pancakebb #元朗美食 #香港攻略 #香港美食 #民间食评人出色隐世拉面小店-麺屋飞丸 (元朗)📍元朗教育路87-99号鸿发大楼地下C号铺

呢間餐廳以拉麵同日式小食為主打，菜單上有好多款口味豐富嘅選擇，包括以下幾款：首先，我要講下佢哋嘅「清湯醬油味拉麵」。呢個碗拉麵有清淡嘅湯底，配上醬油味道，非常開胃。麵條煮得彈牙有嚼勁，朋友鍾意食硬麵，選擇硬麵口感。另外加咗替玉（另外收費$16），好大份，好飽。如果你鍾意清淡嘅拉麵，呢個「清湯醬油味拉麵」絕對係一個值得一試嘅選擇。另外，我亦推薦你試下佢哋嘅炸蠔。每件炸蠔炸得香脆，外層酥脆，內裡嘅蠔肉鮮嫩多汁。炸粉好薄，多汁好食。另外揀咗「白湯鹽味拉麵」。白湯鹽味拉麵有濃郁嘅湯底，加上適中硬軟度嘅麵條。我加咗竹筍（另外收費$8），變咗竹筍山，最後食唔晒，抵食。除咗拉麵，仲食咗小食，明太子手羽同迷你蟹籽沙律。明太子手羽有淡淡嘅辣味同鮮美嘅明太子醬汁。而迷你蟹籽沙律則帶有蟹籽嘅鮮味同沙律嘅清爽口感，非常開胃。沙律一d 都唔迷你，好大份。

👍🏻鹽味拉麵（$90），呢個價錢嚟講喺同區，我覺得都算係唔係太貴，其實係好多旺區嚟講每一碗拉麵都起碼$100以上冇辦法香港嘅始終比較貴，面嘅軟硬我就叫到適中，真係冇令到我失望，因為我係好怕食啲太硬或者太林嘅拉麵，我會覺得拉麵嘅軟硬度係影響成碗拉麵嘅評分，小食嚟講，我就揀咗蟹子沙律，蟹籽沙律出奇地好多飛魚子，我最鍾意食飛魚子每一啖都波波除再加埋餐廳㗎加嘅沙律醬簡直就係非常出色，呢一個前菜真係冇得輸，大大份，而且又唔係太貴，性價比同CP值簡直係一流，我同朋友都非常鍾意呢一個，大家share一齊食，簡直就係正👍🏻👍🏻👍🏻黑蒜油拉麵嘅味道亦都非常特別，同日本傳統嘅黑蒜油拉麵嘅味道，我都覺得非常相似，黑蒜油嘅湯底味道非常濃烈，但係亦都唔會搶過本身湯底嘅味道，呢一個位非常覺得特別，而且拉麵亦都非常掛湯，每一啖都加埋濃烈嘅黑蒜油，令到成個拉麵更加昇華，我同朋友都非常鍾意，我哋另一個小食就加咗炸蝦，炸蝦嚟講，每一啖都非常熱辣辣，睇得出餐廳係落單即刻幫我哋炸，絕對唔可以本身是先做定嘅一啲吉列炸蝦，價錢嚟講都相對合理值得一讚嘅係餐廳嘅店員，雖然餐廳非常多人，但係餐廳嘅店員亦都不忘為每一碗拉麵對我哋逐一介紹

麵屋飛丸係元朗駐店應該都有十年，因為位置比較入，基本上如果唔係元朗人或者拉麵控，應該好難發現呢間隱藏寶店。🦌🐿️࿂黑蒜油雞白湯拉麵࿂$93拉麵配料比較多，包：豬肩肉叉燒1件，慢煮鷄胸1片，鷄肉丸1粒，味玉1隻，紫菜1塊,竹筍,洋蔥，青蔥。食拉麵第一啖要飲湯先。雖然係叫左黑蒜油，但係黑蒜油唔會搶走雞白湯味。叉燒有微燶，有淡淡嘅焦香味。雞胸較厚身，食落似鴨胸。雞肉丸內含雞軟骨，口感唔錯。而味玉都好出色，外皮唔會煮到爛曬，都仲好彈牙同時蛋黃做到流心效果，蛋味濃。另外麵質雖然簡左軟，但都保持爽身，唔會影響口感。࿂清湯鹽味拉麵࿂$90配料同以上一樣，不過紫菜就變左做木魚花。湯底冇雞白湯咁厚身，比較清澈透明。飲落較為清香，偏鹹香，食落好舒服唔會好口渴咁。比起雞白湯，食野偏淡嘅我鐘意呢款多啲。🦌🐿️࿂免治雞肉棒࿂$22雞肉打得好碎，食落唔會有太過煙靱同時唔會太鬆散，食落都好嫩滑。而且加左軟骨，所以都有啲咬口，食落唔會太寡。醬汁係傳統日式燒汁，鹹鹹香香又甜甜地。🦌🐿️本身以為冇咩人食，但原來係唔少元朗人嘅心頭好，當日係平日，入座到食物上枱大約等左15分鐘左右。店員只有一位主廚同靚靚侍應，侍應嘅服務同態度都好

今晚同老公嚟咗一間在元朗教育路附近的拉面小店—麵屋飛丸，呢間店既外型裝修已令我聯想到去日本旅行時見到路邊拉面小店的感覺，一入店覺得裡面環境簡樸舒適，有日本小店的裝修風，而且服務員態度很親切，主動介紹他們的菜式拉麵之餘，她見我懷孕了，會問我要不要煮拉麵時全熟旦，及主動問我冷氣會否很大，可以調高溫度一下，真的很細心體貼的服務呢！ 我老公點左黑蒜油雞白湯拉麵，我則要塩味雞白湯拉面。黑蒜油雞白湯拉麵嘅湯底濃郁香濃，有淡淡嘅黑蒜味道，令人回味無窮。拉麵本身彈牙有嚼勁，配上鮮嫩多汁嘅豬肩肉叉燒片，慢煮雞胸肉片及煮得嫩滑嘅溫泉蛋，整體口感非常出色。而塩味雞白湯拉面嘅湯底則清爽鮮美，帶有微微嘅咸味，非常開胃。拉麵同樣煮得恰到好處，配上鮮嫩的雞肉片同蔥花，其他配料很足，味道相當平衡。除咗拉麵，我哋仲試咗麵屋飛丸嘅明太子手羽先同蟹子沙律。明太子手羽先炸得金黃酥脆，食到入面明太子時也是很鮮味，每一口都帶來滿滿嘅滿足感。蟹子沙律則以大量新鮮蟹子同青瓜絲組成，清新爽口，蟹子味濃郁，配上沙律醬，美味可口。整體而言，麵屋飛丸的拉麵以及其他菜式都表現出色。以小店來說，真的食物的質素高，味道豐富，份量十足。價格性價比高

餐廳係轉角位，有大玻璃，邊食邊望住行人行黎行去，寫意。座位有室內、外，室內播放日文歌曲，有feel。每碗份量足，食完飽肚，湯都可以飲清哂～雞白湯黑蒜油($93)，黑蒜味濃郁，食落完全唔油膩，食完亦冇口渴情況。每碗都配有豬肩肉叉燒、慢煮雞胸、雞肉丸等。叉燒大片，雞胸軟嫩，如果覺得唔夠，可以追加配料。味玉流心，一咬即爆醬，如果追加都值得～麵條硬度都可以選擇，如果有唔鍾意既配料，亦可以自由刪走，落單形式方便，自由度高。例如有紫菜/木魚花、竹筍、洋蔥、青蔥。鰹節清湯鹽味($90)，湯底清相對清d，配料一樣不過由紫菜轉木魚花，雞肉丸超juicy好食。免治雞肉棒($32)，一共有2串，外皮少少焦脆，有少少軟骨，增加口感。啖啖肉好juicy。大阪風唐揚餃子($32)，大量木魚花灑係面頭，餃子外皮脆口，肉餡內有粟米，有驚喜。拉麵加配小食，會送一罐罐裝飲品，其餘可以加錢升級。整體，小店風拉麵，係元朗難得有高質既拉麵鋪，又有小食選擇，仲要唔貴，值得食。