麻布茶房 (已結業)

從來未曾在這裏吃過正餐，因實在想像到有幾好但行得累了，在這兒歇息一會也不錯與老公叫了宇治金時芭菲，幾好味丸了的 size其實可以小一點，數量多一點，芭菲份量再大一點就好食物價錢偏貴，但除了經理級，不要寄望這裏有服務可言

叫咗一個飯,一個麵同一個雪糕$59.8不過不失,配上7味粉同2個小菜$67.8menu仲寫住人氣..真係好難食個蛋包住ge係白飯..牛柳就好似普通茶餐廳ge沙嗲牛肉麵一樣食左3分1都冇就宣佈戰敗!味道好怪!$39.8終於明白點解其他食家會推薦依度ge雪糕因為係樣樣野都十分難食相比之下不過不失ge雪糕已經算好好味!但d生果好唔新鮮..服務方面:侍應大多都幾好態度~ 只係2個主食送到ge時間相差太遠 個麵差唔多食曬,個飯先送到,最後個雪糕仲整錯味,要重新整過!裝修方面: 一入到去簡直用失望黎形象 似茶餐廳多過日式食店 冷氣機滴水滴到某d座位唔可以坐人

我們一行7人，沒有叫餐，點了很多款前菜，有個「芝麻汁波菜球」(實質名字忘了)，味道很好！大部份都點了餐牌上的推介......都不錯呢！值得一提，個鰻魚飯便當，條鰻魚都幾大條....味道不錯！還有必食的炸蠔....好脆，蠔身亦好軟！推介！(我們叫了3碟呢！)飲品我叫了「巨蜂提子汁」(實質名又忘了).....味道夠濃！正~~!!最後必食當然係佢地ge雪糕啦~~~!!! 哈哈哈哈！同行友人最愛食芒果，佢話幾好食，雪糕就唔使講啦！一流！麻布茶房ge雪糕已經係我出街食飯ge指定甜品，食左咁多年，水準依舊....「正」！超滑！

昨天晚上約左朋友去尖沙咀報名讀書,報完名之後我地就嚟左呢度食飯,貪呢度近近地,7點幾冇咩人,我地兩個人就睇下有咩食先啦,餐牌都好多份,有一人餐,全set,餐湯至甜品,138元,有兩人餐,398元,我地覺得太貴及多嘢食,所以睇下主餐牌有咩食,朋友想食咖喱,不過因為唔係套餐冇得加錢叫飲品,之後見到有d定食既餐有咖喱的,又可以加錢叫飲品,所以叫我地就叫左這種定食啦.朋友叫咖喱牛肉飯跟熱奶茶,我叫左一個豬軟骨飯跟熱寧茶.好快就嚟啦,賣相都好似好吸引呀,食下先,飯係有滑蛋舖面的,另一面係豬軟骨,有些洋蔥,豬軟骨只有幾件,味道都幾好,好淋身的,不過好少汁,蛋飯那邊完全冇味的,d蛋係淡的,雖然好滑,但真係好淡口呀,朋友都話佢只係咖喱那邊有味,但係蛋果邊都冇味,咖喱牛肉只有一兩件牛肉,勁少.味道ok個面豉湯仲怪,唔係平時飲開的咸及有些海帶豆腐的面豉湯,係冬菇絲三條的,一開蓋已有好大的冬菇味,但係味道好怪,甜甜地唔知點咁,我同朋友都覺得好奇怪的湯呀.定食還有一些生果的.咁既價錢,咁既質素真的可以有好多選擇,還有環境都好普通,好似一d裝修也沒有的,只像在茶餐廳不像在食日本嘢啊.

是日同同事去食LUNCH,話要食下第2 O的野,咁就簡左呢間環境OK,但係野食就一般,我O個個豬扒蛋飯豬扒幾硬,外皮唔脆,但係蛋汁幾正,只係無咩汁個湯麻麻,唔知咩來-O-前菜一般啦價錢就60蚊左右如果以60蚊左右,應該有更好既選擇服務都麻麻,好似好惡咁

同2 個朋友去食完飯再去麻布茶房食 dessert，甜點種類多，味道OK，但座住唔夠舒服，我地去果時係8 點，無乜人，所以3人座6人枱~今次我地叫左朱古力聖代、士多啤梨聖代、芝麻芭菲、黑白年糕，聖代好好味，但生果唔係太甜，雪糕好食，因為夠 cream，夠滑，夠奶味 ~黑白年糕要再三吹佢先黎，賣相亦唔夠靚，四樣野食左$178。

倒數果晚,我同男友9點幾先搵野食落肚,周圍都FULL哂...點知係尖沙咀行過麻布茶房竟然有位,緊係入去食喇吾理甘多*3*點知見到個套餐幾低喎!!!! 湯+小食+主食+甜品+餐飲=$138另外我地另加多左甜品好好味啊!!! 環境好,服務也好*~~~~~埋單$199

一去到就有位坐，等左陣就送左杯茶來，睇完餐牌後點菜，之後等左約6-7分鐘就來左碟焗牛油雜菌豚肉...但我地仲係連一件餐具都無，最後要開口問個侍應先比我地 ... 一食個焗牛油雜菌豚肉 ... 哇...點解一個焗的菜可以是凍的，連張錫紙都是凍的再等多5-6分鐘，個三文魚波菜意粉和西蘭花蝦沙拉都到了，個意粉都算ok，個西蘭花蝦沙拉 真是十分原味，D汁應該是用1:99的方法來做的，加左好似無加咁，仲有個廚房應該好凍，D西蘭花真是好凍仲有D蝦，既然已經一開2了，點解整條蝦屎係到都唔走佢先，真是無言服務仲令人無言，D侍應好多都要踢先做野，餐具要叫先比，聽到有幾台人都係咁，茶要叫先有人幫你加，走時仲聽到經理話有台人坐左好耐都無餐牌 真是食物質素和服務都越來越差，看來這次是最後一次了

麻布已經唔係第一次幫襯, 雖然佢D野係貴左少少, 份量少左少少, 之但係都KEEP到個水準。今次就寫佢個聖代啦~ 佢既軟雪糕真係好吸引我, 因為好CREAM, 好滑身, 好有奶味 ~ 而佢既朱古力ICE CREAM, 似乎冇咩特別, 同牛奶公司差唔多味道 ~ 唔~ 今次我叫了新出的葡萄乳酸, 一般, 不是太特別, 但OK !

星期日, 晚上回到香港, 打點完香港公司的事, 送走老細. 自然要會合內子. 不知為何, 每次我拒絕去Triple O之後, 係尖沙咀的飲食選擇, 逃不開呢一類日式西餐廳. 是日本打算去 The One行下, 但看見成棟野好似未100% ready. 找食嘛, 就過多個街口, 來到美麗華. 日式餐廳最吸引人的地方, 就是放在門口櫥窗的假食物, 或食物照片. 看落 ok, 而且多年前亦食過. Menu上亦有啱齋妹食既野. 就是這樣, 沒有細心選擇下, 二人選了麻布茶房.食日式料理, 齋妹能吃的選擇不多. 而且最容易找到適合素食者的日式食肆, 就是呢一類可以說是不倫不類的日本食店. 首先要安頓好小妮子, 點選了一個蔬菜味噌肉拉麵 (走肉轉清湯), 加一個忌廉芝士西蘭花焗薯蓉. 而我就要了一個自家製焗芝士漢堡配梅子飯.梅子飯, 帶點酸味味的飯. 第一口總有點不慣, 日式的米飯, 總是帶點冷, 撈汁食不錯. 但就咁食一定要加點肉或汁係上面才可.自家製焗芝士漢堡, 芝士味落得好勁, 把成塊漢堡牛扒完完全全的包住哂. 牛肉扒既肉汁, 混醬的添入芝士內. 很是不錯. 日本式既西餐, 總有這樣怪怪的

放榜緊張了好幾天都沒有吃得好過，完成一大堆手續後總算安頓下來，便先去醫醫肚，就到學校附近的麻布茶房。滑蛋豬扒定食浸在汁裡的豬扒不可能還有香脆的外皮了，不過這樣也沒有了那份酥酥的油膩感。幸好炸粉不算厚，即使失去了吉列的香脆，也沒有那種每口是軟軟的粉的壞感覺。入面的豬扒尚算嫩和juicy，沒有很rough的過老。醬油較甜，但我喜歡，配以肉類調味不錯，忍不住用來撈飯。蛋熟得來很滑，沒有很恐怖的一大片全生蛋白，加上冬菇是頗鮮味的，跟豬扒很搭。珍珠米的濕到和硬度還好，不過頂頭的芝麻一點香味也沒有，發揮不了其作用。漬物的調味不錯，蒟蒻口感很QQ，有些蓮藕之類的，也蠻爽口。湯是用菇類熬成的，有鮮味不過略嫌太甜和稀框框，整體還是OK的。凍奶茶我太重手下了太多奶和糖水，喝到的只能說是香滑的甜奶，在這不予置評了。宇治金時芭菲來麻布茶房最想吃的還是甜品吧哈哈！看著餐牌上的圖實在吸引，雖不知道芭菲在哪裡，也就先點了才說哈哈。軟雪糕淋上了綠茶漿，加上一球的綠茶冰淇淋，軟硬兼施，實在很喜歡這個口感和味道都很豐富的配搭。白色那數顆丸子外皮有點太林，不過整個咬下去尚算煙韌。紅豆和腰豆兩種豆混起來又是增添了口感，想不到

5 個人o係美麗華附近搵地方醫肚, 9:30 唔駛等位, 諗住又有free parking 2 個鐘, 又鬼死咁肚餓, 就衝o左入去...坐低一陣, 就覺得唔對路...1. 無冷氣 (人都顛, 出面酷熱警告, 三十幾度) 同個waitress 講可唔可以開大d冷氣, 佢竟然話開到盡 ?! 2. 招呼欠奉 一坐低, 叫佢俾幾杯水, 佢就俾o左5杯熱茶. 之後叫佢開大d冷氣, 佢就話再俾5杯冰水. 諗住咁熱, 叫杯凍飲, 追o左幾次, 差唔多食晒d 野先o黎..... 唉....3. 環境超嘈 4. 冷氣滴水 (又滴水, 但又唔凍, 奇怪!!) -------------------------------------------5 個人叫o左:2 碟壽司2 杯凍飲咖喱蛋包飯蟹肉白汁意粉蘋果沙律天婦羅蝦六色冷面燒靖魚食物普通, total 埋單 $5xx, 用恒生visa 有九折, 折o左$4xx. 問經理攞free parking, 佢話sorry, 要過 $500 先有. 一係你唔好要九折. 奉勸各位, 唔好因為以為有free parking 就入去食, 個經理好有原

同表姐行街行到勁累,又渴,呢日仲超熱,超焗,所以勁想坐低+食雪糕!我地揀左 抹茶聖代,抹茶芭菲其實我覺得2個冇咩分別,係D伴碟有D唔同,聖代係用生果伴; 芭菲係用紅豆,抹茶布丁,玉米片,食完呢個係可以飽肚=v=呢2個其實係我地咁累咁渴底下食既野,就梗係好味~透心涼!不過我發覺佢D茶其實都唔錯~比起出面個D日本餐廳既茶更有茶味!

又是3時多才出來吃飯,又是想吃窩夫,所以又來了,只,今次並沒有了9折的coupon。一進門就聽到侍應小姐在堂堂正正的講-那星,呆了。不過算了,叫了窩夫抹茶。等了廿分鐘才來窩夫,是暖不是熱的,也沒味道的,好吃的只有綠茶雪糕。吃完所有,又多等幾分鐘茶才上來,正常的味道,沒有太淡,夠冷,我是收貨了。另,食具方面,要自抹抹才好用呢,我手頭上的叉跟匙都說不上乾淨。大概在正常的時間來,才有正常的服務吧,想吃窩夫,應該要試試去別的地方吧。

與女友晚上八點多入內食甜品. Order了一客"燒蕃薯霜淇沐", 等了30分鐘都未到, 向waiter查詢, 看見他到電腦check紀錄, 但並無告訴我們情況. 我們以為他已跟進, 豈料只見其他枱不斷上菜和甜品, 而我們的甜品仍然不見蹤影. 期問再催促兩次, 仍然無任何回應. 最後等了大約45分鐘, 我們告訴侍應"唔等喇"並準備離開, 侍應也只點點頭, 連道歉也沒有, 服務態度真差.