麻辣串串香 (已結業)

重慶紅薯粉配了最愛的豬腸/鮮魚腩。配料多款..入口更覺豐富。鮮魚腩真值得一讚。燒通菜。一般串燒都以燒韭菜為主。以第二款菜為特式。通菜燒得恰到好處。不會太乾身食到入口香。加入埋香料更可口。相比韭菜更小了一種「菜青」味道。

呢間麻辣串串香係聯和墟都開左好耐了，成日搭車經過都想試下，終於試了。先講環境，抱歉冇影相，店內好細間，只坐到十幾人，但店外都可以開兩三張摺枱，秋天冬天唔熱坐出面都ok. 食物方面，叫左d 串燒、一碗麻辣燙、麻辣豬耳冷盤。可能店太小，有好幾樣想食既食物都冇貨，本來叫左麻辣豬手冷盤，冇貨先叫豬耳而麻辣燙就每個餸$5起，最低要叫夠$30，有d 餸都多既，例如豆卜、豬血、蘿蔔呢d. 雲吞就相對少d, $9 得兩粒。串燒方面，個蒜蓉燒茄子就麻麻地，其他串燒就好食d，但每串份量比較少，過下口癮是不錯的，但要食飽就要預食百幾蚊了

外賣自取一碗麵及三串串燒等足30分鐘。等左20分鐘的時候問店員沒有解釋，聲稱煮緊麵，然後我見到我第一次問當時剛剛落單的客人的麵上左，於是再問第二次，店員只係態度極差話退錢，聲稱串燒等20分鐘，起串燒再起麵。但實際上我見到剛剛落單的客人都已經上左麵，唔明點解煮我個麵要等10分鐘以上，懷疑佢地煮堂食先過外賣，但店員唔認冇辦法。態度差劣幾好食都冇用，如果想貼錢買難受就幫襯，店員同個店名一樣，串串貢，黑名單

今日同朋友經過粉嶺D面工作，遇到一間口味很適合我既串燒店，佢就係”麻辣串串香”其實上水，粉嶺區很多串燒店，但無乜邊幾間係令我留下良好的印象，佢地一味得個D個辣字同勁重調味粉，會食物無左原先既味道最初我都無乜期望，但求飽肚同飲下野，點了燒牛舌，帶子，魷魚，羊架等等食落覺得佢地既火喉控制得好好，唔會太濃，但又有燒考既味道，調味粉又恰度好處，唔會一味咸到你要飲野，最後我仲進加左隻豬手，我覺得真係要讚同推介，真係整得唔咸，同肉質鮮味，唔乾身，黎到一定要食總結：串燒店係好多地方食，除左貴之外，仲比唔到應有既食物質素你，但這間串燒點，店鋪雖小，但五味俱存，而且價錢公道合理，叫左勁多海鮮，串燒，兩個人都係$400有找，勁正

食辣停不了！ 今日又回到上水聯和墟的《麻辣串串香》了。上回點了些少串燒未夠喉，今日回來再幫襯！ 沙白 HKD 42推介！ 可返嚼！用錫紙包棵著可保持其鮮甜味～ 吐沙程序做足，沒沙！熱乎乎的蜆很美味！ 燒冬姑 HKD 12 冬菇體積比一包包紙巾還要大！ 冬菇浸泡過程再燒，質感很柔軟又香菇味～燒雞脾菇 HKD 10 另一燒物！廚師控制得宜，不會很乾渴的樣子，加了辣調味料後更為美味安格斯牛 HKD 30 厚切安格斯好入味！ 而且牛肉肉質不錯又juicy ，特別加上調味料後更為特出！ 金菇肥牛 HKD 16 口感又爽就又諗，牛肉脂肪比例平均，沒根。 碟底沒有很油膩 燒鯖魚 HKD 45 燒得乾身，皮脆口，好正！ 魚肉仍嫩，不會乾淨淨。 雞軟骨串 HKD 10 另一脆口品，有埋酒就一流！ 脆脆口有感到很多軟骨 ～ 雞翼串 HKD 10 又想唱自細鍾意食！ 😂 雞翼富亮澤又入味，食用也很方便！ 辣度十足又可刺激一下味雷！

今日黎左粉嶺依間食麻辣野嘅餐廳依間餐廳好多野食選擇可以食麻辣燙又可以食串燒岩曬三心兩意嘅食家我同友人因為都好多串燒都好有興趣嘅關係就淨係食左串燒除左餐牌寫低左嘅野食之外仲有啲係每日都會唔同嘅燒物寫左喺黑板度而我地今日就揀左燒鱔一串有三件燒到外脆內juicy 又無腥味真係幾高質另外 我地都叫左燒扇貝 都唔算細粒 又叫左栗米 艽菜 雞軟骨 雞翼 茄子 菠蘿 蕃薯仔有啲有叫辣嘅 留意返係無得揀辣度架 陣時譚仔食開三小嘅我食食下都邊孖潤腸同要叫野飲菠蘿同栗米多汁夠甜 肉類就正正常常無咩特別價錢方面都中規中矩我地食串燒食到飽兩個人都食左5xx

一間小店，多年來用心經營，用心製作食物回報食客，要令每一位食客將吃過的味道，一一藏於海馬體區，再直入長期記憶之中，一傳十，十傳佰，這是一種共同的集體記憶了……它就是位於聯和墟的麻辣串串香！一入內，窄窄的小門足以讓我高大的身驅進入，空間雖不大，卻有五星級家的感覺！在等待朋友來之際，貪吃的我先叫了一碗麻辣燙，火燙火燙的心咼，誓要與我的胃酸抗衡，用麻辣浸染我的胃道似的。麻辣燙裡韭菜、蘿蔔、豬紅、金菇、蟹柳及豬大腸，辣度恰當，所有材料都沐浴在辣汁裡，伺機突襲我的味蕾，好滋味又開胃百倍了！之後，叫了燒原條茄子，有伸展一手掌那麼大，辣味粉已主攻擊我的鼻孔，令我不可抗拒它的誘惑，茄子肉好有黏性，燒到夠火喉上碟，幸福的內在聲音唱起歌來！而安格斯牛及AAA牛仔骨也保持水準，發出濃濃牛味，肉味幼嫩及有嚼頭，此乃男人菜必點！燒魷魚鬚，燒的火喉剛留，仍保留魷魚鬢腳的彈性及鮮味，能吃到串燒海鮮已達到了幸福之第二層了。鷄翼串與餃子釀鷄翼，同是來自一頭鷄，用了兩種不同處理方法令這平平凣凣的鷄翼變得有格調及滋味濃，不可錯過的與鷄共舞的時刻！一直緊守本位的燒粟米既甜且清爽，一排又一排被牙齒剝掉，快感與好味共冶一爐了。

突然好想食酸辣粉，搵到附近有間食酸辣粉、麻辣燙、串燒既小店。去到見到啲串燒實在好吸引，所以同朋友最後叫左一碗酸辣粉&好多串燒酸辣粉24蚊可以揀（米線/烏冬/粉絲/河粉/紅薯粉），每樣餸加5蚊。我加左木耳同海帶，木耳有好多好大塊，正，估唔到5蚊既餸咁多，食餸都飽😂串燒真係叫左好多款，牛舌， 扇貝， 粟米，茄子， 菠蘿，呢幾款真係值得一試。牛舌燒得脆，入面軟得黎又有少少爽口，忍唔住要再叫多串。 扇貝雖然貴啲，但真係好大隻，好鮮甜。粟米真係燒得好好，一啲都唔乾，又甜又多汁。茄子好大條，好多蒜泥，好惹味！平時食燒菠蘿係圓形一塊，呢到係一份好多，兩個人都食唔曬，好甜好好味

這間新開在聯和墟的麻辣串，店子小小，但價格不貴，出品還不錯，值得大家試試。坐在狹小的空間內，本來有些納悶，但發現價格非常便宜，一個麻辣燙＄３８，酸辣粉＄４８（多了些肉碎跟花生，榨菜）胃納不大的話，一個大碗薯粉已很夠。話說酸辣粉是加了醋的辣湯，比麻辣清得多，配米線比較好，薯粉就不是很夾了，薯粉還是配麻辣比較好，料的量不算少，小辣的辣度滿低的，中辣才真會有些辣，口味很合家歡串燒：餃子雞翼＄１６＠釀入豬肉碎，外面加上一些辣粉，熱辣辣又ＪＵＩＣＹ，著實很好吃白鱔＄４２（不辣）很不錯的肉質，沒有刺喉細骨皮也很脆，當中又帶點骨膠原的彈牙，值得一試加吃些蛙蛙菜＄１２跟翠玉瓜＄１４補充蔬菜纖維，口味沒有那麼辣，但卻非常惹味牛舌＄３６安格斯牛＄３０意想不到的安格斯牛竟然有肉汁而且還富有牛肉香，牛舌調味很濃，如果切得厚些會更好吃！＄２５的燒菠蘿ＣＰ值高得沒投訴了，肉汁多而且可以吃的部分非常多，不會有根部一大片都是硬塊的情況，而且也是甜中帶酸，非常開胃露荀＄１６份量合理，價錢合理，同樣是補充纖維的佳品

呢日放假入左黎探朋友，之後佢就話落去佢屋企樓下一齊食啲野先去接佢姪仔放學！！佢未食晏，但我就唔係好餓，所以佢就帶左我去食串燒，可以食少少咁邊食邊傾下計~~呢度都應該係做街坊生意多，店内位置唔太大，但兩三點呢個鐘數都唔算好多人，所以都唔洗等位就入得xpp朋友就平時久唔久都要落黎食下宵夜，可以飲下啤酒食下串燒都幾爽！！呢到主要係食串燒同麻辣燙，因為朋友未食午餐，所以佢就先要左碗“大大碗酸辣粉”HKd$48，之後我地再要左幾串串燒一齊share ;D朋友既大大碗酸辣粉有成八款配料，都真係幾豐富！！！試左佢舊白蘿蔔，入味之餘無乜渣，都唔錯啵~~串燒方面分別要左一串“燒白鱔”HKd$42、“燒牛舌”HKd$36、“燒秋葵”HKd$16同“燒扇貝”HKd$43 =)白鱔同扇貝都幾鮮味！！自己就幾中意個牛舌，厚薄適中，食落既爽又嫩，仲好惹味添~~~之後朋友未夠喉，再追加左一份“香蒜焗沙白”HKd$42 xpp當中既蜆肉無砂，下面仲有吸晒鮮味精華既粉絲添！！！！最後我地仲要左一份燒得香甜又juice既“燒菠蘿”HKd$25♥♥♥我個日仲飲左罐爽到爆既可樂添~~串燒小店唔洗加一，價錢唔貴，都真係算係貼地

小妹一向都好鍾意食啲麻麻甩甩嘅野食但同時我又要個環境要乾淨企理今日同男朋友去粉嶺聯和墟個頭覓食經過依間小店時聞到香噴噴嘅串燒味見到環境又ok 就入咗去食啦🤪男朋友係啲一定要食澱粉嘅人於是叫咗重慶酸辣粉 紅薯粉配蘿蔔 響鈴 豬大腸同牛腩好開心依度有響鈴 平時好少粉麵店有架我最鍾意個豬大腸 有口感得黎又唔會韌蘿蔔都好鮮甜 而串燒方面 我地叫咗 燒雞脾菇 燒茄子 金菇肥牛 燒牛舌 雞軟骨串 雞腎串 同燒大扇貝 一上菜真係超級香!!! 個燒扇貝我覺得係必叫!! 大大粒超鮮甜而牛舌我都超鍾意 有口感又入味最後再飲返杯豆漿 簡直透心涼🤤 Btw舖頭播嘅歌好啱聽呀🤪

今日去粉嶺帝庭軒見客，傾完嘢同個客一齊去食啲嘢，客人帶我去對面一間串燒店，店仔細細只有大約20個位，都幾乾淨企理。客人近來個胃麻麻地，所以盡量叫唔辣嘅食物，見手寫餐牌有啲特別項目，當然唔會錯過啦。我哋決定呢餐少肉多菜，係呀，有多種蔬菜選擇架。燒芫茜呢樣最特別，大家都未食過，食落多汁又香又好味，估唔到咁好食喎燒原條茄子肉質軟熟唔乾又唔油，加埋蒜蓉、蔥花同少量辣椒粒，一絲絲嘅茄子肉，惹味又唔會過濃，好味！燒雞泡魚乾雞泡魚乾又香又甜有咬口，一條接一條，食到唔停得口，正呀！燒秋葵熟度剛剛好，調味適中，唔乾有汁，好鍾意喎。燒蘆筍仔清甜爽軟又無渣， 非常美味啊！見店員買菠蘿回來，燒菠蘿共有6塊，新鮮香甜又多汁。芝士蘑菇串，好香芝士味，入口汁液豐富，新鮮好味。燒花虎蝦虎蝦好新鮮，肉質彈牙，仲細心剪去蝦鬚腳，方便食用，抵讚！安格斯牛嫩口有牛味，正！多春魚香脆乾身，好惹味。蒜香焗沙白錫紙包住蜆、蒜蓉、蔥粒、粉絲一齊焗，粉絲吸收咗蜆汁嘅精華，好惹味，蜆肉肥美又鮮甜。尖椒皮蛋面頭鋪滿香辣蒜泥，尖椒又香又辣，好過癮。

琴日約左住粉嶺既朋友食飯,因為大家都好想食串燒,但香港好食既串燒店吾多,所以朋友就推介左依間餐廳俾我😛去到門口已經聞到好香既串燒味,雖然係隱世小店,但食物種類好多,除左串燒仲有麻辣燙同酸辣粉,不過因為今次主要想食串燒,所以無食到其他,下次要試埋😋😋燒大扇貝($43)扇貝比想像中大隻好新鮮!而且蒜香味重得黎吾會蓋過扇貝既鮮味,好好食啊🥰韮菜串($10) 燒粟米($10) 燒白鱔($42)韮菜串口感軟嫩,味道鮮甜,而燒粟米牛油味好重好甜,雖然係燒完但食落去吾會覺得乾身😛燒白鱔一咬落去真係好驚喜,外皮燒得好脆,口感彈牙細嫩,食落去吾會有骨,食完好想再encore!金菇肥牛($16) 雞軟骨串($10) 雞翼串($14) 安格斯牛($30) 日本一口蕃薯($10)因為我地叫左香辣,所以食落去味道帶有麻辣味,麻辣粉味道岩岩好,吾會覺得太辣,反而口感更加惹味🥰安格斯牛好出色,燒得岩岩好,食落吾會覺得韌,肉質鬆軟,肉味鮮甜😋😋燒菠蘿($25)份量好多而且好juicy!!!菠蘿汁咬落去吾會酸,味道清甜開胃💓燒原條茄子($32）茄子好大條😋😋食落去入口即溶既茄子配埋滿滿既蒜蓉好滿足啊🥰

工作實在太不如意，常有不公平的事發生，但作為小薯，不得不接受事實💪🏻。事後同事給我介紹此店，藉此舒發感受。果然一試，哭笑不得，實在回味無窮。😍地點方面餐廳位於聯和墟，作為粉嶺老手，當然對這個地點不陌生。能夠吸引源源不絕的客源，既有本地客，也有內地客，難怪在其他地方已開了三間分店。餐廳內外室雅何需大，細心一看，牆上掛住少數民族的服飾，以映襯「重慶」這個地方。🍜餐牌方面四個字：清楚易明：價錢實在太經濟實惠！🍴🍽食物方面價錢貼地，但食物水準亦十分高！先後點了1）重慶酸辣粉；2）秋刀魚(香辣)；3）燒冬菇(香辣)。先來了重慶酸辣粉，原先我腸胃不佳，不應該吃，但故且給自己一個機會，一放進口，便回味無窮，配菜中的肉碎、花生、炸菜、蔥花，配合得竟天衣無縫。而且從圖片看到，紅薯粉晶瑩剔透😎，簡直一開口就想把它放進口內。說回湯底🍵，酸中帶辣🌶，🌶中帶酸，我一口就把它完全喝乾。十個讚呀！吃得我哭笑不得，心中的不快全然不記得！💪🏻串燒之後一起上，由於即叫即製作，吃下去，也有熱辣辣的感覺！先嘗試冬菇😋，我一咬下去，精神為之一震，皆因這是我吃過最好吃的冬菇😆。孜然粉配上辣椒粉，又香又辣，完全帶出了冬菇的鮮甜！😬

放假陪阿女去粉嶺睇戲，睇完戲係聯和墟四處逛逛，經過呢間麻辣串串香，被佢既麻辣串燒味吸引住，就同阿女入去食！入到店內，陣陣既麻辣好香令人覺得特別肚餓。除左串燒外，原來仲有重慶酸辣粉，同係深圳食個d一樣咁野咪，紅薯粉勁煙韌，小辣唔算太辣，阿女都食到幾啖。燒扇貝：燒完既扇貝係勁多汁而且好鮮味！阿女必點燒鷄泡魚干，香口野味，份量又多燒牛肉粒：香濃牛肉味，啖入多三汁。燒冬菇：冬菇新鮮。燒雞軟骨：勁香脆。燒金菇肥牛：金菇吸哂牛肉汁，好味！燒雞翼：我鍾意食，皮脆肉嫩！燒腎：爽口！芝士燒磨菇：芝士配磨菇，好西式，但味道好夾！燒牛仔骨：最正係切好一條條，方便食，牛肉味濃而且好淋！