麻辣串串香 (已結業)

好耐冇食過串燒啦！好掛住佢嗰陣誘人嘅香氣。經過麻辣串串香，見佢有串燒食，就入去幫襯吓。雖然店舖細細間，但原來燒物種類都好多，仲有酸辣粉和麻辣燙，價錢都好大眾化。🥢蒜蓉蒸沙白🥢$42好香蒜蓉味，沙白肉質鮮甜冇沙，底下仲鋪左啲粉絲索晒啲汁，熱騰騰好惹味！🦐燒花虎蝦🦐$28啲蝦好新鮮，燒完之後啲肉質好紮實彈牙，好推薦！🐔燒雞軟骨🐔$10雞軟骨係我嘅至愛，鍾意佢有口感，燒得香脆又抵食！😁🐑燒羊架🐑$32我個honey話好味吖！🍍燒菠蘿🍍$25菠蘿又香又甜又大份，隔離枱見我哋食得咁滋味，佢哋又叫咗一份！🤣👅燒牛舌👅$36💥鴨舌串💥$20✨燒白鱔✨$42燒白鱔係我咁多樣之中最鍾意嘅，外面憢得香脆，肉質厚實彈牙味道好正，鍾意食鱔嘅一定要試吓！好厚切吖！

鍾意BBQ，都一定鍾意食串燒今日去咗聯和墟搵食，差不多21:30門口都仲有人等位...座位有20個左右，等咗5分鐘就有位，都算快！串燒一串串，食就好方便...想整得好食，燒到好味就唔容易。雖然小店經營，但食物新鮮，份量唔少，價錢大眾化，用餐期間座位都坐滿嘅...就知道有水準好多回頭客同佐敦重X燒比，呢間一啲都唔會差！即叫即燒，上菜都好快，但絕對唔係燒到半熟再翻燒果種！我哋叫咗：原條茄子，花虎蝦，海馬友，雞翼，雞軟骨，雞腎，鴨舌，牛肋骨，牛丸，金菇肥牛，芝士丸，冬菇，韮菜。仲有麻辣燙，大大碗，好滿足呀整體串燒都夠味，又夠熱！麻辣粉調味恰到好處，係越食越想食嘅串燒

成日聽人話聯和墟好多好野食 , 但總係覺得好隔涉 , 今日第一次黎 , 原來好方便係粉嶺站 A2 出口轉右撘小巴 52A, 54A 同 56A ($3.6) , 班次好密 , 而家仲有轉乘優惠 (-$0.3) , 搭到總站落車就得, 唔洗驚唔識落車今次揀左麻辣串串香食平日 7:30 pm 黎到唔洗等位 , 不過 8:00 pm 左右就坐滿曬 ~餐牌 :肥牛 + 金菇 + 豬腩肉麻辣燙 (BB辣) ($30)平時食開譚仔10小辣 ge 我可以輕鬆完成 BB 辣 , 下次可以挑戰小辣 整體份量對得住價錢, 麻同辣味都食到, 偏麻多 d燒白鱔 ($42)燒白鱔屬偏貴價串燒, 但物超所值 ! 好好味 🤤🤤🤤個皮超脆, 鱔肉香口, 嫩滑, 亦都充滿魚油燒羊架 ($32)都幾大件, 唔羶, 肉質同調味都唔錯蒜香焗沙白 ($42)d 沙白好大隻 , 大概有 12 隻好肥美 , 完全無沙 , 個底仲有粉絲 燒菠蘿 ($25)好甜好食! 燒菠蘿應有水準 !雞翼串 ($14)外脆內嫩 調味唔錯 少少乾身安格斯牛 ($30)有 3 粒 , 肉質太實 , 唔夠味燒盧荀仔 ($18)無渣 , 軟硬度岩岩好 👍燒

大大碗麻辣燙揀選48蚊套餐就可以一次過，嚐到8款配料，再選擇粉麵及辣度，麻辣燙以高身筒承載，可見都幾足料，自己親身試了BB辣，已經覺得很辣很辣，所以大家都是量力而為吧。原生無味的紅薯粉煮得很淋，更加注入了麻辣燙的湯味，令人驚喜，配料都非常入味，特別是蘿蔔，豬紅和豬皮，完全吸滿麻辣湯汁。.燒冬菇，較乾身，但菇香味不出眾。.燒雞髀菇，質感爽口，仲有水份，可以再燒一段時間。..燒牛舌，薄切處理，口感比較軟綿綿。.安格斯牛，燒得剛剛好，有肉汁，有爽口感。..燒黃花魚，原條黃花魚燒，賣相一流，兩邊都燒到金黃色，魚皮香口，魚肉味道較清淡。.燒魷魚鬚，薄燒，不會太過熱氣，燒得剛好，不會過老，魷魚爽口彈牙，容易咬開。.餐牌上無寫但有得叫的： .燒秋葵，加咗辣粉又幾惹味.燒蘆筍，幼身，燒過的蘆筍依然爽口.蒜蓉焗沙白，屬較清淡，不經燒烤的款式，沙白新鮮無沙，鋁紙浸着蒜蓉湯汁，還有粉絲底，索曬湯汁，鮮味非常。

9:30先係粉嶺工業區收工。諗住求其去食個牛腩麵就返家。點知駕車途中停燈位時見到一間舖頭好多人等緊位。仲要門口停到車個下最完美。呢間小舖係食麻辣粉加串燒。可能我一支公關係。唔駛等太耐就有位。舖內雖小但未去到有壓迫感的感覺。仲有牆上餐牌都展示晒大部份出名食物及燒物。講真我好喜歡這些餐廳。一目了然。香港特式。我點了重慶紅薯粉🍠粉/燒通菜/燒帶子/燒茄子🍆。重慶紅薯粉配了最愛的豬腸/鮮魚腩。配料多款..入口更覺豐富。鮮魚腩真值得一讚。去到9:30這些時間。一般餐廳既鮮魚腩都比較不新鮮。但他的鮮魚腩好滑好新鮮。入口仲有些小鮮魚味。雖然麻辣有些小遮蓋。但本人依舊食得出。燒通菜。一般串燒都以燒韭菜為主。以第二款菜為特式。通菜燒得恰到好處。不會太乾身食到入口香。加入埋香料更可口。相比韭菜更小了一種「菜青」味道。燒帶子。意想不到的大型帶子。咁大隻係街市買都好貴。但餐廳燒得好多汁不太乾身.入口甜美。師傅個功力有返咁些上下燒茄子🍆好多串燒店都有做。但係串串香見到的燒茄子很香。同香料蒜蓉配搭好平均。不會掩蓋了茄子獨特的香味和口感。師傅真有一手。

今晚約左個好耐冇見既朋友食飯 ，約七點但我早左少少到咁就係附近睇下有咩好食啦，發現到呢間麻辣串串香 門口睇相好似好吸引又好香，而同行朋友好鍾意食辣咁就唔諗喇，一於試試佢啦 。入到去門面唔算大但坐得都幾舒服，冷氣夠強勁 睇左餐牌 有幾款湯底既車仔麵可以揀，咁今次就揀左個大大碗麻辣燙，雜錦餸雖然唔係樣樣餸都有，但都夠晒豐富 湯底好過癮麻辣得黎好香 ，好有大陸味道。另外叫了幾款串燒 都好好味道 ，由其燒茄子 同埋牛舌真係不的了 ，茄子有勁多蒜蓉同有少少辣 燒到好香 ，喜歡重口味一定要試 另外牛舌 又係世界級好食 佢燒到剛剛好 鎖得番晒肉汁 係牛舌入面 牛味充足 值得一試👍🏻👍🏻其他串燒 都好有水準，可能店細，店員同客人多互動，友善，好有街坊人情味，總括黎講 一定會番食 👍🏻👍🏻👍🏻

朋友介紹去一家小店度食串燒， 串燒通常好多肉， 對於女仔嚟講可能會係一個負擔， 但睇下menu發覺原來好多蔬菜類 ，所以即刻坐低落單！燒扇貝～ 扇貝非常大隻，差不多有一隻手掌的大小，肉質非常之鮮甜， 食落一啖啖蒜香！燒金菇～ 非常之爽脆，加上錫紙包住孜然粉同蒜蓉，全部味都落曬去金菇度，裏面每一啖都係可以有香濃嘅蒜蓉同埋孜然粉味！燒韮菜～ 我覺得係一件好有手工嘅事嚟！因為要將一條條韮菜串落去一支竹籤，其實係不容易，看出師父的心機，而且燒得係非常之入味，估唔到韭菜配孜然粉係這麼的出色！燒芫茜～ 第一次食！！因為出面好少串燒店可以食到芫茜！估唔到燒出嚟嘅時候會散發一陣一陣的清香，把芫茜嘅味全部都帶曬出嚟！燒茄子～ size好大！而且蒜蓉都十分之足夠！ 夾著埋茄子肉，真係一梳梳 沾滿曬蒜蓉！而且一啲都唔乾！燒雞翼～燒得外脆內軟，而且燒到雞肉依然非常juicy ，難得難得！重慶酸辣粉～ 男人總要食啲澱粉質先至會夠飽，重慶酸辣粉味道好惹味， 感覺正宗，配埋響鈴簡直一絕！

朋友好鐘意食酸酸辣辣既野,佢話聯和墟有間食麻辣燙&串燒既小店好想去試,今日就陪佢去試燒大扇貝,真係超級大隻,有手掌咁大,好厚肉,又爽口鮮甜,上面鋪滿蒜蓉,更加鮮味,我超級鐘意食.秋刀露筍卷,好創新,燒秋刀魚好有油香,加上爽脆既燒露筍,口感好豐富,好好食.燒通菜,燒完依然好翠綠,口感都爽,唔會韌,上面有孜然粉,好野味,看似好普通,原來咁香.燒原條茄子,係好巨型茄子,成條茄子都鋪滿蒜容,茄子又好多汁,吸收晒蒜容味,好香茄子肉可一絲絲咁食,真係好野味.酸辣粉配紅薯粉,有好多辣度任君選擇,我叫左少辣,酸辣度好岩我酸酸辣辣咁,紅薯粉完全吸收晒酸辣汁,又彈牙,好好味.麻辣燙~有魚蛋,豬皮,魚皮餃,牛腩,蘿蔔,豬紅,墨魚丸,咁豐富都係$38,超級抵,汁做到麻辣既感覺,成個口都好麻脾,食得好過癮.魚蛋彈牙, 豬紅好滑, 豬皮同蘿蔔超級入味,魚皮餃,牛腩都好好味,另外再加左金菇,水魷魚,牛柏葉,真係大滿足,好岩一邊飲啤酒,一邊嘆.

今日終於嚟到粉嶺接男朋友收工啦！行過聯和墟見到有間食串燒，門口睇就平平無奇，入到去都舖仔細細，但原來除左串燒，佢仲有麻辣燙同酸辣粉。最後嗌左個酸辣粉BB辣加豬血同韮菜雲吞，同啲串燒。豬紅都實嘅唔會好水一pat嘢咁，都夠味唔會得腥味，好食👍🏼而BB辣係岩岩好，但個湯如果可以酸小小就完美啦！另外值得讚嘅係佢個韮菜雲吞，好好食👍🏼雖然細細粒，但係好香韮菜味，肉都仲有鮮甜味。焗沙白都好入味，特別啲粉絲，真係好食到男朋友差啲湯汁都飲埋。而個金菇我覺得個味道岩岩好，食完唔會口臭，好正。呢個餃子雞翼更加不得之了，係我全晚至愛。佢咬出嚟有汁之餘係啖啖肉果種滿足感，但難以形容。另外我地仲嗌左雞腎同魷魚，呢兩個就有小小失手，比較乾身，但我都好明白呢兩樣別係好難燒，所以其實味道上都合格。中間仲有串安格斯牛，呢個又係好正，佢燒到六成熟，咬落去又係有汁同唔un👍🏼燒茄子都冇得彈，佢地呢個人整蒜蓉個份量真係好岩岩好，除左食到茄子本身嘅鮮甜味，蒜香都好夠味之餘唔會令你食完好口臭。最後當然唔少得我最喜愛嘅燒菠蘿，我以為佢一份得一兩舊，所以嗌左兩份，點知一份原來有6件，真係大件夾抵食🤣又係好多汁 酸酸甜甜，用嚟作結尾係

住喺北區嘅朋友,一定知道呢一間燒夜店！ 餐廳細小,但係入麵食物選擇豐富,有海鮮、有燒茄子、有燒肉串等等！ 而且係即叫即燒 ！非常好吃！今次適逢, 朋友生日,食完生日飯, 仲想搵個地方傾偈, 剛好有朋友提出這一家！ 到舖頭我哋都係等咗一陣間就有位喇！餐廳有燒帶子，帶子原粒連殼奉上, 不但止燒得軟熟,而且保留水分, 令到原有嘅海鮮味, 完全可以帶出嚟！此外最值得推介嘅就係燒白鱔！ 白鱔肉質鮮嫩,好有咬口。 雖然價錢有啲貴,但係未到新鮮而且特別！另外,食串燒,當然唔識得燒茄子啦！這間燒茄子味道, 鮮甜多汁, 簡直好味道，係一條都唔夠幾個人分！

自己之前都成日去食呢間麻辣串串香，因為佢喺荃灣河背街有另外一間分店，今日去完粉嶺就順道喺嗰度食埋晚餐。麻雀雖小，五藏俱全，雖然間店舖嘅位置唔算多，但係亦都足夠20至30人進食。呢度有啲自選粉面、重慶燒同埋酸辣粉，全部都可以自由配搭同埋自由選擇，桌上面亦都提供左點餐紙可以俾人自己剔。我哋二話不說，一齊點左兩碗麻辣燙，因為麻辣燙有八款嘅餸菜，而且價錢只係$38可以自選不同嘅面底，包括米線烏冬紅薯粉等。我覺得佢個湯底真係辣得好過癮，而且最好食嘅配料，就係魚蛋同埋豬皮。魚蛋好彈牙咬落去熱辣辣，豬皮細細塊，會自動捲埋，食落去充滿湯汁在口中蕩漾着。最後仲叫咗支凍冰冰嘅茶飲，涼透心正。

來到粉嶺聯和墟 四周都是食店看到有間紅色招牌的小店門口有很多入在排隊原來是食串燒的 正合我們胃口🍽燒大扇貝扇貝新鮮 而且非常大隻調味剛好 沒有搶去扇貝本身的鮮味🍽燒原條茄子上枱大大條 加入了大量蒜蓉茄子燒得很好 有入口即溶的感覺軟滑的茄子加埋蒜蓉 無得輸🍽燒金菇用錫紙包住上枱 份量都幾多金菇加埋秘制的醬汁食落味道岩岩好🍽燒黃花魚這是本人的最愛原條黃花魚 魚皮燒到十分脆口魚肉軟綿綿 做到真正的外脆內軟而且一點魚腥味也沒有🍽安格斯牛(最左)牛味濃 不過燒得有點乾🍽燒芝士丸芝士控必食熱辣辣的流心芝士 想起已覺吸引🍽燒羊架無羶味 羊肉食落軟腍juicy🍽燒牛舌只加了少少鹽作調味 燒得香口🍽燒雞翼串雞皮燒到脆卜卜連本身不愛雞皮的我也全隻吃完太邪悪了🍽燒脆肉瓜(最右)吃得太多肉 需要一些蔬菜來平衡一下加了辣粉 引出了脆肉瓜本身的鮮甜😋店舖除了串燒外 還有麻辣燙和重慶酸辣粉奈何本人胃部空間有限 要留待下次才有機會再試

鍾意食辣嘅朋友千祈唔好錯過呢間小型麻辣燙酸辣粉專門店，雖然佢位於粉嶺，一個唔係咁旺嘅地區，但係好食嘅程度可以媲美著名嘅麻辣火鍋店。除咗有麻辣燙之外，呢度有一啲好好食嘅串燒燒烤，最令我難忘呢度竟然有燒芫荽！仲要係呢度嘅推介，本身以為會燒到好焦，熏黑色，但係原來加咗燒汁，味道係可以咁香，同埋咁甜又美味，佢仲要剪開芫荽嘅頭同芫荽嘅莖部，吃落去有唔同嘅質感，好令人回味。另外當然要試吓呢度嘅燒海鮮，超好味嘅沙白，用錫紙熱辣辣地盛戴著，裏面加上蒜蓉同埋孜然粉，味道又幾夾！仲有好多粉絲添！又香又鮮甜，啲沙白仲要冇沙。另外嘅燒扇貝亦都好吸引，扇貝嘅肉大大粒，唔會好韌，同埋亦都冇雪櫃雪藏味道。呢間店我一定會encore，分店有幾間大家可以去試吓！

我最喜歡試新野，見到粉嶺朋友熱情地推介這間食店，落雨都要去試試店面不大，但簡潔企理，職員友情，我今晚試了不少美食燒大扇貝一開二的扇貝夠入肉，肉質細嫩，蒜味香濃，還細心去除內臟，加分燒蕹菜、韭菜串籽然香味係我最愛，燒完保留很多汁，清爽美味大大碗麻辣燙內有爽口魚蛋、滑滑豬紅、爽口豬皮、魚皮餃、嫩滑牛腩、彈牙墨魚丸一開二、清甜無渣蘿白、蕹菜，我揀紅薯粉，小辣，飽肚之選燒原條茄子🍆燒得香軟，熱騰騰時最美味，一條真係唔夠喉燒羊架燒得外層香，內軟，無咩膻味，惹味牛肋骨串牛味香濃，燒得夠香，喜歡牛一定要試AAA牛仔骨細心切條，方便進食，細嫩多肉汁金菇肥牛肥牛燒得乾身，金菇爽豬肉年糕燒得香口，味道較淡，年糕香糯骨付腸外層燒得香，香腸軟身，ok燒粟米粟米燒過更香甜

聯和墟， 未去過都唔知咁多特色小店。今次來到麻辣串串香，係因為離遠喺對面街市已經聞到佢嘅麻辣香味。食物分兩類，粉麵類和串燒類。串燒有蔬菜、海鮮、肉類等。粉麵的話，有麻辣燙和酸辣粉。燒大扇貝$43, 一上桌聞到超香蒜蓉味，灑滿蒜蓉和蔥花，輕微辣椒和五香粉，味道已調教至香港人口味，不會太辣，還帶微微甜味。帶子肉新鮮又大隻，質感好煙韌，又鮮甜多汁，必食推介。蒜香焗沙白$42,就是錫紙包沙蜆，果然超多蒜蓉，蜆的鮮甜味在錫紙裡都局出來了。湯汁非常鮮甜，加上有蒜蓉香和輕微麻辣粉調味，食得好過癮。原來裏面還有粉絲，識食嘅梗係食粉絲啦，吸收曬湯汁嘅精華，真係好惹味，又唔辣。燒原條茄子32,食串燒必點的。喜歡茄子燒熱過後，又軟又滑嘟嘟，而且能夠吸收調味料的味道，愛吃蒜蓉和麻辣，這裏吧蒜蓉鋪滿整條茄子，完全不吝嗇，麻辣粉、五香粉少不了，但卻多了一份甜味，也是為了配合香港人口味，中和一下辣度。喜歡吃辣的話，就會嫌不夠辣，但茄子燒完質感，還是我喜愛的。重慶酸辣粉$24,每款配料由$5起， 都幾抵食由於唔係太肚餓嘅關係，純粹過口癮，就叫咗一款蘿蔔配料試下。選了中辣都覺得唔算辣，因為有酸味中和，愛吃辣的人起碼要叫