麻辣娘子 (新都城中心) (已結業)

每次經過新都城二期中庭最高層，總會見到有不少人於麻辣娘子等待叫號，當時已經記下此店名字，總想有機會一試。是夜剛巧又到新都城，見到只有兩三個號碼就到，而且又有幾枱結賬，所有很快就有位。入內之後，看到差不多每一枱都叫上酸菜魚或麻辣水煮或乾鍋，再加其他小食及茶飲，既然如此，一於照跟其他人的叫法。蒜泥白肉蒜泥白肉果真是蒜泥，蒜泥幼滑，蒜味不算十分之濃，白肉亦不太肥，減輕內疚感。薄切白肉配上蒜泥真的很好食。芥香小木耳小木耳味道不算很濃，感覺比較清新爽脆。娘子最愛酸菜魚(小)酸菜魚小的份量也不少，怪不得其他人都是叫上此菜配點小食。此菜和之前的小食都可以揀BB辣至大辣，自問對辣味的接受能力不高，只敢叫上小辣，淺嚐即可。小辣真的只有少少辣度，下次可以挑戰中辣。酸菜魚魚肉雪白厚身，並無細骨，鮮甜嫩滑，酸菜清酸爽脆，嫩薑辣度輕微，其他配菜有萵筍、大豆芽及薯粉，十分豐富及飽肚。此酸菜魚上面放上幾瓣菊花，雖然沒有甚麼味道，但感覺就是比較幽香。手作鮮果炭燒烏龍茶鮮果茶內有不少鮮果，計有菠蘿、海南桔、蘋果、火龍果、橙、藍莓及奇亞籽，配上淡淡烏龍茶，增添鮮果的清新鮮甜。茶飲可以揀選多冰或少冰，甜度亦可以選擇由正常、

朋友喜歡吃川菜，三番四次邀請我，難得放工有空，陪她來到新都城一嚐，價錢適中，川菜來說挺合理，小菜的價錢偏向便宜，大概也是三十四十一款。前菜先叫了涼拌土豆絲，由於我不能吃辣，所以叫了小辣，土豆絲切成一條條，爽口，灑上了芝麻，更香口，麻麻辣辣開胃。傳統重慶毛血旺，叫了小辣不敢太辣，毛血旺裏面的材料也挺多，分別有牛柏葉，鴨血，五花腩，青瓜，芋絲，魷魚，花椰菜，午餐肉以及薯粉。種類很多，配一碗白飯，非常好下菜。另外叫了兩杯奶蓋黑糖珍珠炭燒烏龍茶，即叫即整，想不到在四川菜館的手搖飲品，質素也不錯，奶蓋厚，奶味濃郁。最後叫了個小炒，泡椒炒牛肉，泡椒酸味較重，相比起毛血旺，又是另一種味道，愛吃酸的可以試試。

本身都好鍾意食酸菜魚原來將軍澳新都城都有一間專食四川菜嘅 見到平日晚上都差唔多全部滿座搵埋啲鍾意食川菜嘅朋友一齊試吓娘子最愛酸菜魚 可以揀小辣中辣大辣同埋麻辣度揀咗中辣同大麻大麻辣得好過癮 嘴唇發麻 不得不提呢個酸菜魚我哋揀咗細份另外仲有土豪版 即係超大份細分嘅238都已經好足料 魚片最少有二十片入邊仲有薯粉 酸菜 豆芽另外仲有豆卜 嗦晒啲湯鮮奶炸饅頭 $26 6粒好抵食 20幾蚊已經有六粒 即叫即炸點埋煉奶 甜甜地加上外皮脆脆地嘅口感不知不覺食咗幾粒 兩個人叫咗個酸菜魚饅頭已經好飽啦另外呢間最特別嘅佢哋係有自己整嘅台式飲品我哋就叫咗 黑糖鮮奶桃膠 $30 另外加$6可以有奶蓋估唔到個奶蓋都整得幾好飲同喜茶有得揮 另外鮮奶都係用3.6 㗎 真材實料 珍珠唔健康呢度可以改叫桃膠相對健康啲又有咬口 黑糖鮮奶調味啱啱好黑糖唔會蓋過鮮奶 比例啱啱好唔錯手作鮮果苿香綠茶呢個都唔錯 叫咗無糖 健康啲類似水果茶同埋都飲到百香果嘅味道 食得辣野多非常解辣

今次嚟到新都城食麻辣娘子，每次經過都會畀佢個門口張poster個乾鍋同酸菜魚吸引，今次就約埋朋友試下啦。睇完menu就用電話落單，今次我哋就揀咗個毛血旺，貪佢咩都有啲，另外當然叫咗一個乾鍋啦😄，冇叫飯食所以再加多個咕嚕肉，同埋兩杯台式飲品。毛血旺 $148食川菜又點少得毛血旺呢， 毛血旺味道麻辣鮮香，用料豐富，包括毛肚、牛柏葉、芋絲、午餐肉，當然唔少得鴨血啦，仲有寬粉同豆芽做底。 本身想叫個飯嘅，但係已經叫咗三個餸，同埋又有寛分其實都好夠飽。娘子自選乾鍋（鍋底38）幹鍋配菜有二十多款，要選四款以上配菜 ，今次就簡左安格斯牛肉$68、肥腸$38、魷魚鬚$48、蓮藕片$25，可自選辣度，仲可以加麻度。 安格斯牛肉大大片，牛味香濃， 肥腸勁度十足，又香又辣食得過癮。鮮菠蘿咕嚕黑豚肉 $88非常開胃嘅一道菜，酸酸甜甜，黑豚肉肉質嫩滑， 啖啖肉唔使吐骨，啱曬我呢啲懶人😝， 加埋新鮮菠蘿，真係夠曬開胃消滯。食辣嘢梗係要叫返杯台式飲品啦，叫左2杯黑糖珍珠炭燒烏龍奶茶，烏龍奶茶味道醇厚，珍珠口感Q軟，飲之前搖一搖，唔會覺得好甜。

好耐冇入嚟寶林行，今日嚟到見到好多舖頭都變咗，你見到呢間新嘅餐廳「麻辣娘子」，係主打食辣，而無辣不歡嘅我梗係要試一試！😋 睇咗一輪餐牌，真係有好多選擇，最後揀咗：水煮安格斯牛肉分量超多，材料十足，除咗安格斯牛肉之外，仲有豆粕、鴨血、芽菜、薯粉、木耳等，當然仲有好多辣椒花椒等唔同嘅香料，充滿四川麻辣風味👍🏻因為太大份最後食唔晒😂蒜泥白肉呢個係必叫之選，佢嘅蒜蓉磨刀好似泥緊，比起三哥譚仔更泥，因此蒜蓉味更突出，豬肉片肉質爽口，唔錯☺️干扁四季豆味道唔錯，夠大碟，好多肉碎，炒得夠乾身。嘢飲方面，本身想叫奶蓋茶，但賣晒，就轉左叫十勝紅豆鮮奶，紅豆夠多，奶味濃郁。總括嚟講食物份量夠大，最好叫多幾個人一齊食就可以叫多啲款式，唔錯可以再試！😋

好耐冇約朋友出嚟食飯，就揀咗近近地呢間餐廳食飯，滿足朋友想食辣嘅願望🙈蝦仁雞粒黃金炒飯~一想啲見到粒粒飯都係金黃色已經好吸引，份量很多，足夠兩個人食飽，午市套餐價來講算係超抵🙈有大量嘅蝦仁，每一粒都夠彈牙，亦有啖啖肉嘅雞粒，味道層次豐富，炒飯亦夠鑊氣☺️冒菜粉(香辣湯+蓮藕片+金針菇+鴨血+滑雞片)~香辣湯夠惹味，冒菜粉吸收晒香辣湯嘅精華，味道辛辣可口，質感亦夠煙韌，配合各種配料味道層次十分豐富，忍唔住想繼續食🥰蒜泥白肉~怎可以少了我最喜愛的蒜泥白肉，豬肉設成薄薄片狀，每一塊都沾上了磨成泥狀的蒜蓉，既有香辣的刺激感，亦有蒜蓉的香口🙈令人食指大動😝黑糖桂花冰粉~第一次嘗試冰粉，冰粉就像晶瑩剔透的啫喱，沾上了帶有淡淡清香的桂花黑糖，味道十分清甜，沒有普通甜品的膩感，係夏日消暑良品🥳芝士奶蓋茉香綠茶~怎可以少了一杯飲品，鹹鹹甜甜的芝士奶蓋配上淡淡清香的茉香綠茶，沒有掩蓋了綠茶的甘香，消暑良品😝芝士奶蓋炭燒烏龍茶~個人更喜愛帶有炭燒味道的烏龍茶，味道同芝士奶蓋的鹹甜出奇地夾，帶有少許煎茶的感覺，味道幾不錯👍

呢日早收工，見新都城附近有個小丸子展覽，順便去打卡，估唔到最近都開咗咁多新鋪，見呢間川菜館有唔少人排隊，目測似乎唔錯，一於同友人試下。先嗌左兩份小食，川汁皮蛋好特別同一般皮蛋唔同，平時嘅皮蛋都係灰灰黑黑，呢度嘅皮蛋係金黃色，賣相非常吸引，加上香辣嘅醬汁撈埋，辣得好開胃。朋友就話想試夫妻肺片，原來係麻辣涼拌牛舌同埋牛肚片，爽口彈牙，都唔錯。見到有唔少客人都有嗌呢一味娘子酸菜魚，不過我哋得兩個人所以就叫咗小份， 但份量一啲都唔小，起碼可以足夠三四人食用。魚肉大大片而且好滑溜，加上冇乜骨，而且酸菜味都好香，底下仲有啲豆卜芽菜同薯粉，吸收晒湯底嘅精華，好好味。而且呢度仲有唔少台式飲品可以選擇，我就叫咗草莓水果茉香綠茶，朋友就飲芒果水果炭燒烏龍茶，味道都唔錯，水果好新鮮，而且唔會太甜，好有茶香。兩個人人均二百零蚊， 食物份量好大份，味道同埋賣相都唔錯，可以下次再約多啲朋友一齊食。

同家人係新都城搵食，見到#麻辣娘子，6點多進食時都好多位置，真係早食早享受😎。叫左佢地招牌菜#娘子自選乾鍋，配了四款自選餸，滑肉片、椰菜花、茼荀同金菇。上菜時會用上火鍋形式，熱住d餸，故唔怕佢凍左可以慢慢食。點菜時還可以任加麻、辣、芝麻等等。此乾鍋非常之惹味，啱晒喜歡重口味的家人。#脆皮小豆腐即炸起好脆皮唔會厚，內裏的豆腐很滑，面頭有椒鹽同炸蒜好香口，細細粒容易食。#紅糖茲粑紅糖鋪在茲粑上，咬落煙煙韌韌，有咀嚼感☺️。#黑糖桂花冰粉。加上黑糖同杞子乾增加甜味，食落冰凉滑滑爽口，食完酸辣食番一碗真係完滿😋。飲品叫左#熱薑糖薑母茶，家人說薑都夠辣。#十勝紅豆鮮奶，甜度適中鮮奶味重，紅豆份量都多。

好耐無食酸菜魚～放假同呀媽去左新都城行街，見到呢間麻辣娘子好似好受歡迎，應該幾好食，所以就拎飛試一試～佢既lunch set幾抵，有一主食加一碗飯，加錢可以配台式飲品～✨酸菜魚，魚片係連皮既新鮮魚肉，唔係好多時食到既急凍魚柳，呢個值得一讚～湯都幾濃有酸有辣，最唔可以錯過既係入面既寬粉！索晒湯，煙煙韌韌，當然唔少得酸菜啦～好快就餸完一碗飯✨麻辣肥腸，一黎到係超香～炒得好乾身，肥腸份量都唔少，炸到脆一脆，入面仲有少少配菜，薯仔、連、椰菜花，同樣索晒麻辣味道，好正～✨另外加左小食，泡椒豬手，酸酸辣辣，好清新爽口既豬手，食多幾舊都唔怕漏～✨口水雞，份量十足，幾乎係半隻雞既份量，雞件好嫩滑，紅油都幾香～✨飲品叫左黑糖珍珠奶茶同埋奶蓋茉莉花茶，表現正常～

是日晚上到了麻辣娘子食嘢，點了乾鍋, 佢一定要點4樣菜, 於是叫了牛肉, 滑肉片, 土豆跟豆皮, 店家用上火鍋形式上, 其實本身都已熟了....., 但滑肉片完全是得肥肉, 牛肉同另2個菜都正常, 可是... 實在是非常的咸, 攪到我要用水加入才食, 但都係咸到呢~,,,,,小食叫左細細粒脆皮小豆腐, 炸到很脆,  一口一粒好香口, 面頭的椒鹽係非常咸, 即時叫可樂平衡番~

實在太耐冇同老公撐枱腳，今晚交個女俾工人姐姐，去老公做野附近食野😃之前經過見到一直都好想食，所以今晚一於食呢間😋川式口水雞: 一上枱已經聞到好香，我地叫左小辣，辣度唔夠，不過中意食辣的話可以叫大辣以上，雞唔肥，亦都夠滑☺️脆皮小豆腐: 內軟外脆，炸完即上台好熱！椒鹽好野味，如果有杯酒就更好🤣古法紅燒肉: 一d都唔肥膩，用來送飯唔錯煮得好淋，好入味蝦仁雞粒黃金炒飯: 鹹蛋味極重，好正！我中意，勁大碟泡椒炒牛肉: 呢個我都係叫咗小辣，牛肉唔硬，老公中意，好有大排檔風味，鑊氣夠！我地2個人最後食唔晒，打包拎走，大碟又抵食

唔知大家身邊都有無辣妹係你附近？每次食親辣野都會揾原班辣妹一齊食野。依間有阿里山台式飲品叫左芒芒水果炭燒烏龍茶、黑糖珍珠鮮奶、芝士奶蓋黑糖珍珠鮮奶，以台式飲品黎講 依間做得好出色 抵讚！水果茶夾雜埋辣鮮既水果 好吸引，黑糖珍珠好有口感 黑糖味濃郁 超邪惡。低糖豆漿重豆味 ，解辣之選！涼拌土豆絲 土豆絲掛滿哂涼拌汁，涼浸浸好開胃！川式避風塘炒麵炒得好有鑊氣而且好帶光澤 。酸菜魚（小）魚肉好嫩滑 仲有爆多塊，配料都好足料，個個辣妹都忍唔住係咁夾。黑糖桂花冰粉 透心涼既甜品之選 桂花味好香紅糖茲粑 好香糯米味呀！ 而且軟棉棉！脆皮小豆腐金黃既外表 咬落去 豆腐質感好嫩，嘟一聲就吞左蝦仁雞粒黃金炒飯 雞粒同蝦仁都無雪味 好新鮮，碟炒飯大到呢！

今次依間麻辣娘子係新都城中心開左😍 想食麻辣野就黎喇😍涼拌土豆絲 食得辣既話 可以叫中辣🥰🥰 夏天最岩食啲涼浸浸既小菜 土豆絲好入味脆皮小豆腐真係好外脆內嫩🙈炸得好出色而且炸漿唔厚 食落去唔係好油膩🤙🏽🤙🏽蝦仁雞粒黃金炒飯 份量大大份！而且好足料 鹹蛋黃混合埋炒飯入面 好邪惡😌川式避風塘炒麵依款都有驚喜 估唔到炒得咁香！炒得好有光澤但食落唔油臨臨！ 酸菜魚（小）配料有好多，仲有埋寬粉 口感一流酸菜同魚都好好食 而且啲魚無魚骨 食得放心🥳黑糖桂花冰粉 口感滑嘟嘟😋 淡淡嘅桂花香味 食落透心涼🥳 紅糖茲粑 好軟糯😜 沾埋紅糖真係好正 飲品方面 平時飲開王老吉呀 涼茶 估唔到依間有埋台式飲品添！芒芒水果炭燒烏龍茶、黑糖珍珠鮮奶、芝士奶蓋黑糖珍珠鮮奶我想講！無得彈！啲飲品整得好出色，完全有台式飲品既感覺 平時都係出街揸住黎飲 好開心有得食麻辣野之餘仲有得飲台式飲料珍珠好濃既黑糖味 而且好有口感！水果茶好清新 茶咪濃😜低糖豆漿好濃郁既豆香味🤙🏽 飲得出係真材實料

8月1號收到消費券，梗係去消費下啦。去將軍澳行吓街，睇吓嘢，買吓嘢，食吓嘢😂見到麻辣娘子嘅菜牌，除咗麻辣嘢之外，仲有酸菜魚!即刻😍😍眼，拉埋朋友入座先⋯⋯又係QR code點餐。先點個娘子最愛酸菜魚$248，原先都覺得幾貴下，但係當一大盤酸菜魚上枱，即刻覺得物超所值，滿盤都係好厚好厚嘅魚肉，酸辣味適中，盤中仲有麵條，大豆牙，豆卜⋯⋯真係一盤已經可以食飽人啦😂😂另外叫的泡椒豬手，這個微辣少酸的爽脆豬手，作為前菜真係好啱，好有咬口👍🏻再點的川式口水雞，完全食都麻辣娘子嘅麻辣功力，配埋滑流嘅雞肉，一個字：正！😋😋

我同屋企人全家都超鍾意食辣😍今次全家去左呢間專食辣既餐廳食，真係好開心呀😝涼拌土豆絲作為前菜真係好開胃，尤其係佢又爽口又辣辣地又涼浸浸，好味😋芝士奶蓋黑糖珍珠鮮奶好大杯！全餐飯都食辣野，真係需要啲甜甜地既黎調劑一下🤣🤣呢杯野飲就好正啦，又解辣又好味😋好少食到蒜泥白肉係真係打到呢蒜頭變成漿🤣🤣雖然個口感食唔慣，但係辣味同蒜味都up up up!!!脆皮小豆腐真係超抵食！58蚊就咁大碟，而且外脆內軟，口感好豐富，超級香口呀😍黃金蝦超大碟！隻隻蝦都大大隻，而且仲有起碼10隻，啲咸蛋黃香超正😋呢個蝦仁雞粒黃金炒飯係十級惹味😍😍微辣又香口，每一嘮都係咸蛋黃香味，大家一定要試呀！重頭戲一定係酸菜魚，不過呢個酸菜魚我地只係叫左小辣，就有少少唔夠喉🙈食得辣既一定要挑戰辣啲！黑金流沙包作為甜品真係一流😋熱辣辣食既話就真係可以一口氣食幾個😍