麻辣年華 (楊屋道)

营业中

休息中

禮拜日放假，我同朋友去咗荃灣嘅麻辣年華，真係一個唔錯嘅選擇！本來諗住去另一間水煮魚嘅餐廳，但經過呢度見到有串燒同海鮮，於是決定入去試吓。脆皮烤魚真係好香，魚皮烤得脆脆的，搭配青椒湯底，仲有一陣奶香味，味道幾特別。我本身唔太鍾意食魚皮，但呢個脆皮魚皮食落去好滑，完全冇腥味，食完真係唔想停。農家小炒肉嘅份量好足，肉塊好嫩，唔似其他餐廳淨係得菜，呢個炒得真係好好，搭配白飯食，簡直係絕配！每一㗳都令我驚喜。串燒方面，羊肉同牛肉都處理得幾好，肉質彈牙，調味唔重，食落去好開心。相比之前食過嘅串燒，呢度嘅肉質真係好好多，令人印象深刻。飲品方面，西瓜波波飲落去又清涼又解渴，特別適合呢個天氣，啤啤啱啱好，飲住熱食同炸物，感覺超級享受。總括來講，麻辣年華呢間餐廳真係值得推介，無論係海鮮、烤魚定串燒，都有一定水準，價錢合理，非常適合同朋友聚餐。如果你鍾意食辣，呢度一定唔好錯過！我下次一定會再嚟！

踏入晚上九點進入宵夜時段，不過呢間位置有少少偏僻嘅小店比想像之中多客人，而且一邊食一邊有客入嚟食嘢，咁呢度啲嘢係好食嘅。我哋三個人每人叫一樣野食，然後share，難得三樣嘢都幾好食。金湯酸菜魚片米線$48：魚片嘅數量比想像之中多，佢呢度嘅酸菜魚又真係唔辣喎，個湯幾好飲。豬骨濃湯肥牛米線$45 ：好彩啲肥牛又唔會好肥，個湯底都唔錯，幾好飲。乾鍋農家小炒肉$59 ：飯同餸分開上，碟小炒肉真係好大碟，好香好惹味，啲青色辣椒好鬼辣，食得好過癮。

今日係荃灣心思思想食辣野，簡左呢間係荃新天地二期對面既呢間食烤魚、串燒店，一入到門口已聞到好香既串燒味點左個脆皮烤魚二人餐$498包括海解脆皮烤魚+$18海鮮材料十分豐富，有鮑魚、魷魚、蝦、蜆，魷魚十分軟熟，烤魚皮脆內軟乾鍋農家小炒肉很喜歡這道辣椒炒肉，很香口入味至尊紅柳羊肉串一定要襯熱食，羊味濃郁一啲腥羶味都無金銀蒜烤生蠔大大隻蒜味香濃，也不會遮蓋蠔的鮮味，燒得剛剛好唔會overcooked西瓜🍉冰+$18粒粒西瓜肉，配上益力多，擺喺酒吧度做Mocktail都不為過至尊水果茶+$24非常大杯，入邊果肉充足，口感滿滿紅糖糍粑$48甜品推介，簡單的材料製作如此好吃的甜品，用糯米做的甜品，煙煙韌韌，口感像年糕一樣店員服務親切有禮，細心推介每一道菜式，座位舒適

黎開荃灣必食麻辣年華佢個脆皮烤魚2人餐好抵食😍$498有烤魚、串燒、小食、飲品份量十足Cp值高🫶🏻⭐️海鮮脆皮烤魚海鮮烤魚份量好有誠意😍江團魚勁大條起碼有兩斤😙啖啖肉魚肉又甜又滑配埋湯底一齊食超正🤩湯底揀咗青籐椒味少少麻同辣好惹味🤟🏻除左烤魚，裡面有好多唔同的海鮮分別有：蝦🦐、魷魚、蜆、鮑魚海鮮好新鮮尤其蝦同鮑魚好彈牙可口😋而且有洋蔥、芫茜、芽菜和檸檬等調味對這盤烤魚超滿意🫶🏻⭐️乾鍋農家小炒肉有驚喜炒肉夠穫氣有個爐熱住個鍋令到炒肉keep住熱辣辣🥳⭐️串燒-至尊紅柳羊肉串&黑椒牛柳串串燒烤得剛剛好🥰外脆內軟調味100分夠juicy😄羊肉唔羶牛肉唔韌夠香口⭐️金銀蒜烤生蠔🦪生蠔大大隻😽勁鮮甜有蒜蓉調味整個口感再昇華👏🏻⭐️飲品-至尊水果茶嘩左一聲超大杯十分足料😉⭐️青檸金桔蘇打解渴及健康之選😊⭐️鮮炸小酥肉炸得金黃酥脆肉質嫩滑搭埋甜辣醬超好食🤤

麻辣年華和太太二人在屋企附近試了麻辣年華，原本有少許擔心會唔會太辣，食完之後簡值係大正評大滿足！1.鮮炸小酥肉：外酥內嫩，香氣四溢，調味有加上少許花椒粉，味道過癮，讓人一吃就停不下來。2.金湯酸菜海鮮脆皮烤魚：金湯濃郁與酸菜酸爽，海鮮的新鮮鮮美，有鮑魚，蝦，魷魚，蜆，與脆皮烤魚的香脆相得益彰，最重要是師傅已經完美起骨，啖啖肉。3.乾鍋農家小炒肉：這道菜充滿了濃郁的家常風味，肉片鮮嫩多汁，搭配各種蔬菜，口感豐富且層次分明。4.至尊紅柳羊肉串：羊肉串經過精心烤制，外焦里嫩，肉質鮮美，紅柳的香氣更是為這道菜增添了獨特的風味。5.黑椒牛柳串：牛柳串的肉質鮮嫩，黑椒的香氣濃郁。6.金銀蒜烤生蠔：生蠔的鮮美與金銀蒜的香氣相互交融，烤制後的生蠔口感滑嫩，蒜香四溢。7.青檸金桔蘇打：這款飲品清爽解渴，青檸和金桔的酸甜與蘇打水的氣泡完美結合，甜度調得剛剛好，不會太甜。8.至尊水果茶：水果的鮮甜與茶的清香相得益彰，這款飲品不僅美味，還充滿了滿滿的水果，有蘋果，橙，西柚，提子，西瓜等等，而且有成800ML大大杯，份量十足。麻辣年華走的不是華麗裝修風格，反而是以合理價錢，合性價比的食物取勝。適合兩公婆晚飯小菜

餐廳環境闊落，卡座坐得舒適，播著輕快音樂，令人懷著愉快心情去享受美食。餐牌圖文並茂，睇見好多菜式都想試下。既然咩都想試下，最好就係揀2人餐，唔使諗就可以試多種野食啦。海鮮脆皮烤魚一拎上枱，忍唔住“嘩”了一聲。好豐富嘅烤魚呀。除左大大條烤魚，上面仲加滿了海鮮，包括彈牙鮑魚，爽爽魷魚花，無沙蜆肉，呢啲海鮮只要另加$18，真係好抵。烤魚係江團魚，無鱗無骨，肉質白嫰，入口即化，配合微辣湯底，真係食唔停口。待應姐姐仲教路：開始食魚前先舀起一碗湯，食到一半時再放回鍋內，味道更持久。葱爆牛肉鍋大量葱，蒜，椒混合一起炒，令薄切牛肉非常入味，仲有微火保温，相當唔錯。至尊紅柳羊肉串和黑椒牛柳串串燒惹味，調味出色。牛柳串有少許筋，但不影響口感。金銀蒜烤生蠔烤生蠔唔算好巨型，但燒得啱啱好，jucy又唔腥，大量蒜蓉伴蠔，夠哂味。另外加了鮮炸小酥肉香脆可口，唔會太油膩，點上甜酸醬，伴酒菜一流。套餐還包了2杯飲品，加錢選了至尊水果茶和西瓜啵啵冰。水果茶勁大杯，材料豐富，西瓜冰則解膩清爽，2杯飲品清涼至極，與惹味辣烤魚非常合襯。餐廳除左食物好食，服務也很細心。待應姐姐除了主動加湯換碟外，還會主動介紹菜式，知道朋友可以

今日朋友帶我嚟到荃灣楊屋道呢間 麻辣年華 食烤魚🤩 入到去就已經聞到好香嘅麻辣味 勁有食慾😬 坐低睇睇餐牌 好快就落單啦😙 見到快樂二人餐做緊優惠價 即刻叫咗一個餐 唔使諗咁多🤣 黑椒牛柳串我哋揀咗微辣 烤得好香 肉又唔會柴👍🏻 至尊紅柳羊肉串羊臊味唔會超勁 半肥瘦 超好食😋 烤雞皮我哋揀咗小辣 烤得香脆唔油膩 脆卜卜一啖一塊😆 至尊水果茶必點！有800ml 啱晒食串燒或者烤魚 好大杯！入面仲有水果食 有西瓜、提子、同埋蘋果 配埋篤爛咗嘅西柚同埋檸檬 好清新呀😗 青檸金桔梳打清香爽口 酸酸甜甜好開胃！ 金銀蒜烤生蠔手掌咁大隻嘅生蠔😍 厚肉多汁配埋蒜蓉醬 真係冇得輸😌 脆皮烤魚主角出場啦😍 揀咗青藤椒湯底 一上枱嘅時候見到咁多青藤椒都嚇親 不過我哋叫咗小辣 味道啱啱好😇 加咗少少海鮮 有鮑魚、鮮蝦、魷魚、同埋蜆😋 全部都好新鮮 鮑魚彈牙 海鮮吸晒湯底真係好正😝魚係用咗江團魚 冇細骨 肉質鮮嫩爽口啖啖肉 配埋湯底 好夾！ 紅糖糍粑食麻辣嘢 點少得呢個糍粑😋 糍粑軟糯有咬口 配埋紅糖食一流👍🏻 整體嚟講 呢間麻辣年華 食物質素不錯 環境舒適 服務態度很好 老闆娘見我哋個烤魚滾得太勁 幫我哋

今天的烤魚套餐讓我感覺既滿足又愉快🤤首先，江團魚確實是這頓飯的亮點，魚肉鮮嫩，烤得剛好，不乾不柴。調料配搭得非常均衡，既不過鹹也不過辣，讓人吃完後忍不住還想再來一口。仲有勁多海鮮，例如：鮑魚、蝦、蜆肉、魷魚🥰串燒部分也很令人滿意。羊肉和牛柳粒都烤得外焦裡嫩，每一口都能感受到肉質的鮮美。而蒜香生蠔帶來的驚喜感更是無與倫比，蒜香味道和生蠔的鮮味在口中交織，簡直是絕配。肥牛乾鍋也是一個亮點，牛肉切片薄厚適中，配菜豐富，每一口都充滿了驚喜。炸菇雖然是配角，但其脆口的口感和香味讓整個套餐更加完整。水果茶份量特大杯的，有800ml，清新解渴的口感非常適合這豐盛的餐點。而青檸金桔蘇打則以其酸甜適中的口感😋😋最重要的是，服務態度好。服務員的態度親切友好，能夠及時回應需求，例如會自動幫客人更換碟子，讓整個用餐過程更加愉快。這次用餐體驗總體來說是非常愉快和滿足的，無論是菜品還是服務都無可挑剔。值得再來一次！🥳🥳美味：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭：⭐️⭐️⭐️⭐️⭐️ 麻辣年華 (楊屋道) (荃灣)📍荃灣楊屋道73號地舖

今次我試咗荃灣一間特色店，真係好滿足！首先係海鮮脆皮烤魚，魚皮烤得金黃酥脆，內裡的魚肉鮮嫩多汁，搭配醬汁，味道十分誘人，仲有新鮮鮑魚，好多蜆肉，魷魚花，基圍蝦，好豐富，值得推薦。接著係串燒雞皮，雞皮燒得香脆，口感特別，調味恰到好處，每一口都令人忍唔住想再來一串。燒牛肉串亦唔錯，牛肉嫩滑，肉質鮮美，燒得剛好，配上特製醬汁，味道更加出色。紅柳燒羊肉串就更加令人驚喜，羊肉味濃，搭配香料燒烤，香氣四溢，吃落去不油膩，反而有一種清新的感覺，非常好味。蒜蓉燒生蠔亦係一大亮點，生蠔新鮮，蒜蓉香氣撲鼻，搭配少少檸檬汁，完美平衡咗海鮮嘅鮮味。蔥爆麻辣肥牛鍋則係另一番風味，牛肉片薄且嫩，湯底麻辣適中，唔會太嗆，食落去有種熱辣辣嘅感覺，真係好開胃。鮮炸小酥肉外脆內嫩，口感十足，搭配醬料，令人一試成主顧。最後，來杯至尊水果茶，清新解渴，水果新鮮多汁，西柚，百香果，蘋果，提子，檸檬，青檸，搭配香甜的茶底，令人感到清爽無比。西瓜啵啵冰亦係完美收尾，冰涼爽口，西瓜味濃郁，夏天食最適合不過。

主打多款麻辣美食🥢包括烤魚、乾鍋、麻辣燙🥘及即叫即燒串燒🍡上菜時亦特別貼心準備了小型燒烤保溫爐🍲讓食物一直保持溫度，真窩心☺️江團烤魚肉質鮮嫩，香氣四溢🐟賣相相當吸引🥹魚皮烤得微微焦黄，十分香口🔥還有鮮鮑魚及鮮海蝦，惹味又豐富😙蒜蓉烤生蠔、大隻又新鮮🦪口感肥美又Creamy🤩肥腸麻辣鹹香，爽口入味🌶️炸得酥脆彈牙😋串燒熱辣辣上枱🍢牛肉、羊肉、腩肉味道非常濃郁🥩調味剛好，油脂豐富😍魷魚鬚鮮嫩多汁，滿滿孜然粉🧂酥化而不油膩😍

超級鍾意食烤魚🐡嘅我, 最鍾意就係食😍江團魚， 知道荃灣呢度食烤魚好出名，尋晚做嘢又係呢度附近所以就過嚟食😋佢哋除咗烤魚好出色之外連啲🌶麻辣串燒都好正， 店長推介我哋食埋個蒜蓉鮮魷🦑蒸粉絲都好好食😋， 粉絲索晒啲汁好鮮味🤩🫶🏻⭐️嘢飲🍹方面見到每一台都嗌佢哋🍓🍎🍊🍒🍍至尊水果茶真係好出名， 好有水果嘅鮮味茶底亦都好香，另一杯我哋叫做西瓜🍉波波冰都好消暑解渴🥳食物質素好好環境又舒服而且嗰個店員🙍🏻‍♀️🙍🏻‍♀️姐姐都超級好人， 佢哋嘅服務相當好又細心❤️，鍾意食烤魚同麻辣嘅朋友唔好錯過🤗

未試過食過咁難食嘅垃圾，所有火鍋配料都是最頂級嘅垃圾，根本冇可能會再食，佢唔執笠，根本就係奇蹟.耶穌都唔信相信我，真係過分.，魚肉又梅又爛，先不說有沒有魚，但是一定有腥味，肥牛完全係佳寶垃圾牛.湯底極度懷疑係公仔麵湯底.絕對唔係屈佢，非常同意你哋去嘗試，其實食肆生意應該唔錯，因為呢啲都可以唔執笠.簡直就恭喜發財.我就係因為上咗網睇過食評，有人講可能喺荃灣最好食嘅烤魚，我夠膽講食評充滿打手，希望想食呢間舖頭嘅人睇一睇我嘅留言，其實我唔想講咁多去形容呢間嘢，但係冇辦法要講200字先可以留言.我從來都未試過去寫食評，根本就係欺騙消費者，又唔係平，又要俾啲垃圾人.你當我係咩？，今天你當我什麼.

好味抵食！辣得過癮！跟餐飲品好大杯荃灣廣場旁邊好方便睇戲前後去好方便Taste good and spicy👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

麻辣年華的食物真是令人食過返尋味，我分別點了烤魚和串燒後才發現有點不划算，因為散叫價錢和套餐價差不多。幸好，店員姐姐主動問我們需不需要改回套餐。今次我點的中辣青藤椒味清江魚，魚肉滑嫩，但青藤椒味道不太符合你的口味。套餐中還包括了生蠔、至尊羊肉串、黑椒牛柳串、汁燒雞肉串和烤原條魷魚，還有冰鎮藤椒魚皮。生蠔的尺寸大，但烤得不夠熱。羊肉串唔羶，其他串燒的份量都大。冰鎮藤椒魚皮的份量很多，口感清爽，但調味料太重，偏酸。黎到呢度點少得一杯至尊水果茶，少冰少糖，非常適合解辣。

位於荃灣嘅串燒舖，冇外賣紙提供，應該主力唔係做外賣生意。雞軟骨兩串35蚊，外賣仲要加一蚊換個紙袋。 食落去幾脆幾入味， 但個份量就少得可憐。 值唔值得食大家睇圖判斷。