影片
营业时间
今日营业
11:30 - 22:30
星期一至日
11:30 - 22:30
以上资料只供参考，请与餐厅确认详情
有关奖赏计划
平時見到依間麻辣年華好旺，今日終於有機會黎試下。見到佢嘅套餐又平又豐富，二話不說就叫咗黎食。脆皮烤魚，升級咗加海鮮。烤魚好大條，外皮焦脆，魚肉滑嫩，叫咗唔辣所以係蕃茄湯底，魚肉吸哂蕃茄湯嘅精華。海鮮亦都好豐富，有鮑魚仔、鮮蝦、蜆，份量非常多。金銀蒜烤生蠔，生蠔脹卜卜兼爆汁，上面鋪咗滿滿嘅蒜粒，非常惹味。串燒，有牛肉同埋羊肉，烤得非常香口，調味十足。乾鍋係西蘭花炒臘腸，炒得好有鑊氣。估唔到飲品都好特別，水果茶用料豐富，有百香果、橙、蘋果、提子等等，而青檸柑桔梳打爽口鮮甜。
继续阅读
鋪頭主打嘅海鮮脆皮烤魚（青藤椒湯）真係好正，啲魚肉多，魚皮脆卜卜，仲保持到魚肉嘅嫩滑，青藤椒湯底辣中帶麻，唔會太過刺激，但又好惹味，越食越停唔到口。 配菜方面，乾鍋農家小炒肉係我同朋友都好鍾意，啲豬肉炒得香口入味，啲辣椒又唔會太辣，超下飯。至於紅柳羊肉串同黑椒牛柳串，羊肉串無膻味，調味啱啱好；牛柳串就嫩得嚟又有啲黑椒香氣，兩款都係必食。金銀蒜烤生蠔就更加不得了，蒜香十足，生蠔又大隻又鮮味，食完簡直滿足，有d想即刻encore。飲品就叫咗至尊水果茶，酸酸甜甜幾解膩，配呢啲重口味嘅嘢食一流。仲加咗個西瓜啵啵冰，啲沙冰夠清甜又有口感，夏天食一定爽。另外，鮮炸小酥肉炸得幾香脆，係嗰啲一啖接一啖嘅小食，完全食唔停。 成餐飯埋單大概$600，份量啱啱好，食物質素有驚喜，性價比好高，下次一定再嚟試其他湯底！
继续阅读
前天約了朋友去楊屋道一間叫麻辣年華的菜館吃午飯，他們說午餐比較化算，因為晚餐吃同一樣菜式價格不是一樣，當然系午餐晚餐都系果D野，晚餐貴D咁囉麻辣的食物之前在香港這個華洋雜處的地方本來不常見，以前要吃這樣的東西必需要北上，近年在香港已非常普遍了，不知不覺，吾經吾覺，香港已成為吃麻辣菜式的好地方了。這間麻辣年華，老實說口味也是改良了不太麻辣，迎合港人口味。點了烤魚，烤羊肉串，朵椒魚頭。都幾啱我口味，不錯。下次再來的機會是很高的
继续阅读
閨蜜約我到這家位於荃灣的烤魚店，香辣麻辣味道一流，價格還實惠，值得推薦！### 脆皮烤魚金湯酸菜的味道都完全透入到魚肉裡，所以魚肉鮮甜又帶有酸辣的味道濃郁，而且烤了一個多小時魚肉還是保持很鮮嫩，也不黏鍋底。再搭配上金針菇，薯仔，白菜，洋蔥等時蔬，真是是一道色香味俱全的佳餚！### 乾鍋農家小炒肉五花肉片外酥內嫩，一點都沒乾柴感，與青椒同炒，充滿獨特的蒜香與辣椒的辛香，令整道菜肴的味道更加立體！### 金銀蒜烤生蠔金銀蒜的香氣在烤制過程中釋放出來，與生蠔的鮮甜相得益彰，形成了獨特的風味！### 至尊紅柳羊肉串外層撒上特製的香料，讓羊肉的鮮香與香料的香氣交融，又增添了豐富的風味！### 黑椒牛柳串將黑椒的辛香與肉的鮮美完美結合！### 至尊水果茶800ml超大杯，融合了多種新鮮水果葡萄橙子等，即使在冬天也有大塊大塊的西瓜，色彩斑斕，清新的口感，特別適合搭配烤魚### 青檸金橘蘇打極具清新感，酸酸甜甜，讓人瞬間提神！
继续阅读
禮拜日放假，我同朋友去咗荃灣嘅麻辣年華，真係一個唔錯嘅選擇！本來諗住去另一間水煮魚嘅餐廳，但經過呢度見到有串燒同海鮮，於是決定入去試吓。脆皮烤魚真係好香，魚皮烤得脆脆的，搭配青椒湯底，仲有一陣奶香味，味道幾特別。我本身唔太鍾意食魚皮，但呢個脆皮魚皮食落去好滑，完全冇腥味，食完真係唔想停。農家小炒肉嘅份量好足，肉塊好嫩，唔似其他餐廳淨係得菜，呢個炒得真係好好，搭配白飯食，簡直係絕配！每一㗳都令我驚喜。串燒方面，羊肉同牛肉都處理得幾好，肉質彈牙，調味唔重，食落去好開心。相比之前食過嘅串燒，呢度嘅肉質真係好好多，令人印象深刻。飲品方面，西瓜波波飲落去又清涼又解渴，特別適合呢個天氣，啤啤啱啱好，飲住熱食同炸物，感覺超級享受。總括來講，麻辣年華呢間餐廳真係值得推介，無論係海鮮、烤魚定串燒，都有一定水準，價錢合理，非常適合同朋友聚餐。如果你鍾意食辣，呢度一定唔好錯過！我下次一定會再嚟！
继续阅读