麻辣年華 (大壩街)

营业中

休息中

最近覺得天氣凍咗，就約咗朋友去麻辣年華食個暖笠笠嘅雞煲。今次揀咗佢哋嘅滋味雞煲2人餐，真係一啱打邊爐嘅天氣！一嚟到就率先上咗海鮮拼盤同椰子雞，首先會煲滾咗個椰子湯先，仲會有個鬧鐘，響咗之後就放啲椰子雞落去。個椰子雞啱啱好嘅嫩滑程度，加上椰子香氣撲鼻，好鮮甜!海鮮盤都幾足料，尤其係隻大蝦，肉質彈牙，配埋店家特製嘅醬汁，相當唔錯串燒嚟講，至尊紅柳羊肉串絕對係我嘅心頭好。啲羊肉醃得入味，香料味香勁，但又唔會蓋過羊肉本身嘅鮮味。最緊要係冇羶味，就算平時唔食羊嘅都一定啱食。黑椒牛柳串就啱啱好咁嫩，黑椒香氣十足，醬汁都入味，牛肉咬落去仲會爆汁。講到金銀蒜烤生蠔上面鋪滿金銀蒜碎，個蒜香同蠔口感豐富，蒜蓉酥脆，蠔肉鮮嫩多汁，絕對可以再叫飲品方面，至尊水果茶啱啱好解膩，啲水果好新鮮，冇咁甜膩。青檸金桔蘇打就清新提神，個酸香味夠晒開胃，飲完完全清走個口甜。個餐性價比高，份量夠晒兩個人食，啲嘢又新鮮夠味，最緊要係啲服務員態度好好，仲會不時過嚟睇吓個火，令成個食飯過程都好舒服。

喺荃灣想食川菜但係又唔知食乜好?! 位於荃灣大壩街嘅呢間麻辣年華就可以食到各式各樣嘅川菜啦，有雞煲、烤魚、串燒、乾鍋等等，食物非常之多元化！見到佢哋嘅套餐好抵食，即刻同朋友食返個快樂二人餐先～金湯酸菜魚二人餐💰HK$388呢個二人餐超多野食，辣度全部都係揀咗小辣～✨金湯酸菜魚湯底唔會太酸！魚片份量多，食落冇碎骨而且肉質嫩滑！配菜仲有口感比較爽口嘅寬粉、娃娃菜、木耳、芽菜、豆卜等等～✨豉椒炒蜆每一粒蜆肉都冇沙，有一種海鮮嘅鮮甜味，經過調味同炒之後，蜆肉嘅鮮味更加突出～✨至尊紅柳羊肉串(2串)羊肉味唔羶，肥瘦均勻，而且撒上咗孜然粉同辣粉等香料去調味，味道更加馥郁芬芳～✨黑椒牛柳串(2串)牛柳本身帶有濃郁嘅牛肉香氣，配合埋黑椒嘅香氣同埋辣味，令人食慾大開～✨金銀蒜烤生蠔(2隻)表面佈滿蒜蓉，生蠔肉質肥美，鮮甜無比～至尊水果茶💰跟餐+ HK$24超大杯！每一啖都散發出清新自然嘅果香味，微酸爽口，令人感受到夏日嘅清涼感～西瓜啵啵冰💰跟餐+ HK$20表層充滿新鮮西瓜肉，味道係乳酸味為主，然後再有淡淡嘅西瓜味，味道層次分明～店員態度親切，環境乾淨企理，光線充足，令人坐得舒服，下次會再encore～

👫 今日同屋企人係荃灣做嘢，順便近近地去📍附近大壩街既麻辣年華嘅餐廳，有燒烤、麻辣串串同酸菜魚等，我食過酸菜魚，所以今次天氣凍凍地，揀左”滋味雞煲2人套餐”，店員仍然都係有禮，食物質素高🤤*🔥 🔥 🔥 麻辣雞煲上枱luuu，未開始麻香味已經好大好香，雞肉好鮮嫩一D都唔(鞋)，配上各種配菜，我同屋企人食指大動。我地既set餐包括有海鮮雜錦盛盤、至尊紅柳羊肉串x2 (每串有齊肥瘦，孜然粉足有少少羊羶味)、黑椒牛柳串x2 (唔會太瘦同乾，一咬落去啲牛油香湧唒出嚟)、金銀蒜烤生蠔x2(一隻手掌咁大而且肉質嫩滑肥美鮮甜，配上蒜蓉蔥花，超級惹味)和800ML至尊水果茶。都只係$398咋，唔係講笑，性價比極高👍🏻👍🏻👍🏻👍🏻👍🏻**另外有餐牌俾大家參考吓有四人餐🦦

**🔥 脆皮烤魚：** 金黃酥脆嘅嘅外皮，誘人嘅藤椒香氣，令人食指大動！外皮酥脆，魚肉鮮嫩，藤椒嘅麻辣刺激住味蕾，令人欲罷不能！麻辣鮮香，藤椒獨特嘅香氣同魚肉我嘅鮮味完美融合，每一啖都係味蕾嘅享受！**🦞 海鮮什錦盛盤：** 各種新鮮嘅海鮮整齊排列，色彩繽紛，令人垂涎欲滴！每一種海鮮都保留最鮮美嘅口感，Q彈爽口，鮮味十足！原汁原味，海鮮的鮮甜自然流露，令我感受到大海嘅饋贈！**🍖 至尊紅柳羊肉串：** 紅柳枝串起嘅羊肉串，色澤誘人，香氣撲鼻！肉質鮮嫩多汁，紅柳枝獨特嘅香氣融入羊肉中，每一啖都香氣四溢！孜然、辣椒等香料完美搭配，令羊肉嘅鮮美更加突出！**🥩 黑椒牛柳串：** 黑胡椒包裹住鮮嫩牛柳，色澤誘人，牛柳鮮嫩多汁，黑胡椒嘅香氣刺激著你嘅味蕾，十分過癮！**🦪 金銀蒜烤生蠔：** 金銀蒜鋪滿肥美嘅生蠔，生蠔鮮甜肥美，金銀蒜嘅香氣與生蠔嘅鮮味完美融合，正！## 👫 二人分享，美味加倍！👫總括嚟講，麻辣年華值得我再嚟食佢其他嘅食物，絕對物超所值！

今日同朋友去荃灣呢間餐廳食酸菜魚。見到佢個二人餐幾抵食$400都唔使。我哋叫咗個金湯酸菜魚，豆豉炒蜆羊肉串牛柳串，金銀蒜烤生蠔，你張相我冊同埋金橘青檸梳打。 金湯酸菜魚，湯底的顏色很吸引，味道也不錯。魚肉鮮嫩，份量唔少，配上酸菜，味道挺開胃的，不會太膩。 裏面有一啲薯粉，非常索湯。豆豉炒蜆，蜆肉鮮甜，肉唔梅，豆豉的香氣都野味。大推羊肉串和牛柳串，香料好食，係大陸菜特色氣味，羊肉串的味道挺香，肉質也好，牛柳串則多汁，吃起來很滿足。金銀蒜烤生蠔都唔錯，兩大隻，冇腥味，搭配了金銀蒜，味道非常好。嘢飲方面叫咗個水果茶同埋金橘青檸梳。清爽又消膩，大大杯，讓整體餐點更加平衡。整體體驗還不錯。我們選擇了二人餐套餐，價錢不到$400，還算合理。餐廳環境舒適，服務也挺親切，讓人感覺輕鬆。

天氣開始轉涼，好想食辣嘢😌今日一家去荃灣行街，經過去到荃灣廣場對面的食街，見到一間裝修好新穎，專食麻辣菜的～麻辣年華，即刻入去試吓佢哋嘅王牌脆皮烤魚套餐先！脆皮烤魚今次揀咗海鮮蕃茄濃湯，另外仲有魷魚、蜆肉、鮑魚同蝦等配料，烤魚嘅外皮炸得香脆，肉質較實骨唔多，再吸收埋海鮮蕃茄湯嘅精華，每一口都係食得出嘅鮮味，容易入口，值得推介海鮮雜錦盛盤盛盤包括有鮑魚、蝦、菇同菜，份量超多，每一款都好新鮮！串燒（羊＋牛）串燒燒得好外脆內軟，唔會燒得好乾，食落好惹味，羊肉唔羶，牛肉唔乾有肉汁生蠔生蠔又大隻又鮮甜，蒜蓉味非常足至尊水果茶水果茶包括有橙、檸檬、提子、西瓜等，份量超大，食完熱辣辣的烤魚，最後一定要飲返杯冰涼又清甜嘅水果茶

荃灣川菜串燒烤魚酸菜魚樣樣有！晚市嚟到超多人 勁熱鬧要等一陣位！串燒組合餐 $278 1️⃣串燒45串雞肉串、月牙軟骨、魷魚須雪花邊、香腸小串、雞軟骨、魚豆腐、粟米小串、脆魚丸有唔同嘅辣度揀我哋就揀咗中辣 都比較適合香港人嘅口味 小小嘅串燒可以方便入口 串燒啱啱好唔會燶晒 配埋啤酒一齊食一定更加正！我自己最鍾意就係食魷魚串同埋雞肉串啖啖肉～下次可以試大辣😆2️⃣豉椒炒蜆餐廳好貼心有個爐一齊上 咁啲蜆就唔會凍咗 鑊氣十足 而且有好多洋蔥入晒味 正！3️⃣紅糖糍粑香口咬落Q軟糯甜滋滋 配埋黑糖一齊食夠晒邪惡跟餐飲品半價至尊水果茶 $48份量勁大入邊仲有好多水果 例如菠蘿蘋果橙等等超級清新青檸金桔梳打 $35如果有得揀甜度就更好啦 因為我哋覺得有少少甜～麻辣年華 (大壩街) (荃灣)荃灣大壩街53號地舖

今日同同事係荃灣做嘢，係大壩街見到專食麻辣嘅餐廳，有燒烤、麻辣串串同酸菜魚等，全部都好吸引，同事話lunch要食好啲😆室內裝修設計搶眼，店員有禮，食物質素高🤤至尊紅柳羊肉串（2串）每串有齊肥瘦，孜然粉足有少少羊羶味黑椒牛肉串（2串）唔會太瘦同乾，一咬落去啲牛油香湧唒出嚟金銀蒜烤生蠔（2隻）肉質嫩滑肥美鮮甜，配上蒜蓉蔥花，超級惹味青檸金桔蘇打+ $18大大杯好清新，甜度剛剛好脆皮烤魚2人餐 | $498另加$18有鮑魚、魷魚和蝦等海鮮，相當豐富今次健康啲，揀咗鮮茄濃湯，個湯勁紅同事以為係辣😆魚嘅外皮炸得香脆，肉質較實骨唔多，容易入口，值得推介😋😋😋海鮮雜錦盛盤有鮑魚、蝦、菇同菜，份量超足料，我估這個2人餐其實係夠3個人食😆

呢個鮮炸小酥肉真係好味！外層炸得金黃酥脆，咬下去時發出脆脆聲，裡面嘅肉質嫩滑，汁多味美。調味恰到好處，唔會太鹹，反而有種香香嘅味道，令人一口接一口。搭配啲醬汁，味道更加出色，食落去好開心，無論係做小食定係搭配飲品，都非常合適，絕對值得一試！

烤魚真係唔錯，用了江團魚其肉質細嫩，魚皮脆口，魚肉嫩滑，豐富嘅海鮮🦑🐟🦐，俘虜咗我了🤭總結：無論係同朋友聚餐，還是家人一齊分享，烤魚都係一道不可錯過嘅美味菜式。其獨特嘅烹調方式同豐富嘅味道，令人食過返尋味。真係食到你唔想停口！羊肉串嘅香氣濃郁，牛肉串嘅口感紮實，兩者嘅味道互相輝映，真係令人回味無窮。推薦😝青檸柑桔梳打青檸金橘梳打嘅清爽酸甜味，絕對係夏日消暑嘅好選擇。新鮮嘅青檸同金橘混合，再加上氣泡水，令飲品更加爽口解渴。

秋風起，係時候要去打下邊爐，今次要介紹荃灣廣場隔離既「麻辣年華」，　佢哋有個二人餐好抵食，$498有烤魚同埋海鮮邊爐，份量亦都十分足量，以下就係套餐包括既野：烤魚套餐$498（青藤椒）至尊海鮮烤魚呢盤至尊海鮮烤魚份量真係唔講得笑，條魚係煎過，外皮有少少脆，而湯底揀咗青藤椒味，有少少麻同辣，呢頭岩岩食完條魚就發現仲有好多餸未搞掂，分別有：基圍蝦、魷魚、蜆肉、鮑魚；仲有啲配菜：紫洋蔥、芽菜、芫茜同檸檬，另外仲有一盤火鍋配料有菜、蝦、金針菇、鮑魚同埋冬菇，食完都已經十成飽。不過呢個套餐話明大份量，當然仲有其他野：4串羊牛肉+2隻蒜蓉生蠔；呢四串燒得好好味，外脆內軟，唔會燒得乾身，食落好惹味，羊肉唔羶，牛肉又軟熟，仲有兩隻蒜蓉十足既大生蠔，又大隻又鮮甜！最後飲返杯跟餐+ HK$24 超大杯既至尊水果茶！十分足料，同出面飲品舖既重量杯差不多。呢一餐十分滿足！值得再黎。

今天和朋友來到位於荃灣的麻辣年華，我們兩個人，所以挑選了店方推介的二人套餐系列-金湯酸菜魚餐。 $388的套餐，包括一份酸菜魚，各兩串牛肉和羊肉串燒，乾鍋豉椒炒蜆，兩隻蒜蓉烤蠔和兩杯自選飲品。首先來的飲品份量十足，至少是平時飲料的兩倍！水果茶味道較甜（已走糖），不過份量取勝。豉椒炒蜆沒有沙，粒粒開口，味道有鑊氣，值得推介。串燒系列以羊串較為驚喜，店家以紅柳木串燒，非常惹味而且不會靭。蒜蓉燒蠔亦交到功課沒有煋味。最後主角金湯酸菜魚到場，份量同飲品一樣非常之大，除了黑魚片外，還有大量水晶寬粉（非紅薯寬粉）和豆卜芽菜作為配菜，絕對有誠意。叫嘅小辣亦不會過來，唯一挑剔是，我覺得酸味和酸菜魚份量可以加重，不過整體味道不錯。

經過這間川菜館很多次，但都沒有進去，這次剛巧在戲院旁邊，打算開場前食餐飯，所以決定試下。感覺比想象1好。餐牌有非常多選擇，有鷄煲，有烤魚，有串燒，有小炒～花多眼亂，最終揀咗個金湯酸菜魚二人餐。- 金湯酸菜魚- 京葱爆肥牛- 金銀蒜烤生蠔x2- 羊肉串x2- 牛肉串x2- 半價飲品個餐算幾豐富，樣樣有啲，最好食係串燒，有少少內地烤串的感覺，不過多肉好多。而酸菜魚則較為失色，個湯唔夠味，不過魚片算滑。而其他則不過不失。飲品我揀咗水果茶，超大杯，半價幾抵飲，不過對我來說有點太甜。

同🤴🏻諗住喺大壩街覓食，🤴🏻忽然話想食串燒🍢就去‘麻辣年華 ’ 望望先！😉😉～～～孜然牛柳炒飯配臘腸飯～～～個飯好香臘腸味，牛柳好多同好厚係可惜乾左少少🤏🏻🤏🏻，好香孜然味😋😋～～～功夫肥腸碎鍋～～～肥腸好乾淨最緊要冇怪味，又滑又彈牙份量都幾多👍🏻👍🏻，當中嘅青椒仲好好食添☺️☺️～～～串串鍋～～～有45串我哋就冇數喇，當中配料有平有貴，粟米🌽粒有兩三串攝牙罅🥲🥲，細個手指尾嘅香腸就好好味😊😊，貴嘅居然有鮑魚真係估佢唔到😝😝，當中款式有8至10款，辣湯好香口惹味😚😚～～～凍檸茶～～～雖然大杯，但完全唔好飲，好似冇落糖水咁！😳😳

今日約左屋企人一齊去荃灣呢間餐廳食飯，咁岩屋企人鐘意食烤魚，見倒佢環境光猛又闊落，就預約左呢間餐廳食.睇睇個餐牌見倒有幾個4人餐可以揀，諗爽一陣就決定叫個有烤魚既4人餐，魚種係固定冇得揀，我地就加錢揀左個海鮮底，感覺會多野食啲。.首先係黎左4隻燒生蠔，生蠔燒得岩岩好，加埋佢用左好多蒜頭同埋小小辣椒同蔥做配料，食落去既味道非常濃郁，配合生蠔既味道恰道好處，絕對可以再翻叫。.之後就黎左套餐有既鹽酥雞，炸雞配甜辣醬係最好既配搭，好快就可以食哂。.再黎就係牛、羊、魷魚各4串既串燒，串燒會放係一個暖盤上面，慢慢食都唔會變凍，牛肉羊肉都燒得岩岩好，熟得黎唔會生，肉唔會咬唔爛。每串串燒都有足夠既調味料但又唔會太咸。.主菜烤魚一上黎就聞倒果陣辣香，我地揀左中辣，因為我地都食得辣，所以覺得中辣都係正常，但如果唔太食得辣既朋友就建議揀小啲。因為揀左海鮮底，配菜都十分多，有蝦，鮑魚，魷魚，蜆肉，芫茜同埋套餐揀既川粉。套餐仲有個6官格，但佢改左做一個盤上，有菜，蝦，金菇，鮑魚，冬菇。成個餐份量好夠，4個人食都會食剩小小，所以唔驚唔夠食。.野飲揀左水果茶，百香果多多，青檸金桔梳打，每一杯份量都好大，食哂食個餐都