黃金雞 (已結業)

佢係鰂魚涌開業兩年，我一家間唔時星期日就去黃金雞食午飯，黃金雞固然最出名係佢既雞啦，但其實佢其他小菜都好味。我一家通常都會叫例牌菜再叫大碗飯share 食。今次叫左咖哩吉列豬，牛柳粒，蜜糖炸雞扒，豬髀等等，樣樣都係開胃餸，再配白飯又得黃飯又得。仲有外父水餃，多款式，又可以湯餃又可以炸餃！ 黃金雞價錢又合理！ 最貴一碟例牌都係65蚊。得知佢地最後一日營業，有啲依依不捨，同老闆有講有笑，期望佢之後再黎鰂魚涌再開分店！

呢間餐廳位於鰂魚涌一個非常之隱蔽嘅私人屋苑附近 喺foodpanda睇吓有乜嘢外賣自取見到距離屋企唔算遠 晚餐用$50嘅價錢買咗一個黃金雞併泰式豬手飯連雞湯 雞肉超嫩滑無骨無異味 超級高質好食過出邊買$90嗰啲 泰式豬手亦都好正常 同一般泰國餐廳差唔多 $50嘅價錢食到咁樣嘅雙拼性價比超高😂海南雞嘅醬汁有兩種一種係甜豉油一種係辣醬 辣醬係特別既 出邊比較少見味道都好 甜豉油係薄身既 質素一般 飯底係黃姜飯 個雞湯就正正常常 如果喺附近返工同埋附近嘅居民絕對可以多d去 專登要去試菜嘅就應該唔使 因為地點真係好隱蔽😂總括嚟講都係大推呢間黃金雞 平民恩物小店 支持！

今晚在上外賣平台見到這間黃金雞，openrice好多評語都贊，就決定試吓呢間。食後真的沒有失望，份量唔少，雞好滑，牛腩和豬脾入味又夠淋，飯又香但唔油，配埋酸蘿蔔絲更加好味，一句講晒。。值得推介👍

呢間舖頭其實幫襯過好多次 但都冇認真寫過食評 今日經過決定又再幫襯下小店 因為佢哋嘅海南雞飯真係性價比一流。$45 想食好少少既話今時今日你預期有啲咩？佢就包含一大盒黃油飯，滑嘟嘟既雞，醬汁同埋湯。今次係食過最好食嘅一次！雞夠滑！分量多！飯既味道都啱啱好！而佢嘅醬汁唔係一般喺出面食海南雞飯杰身既鼓油汁，係比較浠，而另一個醬汁就係酸辣汁幾醒胃！ 而湯方面就一般，比較鹹！但個飯絕對夠一個打工仔食！又好味！最緊要性價比一流！

🥢雙拼飯 黃金雞+豬脾 $52唔好睇佢好似細細盒，其實勁大份！！！雞肉嫩滑，豬脾煮到好腍，滿滿既骨膠原☺️醃蘿蔔酸酸may may幾開胃🧡🌶️口水雞飯 小辣 $48口水雞個汁好正，小辣岩岩好，拎黎送飯perfect~ 個人鍾意口水雞多D，麻麻辣辣唔會食膩😋CP值好高既餐廳 每盒飯仲跟左一杯雞湯🍴推薦附近居民或者打工一族可以試下🙆🏻‍♀️見到佢Menu仲有其他類型既餸，下次再去試下🙈餐廳位置比較偏僻，睇完Google Map都唔係太識去😂