影片
港铁荔枝角站 D1 出口, 步行约1分钟
继续阅读
开饭介绍
发迹于旺角的台式食店，选用优质谷饲猪扒制作招牌台式肉蛋吐司，另亦供应面食、饭类等选择。此分店设有堂食，更提供一人座位，照顾不同客人需要。
继续阅读
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
*最後落單時間: 20:30
以上资料只供参考，请与餐厅确认详情
优惠
9折
[即买即用] 黑布小巷5周年优惠! 50现金券 *全线适用*
$45
$50
相关文章
同朋友嚟荔枝角 Shopping，行完就喺附近食埋晏先返屋企。友人想食台式吐司，揀咗呢間人氣爆滿嘅「黑布小巷」。店子坐落於一幢工業大廈內，環境非常闊落，空間寬敞，裝修企理，就算人多嚟都唔會有迫夾感。餐廳主打台式美食，當中包括有熱賣嘅爆餡芝士雞蛋流心吐司、必食嘅台式滷肉飯同自家製作嘅芋圓糖水等。慢烤雞腿芝士蛋吐司 ($56) 吐司用料好豐富，麵包輕輕烤過，表皮微脆，內裡塗上了一層厚厚蛋黃醬，雞腿肉嫩多汁，加上半熟流心蛋、鹹香芝士同秘製醬汁，啖啖滋味，食完超有滿足感。另外呢碗古早味手工滷肉飯 ($48) 亦屬水準之作，滷肉肥而不膩，入口即化，加上Q彈米飯，令人食慾大增。芝士火腿肉鬆蛋餅 ($48) 餅皮煎得啱啱好，金黃富蛋香，火腿柔軟濕潤，配上半溶芝士、香甜肉鬆同酸甜醬汁，令人一口接一口。點主食可以用優惠價加配小食同飲品，揀咗黑布台式香腸 ($28/2條) 同 夜市蝦捲 ($28)，香腸皮脆肉嫩、蝦卷內藏爽彈蝦膠，沾甜酸醬吃，味道極佳。飲品選了 2 杯自家製冬瓜茶 (+$9x2)，據說係用台灣直送冬瓜磚煲成，入口舒服順喉，消滯又解膩。甜品揀咗客黑糖紅棗薑三色圓 ($38) 湯底以紅棗及薑茶炮製，補氣益血，非常暖胃，啱晒而家天氣享用。三色圓煙韌軟糯，加上甘甜不膩嘅黑糖，味道唔錯。
继续阅读
#MC帶你去荔枝角.美食小店大多隱藏於工業大廈，今次就嚟到荔枝角依邊，就有間人氣小店開喺工廈樓上舖！➖✨ 黑布小巷.發跡於旺角黑布街嘅台式食店，以台式吐司及自製芋圓贏得青睞，廣受街坊、食客推薦。➖🥢 麻辣鬼椒肉蛋芝士吐司｜$58 ✨推薦✨.麵包十分軟熟，搭配肉厚無骨嘅豬扒、半熟日本流心蛋，加上自家製蛋黃醬，餡料超澎湃足料！每一啖都充滿濃郁蛋香同肉汁，加上辣椒粉，非常惹味邪惡！➖🥢 古早味手工滷肉飯｜$48.滷肉份量足料，直接鋪滿整個飯面！半肥瘦嘅慢煮豬腩肉粒，肉質腍嫩入味，每一粒珍珠米飯都沾滿了自家製滷水汁，味道不錯。➖🥢 紅燒台式牛肉麵｜$68.大大嚿牛肉，份量十分足料，質地軟腍而且幾入味；搭配粗身麵條，口感彈牙煙韌。而湯底味道濃郁，搭配蝦米辣椒油，辣得過癮！➖🥢 黑布台式香腸｜$28.外皮十分香脆，內裡肉質軟嫩多汁，入口甜潤紮實，香烤風味又微甜可口！➖🥢 花枝丸配淮鹽｜$38（跟餐加配 $28）.一份有五大粒！花枝丸即叫即炸，外酥內軟，質地彈牙爽口，餡料有粒粒花枝肉，好有口感！➖🥢 桂花烏龍（凍）｜$28（跟餐加配 $12）.茶色透徹嘅桂花烏龍茶，口感清香醇厚，無糖清甜，健康之選！➖🥢 桂花雪梨羅漢果茶（凍）｜$32（跟餐加配 $15）.桂花雪梨搭配每日新鮮煲製羅漢果茶，入口甘香清甜，回甘悠長，清肺又潤喉，健康之選！➖➖➖➖➖➖➖➖➖➖➖➖➖➖#Ming_Course #深水埗區美食 #荔枝角美食 #荔枝角好去處 #香港美食 #香港探店 #荔枝角 #黑布小巷 #億利工業中心 #台灣菜 #滷肉飯 #台灣美食
继续阅读
之前有聽過佢哋好多分店，今次第一次幫襯～雖然位於工廠大廈，但係環境非常闊落同乾淨，俾人一種舒適嘅感覺，一個人食可以選擇靠牆位置I 人的位置😂😂食咗個下午茶餐，叫咗個芝士火腿肉鬆蛋餅+冬瓜茶，先講一講個冬瓜茶同台灣飲嘅簡直係一模一樣，而且仲可以揀少甜！！！ 蛋餅好香口加埋入邊有肉鬆，有種入口即溶嘅感覺，一個人食係啱啱好～～ 唔會太膩同太油。下次要試埋佢哋個肉燥飯😍😍
继续阅读
黑布小巷五周年啦！分店越開越多，近排行過旺角都見到佢嘅蹤影～～慢烤雞腿芝士蛋吐司 56肉蛋多士基本上次次嚟親都售罄，下次真係要早啲嚟先得 >< 芝士多到好似瀑布咁, 隻蛋仲會流心爆漿, 極度邪惡😈😈芝士火腿肉鬆蛋餅 48每次嚟都必食! 煎香咗嘅蛋餅配合超足了餡料, 真係好食過喺台灣食既蛋餅🫣桂花雪梨羅漢果茶 跟餐 15 唔會太甜，清清地好啲滋潤~ 📍黑布小巷 (荔枝角)荔枝角長沙灣道883號億利工業中心4樓405室
继续阅读
黑布小巷又係一間我最愛既飯堂慢烤雞腿芝士蛋吐司雞腿用上慢烤煮熟，雞肉特別滑溜，食落啖啖肉半熟日本流心蛋配埋秘制醬汁，真係百吃不厭。慢煮嫩滑雞扒手工滷肉便當即叫即做 熱辣辣雞扒肉質嫩滑，外皮香脆，手工滷肉肥瘦適中，好入味，仲有椰菜絲粟米粒同酸菜。撈勻嚟食好惹味。我哋仲加配咗兩款台式小吃黑布台式香腸香脆惹味香腸花枝丸配淮鹽爽口彈牙古早味蜜芋頭撈三色芋圓見到隔離枱食呢個甜品心思思又叫咗個食吓芋頭綿綿芋圓煙韌有口感。好味呀！
继续阅读