黑麥 (已結業)

有些品牌，是怎樣也不會想到它會紆尊降貴，在工廠區內插旗，我想說的是黑麥Pumpernickel。自從它進駐荔枝角的億利工業中心後，我嚐試過不下十次致電訂檯，換來卻都是一句明天請早。這証明了工廠區亦有一定的消費能力，百多二百元的午餐，天天爆滿，大把人食。本已打消了來這兒午餐的念頭，但同事們突然抽起條筋，說剛出糧要食好一點，食豪好點，於是又試試致電訂位。像得到食神眷顧，早半小時前打去訂八位，竟然成功。負責打電話的同事也差點不相信自己的耳朵。環境跟黑麥的其他分店差不多，即是沒什麼豪華裝修，但總算坐得舒服。其實，身處工廠區，又真的不用投資太多在這方面，簡簡單單的，已足夠。好想食安格斯牛拼鵝肝，但加埋一要成兩舊水，而我們的習慣是把總數平均除開，要同事夾咁多錢，好似唔係幾好意思咁，所以退而永其次，改要燒春雞。柯打主菜後，照例有麵包、沙律及餐湯送上。黑麥的麵包出名，自然要多吃兩件。其麥味頗重，亦附一定的香草味，算是不錯，如果麵包可以再軟熟些少，便更好。餐湯同樣出色，磨菇味香濃，不會很稀，我是罕有地整碗完成。頭盤還有沙律配什錦酥盒，沙律菜大致新鮮，又有我欣賞的辛辣火箭菜，那半粒車厘茄同樣清甜多汁，夠晒

正常返工食午飯只有一個鐘，但呢一餐食得真係特別耐。唔係話佢上菜慢，而係一齊食飯既人都傾得好開懷，優雅既環境加上精美既菜色，過左少少鐘數係在所難免既，不過就有一種心慌慌感覺，因為有個會企係門口等你返既上司嘛>.<黑麥平時一定要預早訂位，今次即日12點book 1點，又好彩有位喎午餐有6款揀，定價由$88- $158，三個人點左三個唔同既餐。牛柳餐、燒雞配薯蓉、意大利雲吞(素食)。餐牌上面個名改得好靚既，不過事實就係呢幾個菜色。先黎麵包、南瓜湯同沙津。麵包有三款咁多，各有特色，其中一款有果仁既係推介，軟軟既麵包加埋果仁好香口，一定要試下。南瓜湯清甜又有忌廉味，不過唔係心水。沙津真係要推介下，雖然唔知沙津用既係咩豆，但係就越食越想食。期間，我地見到個沙律既菜好熟口面，但又講極都講唔出係咩菜，就問個服務員啦，佢就同我地一齊苦惱左一陣，然後話係'火箭菜'，仲立即向廚房確認，真係好認真囉。牛柳係朋友點的，七成熟，但好似話熟過頭，八九成熟搞到d肉好韌。其實唔止呢度，次次聽到d朋友點牛排，七成果d一定over cook，反而5、6成熟既就冇聽過有over cook既投訴，其實可能唔係o

Pumpernickel Lunch set - 蒸龍脷卷伴蕃茄莎莎 及法式鴨腿 做法特別, 外觀精緻 (可以將整條龍脷釀入冬菇,很少餐廳會這樣做.鴨腿皮脆肉嫩餐飽外脆內軟,很少餐廳利用清湯來做餐湯,有香濃蕃茄味價格$118有這個質素絕對無得頂)

SAT LUNCH HOUR.....可能因為呢間野太隱蔽，無乜人.....咁仲好，至憎同人big.....我真係好like呢度d包，可能因為係hk真係好難食到，好外國feel o既包...是日menupicked set bcarrot cream soup n salad好special o既risotto r....coz係紅菜頭汁做成o既sauce......ARM我呢D懶HEALTHY O既人，ACTUALLY +左好多CHEESE同CREAM..係HEAVY先ARM-.-...但又真伙幾好食WODESSERT + DRINK好FULL好SATISFIED O既一餐............

以前係天后附近住，最鍾意同朋友去天后果間Pumpernickle 飲吓咖啡。如今搬到茘枝角住，知道工廠區內開佐間，就同老公去嘆吓下午茶。帶佐本書，好 Hea 咁一邊睇書一邊聽住餐廳播住好好聽的 Bossa nova 歌，感覺好正。叫佐番茄沙甸魚多士，熱狗及薯片下午茶餐。多士的顏色好靚，有番茄，紫洋蔥及沙甸魚。味道好有層次感。不過，怕腥的人，一定吾啱食。熱狗的飽因為有芝麻係上面，烘過之後變更香更鬆化。加上已炒過的甜味洋蔥及長長的香腸，好好味。由於茄汁及芥末係另上，顧客可以隨自己的喜好加係熱狗，好細心。另有沙律伴碟。好豐富及滿足的一個下午茶。

因上次跟同事嚐此店時感覺很不錯，便與另一伴再來。今次我們吃的是晚餐，原來晚餐的價錢與午餐的無異，是令人意想不到的。餐包與午餐時吃到的一樣，都是外脆內軟的兼有麵粉香，令人很想再追加。餐湯是磨菇湯，此湯比在午市喝到的南瓜湯失色了，因忌廉味不重，而雖然湯中有不少碎粒磨菇，但磨菇味同樣是不突出的。沙律菜則配上數小件咖哩雞柳，咖哩是乾身那種，惹味香口，雞也很嫩滑，只是西餐的話我會較喜歡午市所配的煙肉露荀卷，因咖哩感覺太泰式了!主菜方面由於羊架經已賣光了，只好選三文魚沙律，三文魚是慢煮的，雖說慢煮的方式能保持食物自身天然的味道，是次的三文魚也做得的確能保持嫰滑，但卻有魚腥味呢！個人而言還是喜歡煎至魚皮脆口的方式。另一主菜則點了我愛吃的意大利飯，當中有不少蟹肉，但芝士白汁則不及午市出品的濃郁，而且飯也煮得腍了少許。而餐飲方面選擇也較別的餐廳的咖啡或茶多樣化，我們就各要了薑蜜和紅棗蜜，兩者味道都認真，值得讚好！晚市與午市分量之別就是少了甜品，整體上雖然晚市人客較少，廚師應能更用心製作食物，但個人還是較欣賞午市的出品。

今午終於品嘗好友多次讚賞的餐廳食飯，工業大廈食府對於本人從來都不會有甚麼期望，但人總要食午飯，不妨見識一下。先談外觀，門口佈置簡單不花巧，店內清潔整齊，侍應忙而不亂。午餐大約由$88-158，有6-7個選擇。今午前菜是泰式炸雞沙律，心思是有的，但可惜炸雞淋了和凍了。熱湯是椰菜濃湯，好味，而且他們配有自家制餐包也是好味軟熟。主菜我和好友選擇三文魚蕃茄鮮墨魚闊麵和青瓜紅菜頭意大利飯，意大利飯軟硬適中，味道香濃，顏色給引，至於闊麵，三文魚被墨魚汁完全包實，外層深黑色內層粉紅，食落去能保持著三文魚的甘香味，而且件數也不小，食完後有一種滿足的感覺。只可惜湯杯和奶茶杯外形不美觀有些還次了，與其他碟也不相配。

此店分店都有好幾間，都集中在香港區，最近才進駐九龍區，見餐牌價錢比同區同級的西餐廳便宜少許，今天終於有機會試一試了！午餐價錢由最平的$88至最貴的$158，而$88的也可有肉到肚，都算是大眾化了！此行三人分別點了：$88的烤肉眼配尼斯沙律、$88的烤雅支竹綠意瓜意大利飯、$118煎三文魚配芒果莎莎。先來的是用茶杯盛著的南瓜湯，以南瓜打碎加上少許忌廉做成的南瓜湯很杰身，雖不滑身但有南瓜天然的甜，南瓜纖維豐富又健康，不過飲多都幾飽的。餐包好像是自家製的，每人各有兩片不同的味道，都已烘得外脆內軟又夠暖，可塗上盒裝有鹽牛油，麥香之中夾雜著少許穀麥，我喜歡這種有咬口的包，是滿有誠意的餐包！前菜則是沙律菜配露筍煙肉卷，沙律汁是清新的醋，而煙肉卷則以輕輕煎過的煙肉包著幾顆幼露筍，煙肉不會過鹹，簡單而好味道！同事的烤肉眼沙律先來，牛肉不會烤得過熟且還保留著肉汁，也挺有牛味，不會將價就貨！牛肉底下墊滿沙律菜，味道跟前菜中的沙律菜一樣，點這個的話是比較健康，因為超多菜嘛！而我的意大利飯也隨之送到，意大利飯賣相對辨，忌廉芝士汁充份掛在每顆意大利飯之上，芝味滿瀉，意大利飯還留有應有的硬度，非常好吃！同事的三文