點心到 MIX·大排檔

营业中

休息中

移居左外國嘅朋友返嚟放假 飯聚首選就梗係要揀local food 🇭🇰 旺角呢間有齊點心同大排檔美食就最適合不過啦😍 地點就腳 係正金雞廣場隔離👍好快眼球就被熱情百香果蒸鮑魚吸引到 陳皮蒸就見得多 用上百香果真係好少見 外型夠晒特別 酸酸甜甜嘅百香果汁同鮑魚到出奇地幾夾🤝 鑊氣小炒王有齊韭菜 蝦仁 蝦乾 魷魚 腰果 用XO醬爆香嚟炒 惹味又足料 辣辣地送飯一流🥢黑椒牛柳絲炒意粉係我細個茶餐廳最愛 黑椒味恰到好處 牛柳絲肉質嫩滑 意粉份量多 配上青椒🫑洋蔥🧅芽菜一齊炒 非常豐富惹味🍝 黑金流沙包係我最愛嘅點心😍 口感鬆軟 噴漿金黃流沙內餡 鹹甜味道沖擊味蕾🤩

呢間點心餐廳真係一個食點心嘅好去處，佢哋嘅食物質素高，味道出色，令我經常回訪😍真心推介大家去食☺️首先，晶瑩鮮蝦餃係必試之選，蝦餃皮薄透亮，內裡包住新鮮嘅蝦仁，口感滑溜，咬落去鮮味十足，真係令人回味無窮🤤原隻蝦燒賣亦都唔可以錯過，燒賣上面放住一隻完整嘅蝦，肉質鮮嫩😋蜜汁叉燒腸，腸粉滑嫩，叉燒醬汁甜而不膩，滑捋捋，正😄欖仁馬拉糕係一款傳統甜品，馬拉糕鬆軟，而家欖仁嘅香氣令整個糕點更加香濃，食完之後令人非常滿足😊黑金流沙包，包皮柔軟，流沙餡料香濃，咬開時流出嘅金黃色餡料，真係令人驚喜🤤另外，籠仔香辣排骨飯，排骨經過香辣醃製，肉質鮮嫩，搭配米飯，味道濃郁，令人一口接一口🤭熱情百香果蒸鮑魚更係一個亮點，鮑魚鮮美，搭配百香果嘅酸甜，味道獨特，令人食得過癮🤤🤤今日平日去人流都好多，坐滿晒人

喺旺角想飲茶食點心，呢間都係幾好既選擇，等埋下午茶時間，仲抵食！平日餐廳都幾多人排隊,不過等一陣都好快有位。🥢原隻蝦燒賣(4粒) $34👍🥢欖仁馬拉糕 $24🥢蜜汁叉燒包 $24🥢黑金流沙包 $27👍🥢鮮蝦腐皮卷 $30👍🥢蜜汁叉燒腸 $28🥢香煎蘿蔔糕 $25👍都係d飲茶常叫嘅點心，樣樣都唔差，其中黑金流沙包， 一咬開就係流心嘅鹹蛋黃醬，好食推介！鮮蝦腐皮卷同燒賣都有大大粒嘅彈牙鮮蝦，都屬推介之選！另外佢個香煎蘿蔔糕都唔錯，幾好食，而且份量足！另一方面就係呢度嘅茶錢都叫平，只係每位5蚊，雖然無得揀茶，但抵！仲無加一，抵飲！

點心到 MIX·大排檔 (旺角)旺角洗衣街39-55號金雞廣場地下1A,1B,1C號舖地點非常之方便，旺角金雞廣場地下，落地玻璃設計，乾淨又扺食。下午時間都幾多人排隊，唔使加一陣係5蚊一位茶錢， 地方又幾乾淨，難怪咁受歡迎。點心花款多仲有炒粉飯品，主食炒飯炒面70零蚊，同係茶餐廳食價錢差不多，但呢度坐得舒服及多選擇仲有茶飲，一家四口黎食坐卡位啱啱好。大推以下點心， 原隻蝦燒賣(4粒) $34蜜汁叉燒包 $24黑金流沙包 $27香煎蘿蔔糕 $25蘿蔔糕兩面煎得香，黑金流沙包， 一咬開就係流心嘅鹹蛋黃醬，鮮蝦燒賣都有大大粒嘅彈牙鮮蝦，都屬推介之選！而且份量十足，不錯！ #點心到 MIX·大排檔

適逢午飯時間，路經旺角「點心到 MIX·大排檔」記得之前喺油麻地食過佢哋嘅分店，點心水準相當唔錯，最記得就係沙律蝦角，大大隻超多蝦肉，仲有蝦餃燒賣可以兩粒咁叫，啱晒我哋兩個人飲茶可以食多啲嘢，即刻入去嘆個茶先🫖小店人氣滿滿，超多人飲茶，全部點心即叫即蒸，「蝦餃、燒賣」水準之上，肉質新鮮爽口又彈牙，「沙律明蝦角」絕無失望，真係超巨型外皮超脆，鮮蝦大大粒，質素絕對對得起價錢，「臘味糯米包」都有驚喜，糯米煙靭軟糯，而且臘味好足料，好正！「籠仔鳳爪排骨飯」都係必食之選，鳳爪和排骨肉質鮮嫩又入味，精華醬汁被荷葉蒸飯吸收晒，超美味，暖胃又飽肚👍▪️晶瑩鮮蝦餃（2粒） $ 17▪️原隻蝦燒賣（2粒） $ 17▪️沙律明蝦角 $ 30▪️蜜汁叉燒包 $ 24▪️臘味糯米包 $ 39▪️籠仔鳳爪排骨飯 $ 42

今日同同事收工過來食晚餐，主要想來食海鮮！叫左椒鹽瀨尿蝦、薑蔥炒蟹、蒜蓉蒸帶子、豉汁蒸鱔、豉椒炒蜆、蒜蓉炒菜苗！大家最想食的椒鹽瀨尿蝦，睇落好大隻瀨尿蝦，但不夠新鮮，殻係軟皮的！叫左薑蔥炒蟹（一隻），蟹都夠大，味道都可以！蒜蓉蒸帶子，味道正常！但帶子好痴殻！反而豉汁蒸鱔好食D, 鱔係厚肉兼新鮮！整體上海鮮味道一般，海鮮略為不夠新鮮和不夠鑊氣！但價錢反映一切，人均只係$300幾

屋企人鍾意食中餐，但係又唔想去酒樓咁隆重，又要俾加一茶芥等雜費。於是就揀咗呢間旺角出名嘅點心專門店。今次係星期六下午到店， 12點左右店內已經有一條人龍，當中有不少人相信是內地遊客，估計餐廳喺內地網上平台有一定知名度，所以有不少內地遊客慕名而來。嚟到點心專門店都想試下一啲店舖特色嘅點心，今次就試咗竹炭山楂鴨包，Emoji造型芋泥包，同埋脆皮茂蘿腸粉。竹炭山楂鴨包嘅味道同坊間既雪山叉燒菠蘿包嘅味道相當接近，但係餡料就變咗鴨肉，而山楂汁嘅味酸味翼同叉燒汁嘅酸甜味十分相似，而芋泥包味道都OK，同出面嘅都差唔多，不過造型就比較可愛， 十分適合打卡，至於腸粉入面嘅配料係脆脆同埋蘿蔔絲，可以話係炸兩版嘅蘿蔔絲酥餅，配搭都算新鮮同埋有創意，而且食落又唔會好奇怪

【點心MIX 中菜大排檔．港式地道創新菜】「尋昔日味道，盡在點心到」知道爸爸鐘意食點心、小菜，今日又做孝女帶佢去呢間位於金雞廣場嘅點心到MIX·大排檔，又有點心又有港式地道粵菜食，部分菜式更係運用好創新嘅搭配，為你嘅味蕾帶來唔同嘅驚喜！🫰🏻
🔷鑊氣小炒王 $98這道菜色香味俱全，炒得恰到好處，火力十足，夠哂鑊氣，有魷魚🦑、韭菜、蝦乾、腰果、炸芋頭條等，好滋味！🔶熱情百香果蒸鮑魚（隻） $18$18隻鮑魚！！鮑魚的肉質鮮嫩，搭配熱情的百香果醬，為傳統的蒸鮑魚增添了一絲清新的酸甜，口感都幾特別清新😆。🔷沙嗲粉絲金菇牛肉煲 $88沙嗲醬濃郁，搭配粉絲和金菇，讓人每一口都充滿了層次感。牛肉煮得剛好，軟嫩多汁，好美味🤪。🔶黑金流沙包（1件） $10流沙包外皮柔軟，內餡香甜，一咬啲流沙奶黃滿瀉哂出嚟😍。#Laglag美食推介 #foodielagblah旺角#foodielagblah中菜📍：點心到 MIX·大排檔 (旺角)旺角洗衣街39號金雞廣場地下1A, 1B, 1C號舖.........
.
#Mongkok#mongkokfoodie#點心#粵菜#中菜館#流沙包 #旺角美食#香港生活#港式

位於旺角一間日間主打傳統點心,晚市以海鮮小菜為主。餐廳裝修時尚環境寬敞,亦有好多卡座,仲設有魚缸,提供生猛海鮮。🥢冰鎮咕嚕肉炸到香脆熱辣辣咕嚕肉,即以冰鎮降溫,令酥脆外皮更香脆可口,,每粒咕嚕肉外脆內軟,酸甜度適中又掛汁再,加上菠蘿酸酸甜甜超開胃!🥢黃金鮮魷鮮魷炸得外酥內嫩,,金黃酥脆的外皮色澤好靚 炸粉薄透,肉質鮮美彈牙,配埋炸蒜粒食落好惹味！♡🥢啫啫通菜煲送到枱已香氣撲鼻,仲有好多肉碎帶微微香辣,通菜翠綠食落爽脆有鑊氣又惹味!送飯一流！

我同屋企人喺旺角行完街，路過金雞廣場時，發現咗一間全新裝修嘅餐廳，乾淨企理，燈火通明。夜晚食飯時間，幾乎全場都坐滿人，所以我哋就決定入去湊下熱鬧啦🫶🏻。呢度晚上可以點海鮮、叫小菜或者點心🥢。我同屋企人叫咗兩個餸同一碗飯，價錢經濟實惠🙌🏻。豉汁蒸大鱔我本身好中意食鱔，因為唔係好多餐廳有得食，所以一睇到就即刻決定點呢個。大鱔切得好厚，啖啖肉，煮得啱啱好，肉質滑溜，啲肉好容易就離開骨，真係好食得不得了！性價比超高，絕對係值得一試的選擇💫。秋葵野菌扒豆腐呢個小菜好有創意，豆腐分開兩截，顏色各異，上面鋪滿咗野菌同秋葵，睇落幾清新，味道也相當不錯🙌🏻。整體來講，呢間餐廳唔單止環境好，食物質素亦高，真係一個好地方，下次仲想再來試其他菜式！

酒樓除左一盅兩件，仲可以食到大排檔風味？今次黎到旺角，同大家介紹一間早市、午市專做點心，而晚市則搖身一變大排檔既傳統點心酒樓 一 點心到 Mix 大排檔 @dim_sum_here🌟冰鎮咕嚕肉 $88冰鎮咕嚕肉，香脆之餘搭配醬汁酸酸甜甜，肉質爽脆 🤤👍🏻👍🏻鑊氣豉椒炒蜆 $89大蜆去沙去得夠乾淨，蜆肉肥美飽滿，搭配豉椒爆炒，有鑊氣之餘相當惹味🤤👍🏻🌟🌟黑金流沙包 $10(個)創新之餘賣相幾靚，一咬開系邪惡既蛋黃奶黃餡🤤👍🏻🌟卡通芋蓉包 $10(個)造型幾得意，包體鬆軟，芋蓉綿密🤤👍🏻👍🏻🌟楊枝甘露經典港式楊枝甘露，吾會過甜🤤👍🏻🌟榴槤雪媚娘 $16外皮軟糯，一咬開滿滿榴槤肉，榴槤控最愛🤤👍🏻👍🏻📍點心到MIX大排檔地址 ：旺角洗衣街39號金雞廣場地下1A, 1B, 1C號舖#旺角 #點心到MIX大排檔 #點心 #飲茶 #大排檔 #留港消費 #港式點心 #港式飲茶 #楊枝甘露 #覓食旺角 #食在旺角 #為食關注組 #旺角食乜好 #冰鎮咕嚕肉 #榴槤雪媚娘 #黑金流沙包 #卡通芋蓉包 #香港美食地圖 #鑊氣豉椒炒蜆 #九十後行到邊食到邊#HKIG #HKIGER #HONGKONGFOOD

好耐冇食中菜了，今日好有興致想食，搜尋一下，見到碟「冰鎮咕嚕肉」吸引咗我🤩所以就嚟咗「點心到 Mix.大排檔」，餐廳午市主打點心，而晚市以小菜為主。餐廳環境寬敞，有原枱及卡座，仲設有魚缸，提供新鮮海鮮。🥢紅燒乳鴿 $55 見到好多人都叫紅燒乳鴿，望到幾靚，都好想試吓。乳鴿外皮燒到色澤均勻，有光澤。外皮入口脆卜卜，入邊肉質鮮嫩香滑，保留到肉汁。配上淮鹽同醋調味，但隻乳鴿本身已經好鮮味，原汁原味更好，都唔需要用調味料😋🥢冰鎮咕嚕肉 $88賣相顏色色彩鮮艷，炸到香脆熱辣辣咕嚕肉，即以冰鎮降溫，令外皮香脆可口。咕嚕肉肉質半肥瘦，醬汁酸甜度適中，用上菠蘿，紅椒及青椒作配料，健康又好食😋🥢花膠海鮮小米粥（細鍋） $99呢窩小米粥，以南瓜蓉融入小米粥，所以粥底呈橙黃色。材料非常豐富，有大大粒鮮甜帶子，好爽嘅大蝦，仲有花膠，同埋魷魚。粥底濃稠度剛好，啖啖都有南瓜同海鮮味。雖然係細鍋，但絕對唔少，有3至4人份量，非常大滿足！🥢榴槤雪媚娘 $16名稱有趣，引起我留意，原來係榴槤糯米糍💚糯米皮好薄同煙靭，入邊包裹住新鮮榴槤肉同埋忌廉，啖啖肉，陣陣榴槤香滲出嚟，大顛🤩🤩🤩🥢茶芥每位$10

今日小編就帶大家嚟呢間位於金雞廣場嘅點心到MIX·大排檔，睇下佢地點樣將傳統粵菜玩出新花款！💫一嚟就先點咗佢哋嘅招牌熱情百香果蒸鮑魚，聽個名已經知唔係普通嘅鮑魚！金黃色嘅百香果醬搭配住新鮮鮑魚，酸甜開胃又保留住鮑魚嘅鮮味，真係好大驚喜！🤤英式芥末牛柳粒絕對係我嘅心頭好！啲牛肉嫩到爆，配埋英式芥末醬，食落口香辣過癮，完全停唔到口！仲要夠晒創新feel，等你食完仲諗住再嗌多份！🥩紅燒乳鴿就真係一絕！皮脆肉嫩，醬汁香濃，連骨都香脆到想食埋！絕對係打卡必影嘅一道菜！🦆秋葵野菌扒雙色豆腐就清新健康啲，豆腐滑嫩，野菌香濃，配埋新鮮秋葵，真係完美配搭！素食者嘅福音嚟㗎！🥬壓軸嘅椒鹽鮮魷真係超級惹味！外脆內軟，椒鹽味香噴噴，完全體現到大排檔嘅精髓！絕對係下酒嘅最佳拍檔！🦑價錢：人均$150-250環境：新式懷舊風，超級打卡位！評分：8.5/10 ⭐️

同朋友去左金雞廣場嘅點心到食嘢☺️閒日人流都幾多，好彩都唔使等好耐位✌️我哋嗌咗好多點心鮑汁鳳爪鮮嫩多汁，鹹香味濃，口感滑腻，令人一試，回味無窮。榴槤雪媚娘外皮柔軟，內餡香濃滑順，濃郁的榴槤香氣撲鼻而來，令人欲罷不能，回味無窮。蝦餃皮薄透，口感滑嫩，內餡鮮蝦彈牙，鮮美多汁，令人垂涎欲滴。欖仁馬拉糕鬆軟濕潤，帶有香濃的欖仁味，口感細膩，甜而不膩，令人回味。山竹牛肉球牛肉球嘅味道濃郁鮮美。咬下去時嘎吱作響，釋放出肉汁，令人回味無窮。整體感覺柔滑而彈牙，偶爾會有一絲肉香同調味料嘅香氣，令味蕾愉悅。📍點心到 MIX·大排檔 (旺角)旺角洗衣街39號金雞廣場地下1A, 1B, 1C號舖#點心到 #金雞廣場 #旺角 #旺角美食 #

《點心到MX大排檔》我係呢度食過幾次晚餐，今次 daytime 嚟主力食下點心。而午市茶錢只是$5。✨️韭黃鮮蝦腸韭黃味香濃，蝦肉Q彈，腸粉滑溜。✨️蜜汁义燒包3小個义燒包，蜜味很香，餡料飽滿。✨️晶瑩鮮蝦餃晶瑩剔透，皮薄餡靚，蝦肉Q彈，好好味。✨️蒜蓉炒時菜今次是菜心，非常新鮮，冇渣。✨️杏汁燉白肺我有少少咳，飲呢個湯最啱，飲完覺得很潤喉。✨️榴槤雪媚娘糕米皮很薄，內有鮮榴槤肉和忌廉，多層口味, 這個甜點係我至愛。