點點心 (已結業)

紅磡一向很少酒樓，優質的就更少，於友人推薦下嘗試這間點點心。主打是點心，大都很獅創意，好似有菠蘿的菠蘿包等等，令人不禁要試食。特別有一款流心包非常美味，不會太甜，但是非常流心，造型都很可愛。

香港地咁多餐廳可以選擇結果就成日去左食西餐🍽🍴今日就決定一反常態 去食個靚點心棉花雞😋熱騰騰好正啊~ D棉花係好淋 煮得岩岩好煎釀茄子🍆好處係冇出面嘅煎釀三寶咁熱氣~ 同埋我好鐘意好大舊茄子😁😁感覺好似健康d😎豉椒豬肚🐖E個係必食!! 唔太辣而且好入味!! 冇得輸🤞🤘小籠包相對上就比較貴😣 但佢係新鮮蒸出黎就加分~ 包入面仲有肉汁☺ 總結黎講，我覺得如果經過紅磡就不妨一試價錢唔太貴，而且又唔會話好多人好迫，適合同親友慢慢歎下茶，傾下計。

一大班朋友一起去飲茶便多數揾酒樓，如人少少，又想去飲吓茶便可到點心專門店一盅兩件。中午想吃蒸飯，呢處有午市優惠盅頭飯，只限堂食，仲有生菜一碟，只是$32，算幾抵食。花菇滑雞蒸飯，瓦煲仔上枱，花菇滑雞都調味得入味，雞肉唔嚡，而且餸份量也多。加埋生菜一大碟，食唔晒。點解此餐只可堂食，想就是讓你有機會叫其他點心吃的，所以如把持得住就好化算的。對不起，我輸了，忍不住叫咗陳皮蜂蜜燉原隻雪梨，只$15便叫來試吓囉！雪梨水微帶酸味，灑上的是已調味的九製陳皮，燉雪梨肉似啤梨的質感，還算清甜，一試無妨。

點點心是很平民的點心餐廳,價錢抵食。點心種類都算OK, 我叫左綿花雞,春卷,同堆炸兩。食物質素尚可以! 如果大家想黎食個Quick lunch,點點心是你的好選擇 但點解我要黎打食評呢? 係因為!!佢地有賣豬仔樣既流心奶黃包啊!!! 依款奶黃包係普通酒樓係食唔到嫁! 而家基本上只會係某幾間高級飲茶既餐廳先至會搵到,但價錢當然唔會平啦! 但係點點心竟然都搵到依款咁可愛既豬仔流心奶黃包! 絕對有驚喜 個包一上,我同朋友已經拎起相機,二話不食影到相先! 實在太得意啦~ 個包肥DOO DOO, 用筷子拮落個鼻到仲會流心! 有奶黃流出黎! 成件事好好玩! 同埋最緊要,價錢一D都唔貴! 值得一眾food blogger黎試試

真係畀呢個又靚又得意既蘿蔔仔吸引咗! 個外表靚到不得了，可惜今次冇帶小朋友黎! 味道方面係香芋，簡得得黎都好食，個皮鬆、脆、薄!其次想講既係菠蘿包，好攪笑，真係有菠蘿係裏面呢個idea好好，因為菠蘿包比較滯， 如果裏面有生果就變得比較fresh!牛肉球都好呀, 熱辣辣，好好味! 腸粉睇個賣相都知道皮薄餡靚，軟綿綿嘅外皮，加咗鼓油，入口香而軟。 其他點心其實都係正路好味嘅，只不過係我想推介几嗰款比大家參考吓! 記住佢哋啦！

呢頭太多種類的食物鋪頭，眼花繚亂，心大心細唔知食咩好，但好耐都未試過宵夜食點心，所以經過呢間就點心鋪就入去試試，都估唔到有驚喜。菠蘿包真係有菠蘿，幾得意，外層都鬆化，熱辣辣。叫左蝦脆腸，棉花雞，牛肚，蒸排骨，都好好味

好耐無飲茶，行過見呢到下午茶2點-6點，全單有8折，茶芥一位收3蚊都ok抵食章魚肉餅飯，肉餅大大塊又幾厚身，絕對夠餸飯但肉餅味道就淡左啲，醬汁都係環境是不錯的，乾淨企理

與老公來黃埔探叔公老爺後，又是時間去醫肚，這裏有美X，大X樂及點心店，知道老公喜歡吃點心，一於做畢加索的妹妹，不加思索拉他進去。午市頗多人，幸好近門有一張二人檯，店員為我們斟了茶，並說枱上有點心紙，可自行揀選，蒸，炸，煎的點心，飯，麵，腸粉等共四十多款，價錢不算貴，選了老公每次飲茶必吃的叉燒腸粉$23，潮州粉果$18， 燒汁虎皮尖椒$23，白灼生菜$18， 蝦餃$31，北菇滑雞飯$27和特價的陳皮燉雪梨$15 。叉燒腸粉：腸粉皮拉得很順滑，有米香，叉燒質素過得去，有芫茜，很香，是叉燒腸粉的靈魂，他百吃不厭。潮州粉果：是祖母自小常買給我吃的東西，所以特別有感情，粉果皮做得不錯，不太厚，不黐牙，餡料有沙葛，花生等很爽口，吃得很滿足。虎皮尖椒：老公不喜歡吃辣，問過店員說不會太辣，點了一份試試，青椒很大隻，一碟有四件， 釀的餡料彈牙，並非一般只用鯪魚肉，可能加了墨魚蝦膠之類， 青椒不算辣，配帶甜的燒汁很惹味。白灼生菜：新鮮爽脆，加些豉油，味道也不錯。蝦餃：樣子飽滿幾靚仔，蝦餃皮夾起不散，蝦肉很爽，有汁好好味。花菇滑雞飯：冬菇好大片， 雞肉蒸得很滑，無骨，薑味十足，淋些豉油很好吃，米的質素很好，

呢間野食到我肚痾...我好少上黎打劣評...但真心唔想再有人中招.....食物評論：蝦餃有酸味，同阿姐講，無人理再搵個第個員工講，佢話唔計蝦餃錢，換左張單比我地，點知個阿姐又走過黎問我地係咪食左啦籠蝦餃？講到我地好似食左霸王蝦餃咁...已經一肚氣....然後......燒賣有怪味....藥膳棉花雞無中藥味得酸味.....春蛋燒賣又咸到隻蛋唔知醃左幾耐....陳皮燉雪梨得個甜字無陳皮味....得個豬仔流沙包過得去....收6蚊茶錢但得一大煲同人共用既無味茶本來想息事寧人，少少怪味酸味唔新鮮又唔係收得平都想由佢，但我食完回家竟然肚痾...所以決定上來唱衰佢！各位勇士，唔怕死又想瀉下清腸胃而且唔介意佢貼錢買難受的，點點心將會是你最佳的選擇

Weekend 想食一盅兩件但又不想到茶樓等位，點點心是不二之選！脆皮鮮蝦腸-點點心的推介點心之一!以往食的蝦腸是整整齊齊鋪滿一碟！可惜是次腸粉不單細碟了，還走哂樣！山竹牛肉球-個人喜歡「山竹」多於「牛肉」，剛好點點心的「山竹」分量不少，「牛肉球」有淡淡的陳皮香，乃不錯之作！金沙肥豬仔-外觀雖重要，但不流沙的內裏實在令人失望！ 巧製叉燒包-包的外皮軟滑但內餡稍嫌太乾，缺少了應有的醬汁！蟹子燒賣王-另一推介點心！屬足料作品！燒賣爽口、彈牙！

今天務名而來，但失望而去，來的時候夜上6 時多，不多人，但没有人招呼，自己找位坐，茶壺也不奉上，點下食物後，約30 分鐘才上單，那個仿鮑魚炒面真心貴，跟坊間的無分別但貴幾倍，最令人失望的是那個收銀，多問1 句，不答或敷衍了事，付款後就裝聾作啞，拎開一邊，如不是朋友推介，請我也不會來，無下次

三个月前就想去品尝，一直未得机会。听有朋友专门去吃，不知红磡有店跑去了柯士甸评价很好～决心一定要去。朋友说想吃奶黄包，正好自己也大半个月没吃点心了，馋的很 点点心便利不贵，带着朋友一起去品尝～做了充足功课，一定要品尝招牌热门点心！店员态度很好～现点现蒸～等待约10mins真系菠萝包：内装满颗粒真菠萝！拌有菠萝甜酱，味正不油！表皮酥脆～端上桌阵阵菠萝香气扑鼻！推介！脆皮鲜虾肠：个个完整虾肉，包有脆壳，再由香糯肠粉皮包裹！香芹提味～好吃不腻！推介！金沙肥猪流沙包：猪仔外形普通，内金黄流沙轻微溢出，不影响食用～ 面皮不厚，流沙馅充足！不甜味正！超赞！蜂蜜巢糕：新款点心，朋友推荐品尝。蜂蜜味浓！软糯香甜～白灼生菜：量足！新鲜！非常满意！会经常光顾！

夜晚約左食飯，未夠鐘又有少少餓，打算搵個地方坐下食少少野！可能受到農曆新年既氣氛影響，個人特別想食d中式野，咁岩路過就黎食點心先😋炸雲吞餡料好足，有大大隻鮮蝦，雲呑皮唔會太厚，好脆好香口！雖然係炸野但一d都唔油膩，配上甜酸醬真係食到停唔到呀🤤真係菠蘿包，入要真係有菠蘿嫁😂 感覺就好似鳳梨酥加菠蘿包皮咁，鍾意食鳳梨既就一定要試下喇👍🏻馬拉粒同餃都唔錯，但個牛肚就真係令失望。牛肚乸得太耐，林到無哂應有既口感，仲有少少洗潔精味，我估應該係未洗乾淨d鬆肉劑所致，最後我哋都冇食晒⋯價錢唔平，服務OK，坐得有少少迫。

前幾日，睇完康熙介紹這間點點心一直都好想試💕特別係豬仔奶皇包👍👍一講起點心，好自然地念起傳統酒樓的點心 沒有新意。如果大家都想轉下口味，不坊可以考慮一下這一間點點心🤗 這間店的招牌點心是豬仔點心是以傳統的奶皇包改變成的，外貌相當可愛是豬的面孔加上顏色的豬耳和豬鼻十分趣緻，奶皇味夠香甜度適中，食兩個也不會太膩。

行入黃埔經過見新開決定食個點心做lunch, 記得佐敦店早年都有間唔中去幫襯下，次次都要等位，食物質素唔錯架。呢間新店唔需要等位，亦都有唔少人幫襯，坐低一望啲餐具，油立立，膠餐具清洗不乾淨就有呢個問題，我老闆即時遞上紙巾又幫我洗洗抹抹，佢已心知我唔係咁滿意。我們依舊點選平常食開既幾款點心，但怕腸粉唔熟透，所以點了义燒腸最穩陣。點心算夠熱，但未見突出，腸粉皮尚算薄滑。唯一蝦餃最可取，餃皮內包住整隻大蝦。點了流心豬仔，咬下一口只見內裡的奶皇醬，絕不流心，是不夠火喉還是奶皇比例不夠「留心」？機會給了，還是回去吃開的舊店穩陣，再比一次機會佢喇！