鼎家喜筷 (已結業)

任食120分鐘雞煲+火鍋指定食物，出品不錯，可惜服務員態度非常惡劣，我們打算食埋淥熟火鍋食物，就結賬。一名女服務員渴止我們立即停止進食，亦見她將其餘食客枱上食物（未淥）傾倒，簡直浪費食物和趕客。😤😤😤

冬天凍冰冰😍最好就係食火辣辣雞煲啦🐥去海之戀揾食就見到鼎爺間鼎家起筷出左個90分鐘無限幸福雞煲🥘套餐配送新鮮蔬菜1份，可額外加火鍋配料。價錢大人$168小童$98 價錢都親民貼地，但最緊要好食先重要😋就衝入去試下啦。🐥幸福雞煲🥘有三款辣度選擇，BB辣🌶️中辣🌶️🌶️大辣🌶️🌶️🌶️我地食開辣揀咗中辣。材料有秘製雞煲醬、雞件、洋蔥、芫茜、辣椒。一上枱已經香氣撲鼻。上枱後唔好開蓋再焗多5分鐘後滾起就可以食得！雞肉大件質地好嫩滑好Juicy。有別一般雞煲炸到乾爭爭，我就唔鍾意嘅！意道雞件好多脾位又大件食得好爽😄但大家請留意唔係好食得辣就叫中辣啦！因為雞煲會愈滾愈辣嫁！🥵真係食到出哂汗但又好過癮！真心正🥰食到咁上下我地就加湯打邊爐啦🍲叫左珊瑚蚌$68同羊肉片$98份量ok ，珊瑚蚌算係抵食添😝套餐可以每位加$28無限任飲菊花薏米，洛神花茶^_^味道清甜解渴。一樽樽上，食辣都唔怕啦！整體環境舒適，味道正價錢親民值得再嚟😋👍🏻

Incredibly yum high quality chicken casserole@OP Mall, Tsuen WanMy families and I went to a restaurant called ‘’Ding Lee ‘’（鼎家喜筷）located in Shop 3012, 3/F, OP Mall, 100 Tai Ho Rd, Tsuen Wan荃灣大河道100號海之戀商場3樓3012號舖This restaurant is directed by famous well known chef/foodie／ "Ding Lee" （李家鼎/鼎爺）!!We order happiness chicken pot in unlimited basis in 90 mins which costs HKD$168 per adult!(90分鐘免費任添雞件！！）The chicken is fresh,sweet ,firm with nice lovely intense chicken flavour!!meat is high qualityseason

食雞煲既地方好多，但係可以無限任添既餐廳就唔算太多！呢度$168就可以任食雞煲！除咗雞煲之外，另外都可以加錢加配其他火鍋配料！我地個雞煲就揀左小辣，上菜上得好快！雞件全部都啖啖肉，個醬汁都幾惹味！上面舖滿一層芫荽，啱晒芫荽控！我就鍾意入面既紫洋蔥，煮得好入味又甜！食完幾輪雞煲之後就開始打邊爐！我地揀左雜錦丸拼盆、午餐肉同烏冬，任食雞煲餐廳仲會送一個蔬菜籃！雜錦丸拼盆幾好，有牛丸、貢丸、魚蛋同墨魚丸，每款兩粒，兩個人食啱晒午餐肉既質表素都幾高，而且份量都幾多另外呢度都有台式飲品供應，我同朋友分別叫咗個荔枝綠茶同埋芝士奶蓋，味道都真係唔錯！

天氣又涼返啲，咁嘅天氣，打邊爐食雞煲，真係一個最佳選擇😀今日同朋友去到海之戀呢間鼎家喜筷，佢哋個雞煲唔算貴，重要任食雞件，而且雞件大大件，啖啖肉，認真抵食，但留意返，用餐時間有90分鍾😂幸福雞煲 - 雞件好多肉，雞煲個靈魂係個汁，佢哋個汁堅好味，令到平平無奇嘅雞肉，變得美味無比👍🏻 加埋啲辣味，開胃又醒神，好食到停唔到口😍 食完第一轉，如果唔夠喉，可以再嚟多轉，真係食雞煲都食到飽呀👍🏻蔬菜拼盤 - 兩個人食，剛剛好，蔬菜又新鮮，食咗咁多肉，真係要食返啲菜平衡吓😊蟹柳 - 好粗大，口感一流，又係啖啖肉嘅感覺，太幼身嘅蟹柳唔夠口感。蟹柳吸收咗雞煲嘅湯汁，勁好味，食咗兩碟😂珊瑚蚌 - 好新鮮，放湯一分鍾就食得。爽口彈牙，加埋雞煲汁嘅加持，無得輸。藍莓蘆薈綠茶 - 好清新的口感，能將雞煲啲油膩感，辣味，一掃而空。加上蘆薈，感覺打邊爐嘅熱氣都全消了，必飲推介👍🏻

吃過最好吃的雞煲❤️沒有之一平時雞煲都食唔少 但真係未食過咁好食既 點左小辣🌶️ 佢既麻 辣係岩岩好 兩面都唔會太搶兩個人食 一開始係一隻雞 之後90分鐘內都可以無限添雞件啊佢既雞件大大隻 而且肉質超嫩滑 味道好夠咬落係好多肉汁 一啲都唔嚡口 而且唔係好多骨無乜肉果啲雞翼 雞脾都超大隻👍🏻超讚!!依家點雞煲仲會送新鮮蔬菜一份 食完雞煲之後加高湯 就可以🍲打邊爐啦‼️.今次淨係食雞件已經好有飽肚感火鍋料淨係叫左幾款珊瑚蚌係必點!! 新鮮爽脆 淥大約10秒就食得😋另外點左一渣檸檬洛神 唔會太甜 酸酸地好開胃口～仲可以解辣呢

本身今日話滿座，但係早啲嚟就可以入座。所以下午茶就嚟到食早晚飯。裝修好得意，而且食物又好特色。當日叫咗燒鵝，麻辣撈丁，水果茶，黯然銷魂飯。最推介是燒鵝，醬汁和鵝好配合。由於太飽，所以奶茶打包回家。發現奶茶有中西合璧嘅味道。茶味濃，啱晒喜歡濃茶的人。

☃️☃️天氣咁凍就最啱去食雞煲同打邊爐，適逢遇着大食既友人，就梗係好醒目咁揾間有得任食嘅🤭.✨ 幸福雞煲 $168 (附送蔬菜籃🥗) 9️⃣0️⃣分鐘無限添秘製雞件🐔我哋揀左個小辣，話明無限添梗係encore多一轉🐔🐔❗️秘製醬汁配有洋蔥🧅、花椒、辣椒🌶️同芫荽（唔食芫荽嘅朋友記得走芫荽🙈），沾滿醬汁既雞件大大舊愈煲愈入味，又麻又辣越食越過癮🔥咬落真係啖啖肉😋.✨珊瑚蚌 $68食完雞煲之後就梗係加湯開始打邊爐😆 珊瑚蚌夠晒大碟，勺一勺就食得，而淥完係好爽口同鮮甜🥳.✨牛丸 $48一客有8粒，口感都幾彈牙.✨出前一丁 $18有冇朋友打邊爐都一定要落公仔麵🙋🏻‍♀️最正就係可以索晒湯底嘅精華🤭 .✨ 任飲花茶 $28@食辣野點少得嘢飲，花茶有2款: 菊花薏米清甜解燥，而檸檬洛神水酸酸甜甜好開胃，飲完食多轉雞都仲得🤣

入冬後當然要食雞煲😍放工同老公去咗荃灣海之戀的「鼎家喜筷」🥢 餐廳主打燒味、小菜，亦有90分鐘無限添雞件🐣幸福雞煲。套餐配送「新鮮蔬菜1份」，其他配料就要額外加配。⭐️ 幸福雞煲 💲168/位有三款辣度選擇，BB辣、中辣、大辣。我地揀咗BB辣。雞煲入面有秘製雞煲醬、雞件、洋蔥、芫茜、辣椒。用洋蔥、辣椒爆香嘅雞煲一上枱已經香噴噴。上枱後再焗多幾分鐘就可以食得！雞肉本身已經有調味，多數都係髀位，質地好滑嫩，好Juicy。就算係雞胸肉都唔會鞋。⭐️ 任飲花茶 💲28/位食雞煲較重口味，所以一定要加配飲品。我地叫咗檸檬洛神🍋。味道唔算太酸。⭐️ 加配配料食完雞煲就可以加湯打邊爐。我地額外點咗珊瑚蚌、出前一丁、午餐肉。珊瑚蚌口感好爽脆。出前一丁吸收曬湯底精華，好滋味。📍鼎家喜筷荃灣大河道100號海之戀商場3樓3012號舖

雖然這個冬天不太冷，但近日氣溫下降，難免會感到有點寒意，突然很想吃些熱烘烘的食物暖暖胃，除了打邊爐，還想吃個雞煲。 最近，《鼎家喜筷》推出幸福雞煲，可選辣度之餘，還配送了1份新鮮蔬菜，最吸引的是可無限添加秘製雞件，非常抵食！  雞煲有三個辣度，今次，我們先來挑戰 BB辣，始終吃辣我只屬 BB級麻！這裏還提供非常貼心的服務，雞煲上桌，除了提供計時器方便計時，店員還會主動幫忙食客，讓食客不會錯過進食的最佳時機。對於鮮有吃辣的 BeautySearch 而言，BB辣的辣度，絕對是可接受，不算太辣，花椒味香濃，吃完還透出點點甜味。滿滿醬汁，雞肉吃起來，肉質非常嫩滑，相當惹味！有肉當然要有菜，雞煲配送的蔬菜拼盤包括了數款蔬菜：金菇菜、鮮冬菇、粟米和娃娃菜，一個拼盤帶來不同體驗。還未夠喉？當然要打個邊爐！這裡提供免費加湯底打邊爐，吃完雞煲，我們揀選了數款配料打邊爐。我們揀選了雜丸、珊瑚蚌、出前一丁，還添加了二人任飲花茶。雜丸包括：牛丸、魚蛋、貢丸、墨丸，每款各2粒，可以一次過品嚐多款彈牙丸丸，有選擇困難症？無問題啦！珊瑚蚌色澤鮮艷，一碟約有 6-7件，勺一勺便可，入口爽口彈牙，還充滿海中鮮味。每人

鼎家喜筷是鼎爺私房菜旗下餐飲品牌, 位於海之戀, 明亮簡潔的裝修, 主打港式燒味、茶餐及秘製雞煲, 餐廳坐位寬躺舒適我們點了幸福雞煲雞煲還奉送新鮮蔬菜一份, 90分鐘任食、可以無限添加雞件, 辣度可跟據自己喜好選擇, 由ʙʙ辣至大辣🌶️, 雞件大塊啖啖肉, 份量都比較多, 雞煲本身已經有新鮮紫洋蔥、芫荽、指天椒等香料, 所以一打開蓋香氣十足, 雞肉非常入味夠嫩滑, 醬汁香辣濃郁, 先食雞件再加上湯打邊爐, 每啖都沾有濃濃湯汁, 非常惹味, 火鍋配料多達二十款可以選擇✨新鮮蔬菜🥬雞煲奉送的, 有金針菇、冬菇、粟米及娃娃菜自選火鍋配料豆卜、腸仔、午餐肉、響鈴材料新鮮、份量多飲品🍹芒果沙冰🥭超級大杯, 非常清涼又解渴火山阿華田滿滿阿華田粉超邪惡整體ᴄᴘ值高, 非常抵食, 環境整潔企理、服務態度親切有禮有笑容, 全程主動換碟、上菜有效率揸車的朋友, 商場設有停車場🅿️, 非常方便

新式燒味cafe最新推出咗90分鐘無限添加雞件嘅幸福雞煲🫢 $168/位麻辣雞煲可以選擇BB辣、中辣、大辣 另外送一份新鮮蔬菜另外仲有得單點火鍋配料 價錢都幾平～店舖幾特別有唔少台式特色飲品～ 嗌咗之後好快就送上雞煲 等佢煲一陣店員就打開蓋幫我哋炒 然後冚蓋再煮多陣就食得～麻辣雞煲醬好惹味 配上大量芫荽 雞件大大件又新鮮、嫩滑多汁肉味香濃 可能因為本身做燒味所以雞件都特別高質～ 好味～ 食完仲可以無限添加🙈之後就可以加湯打邊爐墨魚丸 $48/8粒魚蛋 $48/8粒兩款丸都唔錯 價錢都好平好抵食 魚蛋爽口彈牙 墨魚丸彈牙帶嚼勁烏冬 $28$28有兩底🙈 係嗰種平嘅烏冬口感麻麻地～ 不過呢個價錢仲想點😛芝士鐵觀音 $40估唔到佢哋嘅飲品係黑馬😻 媲美台式手搖店 芝士奶蓋綿滑厚身 有種甜甜嘅芝士香鐵觀音介乎清香與濃郁之間 味道甘醇 同芝士奶蓋好夾👍🏻～薄荷青蘋果蘆薈綠茶 $32青蘋果清新可口 加上少量薄荷味更清爽 配上輕盈嘅綠茶同粒粒蘆薈 口感豐富 清新之選～

天氣轉涼，最適合吃雞煲和打邊爐。今次和朋友到荃灣捧鼎爺的場，位於海之戀這間鼎家喜筷是鼎爺開的燒味店，除晚市小菜外，還推出了雞煲。幸福雞煲 $168/位雞煲90分鐘任食，雞件還可以無限量再加，非常抵食！雞煲有三個辣度，我們選了BB辣，真的不是太辣，但非常香口惹味！這裏值得一讚的是服務非常貼心。雞煲一上菜，已經有店員用計時器幫忙計時，提點客人最佳進食時機。所以雞肉吃起來非常嫩滑！讚讚讚！蔬菜拼盤蔬菜拼盤包括鮮冬菇、金菇菜、粟米和娃娃菜，一個拼盤已解決選擇困難症的問題。豬肉片 $88個人私心推介，食肉獸一定喜歡這個豬肉片，每塊厚薄剛好，保留肉味又易熟。響鈴 $58打邊爐一定要點響鈴是常識吧。笑）這裏的響鈴賣相也非常不錯，不會崩掉一角。和其他食材一樣，看得出是有質素的。菊花薏米水 $28/位每位$28 ，可以任飲洛神花茶和菊花薏米水。來的時候一大瓶，我們最後都喝不完呢。但的確是非常清甜的，中和了打邊爐的油膩。

平時經過鼎家喜筷出面都主要見到佢主打燒味同埋一啲小菜，原來最近出咗任食雞煲😂 雖然配料另外加錢，但係價錢唔太貴，今次除咗食個雞煲都另外再加左丸類、一款海鮮同嘢飲。😆呢款任食雞煲，有三個辣都可以選擇，平時唔多鍾意挑戰食辣嘅我，今次揀咗BB辣😆 少少辣到可以保留返食雞煲嘅精髓，入口食到麻辣味而且雞件本身有預先醃過，食到好入味仲好滑，其中一個原因應該係店員會幫手計時，提示雞件可以幾時食得，一定唔會過老👍🏻👍🏻 另外加嘅火鍋配料雖然唔係好多，但係食得出唔係出邊凍肉舖嗰種丸類，另外叫咗珊瑚蚌食落都鮮甜，最後加咗兩個出前一丁埋尾☺️完全吸收晒啲汁，本身雞煲會跟一籃蔬菜，中和返個油膩感😆食雞煲熱怕熱氣於是加咗個嘢飲，係一榨菊花薏米水，清熱得嚟仲可以去水腫🥹

荃灣發現呢間超抵食嘅雞煲放題！🥳90分鐘可以任添雞件，食得非常盡興🥰佢哋嘅雞煲香料都好多~除咗辣椒之外，🧅仲有洋蔥等，食落好香。一開始會先上一隻雞嘅份量俾你🥘，再加一份蔬菜籃。雞食完可以再加，我揀咗bb辣，🌶都覺得辣度已經好夠，好入味🔥除咗淨食雞，都可以加其他配料！🤓我仲追加咗紐西蘭羊肉片$98，🥢同埋珊瑚蚌$68。羊肉片夠新鮮，珊瑚蚌口感爽脆。食到興，想清熱，$28一位任飲🌼菊花薏米/檸檬洛神勁抵💕