鼎記 (已結業)

今次我黎呢間茶餐廳度食雞煲~~其實本身係男朋友好想食佢個好出名嘅黯然銷魂飯，咁我本身唔係好好個燒味，純粹嚟陪下佢食。個飯有兩隻流心蛋同半肥瘦叉燒，好大一碗食食吓又覺得幾好食，個甜豉油同蛋撈飯好夾叉燒肥啲會再好食d咁啱見到隔離枱食緊雞煲，啲香味吸引到我嗌左個鼎記至尊雞煲，正常辣，半隻雞 $168見到好多款辣椒好似有泡椒、辣椒、指天椒🌶️、花椒個辣度我都接受到雞好嫩滑，吸晒啲辣味，食左個飯先再上半隻雞都好夠我地兩個人食，所以我地就沒加配餸打邊爐🍲平時想食雞煲都會去旺角，而好多間出名嘅雞煲店都食過了，都未試過去茶記食雞煲，當試下d新嘅嘢，又真係冇得輸另外餐廳服務好好👍🏻好親民，正是茶記之吸引點

唔好以為燒味係麻甩佬鍾意食既野，其實我都幾鍾意食燒味架今日做完野就同埋2個朋友係附近搵下野食，就黎左呢度啦我地就叫左個蜜汁叉燒例牌同埋金牌燒鵝例牌叉燒肉質好腍，半肥瘦，蜜汁好夠，唔會乾甜甜既蜜汁 叉燒真係幾正燒鵝例牌嘅份量都幾多，肉質都幾嫩燒鵝又唔會太肥， 因為我都幾鍾意食燒鵝皮除咗燒味之外，餐廳仲未有車仔麵供應我哋叫咗蘿蔔、冬菇、豬皮同豬紅等等配料都煮得幾入味， 湯底都好夠味食車仔麵再配埋碟菜，通菜好大碟，配上腐乳就最好味原來呢度夜晚仲會有小菜同埋雞煲嗰啲供應，而且地點都幾方便，有機會要再嚟試吓

同女友行旺角，行到8點左右搵野食。咁岩喺呢頭，又落雨。女友又想食下小菜，見到呢間2人餐有燒味，好似幾好，就入左黎食。睇完叫左2人餐，咕嚕肉，燒腩仔，生菜。又想食多啲啲，咁睇餐牌，叫多個三色蒸水蛋啦。二人餐既菜好快就黎哂，咕嚕肉應整定，有單就撈汁上碟，唔夠熱。燒腩仔唔夠淋，皮唔夠脆，生菜幾綠，幾友成碟食哂。仲有2飯2例湯。飲品要加錢，百幾蚊算係咁啦而且佢地態度唔錯，問佢地要芥末，佢地都好似好樂意咁拎黎，仲會問要唔要薑蓉，幾好。問題喺三色蒸水蛋嗰度，可能我問題，冇摧佢地，呢碟好耐先黎。黎到我就O左咀，蒸到老哂，蛋唔滑，直頭係鞋口，皮蛋硬左。我一路食一路搖頭，完全唔掂。非常失望＞＜埋單234蚊，加埋4餸連飯連湯連野飲（飲品要加錢，凍飲每杯9蚊）唔算貴，不過抱歉講句：如果冇乜野，都唔會再黎。

今日喺附近做野 喺條街已經熱辣辣 見到呢間餐廳又大又闊落 入面又坐左唔少人 同個同事諗都唔諗就入去我哋分別叫咗車仔麵同三拼飯呢度店員介紹我哋食呢個鮮油奶厚多見佢咁有禮貌我哋都決定試下 再叫佢拿拿淋幫我地整兩杯凍洛神花茶飲下解熱 呢個洛神花茶酸酸地夠晒解渴 仲要勁凍真係透心涼煉奶厚多本身已經係好難令人抗拒 再加埋鮮油一齊食 真係好食到一個點 無耐我碟三拼飯就嚟啦，揀咗叉燒，燒腩仔同埋加錢要咗半隻乳鴿因為見好少有得配乳鴿 真係要讚自己揀得好 隻乳鴿輕炸到個皮脆卜卜 肉又夠嫩 本身食緊叉燒同燒腩仔已經心諗呢間餐廳食物幾有質素 叉燒肥瘦適中 腩仔又脆 再食乳鴿就真係贏晒點知朋友又話佢碗車仔麵先至係高質之作，搞到我又忍唔住要試下佢揀咗辣汁水魷，滷大腸，燒鵝同埋牛柏葉，講真佢個腩汁湯底真係好香好惹味，啲配料亦都好多 份量十足 燒鵝啖啖肉 個水魷同大腸係我最欣賞，大腸炆得夠淋又入味，水魷煮得夠爽口彈牙，如果唯一要彈嘅就係啲麵煮得比較淋身，所以都係我碟燒味飯勝出 諗住求其入一間茶餐廳，點知食物咁高質，服務又好 ，真係大推

It suddenly was raining really heavy so we decided to just eat here for dinner while we waited for the rain to stop. It was a roast meat restaurant. What could go wrong. Boy, were we wrong.Menu is in Chinese only. They apparently not only sold roast meat but they also served Cantonese stir fry dishes at nigth with optional dinner sets that include soup, rice and vegetables. We decided to share a dinner set and an extra dish as I wanted to share the bowl of rice.The soup arrived first. This was o

有日晏就同男友係波鞋街行完街好攰，又餓，見到呢間裝修新淨嘅茶記，望落啲位都幾舒服咁，就入左去試下見到佢有金牌燒鵝，一於就試下，男友想食燒腩仔就叫埋，然後再搭多個瀨粉& 通菜叫左5分鐘左右個通菜到左先，好大碟，腐乳都好足夠，唔錯唔錯之後就到我期待嘅燒鵝啦😍肉質嫩滑，有肥有瘦，岩我地呢d女仔鐘意食瘦 但男友好肥皂嘅情侶哈哈燒腩仔皮脆唔痴牙 個醬唔會過咸不過最令我驚喜嘅係瀨粉 佢唔會擺得耐就痴埋一齊 咬落唔易斷 食落爽滑 如果一個人黎叫個燒鵝瀨都好滿足嘢飲就叫左洛神花茶 解暑之選✌🏻

近排天氣熱咗勁多🥲😂日日都勁大個太陽曬住啊！！雖然係咁，但都無阻我想食雞煲嘅慾望！熱住都要食啊！！！今次喺旺角做完嘢就見到呢間感覺都係好有穫氣嘅惹味嘢食，二話不說就入咗去啦！裝修都光猛舒服！叫咗個至尊雞煲😌首先來嘅係老火靚湯！蓮藕煲豬骨，聲稱無味精㗎！！好似屋企阿媽煲嗰啲🤣仲有三檸梳打！青檸，咸檸加檸檬～混合埋原味梳打水，解渴得來又唔死甜！終於來啦！見到好足料同埋好多配菜！叫咗半隻雞但雞嘅份量都係好多啊🤣🤣論辣度佢唔算太誇張，應該都係就返香港人普遍口味～但都夠過癮！值得一提嘅呢個雞煲應該炆咗好耐，表面掛汁來來又相當濃郁！咬落去雞肉仍然有肉汁，唔會乾柴柴咗～令人一口接一口！食咁多肉梗係張來返個菜啦！蝦醬鮮魷炒通菜～都有正常水準，但可能咸咗少少，送飯就一流啦！

兩個人行街行到去旺角花園街，又係晚飯時段，見到大大間嘅鼎記，店內很多人幫襯，就直接入內食晚飯。餐廳極力推薦獨有嘅金沙雞翼，上碟時即時聞到香噴噴，見到雞翼炸得金黃色，外皮香脆不油膩，雞肉酥嫩可口，雞翼蘸滿蛋黃汁液，更加甘香惹味，食完一隻又一隻，果然好介紹。再點鮮蝦炒蛋，雖然係一個普通家常菜，郤考功夫，因為要將韮黃、鮮蝦及蛋炒得鮮嫩幼滑，火喉要啱啱好，不能過火，加埋調較適中味道，先做得到美味的效果，這趟厨師就合格有餘。套餐配飲品，各自點咗鹹檸七及凍洛神花茶，超解渴，好飲。

成日經過呢間餐廳成日都想試今日終於有機會啦～首先一定要講個老闆超好人好nice😂叫左幾個餸，首先一定要講佢既叉燒！超超超好咪！去食一定要試。外脆內軟而且味道入晒肉到！超正。之後就係胡椒豬肚雞煲，好好飲！胡椒豬肚雞煲係用農岡雞，每日新鮮供應從不用急凍或冰鮮既雞！雞入口好鮮嫩。唔會話好老。再叫左個 魷魚蒸肉餅，老闆話佢地每日用新鮮豬肉唔會用凍肉或者過夜，平時係出面街我從黎唔食肉餅類，但聽老闆極力推介就叫左，哇，一試果然唔同，傾傾下就知呢間餐廳係好良心餐廳，極力想做好，唔會因為慳錢而唔會冇左質數。由於肉餅太好食忘記影相，但極力推薦🤩我一定會再去食！帶埋朋友屋企人！因為睇得出呢間餐廳好好好用心。而且啲野食真係好好食！一定要試叉燒！呀！仲有佢腐乳菜都好食！啲腐乳好濃唔會好似出面咁啲腐乳係希既！正正正呀！

我哋經常都會幫襯呢間茶餐廳 無論下午茶定係晚餐都係茶餐廳中的中上 首先 大家會留意到佢既環境 如果以茶餐廳黎講 佢既坐位好大 環境好干淨 重要既係店員好熱情 食飯好似比你感覺返左屋企甘 真係好友善今日我哋叫左兩個一人餐 叫一個小菜加15蚊可以轉做套餐 是日例湯：紅蘿蔔煲節瓜湯（溫馨提示非味精湯）試過你就知🤤絕非誇張小菜一：生炒排骨排骨炸到好脆口 然後再去炒 好夠火候 又夠大碟 而且值得一讚嘅係排骨真係好大舊👍🏻小菜二：豆豉鯪魚炒油麥菜呢個菜一樣好大碟 而且好有屋企味道 另外 仲有出名既叉燒 係自家天天燒既 呢個真係肥瘦適中既叉燒 食落去仲覺得邊位脆口不過 我都推薦沙薑雞 今次無食到 但平時食佢既水準都好高 推薦你哋經過試吓總括然而 呢間茶餐廳推薦 無論係價錢定係食物質素CP值都好高

兩口子喺旺角睇完戲，忽然想食啲住家小菜，轉入花園街就見到鼎記，一於入內醫肚。店內有個霓虹光管寫住「招牌鴨腩麵」, 非常吸引眼球。店舖內部闊落 好想開吓胃，於是點咗菠蘿生炒骨，大大件咕嚕肉，炒得夠火喉，唔會太乾，個甜酸醬汁係師傅自己調較的，酸甜適中，配合菠蘿、洋葱及青椒，送飯一流。另一個小菜係粟米班腩，非常地道，班腩蘸上薄薄嘅炸槳，炸得啱啱熟透，粟米芡汁唔會太稠身，味道配合，能夠突顯魚塊鲜味，份量亦啱啱好。要提提個例湯，侍應話係冬瓜豬骨湯，消暑又美味，值得飲多啖。飲品方面，凍鴛鴦夠冰凍，可以更濃鴛鴦味另一杯係咸檸七，大大粒咸檸檬，按自己口味可調較咸酸度。餐廳近期推出雞煲、川味魚及沙薑雞套餐，下次再試。

今天係旺角叫左個外賣，如果你地講指定部位要加錢我係接受，因我真係唔食其他部位，而且我強調左兩次要胸，聽外賣的姐姐亦清楚回應我的指示鴨胸反， 但出嚟貨不對版，全個飯盒都兩舊肉，其他都係皮同骨

雞煲大家都食得多，但多數既質素都係差唔多但如果你黎過呢間小店，你就一定會有好大驚喜應有盡有，價錢亦唔貴鼎記至尊雞煲絕對用得起「至尊」兩個字的雞煲因為佢既辣係我食過咁多雞煲最有層次淨係睇佢用辣椒已經用上左三種辣椒就知道係好野令佢既辣係一種後勁，初初食好似冇乜野，但係後勁就慢慢會黎料而且佢唔係死辣，而係辣得有層次香、辣、麻完全做到足真係估唔到食雞煲都可以食到咁靚既雞呢到既雞只能用爽口黎形容！一般雞煲會用Ｄ雪到霉晒平雞，因為貪雞煲會遮到味，諗住可以唔覺唔覺但係呢到用既雞應該係佢地平時真係用黎做白切雞，因為白切雞係食雞既原味，所以一定要係靚料先得令佢呢到既雞食落爽口得黎雞味香濃，又同時可以食到雞煲底既惹味同辣勁食完雞煲，唔好晒左個咁靚既湯底，梗係要加水打下邊爐食呢Ｄ濃味煲，一定要叫豬皮、牛柏葉、水尤同尤魚極力推薦大家食豬皮同牛柏葉因為豬皮可以完全索晒呢個咁完美既湯汁而且食落好爽口，完全唔會有油膩感水尤同尤魚咬落去濃烈既尤魚香會慢慢滲出黎真係估唔到除左湯底有後勁，連尤魚都有後勁而且係勁到好似食緊乾貨呢Ｄ濃縮左既味道咁但唔好唔記得佢係新鮮尤魚，能夠有咁鮮既味道，證明真係超級靚料生炒骨唔好以為得雞煲

難得放假去旺角行個街，當然要先去醫飽個肚🤤 行到新寶隔離，見到間幾唔錯嘅茶記，就入左去食個快飯叫左餐之後，個侍應已經即刻放低2碗 西洋菜豬骨湯🤩完全同我媽煲既味道係一樣既🥢 黯然銷魂飯（$58）見到個餐牌勁吸引，來到圖文相符🤤 面頭2隻太陽蛋煎到好靚🍳 個叉燒勁厚切，肥肉只係佔左好少部分，但瘦肉係一d都唔老，可以稱得上係淋❣️味道甜甜地，咸甜適中，真係高質😆 個蛋同甜豉油用來撈飯一流👍🏻👍🏻👍🏻勁推💫 招牌果然係招牌🥢 荷葉籠仔蒸雞客飯（$58）D雞係加左薑蒜，雞肉勁滑，係我食過最淋既雞肉，雞汁用來撈飯都正👍🏻 不過我開頭以為係用荷葉包住d飯同雞去蒸，但原來飯係分開既，如果包埋一齊就仲正💫 $58包湯包凍飲係真係好抵

旺角太多選擇 好少會注意到茶餐廳但係佢個招牌好搶眼😂加上見到鴨腩麵 兩樣都係我最愛見唔使等位就入去試吓入面環境好舒服 空間感好足唔同平時嗰啲茶餐廳 唔會好逼食物種類非常之多 由車仔麵去到燒味飯 再去到咖喱飯都有仲有啲小炒 同埋基本嘅茶餐廳飯麵我係俾個招牌鴨腩麵吸引嘅梗係叫返碗試吓啦鴨腩麵 姐係鴨肉+牛腩 我揀咗油麵餸嘅份量其實真係好足😮牛腩下面都仲有幾舊鴨肉唔會好硬 好香鴨味 亦都冇話乾爭爭👍🏻牛腩好好好淋 一咬就散唔係誇張😂入面仲有啲牛筋 好正 平時好少會兩樣一齊係碗麵度食感覺好滿足😂 油麵正常冇乜特別 冇鹼水味凍檸茶好飲 茶底唔會好苦諗住健康啲加咗碟菜 生菜+蠔油 就好有以前茶餐廳嘅味道雖然而家旺角隨便都搵到好多唔同嘅餐廳但其實好多本地小店 都值得我哋支持唔使餐餐到日本嘢 燒肉 泰國嘢既間唔中都留意吓身邊嘅茶餐廳🥳可能會有意外驚喜～太飽啦 下次再試埋呢啲睇到相已經好吸引 😊😊