鼎記糖水專門店

营业中

休息中

每次經過都見到很多人買外賣，所以去試了一個椰香紫米露糖水，食了第一淡有驚喜，口味非常濃郁，糯米非常煙韌，配搭味道好好，而且價錢唔貴，份量好多，真材實料，相對黎講性格比高。真心覺得好好唔錯，非常滿意，下次會試埋其他糖水。😋

每次經過匯八方都見到尼間糖水鋪突然想吃糖水，接待的一位店員看我研究餐牌，有點不耐煩坐下想繼續用餐（告訴你自己看看先）我外賣一份涼粉 盛惠39HKD，分量還沒有我一個女人手掌大，好心你地唔便都點. 份量細到可憐.一共有兩位女員工在，其中一位感覺不是太熟悉，另一位店員幫忙一起打包. 樓面那位女店員真心一般真心不推薦，香港飲食業就被這些人搞亂.你收我3.9我都無話可說，39蚊就咁細碗野. 拿出去被人笑.. 一次就算

有時候去餐廳食飯或者簡單食碗糖水除了食物質素當然仲有服務態度，唔係話要超好，當然知道咩等級餐廳提供到咩服務，而自己只是食碗糖水，香港服務態度當然眾所週知好出名，自問都適應，只要唔好太過份。但係此店長頭髮女職員態度極其惡劣，未見過咁樣的店員，大開眼界。唔知有咩得罪佢，如果不想做咁就唔好做，唔需要發洩在顧客身上。街坊生意的店舖我印象中是有濃厚人情味，未見過好似呢間鼎記咁樣做生意，真係食完都「鼎」住個心口！

位於彩虹🌈清水灣道8號匯八坊呢間♥︎鼎記糖水專門店，勁多街坊捧場客👍🏻款式超多，有成六十幾款湯水😋我近排好鍾意食糖水，天時暑熱🥵我都忍唔住入去嘆返碗先。🍧鮮雜果椰汁涼粉西米露$27有西瓜🍉哈密瓜🍈芒果🥭味道岩岩好，唔會太甜。🍧芒果芋圓$39呢碗材料相當豐富😋有鮮芒果🥭小丸子，西米，芒果汁，紫薯圓，地瓜圓，芋頭圓，椰汁，淡奶，煙煙韌韌，芒果鮮甜。🍧芝麻糊蛋白燉鮮奶$31燉奶夠滑，味道香甜，加埋黑芝麻一齊食，夠晒養顏🧏🏻‍♀️

今日去咗清8探朋友，食完晚飯當然要食返個甜品，朋友就帶咗我哋嚟間鼎記糖水專門店，佢話性價比好高。店舖內都有少量座位，我哋就選擇咗堂食，一路都見到好多街坊嚟買外賣，足見佢嘅受歡迎程度。我哋四條友每人叫一款開心share 。最老嗰位揀咗南北杏紅棗雪耳燉木瓜，原盅燉3小時嘅中式糖水夠哂滋陰，而且真材實料。木瓜清甜、雪耳夠腍夠滑，味道亦唔會太甜，真係高質素。後生仔女就會鍾意食吓芒果甜品，椰香芒果桃膠小丸子西米露配搭新穎，冇諗過芒果同桃膠都咁匹配，再配合煙煙韌韌嘅小丸子，健康得嚟又好味。另外就揀咗芒果芋圓，呢度嘅芒果都好甜，混合埋史上最百搭嘅芒果汁，配乜都咁好食。四色芋圓分別係芋頭、紫薯、南瓜同綠茶味，大粒得嚟又夠Q彈，仲有煙韌嘅小丸子，真係冇得輸。第四款甜品我哋就揀咗椰香紫米芋頭西米露，上枱一刻就好似一個雲石面咁壯麗。入面亦都真材實料，紫米芋頭分量十足，混合椰奶香，絕對係高質嘅味道。呢間糖水舖真係街坊價錢，專業質素，款式又夠多，最近仲見到佢喺外賣平台出現，所以我一定會再幫襯。

‼️❤️ 記得CLICK我PROFILE關注我呀 ❤️‼️.🍭 𝙏𝙧𝙖𝙙𝙞𝙩𝙞𝙤𝙣𝙖𝙡 𝘾𝙝𝙞𝙣𝙚𝙨𝙚 𝙎𝙬𝙚𝙚𝙩 𝙏𝙧𝙚𝙖𝙩𝙨 @ 🌟 鼎記糖水專門店《👽食神大媽食甜品》.💁‍♀️ 圖片展示美食為：椰香芒果涼粉西米露 HKD 31南北杏紅棗雪耳燉木瓜 HKD 33蓮子蛋白燉鮮奶 HKD 34椰香紫米 拼 芋頭西米露 HKD 26.👽 食完飯之後諗住吹吓水順便食下甜品，朋友仔帶路一齊去呢間主打中式甜品嘅地道甜品店。食完之後發現，質素真係非常好，必須同大家介紹下呀！.🍧 天氣咁鬼熱，打頭陣就當然叫一碗「椰香芒果涼粉西米露」！好大碗，好足料！啲芒果好新鮮，口感好爽甜，同埋涼粉同西米露都好滑，椰香味道香濃，夏天食嚟解渴消暑，真係一流！.🥭 另外一款呢，就係「南北杏紅棗雪耳燉木瓜」，絕對係養生之選呀！坊間好多都一係就完全唔濃稠，一係就過甜養生變傷身。但係呢碗就好香濃又唔過甜。個燉木瓜好軟糯，南北杏同紅棗增添咗啲自然甜味。雪耳好滑，老闆話全部燉品都足足燉足三個鐘，真係非常滋補！.🪵 仲有就係「蓮子蛋白燉鮮奶」呢款超經典嘅甜品。燉奶超級滑，奶味好濃郁，同埋有啲淡淡嘅甜味。蓮子增加質感真材實料！真係好滑好香！

呢度係彩虹地鐵站附近，出站行3分鐘就到。鋪頭整體唔大但糖水種類十分豐富，有原盅燉品系列、涼粉西米露系列、滋潤養生系列、芒果系列等等，仲有小食可以嗌。南北杏紅棗雪耳墩木瓜 32HKD呢個係成盅咁樣上，雖然天氣好熱，不過都好需要滋補一下！雪耳軟糯，木瓜入口即化，湯底微甜，好滋潤！合桃糊+蛋白燉鮮奶 31HKD燉鮮奶同合桃糊都好夾味，合桃糊濃鬱，燉鮮奶軟滑，甜度適中，幾好！芒果芋圓 38HKD入面用料好豐富，有小丸子，鮮芒果，唔同口味既芋圓，芒果汁，椰奶，涼粉，西米。整體整體芋圓量都算大，岩曬芋圓愛好者。鮮雜果椰汁涼粉西米露 26HKD入口涼浸浸，清清地，好岩夏天，雜果種類就有西瓜，芒果，木瓜，加上涼粉，好消暑！總體來講，呢間糖水鋪質素都不錯，勝在種類多，價錢平，好多附近街坊幫襯。

滋潤糖水街坊有福了‼️同朋友們去咗彩虹踢波⚽️之前去咗鼎記糖水專門店😋朋友個附近強烈推薦鼎記🥰糖水店係細個食開嘅中式糖水🤤好有兒時小朋友嘅回憶😊主打滋潤養生燉品及香甜西米露🥭楊枝金露，29蚊碗💰楊枝甘露甜度啱啱好，入面既西米份量足夠，柚子微甜唔酸，芒果肉香甜，但份量都幾多，充滿奶香味同芒果香甜味🥭椰汁芒果西米露，27蚊碗💰椰汁濃郁味道，芒果肉又甜又有香濃芒果味，兩種味道相得益彰，非常之配合，西米露冰涼清爽，好適合夏天食☺️無花果龍眼燉雪梨，33蚊碗💰好滋潤嘅糖水，雪梨清爽甜香，龍眼有淡淡嘅芳香，飲完碗燉糖水，成個喉嚨都好滋潤🥰香滑芝麻糊，23蚊碗💰芝麻糊磨得好幼滑，芝麻味香濃，飲落去好濃濃艺麻味🤤整體環境幾光猛😊服務好有禮貌👍🏻糖水夠足料，價錢又唔貴，附近街坊有福了🥰

呢度係彩虹地鐵站附近嘅糖水舖，價錢合理，性價比高，深受街坊歡迎堂食要左一個，椰香杧果小丸子 $32，大大碗，啲芒果汁多到差唔多瀉，有小丸子、西米露、芒果，甜度適中，就當幾好味南北杏红棗雪耳燉木瓜$33，呢個係成盅咁樣上，因為天氣太熱，所以叫咗凍既，一樣咁潤喉舒服😌 啲木瓜係甜甜的，雪耳煲到林，都係甜度適中另外再叫咗兩個外賣返屋企比屋企人食蓮子蛋白燉鮮奶 $34吃下燉奶充滿濃郁奶香，口感似豆花嫩滑，蓮子有適當嘅份量，甜度適中，幾好椰香紫米露＋芋丸 $29紫米得煲得軟綿，芋圓都有好多粒，呢個價錢對得住良心🖐🏼

我坐在店舖的最裏面，點餐時職員就直接話糖水落嚟，完全係打斜擺落嚟，倒瀉哂，然後不顧而去。我食食吓見到曱甴，我就舉手話唔該！個女職員又係叫我直接講！咁我就大叫有曱甴，職員先肯行過嚟。但係等到佢行過嚟曱甴已經走咗，佢就當冇事，乜都冇理就走左。我就食唔落，淨係食咗一啖，咁我就唔食啦。行去收銀機嗰陣，個職員話俾錢呀唔該！我就話咁你諗住點處理？ …..佢話我冇辦法喎，相論之後佢就話咁你叫食環囉，咁係我打電話其間佢就話可唔可以唔好阻住我做生意！ 我？ ？ ？ ？最後更以粗口相待我，我比完錢就走左

未食過咁難食嘅綠豆沙沙，成碗得幾粒綠豆，完全唔見有海帶，戴眼鏡女職員態度差，我放左一小袋細餸係張枱，有2個膠袋袋住，個底係冇濕嘅，個女職員走過黎叫我唔好放係枱，跟住攞枝消毒藥水過黎噴落張枱，但佢冇移開我碗糖水，就咁噴落去，離晒譜。

屋邨商場糖水舖！比較少嚟彩虹食飯，經過呢個屋邨商場見到有間糖水舖頭，門外有唔少街坊等緊外賣，於是試吓堂食啦。豆腐花+合桃糊$26- 個人覺得豆腐花同合桃糊嘅比例唔平衡，較少豆腐花，食幾啖就冇，剩返啲合桃糊，如果豆腐花可以多番啲咁就好啦。合桃糊都幾香，唔似開粉沖，見到有啲堅果油喺面，味道唔會好甜。豆腐花+芝麻糊$23- 本來朋友想食芝麻糊加蛋白燉鮮奶，可惜當晚蛋白燉鮮奶已經售罄，唯有轉食豆腐花。

每次去完街市或者搭地鐵返屋企之前都會經過呢間糖水舖，個心都心思思想入去食返一碗糖水，今日天氣寒冷，我知道應該其實係要食返一碗熱嘅糖水，但係唔知點解坐低嘅時候就叫咗一碗豆腐花。凍嘅豆腐花當然唔夠熱嘅豆腐花滑，但係都算有豆味同豆香。$16 價錢算有點貴。另外小店嘅糖水款式都唔少，絕對可以滿足到貪心嘅大家，能夠喺返屋企之前食返一碗糖水有時間一解心癮又或者解一解餓都係一個唔錯嘅選擇。當然如果佢會有魚蛋燒賣等小食就更加開心啦而小店應該係家庭式經營。

每次去牛池灣街市間中都會經過但每次都沒有進店每日經過媽媽見到人家吃芝麻糊話想吃就走進店了店耐有好多不同的中式糖水可選熱香滑芝麻糊（生磨）真的是又香又滑溜甜味就剛剛好，適合不而吃太甜的朋友熱桑寄生蓮子紅棗茶蓮子很多，紅棗味不太足夠糖水比較重

無對比就無傷害以往係其他糖水鋪食既桑寄生蓮子紅棗茶好好飲，今日經過呢間見到無咩人就入去試下～叫左一碗桑寄生蓮子紅棗茶試下，點知飲落唔夠熱仲要好淡味感覺似係溝得太多水質素有待改善