影片
电话号码
59637768
营业时间
今日营业
全日休息
星期一
07:00 - 01:00
星期二
全日休息
星期三至日
07:00 - 01:00
以上资料只供参考，请与餐厅确认详情
絕不推薦呢間餐廳我喺foodpanda買咗外賣，嚟咗一個土魷肉餅飯係全生豬肉我仲食咗兩啖 離晒譜我影晒相拍晒片即刻投訴foodpanda跟手報埋食環 將個飯喺雪櫃準備交俾食環我希望比全香港市民知道呢間餐廳有幾咁離譜 幾咁誇張。一間餐廳，你話啲嘢再難食都好食物安全有問題就好離譜生豬肉食死人㗎大佬成世人嗌咁多次外賣，最離譜就呢次如果幾日我肚痾，食物中毒，呢間餐廳責無旁貸。希望睇到呢段文字嘅人，千祈唔好幫襯呢間餐廳。
继续阅读
👨👧 #poorjj新蒲崗 #poorjj港式 #poorjj點心街坊推介嘅點心小店！主打多款傳統港式點心，有啲款式都比較少見茶位$5，全日免收加一，平日0700-1800仲有全單85折，價錢非常親民，大件抵食😙-👍🏻海鮮魚肚扎（折後） $31招牌點心！同平時飲茶啲雞扎唔同，腐皮卷住魚肚同大大舊蝦膠，蝦膠爽口，魚肚吸汁，飽滿足料🤪-👍🏻魚翅餃（折後） $26另一比較少見有特色點心，內餡豬肉、仿魚翅、雲耳、椰菜、蘿蔔絲、香芹等，整體爽口比較fresh-👍🏻臘味糯米包（折後） $24傳統點心，外皮薄身，內餡包住滿滿嘅臘味糯米飯，飯粒煙韌有咬口，大大舊脹卜卜😛-👍🏻王牌灌湯餃（折後） $32好耐冇食過灌湯餃，大大粒，豬肉內餡充滿濃郁肉香，不過餃皮稍為腍咗少少🤏🏻-👍🏻香煎鮮蝦腐皮卷（折後） $30👍🏻甜酸炸鮮蝦雲吞（折後） $17兩款炸物鮮蝦餡足料爽彈，同樣即叫即炸，熱辣辣非常脆口，又唔算太油膩😌-當日仲嗌呢幾款點心，更多可參考圖10 menu🔸鮮蝦燒賣（折後） $26/4粒🔸晶瑩鮮蝦餃（折後） $28/4粒🔸蛹蟲草燉烏雞湯（折後） $38🔸時令臘腸卷（折後） $24🔸香滑奶黃包（折後） $22🔸臘腸鳳爪排骨煲仔飯-味道：8/10性價比：8/10-📍#鼎點點心專門店 新蒲崗崇齡街20-26號萬義大廈地下7號舖
继续阅读
星期日想食點心，但又唔想出街，就試吓外賣app, 因為有運費優惠，點知屋企附近外賣app淨係做呢間外賣點心，見未試過即管試吓，叫左牛肉腸粉$31，蝦腸$36，臘腸排骨飯$40，蠔油鮮竹卷$34，奶黃包$31，燒賣$36，蝦餃$40，炸雲吞$24，糯米飯$40，牛肉球$30，粉果$26，鳳爪$28。大約由落單到到屋企30分鐘左右，時間可接受，但點心賣相見到已經打個折，咁諗住外賣都接受啦，點知入口，嘩，大鑊，未食過咁唔好食既點心。個牛肉球成口粉，腸粉d皮厚過乜，排骨飯正常少少，但都唔好食，個豉油應該溝了好多水，糯米雞又係好難食，粉果又係超厚皮，鳳爪正常，但鳳爪拌碟既南瓜酸的，蝦餃又係超厚皮，所有點心只有炸雲吞係比較接受到，超碼個皮係脆的，叫了12樣點心，未計運費$396，計埋優惠$376，但真係無下次，令我下次真係唔敢再嗌外賣app平台嘅舖頭
继续阅读
📌 鼎點點心專門店 - 新蒲崗崇齡街20-26號萬義大廈地下7號舖🗓(12/11) 星期日 ⏰ 下午1:30左右 💈特式：假日瞓到自然醒，起身就想搵個茶飲下，網上見到有人講呢間嘅傳統懷舊點心，有臘腸卷/燒腩卷/糯米包/魚翅餃/海鮮魚肚扎/鵪鶉蛋燒賣/等等，所以就搭程近車嚟試下。🥩🍔🌭🌮🥗🥯🥘🍲🍝🍣🥟🍤🍱食物：雖然而家好多酒樓/茶居都推返懷舊點心，但始終一聽到「懷舊」兩個字不期然就有種魔力令人想試，而家等我同大家講下🫖味道先。王牌灌湯餃 $3️⃣8️⃣ - 預左佢唔係正宗灌湯餃，而係市面上叫做灌湯餃嘅湯浸餃，但質素真係麻麻，皮厚餡實，除左好實嘅豬肉都食唔出有咩其他餡料，個湯底就係好普通嘅清湯底加左幾條素魚翅，食唔到個湯底有咩鮮味。臘味糯米包 $2️⃣8️⃣ - 本身我對個糯米包都好期待，佢係做到皮薄餡多，但餡料除咗糯米飯同花生，完全食唔到臘味同臘味味。時令臘腸卷 $2️⃣8️⃣ - 臘腸卷都中規中矩，但入面條臘腸就好明顯唔係好靚，塊臘腸衣極之韌，好似咬緊膠袋咁嘅口感。乾蒸牛肉燒賣 $2️⃣2️⃣ - 呢個乾蒸牛肉燒賣就做得唔差，餡料唔會靭重食到牛肉香味，算合格以上水準。海鮮魚肚扎 $3️⃣6️⃣ - 個魚肚扎總共有3件，但都幾細件，每件只係有一條魚肚同一條鮮蝦肉滑比腐竹包住，但味道係正常ok的。魚翅餃 $3️⃣0️⃣ - 魚翅餃有4件，皮薄餡料多，但就唔係好食到素魚翅，而且味道偏淡，要點辣椒油食先叫做好食d。☕️🍵🥤🧋🍺🍷🥃🍹🧉🍾🍶🥛飲品 : 飲茶就通常都係叫普洱/水仙/香片/鐵觀音等等，咁佢都有齊呢d最普遍嘅品種，級數就普普通通，但$5️⃣蚊茶錢就唔算貴。🍽環境：環境就係普通茶居格局，冇乜裝修，衛生情況一般，全舖得7張4人枱，夾埋得28個位，繁忙時間都需要搭台，如果擺滿點心時都會幾迫夾。🤵🏻🤵🏻♀️🤵🏻♂️服務：樓面店員態度都唔錯，除左有基本禮物之外，見到有人埋單都會主動問搭緊枱客人需唔需要轉位。💰💸價錢：今日2個人叫左6個點心，加埋茶錢都唔洗$2️⃣0️⃣0️⃣，以飲茶嚟講價錢都合理唔算過份。🐲💬總結：我覺得呢間有幾款點心係幾傳統同懷舊的，但質素就實屬普通。推薦指數：❤️❤️❣️🤍🤍
继续阅读