鼎點 1968

营业中

休息中

來到中環和朋友一齊食午飯, 這個點心店材料非常好, 地面看有幾張枱, 其實還有閣樓大地方. 服務態度很好. 兩個人午餐200元. 香片茶非常之香, 比一般酒樓質素高很多點心材料非常新鮮

今天假期和家人一同吃點心，這間在大館對面，店舖雖然不大，但點心款式很多😀蟹粉小籠包賣相十分精緻，多汁餡料多，熱辣辣甚為好吃，絕不比大酒樓的小籠包差馬拉糕很好吃，不會過甜，但質地十分鬆軟。食馬拉糕最重要是熱辣辣，這間小店做得到👍🏻牛柏葉的份量好頗多，而且做得很爽，試過一些酒樓的牛柏葉漂得太多很難吃，幸好這間餐廳的牛柏葉做得不錯😌鵪鶉蛋燒賣不是間間酒樓有得吃。這種懷舊點心甚有風味，這間小店的鵪鶉蛋燒賣質素甚高，最喜愛的是調味不會過濃炸物也甚為好吃我們叫了下角炸雲吞，春卷全部熱辣辣炸得香脆，但不會太油膩

中環搵飲茶中菜十分難，仲環係蘭桂坊隔離，隔離就係大館。某網站訂台有折，所以去試一試。見到價錢都唔算貴，中環來講係抵食既！！叫左xo醬炒腸粉，流心奶黃包，金錢肚等等。最好食係xo醬炒腸粉，好足料，好多xo醬，辣辣地。唔食得辣既人可能唔岩食。炒得好香！全部點心都熱辣辣，又唔會等好耐先有得食。茶樓唔多人，但服務都幾好，上點心快。留意佢得香片一種茶。但ok的，幾好飲。食流心奶黃包一定要小心食，因為好熱的！！

復活節假期仍有半價點心，好幸福很喜歡即叫即製，上枱新鮮熱辣，點幾款一次上枱，可以一次過食！半價點心香滑蛋撻仔$14:唔係酥皮，不過都好香滑准山雜菌餃$14: 雜菌幾豐富上湯菜膽浸魚肚$17: 朋友話魚肚入晒味，我食菜膽都入晒味煎釀虎皮尖椒$14:微辣，醒胃賽螃蟹春卷$16:春卷香脆，賽螃蟹餡好結實，鮮味，幾特別鵝肝鮮蝦角$15: 脆卜卜，鮮蝦大车隻，鵝肝更吊出鮮味，正羅漢煎腐皮卷$14，香脆料十足香滑馬拉糕$14:夠香滑另點正價點心足三兩蝦餃皇$33: 蝦份量多，皮薄避風塘炸魷魚鬚$48: 炸得香口不油膩，一條一條食唔停

咁啱行過雲咸街，近大館附近，發現一間中式點心🤭雖然餐廳環境燈光有啲昏暗，但整體食物OK👌🏻食點心燒賣一定要點，我發現佢哋啲燒賣係超大粒！！！味道還好👌🏻鹹水歌味道正常，唔會太油膩。蛋撻係迷你版，個酥皮好香，一口一個，都幾好😎呢個小籠包裏面超多湯汁，但係唔容易拎出嚟食，個小籠包會黐住個錫紙杯，個錫紙杯又非常熱，食起上嚟有啲狼狽😥呢個XO醬蘿蔔糕份量係超大份，同平時啲有少少唔同，佢加咗好多菜絲去炒，食極都食唔完😂味道辣辣地有幾好食🌟🌟🌟🌟

有時放午飯真係好想飲杯茶食個包，但每次飲茶都要好多人先可以叫都好多嘢食，同埋啲好食嘅大酒樓先好食，終於都搵到一間係唔使好多人，而啲嘢食係好好味嘅地方飲茶。仲要喺中環。去過好幾次，每次啲食物質素都keep住無變。雖然冇咗細個飲茶嗰種感覺，但係當你返工返到好攰，中午想飲個茶嘅時候，呢間食物質素絕對幫到你。咁啱幾次都坐樓上，環境雖然唔係好好，但都坐得舒服。感覺好似將茶餐廳同飲茶兩個文化夾埋一齊。炸鵝肝蝦餃特別推介，鍾意食蝦餃嘅人必要，但如果想食鵝肝嘅人就唔好叫，因為完全無鵝肝嘅味道。

今日去山頂行山, 出發前先同山友食個lunch, 發現呢間點心店係某平台有做promotion就試下店內地方唔大, d檯都放得密, 不過lunch冇乜人所以都坐得鬆動, 點心紙選擇唔係太多, 但係應該有既都有得食我地嗌左- 鵪鶉蛋燒賣: 味道正常, 都幾大粒- 薑蔥牛百葉: d汁太"杰"- 賽螃蟹春卷: 完全食唔到賽螃蟹既風味, 同普通春卷冇分別- 鵝肝鮮蝦角: 有一粒小鵝肝係裡面, 但係完成炸過龍. 望到炸到咁都唔係好想食- 黃金奶皇流沙包: 最好食既一樣點心, 真皮薄又真係流沙既總括黎講, 招呼ok, 野食一般, 行過都未必會想再食

大熱天時，夠鐘食飯，但又熱到無胃口，去飲茶食點心係唔錯嘅選擇，每碟幾粒細細的，多幾樣嘢夾吓冇咁悶，作為一個心急嘅香港人，當然唔想排隊等位啦，朋友介紹中環大館附近有間全日有點心供應的小店鼎點1968，人唔多，又有香港製造的手工啤。咩話?中午飲茶都有手工啤? 大熱天時，又係香港製造，一定要去試下。香港手工啤 $42唔知係天氣太熱，定係太愛香港製造的，還是身處蘭桂坊附近，總之覺得支冰凍嘅啤酒好正。飲啤酒當然唔少得脆卜卜的食物，我哋叫咗，賽螃蟹春卷，黃金煎堆仔及香煎糖醋牛肉餅。春卷同煎堆仔，熱辣辣非常酥脆。但香煎糖醋牛肉餅的脆皮同牛肉是分開的，而且炸得太乾，食唔出有糖醋味，可以不試。賽螃蟹春卷$31，黃金煎堆仔$22香煎糖醋牛肉餅$34蒸點叫咗淮山雜菌餃同黑松露燒賣，燒賣大大粒，唔多肥肉，淮山雜菌餃的皮亦唔算太厚，冇特別驚喜，味道合乎水準。淮山雜菌餃$27黑松露燒賣$33最後再叫多碟濕濕地嘅薑蔥牛柏葉，都係大路點心，一般水準，不過不失。薑蔥牛柏葉$30由於店內座位唔多，夥計可一眼關七，收碟及加茶都夠快又自動自覺，這個地點，這個價錢，可坐卡位靜靜地飲茶，絕對可以收貨。

有朋友在中環突然説想吃點心，於是走了一大段斜坡路，來到位於大館對面的雲咸街找到這家食肆。看了點心紙，發現點心選項蠻多，基本的廣東點心都可供應，於是便叫了一些煎炸的和蒸的點心試試，整體口感點心水準不及預期。可能是晚來的關係，煎炸的點心可能已炸了一段時間後，放進口裏既不夠熱，也不夠脆，感覺有些失望。蒸的點心還算夠熱，不過小籠包、蝦餃、菜苗餃的皮有點厚，而且鳳爪、金錢肚味道也頗咸。店內唯一可取之處是員工服務態度是不錯，不斷主動地收碟和倒茶給我們。

去飲茶，點心一般都是一盅三件。難得鼎點的套餐，大部份點心都是兩件，二人去不怕要重覆吃同一款的點心！可惜，套餐菜單一點都不簡單易明：沒有「蝦餃」、「燒賣」等點心名字，取而代之是一堆編號。另一張點心紙上才並列名字和編號。即是，客人要知道套餐包含什麼點心，便必須來回兩頁紙對號，實在麻煩又費時。而且，可能是人手不足的關係，上菜有點混亂。有點心遲遲未上之餘，套餐中的香芒糯米糍變成了煎堆，店員上菜時才說是「改」了，並沒提前通知！食物方面，點心、菜大都偏油。餃類的皮黏筷，但味道不錯。雖然煎炸品賣相不濟，其味道也比外貌要好。羅漢煎腐皮卷外貌似煎薄餅，跟我認知的腐皮卷很不同。這裏沒茶位費沒加一服務費，中環區飲茶的價格而言，以我所知這家最低。因此性格比還算是可以的。

係中環突然想食點心就諗起呢度老實 做左中環人咁多年由佢搬鋪前到而家 從來都未試過原來是福不是禍 是禍躲不過呢個伏 始終都要中價位比一般都貴質素比一般都低特別係個秘製高湯小籠包真係不得不提賣相 嚇親包皮過長味道 個湯 淨係飲到肥肉同算啦咁嘅時勢 我插少兩把刀喇

The husband mentioned that he'd come to Ding Dim with his colleagues and said it's supposed to be a good place. And I promptly made it to lunch the next day.They have set lunches - an assortment of dim sum, but I wasn't in a mood to stuff myself, so I just got Buddha rolls - pan-fried tofu skin, stuffed with a wee bit of vegetables and mushroom and yam dumplings.The Buddha rolls said pan-fried and I was expecting a semi-soft version, but these were crunchy, as good as deep-fried.The mushroom and

今次同大家試下呢間比較新派少少既點心餐廳。 我點左Set Meal 2: 黑松露燒賣*2 菜苗餃*2 牛肉球*2 春卷*1 雪山叉燒包*1 - HK$118。黑松露燒賣 黑松露味好香，配合豬肉做成燒賣味道十分唔錯，高分之選。菜苗餃 屬正常水平之作，無驚喜但唔係難食。牛肉球 食落好滑身，但唔夠山竹同牛肉味。春卷 呢個出奇地好食，因外賣關係，脆口野通常都會林哂唔好食，但呢個仲係脆，好食！雪山叉燒包 屬正常水平，無特別。Overall 黎講, 價錢大貴啦，食物質素雖唔差，但同樣價錢有好多其他選擇。

I had lunch there, got attracted by its street front tables. Food was ok, normal dimsum stuff, not good not bad. Later I went to the bathroom, the toilet was quite dirty, even had stool residual on the side, yew, it’s just... and it’s tiny, so there is no where to escape from unless I don’t use it. I lurked in the kitchen and not surprising to me that it doesn’t look hygienic either. Will not come back again.

食咗幾十年點心，佢都應該係數一數二最差。唔夠熱、超多油、食物質素差。簡直侮辱廣東傳統食品文化。To all foreigners: this is NOT the real deal, you may as well try it but don’t consider it as real dim sum for one SECOND. Shame shame! The only remit? Tsing Dai draft beer full pint going for $58. Get your beer and get out ASAP.