龍味館

营业中

休息中

提到中菜，總會想起大圓桌上的大碟頭菜式，位於上環的龍味館 就可找到精緻二人套餐，交通方便，上環E3出口2分鐘，如果泊車，可以泊林士街停車場或永安中心停車場，裝潢一洗中菜館的俗套老氣，注入時尚氣息，散發摩登的東方韻味，今次就選擇了套餐B $498 兩位用，包括熱湯、三款點心、主食和甜品，比單點更抵食。宮廷酒爵暖胃湯熱湯以半透明仿古爵杯盛載，造型古雅，味道清甜，入口暖胃順喉。龍味點心拼盤包括龍蝦蝦餃、蟹子鮮蝦燒賣和卡邦尼小甘筍，一次過淺嚐三種款式，點心即點即蒸，確保新鮮熱辣辣，龍蝦蝦餃晶瑩剔透的外皮以金邊點綴，造工精細，包裹著矜貴龍蝦肉，爽滑彈牙，燒賣舖上大隻鮮蝦，蝦肉與豬肉比例掌握得宜，卡邦尼小甘筍外型超可愛，表層像鹹水角般酥脆中略帶煙韌，內餡則裹滿白汁火腿芝士，中西合璧卻完全不違和。脆米波士頓龍蝦湯鮑魚海蝦帶子泡飯上桌時倒下脆卜卜的金黃脆米，即使放久了亦沒有輕易被浸淋，軟脆相間帶來雙重層次的口感，盡吸湯底精華，龍蝦湯色澤紅潤油亮，味道濃郁鮮甜，加上新鮮爽彈的龍蝦肉、鮑魚、帶子和海蝦入饌，真材實料。紅粉玉露番石榴果香酸甜清爽，消暑解膩，揉合粒粒果肉和滑溜西米，層次感豐富

今日返夜班，晚飯時間又係公司附近周圍覓食🥰。行下行下發現間好多朋友都介紹我去嘅龍味館，原來咁近我公司，一直都冇為意添😆。餐廳以黑色為基調，裝潢簡約華麗，加上燈光昏暗柔和，突顯尊貴味道🥰。2️⃣人套餐分A/B/C/D 4️⃣款，最平$276 真係好抵，我當然係叫最貴啦😂，其實都只不過係$568。套餐A 2位用 $568 🌟湯品宮廷酒爵暖胃湯湯品器皿好靚又別緻，用上磨砂玻璃仿古爵杯，橙黃色的青紅蘿蔔湯😍，味道清甜又香濃，口感濃稠，熱辣辣暖胃又好飲😋。🌟前菜魚躍龍味館一品頭拼青芥末海蜇頭 - 口感爽脆，青芥末獨特的辛辣味🌶刺激味蕾，十分醒胃😋。香橙白玉蝴蝶 - 冬瓜用上柚子蜜糖醃製，味道香甜，口感爽脆，好驚喜🤤！桂花蜜餞鮮冬菇 - 鮮冬菇炸過後，再混上一層桂花蜜餞糖膠，味道香甜，口感軟滑多汁😍。🌟招牌菜招牌龍蝦鬚擺盤相當吸引，原隻龍蝦造型🦞，龍蝦身用蘿蔔絲酥替代。酥皮鬆化香脆，包住清甜的蘿蔔絲及鮮甜的龍蝦肉粒，香甜多汁，鮮味無窮😋。🌟主食波士頓龍蝦湯燴手工拉麵幼身麵質感爽滑，湯底龍蝦味濃郁🦞，十分鮮甜😋，配搭生蔥絲一齊，增添鮮香味。鮮龍蝦肉身飽滿，質感爽滑彈牙，鮮香味十足🤤。🌟甜品紅粉玉露香甜爽

果日接老公放工去上環食埋晚飯E3出口行兩分鐘到南豐大廈2/F 龍味館😌餐廳設有全日套餐好方便唔洗自己諗餐死🤣揀左C餐兩位$398✅ 宮廷酒爵暖胃湯裝湯既容器好有特色好趣致😄好似個鼎咁 飲完啖湯暖暖肚 酸酸地開左個胃就食主菜啦✅ 點心拼盤有三件 (燒賣/蝦餃/紅蘿蔔🥕形既點心)前兩件都好足料 蝦好大粒 燒賣又飽滿🥕點心就似咸水角咁 不過裡面就係火腿洋蔥等咸咸地既stuffing 幾特別✅ 炭燒蜜餞黑豚肉叉燒 (有白飯跟)叉燒上枱仲有個火暖住 夠細心半肥瘦 好juicy 肉質仲好淋👍🏻蜜餞做得出色 送飯一流✅ 紅粉玉露 (aka番石榴西米露)依款甜品第一次食 幾fresh粉紅色已經好靚 引起少女心番石榴酸酸地 黎個首尾呼應😋仲有粒粒西米爆珠增加口感

餐廳裝修都很有氣派，乾淨企理，上菜速度也很快，入會消費還有著數，地點也方便，上環地鐵站走2分鐘就到，附近亦有車位可泊車～宮廷酒爵暖胃湯～西芹番茄湯來的，能喝到西芹及番茄味，味道各有突出，比例剛剛好～青芥末海蜇頭～芥末味初時吃很上頭，但過了1秒後就沒事了，辣度醒神開胃，海蜇頭亦十分爽脆～香橙白玉蝴蝶～橙味濃香，冬瓜被炆得十分入味～桂花蜜餞鮮冬菇～冬菇沾粉漿炸至香脆，加上桂花香及蜜餞，甜美可口～招牌龍蝦酥～龍蝦酥的造型超像龍蝦身，酥內更加入了彈牙大粒的龍蝦肉，酥皮亦很酥脆～波士頓龍蝦湯燴手工拉麵～碗內有半隻大龍蝦，蝦殼已略略仆碎，進食方便，龍蝦湯味道超濃郁，伴麵吃完再喝都很正～紅粉玉露～番石榴甜點來的，非常清新，番石榴味超級香濃，內裡也有番石榴粒粒及爆珠，口感很好～

🍲宮廷酒爵暖胃湯是綠豆海帶湯，聞落有陣淡淡的綠豆味，口感好似一羹湯，飲落除了微微嘅鹹味仲有豆沙口感，幾新穎～🐲龍味點心拼盤龍蝦蝦餃質感彈牙，龍蝦和豬肉混合的好均勻，加上蟹籽好經典蟹籽鮮蝦燒賣食到原隻蝦，外皮煙靭有咬口，賣相精緻卡邦尼小甘筍🥕造型可愛，炸物功架不錯，外皮炸得香脆，糯米皮煙煙韌韌，但完全不油膩，入邊是卡邦尼醬汁拌火腿好味🤤🦞脆米波士頓龍蝦蝦湯鮑魚海蝦帶子泡飯龍蝦湯飯配上唔同海鮮，有鮑魚、鮮蝦🦐龍蝦，湯底是各種鮮味的大匯聚，調味不會太濃，飯粒飽滿，沒有吸太多湯而糊掉🫶🏻粉紅玉露芭樂攪碎，加入西米爆珠和果碎，好清新，甜度低，微微酸，大推！#foodiblum中式 #foodiblum港式

同fd約左去食dinner一開始既暖胃湯已經好滿足，綠豆海帶湯好濃郁最驚喜係個點心，卡邦尼小甘筍好脆好好味😍龍蝦泡飯都好鮮甜🤤連湯都全部飲曬二人餐$498真係好抵食

位於香港中環的龍味館是一家以創新粵菜聞名的餐廳。這裡的環境優雅，裝潢充滿中國風情，非常適合朋友聚會或家庭聚餐。我哋叫咗個二人套餐宮廷酒爵暖胃湯這道湯品以其濃郁的酒香和豐富的營養成分著稱，暖胃又滋補，非常適合寒冷的天氣享用。魚躍龍味館一品頭拼這道拼盤匯集了多種高級食材，魚頭鮮嫩多汁，搭配各種精緻配菜，口感層次豐富。青芥末海蜇頭：海蜇頭爽脆，配上青芥末的微辣，既開胃又清爽，是一道非常受歡迎的前菜。香橙白玉蝴蝶：這道菜以香橙和白玉蝴蝶為主，色彩繽紛，味道清新，甜而不膩，非常適合夏季享用。桂花蜜餞鮮冬菇：冬菇鮮嫩，搭配桂花蜜餞的甜香，口感獨特，讓人回味無窮。波士頓龍蝦湯燴手工拉麵這道菜是龍味館的招牌之一，龍蝦湯底濃郁，手工拉麵筋道，配上鮮甜的波士頓龍蝦肉，絕對是美味享受。紅粉玉露這道甜點以紅豆和椰奶為主，口感細膩，甜而不膩，是完美的餐後甜品。龍味館不僅菜式創新，用料十足，服務也非常周到。無論是想品嚐傳統粵菜還是尋找新派中菜，這裡都不會讓你失望。

上星期日同個好朋友在上環一齊行街～無意中見到一間高級餐廳～但又唔算貴～有A/B/C/D餐廳可以揀～當日我哋叫左個B餐～$498/2位用 有加一服務費🤓宮廷酒爵暖胃湯飲落去似南瓜湯～口感好creamy😂好滋補身體～飲完真好暖胃🥰龍味點心拼盤龍蝦蝦餃蟹籽鮮蝦燒賣卡邦尼小甘筍（推薦）紅蘿蔔造型😉食落去好有濃郁芝士嘅味道😍脆米波士頓龍蝦湯鮑魚海蝦帶子泡飯外層的脆米增添了酥脆的口感😌龍蝦肉質鮮嫩，鮑魚彈牙，海蝦鮮甜，帶子則滑順😊湯汁鮮香😉保持了海鮮的原汁原味😍紅粉玉露粉紅色西米露～配粒粒番石榴～口感順滑😂味道香甜😘加入會籍非常划算！可享用會員優惠😝交通方面，🚇上環E3出口步行只需2分鐘。如果需要泊車，可以選擇林士街停車場或永安中心停車場🅿️ 非常方便🙂

餐廳：龍味館地址：中環德輔道中173號南豐大廈2樓3-5號舖今晚試咗個特別嘅陳皮紅豆湯，真係好正！🥣 器皿用磨砂玻璃仿古爵杯，好有feel喔，湯放入裏面睇落特別靚✨。味道方面，真係香濃到不得了，陳皮味突顯得好清晰，飲落去暖暖地，真係超好味！😋❤️另外試咗龍味點心拼盤，裡面有龍蝦蝦餃、鮮蝦燒賣同卡邦尼小甘筍，每一樣都超有特色！😍 龍蝦蝦餃皮薄餡靚，咬落去有種鮮甜感，真係唔可以錯過！而鮮蝦燒賣更係鮮嫩多汁，卡邦尼小甘筍又清新又脆，食得開心，絕對值得一試👍❤️炭燒蜜餞黑豚肉叉燒外層焦香，裡面卻嫩滑多汁，蜜餞的甜味恰到好處，讓肉質更添風味，每一口都能感受到炭燒的香氣，搭配一點白飯，簡直是絕配！「紅粉玉露」甜品簡直是我的心頭好！這道番石榴西米露口感豐富，咬下去有點嚼勁，西米粒又Q又彈，搭配著清新甜美的番石榴，而且甜度剛剛好，不會太膩，實在太可口了😍

今日約左朋友去呢間中菜餐廳，喺上環地鐵站只需行2分鐘就到，真係好方便宮廷酒爵暖胃湯，鹹鹹嘅陳皮紅豆湯幾特別，飲落口仲好暖胃魚躍龍味館一品頭拼，有齊3款前菜，包括有微辣而爽口嘅青芥末海蜇頭 、清香嘅香橙白玉蝴蝶同埋桂花蜜餞鮮冬菇！我最鍾意食嘅就係桂花蜜餞鮮冬菇，鮮冬菇配好香嘅桂花蜜，甜甜地招牌龍蝦酥好有創意，賣相好吸睛，打卡一流！成隻真龍蝦上枱、龍蝦入面有蘿蔔酥，外皮香酥脆口，內餡仲有龍蝦肉波士頓龍蝦湯燴手工拉麵，香濃嘅龍蝦湯，仲有大大隻波士頓龍蝦，好新鮮，肉質好爽口又鮮甜味美，配埋彈牙嘅手工拉麵真係一流紅粉玉露，呢個甜品粉紅色賣相幾靚，西米配埋番石榴果肉餐廳舒適寬敞，裝修好似穿梭客今中外咁！店員服務態度好友善，發現其實join左會藉會抵好多，下次再黎過

餐廳位置交通方便，上環E3出口行2分鐘就到，如果泊車可以泊林士街停車場或永安中心停車場。餐廳主打以龍蝦主題既料理，參加埋會籍性價比會再高啲。全日套餐 B 宮廷酒爵暖胃湯以古代宮廷酒杯造型承載着暖胃湯，有淡淡既甘筍既甜香味，一入口相當暖胃，係一道不錯既開胃湯。龍味點心拼盤 每人各一盤點心拼盤，一共三款點心。龍蝦蝦餃蝦餃皮邊位都灑滿金箔，金光閃閃，內裹蝦肉飽滿彈牙，特別加入西芹，將蝦肉鮮味更為特出。蟹籽鮮蝦燒賣 蝦肉饀料鮮味十足，蟹籽更加將燒賣味道有層次感。卡邦尼小甘筍外皮橙色既咸水角配以綠色香草，造形外觀似甘筍，觀賞性十足，味道有別一般咸水角，內裏有濃郁既卡邦尼，中西融合既味道，十分創新。主食脆米波士頓龍蝦湯鮑魚海蝦帶子泡飯泡飯配料非常豐富，有龍蝦肉、海蝦、帶子，湯底鮮味十足，充滿龍蝦和海蝦頭油香味，甘香純厚，龍蝦殼有經處理，方便我地食用，有特別提供脆米可自由加配。甜品 紅粉玉露有濃郁既石榴香味，內裏充滿石榴肉粒和西米粒，食落相當有咬口，增加了層次感。

🍱餐廳：龍味館🏫地址：中環德輔道中173號南豐大廈2樓3-5號舖 家人始終最愛吃中菜，今晚就喺上環開餐，整體食物美味，性價比高，值得推介呀🤗呢度交通方便，上環E3出口行約2分鐘就到，裝修雅致，坐得好舒服，原來係2018米芝蓮指南餐盤餐廳❤️我叫咗Set A ＄598兩位用👍～starter宮廷酒爵暖胃湯即係雪梨甘筍暖胃湯，有噱頭，器皿好別緻，d湯放喺磨砂玻璃仿古爵杯內，特別好味😂講真，其實味道真係幾香濃清甜嘅，感覺很足料😃～前菜魚躍龍味館一品頭拼青芥末海蜇頭有Wasabi味， 口感爽脆，辣辣地梗係能成功打開我哋嘅味蕾；香橙白玉蝴蝶係酸甜嘅醃冬瓜，非常開胃；桂花蜜餞鮮冬菇係炸冬菇加上桂花蜜，甜甜地好好味😋～招牌菜龍蝦酥賣相吸睛，原隻龍蝦造型 ，用龍蝦肉做龍蝦蘿蔔絲酥放喺中間，很有創意兼好味，酥皮鬆化，真材實料，咬落去入面當然真係有龍蝦肉，感覺很矜貴呢😄～波士頓龍蝦湯燴手工拉麵超級有驚喜，有半隻彈牙鮮嫩的波士頓龍蝦，手工拉麵非常彈牙，龍蝦湯底蝦味濃郁，調味適中，感覺冇味精，我真係飲到一滴都冇留低❤️～紅粉玉露即係番石榴西米露，口感豐富，甜度適中，感覺清新可口，又係超級鍾意😍

平時喺香港夜晚食個意粉，可能都要百幾蚊但係依家米芝蓮精選餐廳，晚市套餐都係百幾蚊起呢個價錢呢個質素真係勁抵食我就叫咗佢二人套餐 C餐有餐湯，點心，主菜同甜品餐廳係用中式酒爵模樣嘅餐盤嚟裝非常之適合打卡點心亦都好精緻，我特別鍾意佢嘅紅蘿蔔酥，外皮好酥脆，食落去有少少煙靭，裏面仲有好多火腿添。而主食方面就係叉燒，佢一份叉燒都勁肥美。而甜品方面，佢嘅粉紅玉露食落去就好似西米露咁樣，不過多咗小小番石榴嘅味道，而且粉紅色，真係好啱打卡。而且佢仲會有會員，Join佢嘅會員就超抵而且交通方便，上環E3出口2分鐘。而泊車可以泊林士街停車場 或者 永安中心停車場

星期5晚同屋企人食個中菜，呢到交通方便，上環E3出口行2分鐘就到👍🏻我地兩個人嗌左個D餐$358, 除反開先係$179一個人，係中環嚟講呢個價錢真係幾抵😱個套餐包左個暖胃湯，前菜，蔬菜，主食同甜品😋佢地嘅暖胃湯每日都唔同，今日係眉豆雞腳。前菜係青芥末海蜇頭，香橙白玉蝴蝶同桂花蜜餞鮮冬菇，用嚟開胃簡直係一流😍主食係黑松露和牛崧炒飯，好香。甜品係紅粉玉露，其實就係番石榴西米露，清清地好好食。呢間菜式比較新穎，我好滿意。

星期日和老公到中環龍味館吃晚餐。餐廳環境別緻，我們叫了個二人套餐B。茶要了香片，很香醇。宮廷酒爵暖胃湯是花生眉豆暖胃湯，喝起來很濃稠，真材實料。龍味點心拼盤有龍蝦蝦餃、蟹籽鮮蝦燒賣、卡邦尼小甘筍，蝦餃很飽滿，燒賣大大顆，爽口彈牙，小甘筍像鹹水角，軟糯的口感。脆米波士頓龍蝦湯鮑魚海蝦帶子泡飯龍蝦湯很濃味，泡飯材料很豐富，加上香脆的脆米，令味道和口感更上一層樓，很好吃。紅粉玉露是有小顆番石榴果肉的西米露，呈現少女的粉紅色。