影片
原本想黎九龙城食个粉面，见到呢间好新口面就姑且试下啦。入到黎个装修都几舒服，感觉上都几唔错。望下下午茶有咩食....哗都好简陋下....唔紧要，楼面姐姐话睇返早餐个面餐黎拣，所有野一样，仲有得拣酸辣汤或鲜浓猪骨汤。同男友嗌左个香煎猪扒米粉，同香煎鸡球米线，楼面冇咩客都要等一阵。黎到.....ae......说好的鲜浓猪骨汤呢？个汤清到一个点，鸡球白雪雪，猪扒好靭。Um.....建议尽快搞好食物质素，唔好浪费个装修😂
继续阅读
渣车落九龙地谂住揾个下午茶食下,转左入狮子石道有位就泊低,咁岩停正系呢间野门口咪入去试下啰。。。想食下午茶,餐牌得3个简,呀姐过黎先讲话早餐果啲,1𩠌面都可以当下午茶,好啦,我两个人食,简左1碗 "猪扒 猪骨浓汤米粉"另一碗 "鸡球猪骨浓汤米线"结果等左大约15分钟先有杯野饮,再等多大约10分钟先有两个面食本身谂住试&填肚就算,但越食越觉得所谓猪骨浓汤真系伏到晕,所以不得不上黎打食评奶茶奶味太特别,感觉"似"过期奶猪骨浓汤米线,汤色透明,得少少咸味,完。。。我打食评嘅原因系,如果预期试伏嘅心态入黎食应该感觉会好啲😏
继续阅读
✨#中女独食难肥日志 ✨#龙城餐馆 #九龙城 #中女食九龙城 #木桶蒸饭路过这间餐厅，被毛笔字餐牌所吸引，大概好久没有看到手写毛笔字，感觉时光倒流几十年🙈本以为是很老旧的一间餐厅，谁知店员说长开了一年，被毛笔字骗了😂不过都是gimmick，至少吸引了我们进来😅蒸饭都有不少选择，店员说是即叫即蒸，不是快餐要等等呢，如果是好吃就值得等了😉..#虫草花滑鸡蒸饭 $48#田七云耳肉饼饭 $48百物腾贵，九龙城平时吃个午饭真的不便宜，$48大大个木桶蒸饭其实好抵食！虫草花香，鸡滑，份量也不少！店员还问我们要不要汤，是有妈妈感觉的紫菜滚汤🥰朋友要了田七云耳肉饼饭，我个人就不太喜欢田七的味道，但朋友说很好吃，肉饼份量也很多😜如果喜欢田七的可以一试，我还是觉得我的虫草花滑鸡蒸好吃😆但其实虫草花滑鸡是secret menu😂餐牌是没有的！多谢店员姐姐告知，要试就问问店员吧！
继续阅读
叫了一个早餐，发现很用心制作的多士，脆口沙爹牛面是自家制的沙爹酱，比普通茶餐厅可，到处食到的沙爹汤底美味火腿奄列用的蛋看得出是即打的很有家的感觉试过附近好几间餐厅，发觉最合心意的是这家以后会常常来这里的有点失望的是自家冲的奶茶，所以叫了咖啡
继续阅读
下昼下午茶时间落九龙城揾食，见到近广场度呢间新开嘅店，抱住一试嘅心态入去坐低，一睇餐牌内心已经唔系好妥，茶餐一碗丁面加嘢饮差唔多五十蚊，下午茶餐鱼蛋米 线三十蚊。。。当场已经想走，但老公又话落雨咪周围揾，仲唔识死叫咗个$78蚊杂扒饭。。。系呀$78蚊呀。。。我就睇等佢嚟咗睇吓有冇伏先再决定落唔落单。。嚟到实在觉得得啖笑，鸡扒牛扒都系好薄，薄都系重点，大家可以见到鸡扒白雪雪，硬而带有浓烈雪藏味，牛扒靱而柴皮，火腿+午餐肉+肠仔都唔系靓货，老板呀老板。。。咁嘅质素收人$78，于心可忍呢？仲有个死咸黑椒汁，点呀？质素同价格落差太大，唯一好处系楼面呀姐好主动招莱，但咁嘅质素想有回头客，老板实在太天真喇！
继续阅读