龍悦

营业中

休息中

服務差態度又差，嗌咩都話冇，個經理企係隔離聽到我哋講“嚇～又冇”先講一句，入比佢入比佢。咩意思，唔想做埋直接講咯，原來原因係我哋冇比利是，隔離枱比封利是就好好招呼……真係不知所謂雖然嘢食口味唔錯，但真係體驗超差

筲箕灣天悅廣場龍悅酒家， 一點半下午茶已經可以入座， 開咗香片同普洱， 滾水茶靚 叫咗一份三寶$53份 同孖寶$32份， 三寶有一份燒味粉麵+2個點心有蜜汁叉燒皇米線， 鮮蝦菜苗餃， 豉汁蒸排骨孖寶有潮州粉果加山竹牛肉球價錢再加埋咁多嘢食性價比很高， 叉燒好淋可以鮮蝦菜苗餃多蝦肉， 豉汁蒸排骨有芋頭， 潮州粉果裏面有多餡， 牛肉球有肉汁，夠彈，夠大粒今次三個人去，加埋茶錢每位七蚊， 埋單都係$123 ，大家都食到飽飽 所以都係大家去飲下午茶的不二之選，值得－試

中午1時多，門口阿姐遞過點心紙說自行入座，走入大堂選了張三人枱, 舊客杯碟尚未清，於是請附近樓面處理...一次，兩次，三次...阿姐們行過路過，都無人理會，明明眼睛看見客人站著等候，仍然目中無人喔...終於有類似部長經過，旁邊又剛巧有個阿姐跳出來，帶我們轉到幾張枱擠在一起的範圍(明明全場只有一半滿)，如此前奏「服務」，令人胃口全倒。枱上有點心紙，但無筆，有QR紙網上落單，但卻找不到點心紙上的套餐...好了，點了蘿蔔糕，轉頭說沒有唯有改叫芋頭糕，來的是微暖但明顯煎了很久膠感又勁鹹的物體，燒賣與鳳爪也極鹹，窩麵是一餅餅沒剪斷，廚房連西蘭花也懶切，像拳頭大。好了，期間樓面阿姐依然行來行去，人客沒幾枱，只有熟客在，阿姐手腳也快起來...這樣的服務態度，不知所謂極了。

阿媽生日出酒樓食飯，老人家都係鍾意食酒樓，近近地就揀咗呢一間，入到去经理俾咗啲圍餐我哋睇，最後尾我哋都係選擇返散叫，服務就冇乜㗎喇，但是在環境夠闊落，我哋一家大細有小朋友嘈雜啲都唔係好覺，食物質素尚算可以，碟頭夠大，海鮮都新鮮嘅，如果同老人家食中餐都係一個唔錯嘅選擇

因為近先求其喺度買外賣，d野唔好食都算，點心外賣部個阿姐次次都唔見人，要叫知客搵佢，出到黎仲要態度極其惡劣，次次買外賣都要受佢氣！係咪因為阻住佢偷懶？以後情願行遠啲都唔再幫襯！

天氣凍想打邊爐，行過呢間想食。入到先知乜都冇得食。想食乜冇乜。個部長就話今日多人食好多都冇哂。大佬你應該我地一入黎就話有d食材冇哂。禁。我地可以選擇食小抄個d。d打邊爐既材料根本就係啱啱係冰櫃拎入黎。完全末解凍。d肥牛d邊邊已經雪到凍壞左既feel，黑色。到左收錢先最過分，外面寫住6人同行一人免費。我有3大3小。佢收我5個大人既錢。。重要唔係平。完全係無言。。永遠都唔會再食。垃圾一間，真心唔會再幫襯

一家大細試吓個任食邊爐，一嚟就拖時間，成半個鐘先嚟鍋，二嚟食物係最平最垃圾既級別，星期三去剔親都話冇貨，問經理有冇貨，佢竟然同我講“你剔多幾次，冇嚟既就係冇貨嫁喇”，得3枱客，生根響鈴都冇，雪櫃可樂得2鑵，叫佢攞成個鐘都冇，攞order紙經理話攞俾我，一拎轉面就同其他員工繼續吹水，又拖返10分鐘先，食到一肚火，好似俾人打劫咁，以後都唔會再去食！

這家做街坊生意為主的酒樓，平日都近乎滿座，此店的出品及價位都不錯，唯一美中不足的是大部份時間都人手不足，有時要等很久才會有樓面招呼，想加水也有點困難，而埋單都是客人自行往收銀處排隊付款...現在很多酒樓都有賣點心拼盤，我就最喜歡這款產品，一人可以吃幾款點心，份量又不會過多。點心拼盤 - 二人份量，每次都會點，可以試到六款點心，間中都會轉款，最喜歡的是蝦餃、燒賣，薑汁紅棗糕生滾魚腩粥 - 這裡的粥品算不錯，魚腩份量很足

原本嗌左幾碟點心同一碟星洲炒米，之後俾咗個點心紙比紅色制服嘅員工等咗一陣 先來嚟咗一碟星米 但其他點心等咗成九個字都未嚟，最後終於忍唔住搵人問吓，原本經理仲想扮睇唔到直行直過，要好大聲咁叫佢先肯停低，原來根本冇落到單，嗰度啲員工會自己收埋啲紙唔遞單俾人等咗成個鐘淨係嚟咗一碟星米 都幾無奈 仲要一句道歉都冇

本來想去西灣河買點心，有事經過筲箕灣就試下呢間，見d點心全部係蒸籠蒸緊，唔係即叫即蒸，已經覺得爭d，叫左牛肉，蝦餃，蝦腸，鳳爪，我自己有帶兜，無用外賣兜，個阿姐好似覺得我有d麻煩。個牛肉係酸菜底，唔係腐皮底，size又細，又唔好食❌；蝦餃個皮食落同公仔點心差唔多❌; 蝦腸凍既，仲要有少少酸❌，鳳爪普通。唔怪得呢間餐廳轉手咁多次。比地鐵連鎖店既質素仲差，我會去番西灣河地舖果間買，生命很短，我覺得自己浪費了一個限額。

中午和家人聚餐，來到了筲箕灣龍悅共進午餐。由於人數眾多，我們點了好幾道菜。脆腩：上碟時微微帶暖，配上少少芥辣 增加了小小刺激可口油雞：雞是肥美的，雞的每部份都長肉，雞油豐富，食落有點膩但滿足感非常羹：再來是一碗羹，加點醋食用，剛剛可去了雞的膩，清一清味蕾 再往美食的大道出發清蒸沙巴龍躉：魚比想像中細條，不過蔥是做了蔥絲卷蔥，比切粒更為帶出蔥的味道，配合魚肉食用很好之後就來點素：菜，豆腐，菇 味道可口咕嚕肉：肉炸得脆，酸酸甜甜的味道很開胃。整體來說，是中規中矩的餐廳，家庭聚餐的好地方。

今日囡囡放假，話想中午去酒樓飲茶，我話中午冇特價，不如等2点下午茶先去食啦，囡囡就話好呀，我哋不如出去北角行一陣先啦，我們就去咗北角健威商場，買了一點東西，看看時間已經一點45分，我們就坐巴車去筲箕灣龍悅酒樓，飲下午茶醫肚，下午茶點心好便宜，大中小點全部小點計，還有其他特價粉麵，我們就點了一個蝦餃，燒賣，山竹牛肉球，鮮蝦腸粉，椒鹽炸豆腐，鹹菜豬肚湯，豉汁鳳爪，一路在吃點心時，侍應生態度非常之唔好， 我就話你哋冇乜職業道德， 跟著我同你女I走了。

不用心的店上次去食飯的時候叫佢餐牌上的孖寶，服務還可以的，不過，一叫之下，味道真的十分之難以接受，叫白切雞，炒聖士皇，雞十分之冷，聖士還可。到最近，工作行開，再去上址，有感上次之感受，故此一開始便不叫孖寶，但丫姐即時黑面，像殺父仇人似的，感覺十分之不好，上菜後，食物一般，服務奇差，可以揀的，不要去

因為，鄰近屋企，父親節決定在此吃晚飯幸好，預早訂枱，到達時已經很多人了..奇怪，此特別日子，人手嚴重短缺，等左好耐都無人前來招呼及落單，舉目望去，全個場只有一、兩個待應，做到一頭煙！魚湯浸勝瓜魚肚，＄98，上枱時看到已經不對版，魚湯水汪汪的，淡如開水，魚肚不似魚肚，咬落去似厚豬皮，味道亦似豬皮，結果，馬上投訴，要取消呢味餸😡龍躉兩味，炒球及蒸魚頭腩，＄320，一般叉燒王，＄120，大部份全瘦，只有一、兩片有好小好小半肥瘦的，最離譜係塊塊都好大舊，成尺長，叫人點咬呀...全是敷衍，馬虎的製作，食到火起！

樓面阿姐又hea又懶1. 自己晤識分碧泉檸檬茶同忌廉，拿錯左就來就同我講話無忌廉得檸檬茶，但我之後見到個櫃係有忌廉囉2. 懶得拿細碟來換走隻大碟，搞到轉盤晤夠位放，就將食物放轉盤旁