龍津美食

营业中

休息中

由細到大，至要係行過口痕都會買件🥰雖然好多人都話伏😓不過就個人嚟講，格仔餅係幾好食(應該話格仔餅好難整得難食)😂至少拎上手都係係熱嘅口感香脆，唔會太油價錢都算平，及格啦😂

經過見有小小肚餓，打算買20蚊魚旦頂下肚，點知佢話冇20蚊魚旦賣，得24蚊⋯⋯得啖笑，冇味都算，仲要個心凍嘅，咖哩魚旦冇咖哩賣，三寶一陣油益味，個老闆娘仲要西口西面真係一次過，冇下次。

晚上買咗$15/5粒嘅炸魚蛋同它嘢食同買左成$200， 我們3 人一咬開魚蛋入面仲糸冰凍嘅就返去同佢理論， 2 個阿姨竟然話魚蛋唔可以炸耐會炸燶唔食得，佢話凍都冇問題照食啦熟㗎啦🤬🤬然後我同佢講我而家袋嗰兩粒你幫我咋翻熱同賠返三粒俾我哋，佢二話不說將嗰兩粒油豉油嘅掉落去啲油度炸， 佢話燶咗唔關我事，結果因為有鼓油同佢有心炸耐最後係黑色的， 俾佢鬧返轉頭我都話係會黑色㗎啦，食啦熟㗎喇，如果三粒賠返既系話要報食環她同事才馬上走去炸返， 真心唔係為咗三粒魚蛋嘅問題， 係你冇理由俾個冰凍嘅魚蛋話叫我照食， 你自己會唔食先？ 省下一千字罵語😡以後唔會再去幫襯

今日去咗九龍灣龍津美食，基本上好多嘢都冇，叫腸粉冇腸粉，叫其他嘢又未有🫠🫠🫠🫠🫠，我之後就叫咗一個生菜魚肉，冇諗到佢啲嘢離晒譜😤😤😤😤😤😤，成個生菜魚肉基本上係水🥲🥲🥲🥲🥲🥲，得3-4片斯到好細嘅生菜，連魚肉都係得4件細size的魚肉，真係貴過茶餐廳，越來越差🙃🙃🙃🙃🙃🙃，呢間真係唔會有下次🌚🌚🌚🌚🌚🌚🌚🌚🌚🌚🌚🌚🌚🌚🌚🌚

煎釀三寶都可以難食 燒賣魚蛋生菜魚肉碗仔翅無樣嘢好食 煎釀三寶夠膽死青椒係無魚肉嘅 一係就薄過張紙 完全無誠意 仲要又唔平添 連八達通咁普遍都唔收 只收現金 燒賣魚蛋都係買返嚟蒸熱啫 都可以咁難食 超唔掂呀

經過見到有香港好少見嘅石磨腸粉賣😂又平平地 就買份$15瘦肉腸嚟試下都幾好食😍😍份量好充足瘦肉幾多 仲有生菜😍😍淋埋附送嘅醬油真係好正😇見到仲有其他種類嘅腸粉下次再試下先🤣

其實好間中都有喺龍津買過魚蛋食，今次唔再買魚蛋諗住食啲鹹鹹地嘅椒鹽魷魚，真係好失望呀！落完單，阿姐幫我再炸嗰啲魷魚，熱辣辣加埋鹽加胡椒其實係冇可能唔好食。點知一咬落去，成口都係粉，再咬返條魷魚出嚟係¼嘅size。阿媽話咁平係咁啦，其實都$25 㗎，貴過其他嘢食。其實之前試過佢尖沙嘴分店既炸燒賣都好難食，是但將啲蒸熟咗嘅燒賣揼咗佢個油喎度炸，我諗大家食返咖喱魚蛋算。元朗燒賣皇后啲煎炸野好食好多，但係分店比較少起碼觀塘冇啦。

經過裕民商場攞嘢，見到呢到有石磨腸粉就心思思買一盒嚟試下。要左瘦肉腸同芋頭西米露，買完坐車返公司再食，中間大約20分鐘，返到公司重係熱辣辣嘅，味道唔錯，可惜d粉厚左少少，但已經比起觀塘廣場嗰間好食好多，下次去再試其他腸粉

🍙等待時間：有少量人龍，但阿姐算快手，排隊連買嘢時間大概7分鐘。🍔室內環境：之前外賣服務，室內主要都係廚房位。🍰服務質素：服務尚算可以，阿姐算係勤力快手。🔺用餐簡評：我自己就叫咗煎釀三寶啦同埋魚蛋燒賣。魚蛋燒賣來講呢都幾抵食嘅$10一串，但係買一送一簡單啲來講呢即係$5一串。但係佢嘅好處呢係可以$10呢就買到魚蛋燒賣各一串，即係可以雙拼，呢樣野唔係間間做到。而且我都幾鍾意佢隻辣醬沙嗲味，惹味開胃。🔹總括來講：係一間你如果覺得肚餓想食啲嘢嘅可選擇地方。

晚上八點，由於我想食石磨腸粉，但係大部分石磨腸粉店都已經關門，淨返呢間仲開我之前都食過係觀塘龍津既腸粉，都唔差，但呢個時間已經收左鋪，所以行遠小小到牛頭角買黎食成碟腸粉只可以用垃圾黎形容，豉油蓋冇琴實，返到去成袋都係鼓油，好彩有問佢拎多個。至於食物方面，腸粉皮好厚，圖片中都可以見到，我見佢落粉醬個陣d粉醬好傑就已經心知不妙，結果好難食，仲食到蛋殼小弟都食過香港唔少既石磨腸粉，我從未食過咁難食既腸粉，識左一啖就揼咗，呢份腸粉真係垃圾，唔會再幫襯

之前間唔中買個炒麵食，買咗好多次，留意到職員將炒麵夾入個盒嘅時候，滿出嚟嘅炒麵條條揈喺個盒邊…，個盒就放喺條毛巾/枱布上面......，之後就咁冚個盒…，盒邊果啲炒麵...；最後一次買炒麵，原本見到戴住膠手套嘅職員踎喺地下搞凍肉，幫我夾炒麵嘅時候將滿咗出嚟嘅炒麵用手撥入個盒裡面……………，呢點我真係接受唔到，之後冇再幫襯，條毛巾/枱布乾唔乾淨…，搞完凍肉嘅膠手套合唔合衛生…，各位諗一諗…，thanks

因為去換領月餅所以發現這間店, 其實店面也不小, 所以還有燒賣魚蛋煎釀三寶等典型街頭小食.  最觸目的就是門口大大部電動石磨即磨米漿, 一邊磨米漿, 裡面的腸粉師傅就做不停手.  我叫了一份$18的蝦米腸粉, 師傅話即刻有 (應該是之前的客戶整多左一份). 個外賣盒都算硬身, 豉油就另外用小盒載, $18來說, 包裝很有誠意.  鮮蝦腸粉內除了有蝦, 還有椰菜絲和一些芫茜, 所以都算係健康豐富的組合, 蝦是用急凍的蝦仔, 就是有雪味未清.  腸粉質地都滑, 不過食完做早餐很快又肚餓了, 如果大食一點的一定要再加其他小食才可以撐到午餐時間.

半夜在觀塘找東西吃，不想吃麥記，由藍田行到觀塘，找到了這間小吃。葱花腸粉 $10，嘩，好好味，即叫即蒸，皮薄，不 黏身，味道不鹹。我的朋友，吃手撕雞腸粉 $16，都是讚不絕口。

終於開到我屋企樓下，小店位置在街口轉角好顯眼，各類小食價錢清晰，抬頭一望就見。小食種類多價錢平味道不錯，相信對鄰近小食店生意構成一定壓力。今次一次過買多啲野食來個大評分。魚蛋燒賣 ($10)魚蛋燒賣細細粒有魚肉味，魚蛋彈牙燒賣淋身，落了甜甜地嘅豉油份外覺得好味。煎讓三寶 ($15)每款都點了一件來試試，感覺心中好富有。茄子釀鯪魚肉：茄子厚身茄肉吸得唔算多油，軟身大件有咬口。青尖椒釀鯪魚肉：青尖椒炸得耐左勁淋身，點甜豉油好索味。紅腸釀鯪魚肉：紅腸切得好薄身鯪魚肉釀得更薄，無晒咬口。炸魚蛋：唔粉有魚肉味味道不錯。炸番薯：番薯塊有層炸粉皮包住，炸粉皮炸得不夠鬆化，番薯唔乾身仍保留到水份。炸豆腐：無釀鯪魚肉，炸得皮脆內軟不錯。炸雞脾 ($15)雞脾身有兩刀切口令雞肉均衡受熱，骨位也沒有見血，雞脾炸得熟透仍保留到肉汁，阿姐潵鹽粉不均衡，剩係第一啖食到勁咸，其他部位無咩鹽，食完成隻脾也不置於令我條脷壞左。生菜魚肉碗仔翅 ($15)叫雙拼感覺上抵，好多魚肉但唔見左生菜，魚肉好味好有咬口，碗仔翅內都唔見有雞肉，只發現軟滑的雞蛋絲，有木耳長長一條，香菇幾片菇肉厚淋身好嚼，粉絲彈牙有口感，但份量少比較失色

觀塘區牛頭角道上一家新開的小食店，吸引了我去光顧。新店開幕，收到許多花牌。龍津小食店相信很多港人都已經常光顧，魚蛋、燒賣、煎釀三寶、雞蛋仔等都為人熟悉。筆者卻被店內的一部機器吸引著...看到店員會把已浸透的米放入半自動的石磨內，石磨即磨出米漿。店員收集米漿後便會在店內按客人要求制作不同口味的腸粉。📍雞蛋腸 $13腸粉口味選擇眾多，有叉燒腸粉、鮮蝦腸、豬潤腸等，但夏日炎炎，想吃得清一點，所以暖最終選擇了雞蛋腸粉。在物價高昂的香港，還可找到才$13的現製腸粉，而且份量多，腸粉賣相非常滑溜。店員在包裝前會先詢問是否需要辣醬，筆者嗜辣，當然要加上。腸粉非常滑，需且加上雞蛋口應更豐富，配上獨特的辣醬，美味可口。龍津的小食一向不錯，誠意推介大家下次要試吃這裡的即磨即製腸粉。