龍苑中菜廳

营业中

休息中

新派花巧美食固然吸引但經典傳統亦是不朽的好味道！像這天品嚐的一場紮實中菜午餐就盡顯經典的「味」力。這個中午我們選到香港金域假日酒店的龍苑中菜廳享用豐富午餐。龍苑在七、八月期間推出了數款非常適豐富的午市套餐！率先品嚐這夏日至尊 · 養生冬瓜套餐。迷你瓜盅！小巧造型非常可愛而且麻雀雖小五臟俱全，瘦肉、蓮子及蟹肉等食材應有盡有所以湯頭非常清鮮，索盡燉湯味的冬瓜也超好吃別錯過喔。緊接著有三款點心包括飽滿的晶瑩鮮蝦餃皇、足料蝦籽鮮蝦燒賣及野菌素春卷，試了炸得香脆不油膩的春卷，內裏滿滿菌香吃下挺為香口惹味呢。菠蘿咕嚕蝦球！選用新鮮大蝦來炮製吃下鮮味很足，那甜酸的汁醬味道調校得恰到好處，最吸引我當然是伴隨的新鮮菠蘿即時加分不少啊。蒜茸炒時蔬！吃得到傳統的炒菜香氣非常得我歡心。勝瓜肉崧泡飯！上湯味道好鮮香配襯清甜勝瓜味道真的很讚，好吃得滿足的我也能令我吃上半碗呢。芒果西米露！香甜芒果加上奶香配襯新鮮的柚子及芒果肉，果香十足是夏天甜品的首選，夏日至尊 · 養生冬瓜午餐收費$298/位(兩位起)，由即日起至8月31日供應於酒店eshop預訂可享獨家8折優惠抵吃多了。緊接著我們要享用傳統功夫茶體驗的午餐！首

得閒飲茶呢個說話，往往是講一年半載，都未必成事。這天，終於跟大家約定了，去久違了的尖沙咀金域假日酒店中菜廳龍苑飲餐茶。見佢有三款午市套餐 (其中一款係兩位用)，我哋一行四人，索性要齊佢，大家分甘同味。其中兩款套餐，是跟傳統的功夫茶體驗，都幾特別。大家分別嚐了鴨屎香，與及龍井，前者香氣比較突出，龍井則較為甘醇清香，兩者各有特色。再說食物，兩位用的冬瓜套餐，有蝦餃、燒賣及野菌素春卷三樣點心，試了燒賣和春卷，前者飽滿，春卷香脆，跟上酸甜的汁醬又幾特別幾醒胃。至於功夫茶套餐的點心，分別有黑松露燒賣、紅菜頭蝦餃、蟲草花鮮竹卷，以及香煎菜肉鍋貼、鮑魚雞粒酥，同埋碧綠蝦餃，似乎比冬瓜套餐的來得新派。點心總體不俗，而且個子巨大，吃罷點心拼盤已飽了一大截。回到我主攻的冬瓜套餐，迷你冬瓜盅佈有蟹肉、帶子、夜香花等等，炎炎夏日喝一碗，有助消暑。菠蘿咕嚕蝦球，味道正是兒時嚐到的味道，跟現在酒店酒家吃到的甜酸味就是不一樣。不懂怎樣形容，有番咁上下年紀的朋友大概會明白我既意思。幾款套餐都有跟菜蔬，蒜蓉炒時蔬、拍薑菜心及金銀蛋時蔬，三款之中以重口味的蒜蓉炒白菜仔最岩我口味。原本我既冬瓜套餐的米飯環節，是勝瓜肉鬆泡飯

在龍苑的美食之旅中，我一口氣光顧了兩次，第一次是與家人共享，第二次則是與朋友聚會。每一次，食物的質量和服務都讓我們讚不絕口，特別感謝Ida 熱情的款待。雖然我並非常客，但她竟然記得我的名字，這讓我有些驚喜。餐廳的菜式非常出色，特別是那道九宮格片皮鴨，外皮酥脆，內裡柔嫩，配上各式醬汁，讓人每一口都能品嚐到不同的風味，實在令人耳目一新。用餐結束後，服務生會詢問我們是否需要甜品。那碗即叫即做的豆腐花更是值得一讚，滑溜的口感讓我們每個人都讚不絕口，實在是不可錯過的美味。

經常聽親友提到深圳的餐廳如何如何的好，雖然覺得非常吸引，但作為土生土長的香港人，亦希望為振興經濟出少少綿力，於是便選擇酒店的中菜餐廳，為相識三十年的好友慶祝生日，心想作為酒店內之中餐廳，水準不會太差吧？但事實上，原來酒店內的中菜餐廳水準，真的會比屋村酒樓更差勁！1）明爐烤黑豚义燒 $248無論份量、賣相、味道及肉質只是一般水準，而且有筋及偏肥，相比一些舊區的燒味店更失色。2）香草焗大虎蝦 $140一隻對於敢叫價$140一隻的虎蝦實在有很大的期望，可惜原來只是交智商稅，煮熟了的蝦只有三寸左右，偏熟，所以肉質較鞋，另外香草汁太杰影響口感。3）花雕杞子醉雞 $188相信是全晚最差的菜式。全是雞胸及背的部位，鷄肉鞋口除苦澀的酒味外便沒有其他味道。4）黑松露野菌炒露筍 $228偏油膩，份量及味道雖算正常，露筍有渣，黑松露味頗淡。5）蜜味脆蔴花 $70一半脆口一半淋，餐牌價錢是$68，但結帳收費是$70，對餐廳已經非常失望，已經無語不想再勞氣要求更正。當晚兩個人點選四個菜一個甜品，份量只是剛剛好，完全沒有飽飽的滿足感。另外，員工服務亦沒有酒店的應有水準。四個菜上完後仍感覺不滿足，想向侍應取餐牌，但

全場服務員既服務質素超級差，仲衰過我去大排檔食飯，上菜仲衰過大排檔，佢自己要求我哋預好個位比佢上菜。但佢就鐘意喺呢度上，鐘意又喺第二度上，總之成碟野隊去你張枱，仲要無問過我就郁我啲茶杯筷子電話，就係為咗方便佢放嘢，真係想問佢，你隻手好乾淨啊？連比錢埋單print張單出嚟都唔識，要叫過經理過嚟執手尾，勁。食飽等佢個糠水等足半個鐘，佢話因為啱啱煲緊，嘩，咁都得呀？碟魚先最離譜，就咁行埋嚟話條魚未蒸熟要再蒸，聽完眼都突埋，然後上枱嘅時候成條魚拆散晒，做節食飯唔水同你嘈，但唔唱衰你真係對唔住自己！好嬲

一年一度大閘蟹嘅季節，梗係要食大閘蟹餐。1. 四小碟蒜泥白肉、五香牛展、燒腩仔、陳醋雲耳。不過不失。2. 原裝燉竹笙響螺湯熱騰騰，很暖胃，而且吃到軟熟的螺肉，蠻舒服的。3. 大閘蟹主角大閘蟹有兩隻公的，全餐的highlight ，蟹膏好香，好味！4. 蟹粉小籠包小籠包充滿肉汁，加上蟹粉的鮮味，不能錯過！就是略嫌每人一隻，不夠滿足。5. 花雕蛋白蒸蝦球蝦球完全無味，花雕蛋白好一點，這道菜令人失望！我只吃了一個蝦球一啖蛋白便放棄了。6. 蟹粉蟹肉扒豆苗豆苗柔嫩可口，蟹粉蟹肉也清晰可見，味道清新鮮甜！7. 蟹粉蟹肉燴伊麵這個芡汁和味道跟扒豆苗那道幾乎一樣，略欠誠意，朋友一口也沒有吃8. 黑糖薑茶湯圓薑味夠，加返d分。整體來說，這個餐味道一般，而且性價比不高。但環境坐得舒服，同朋友傾吓偈是不錯的選擇，但不用特別選擇這大閘蟹套餐，可考慮點小菜或更滿足。

昨晚同閨密共5人，一齊到龍苑食大閘蟹餐，諗住老字號信得過，點知食到一肚氣，連投訴都慳返，每人兩隻大閘蟹共10隻，一次過上晒10隻大閘蟹，食完第一輪，第二輪大閘蟹已經凍哂，其中有兩隻不能入口，目測大閘蟹只有三両至四両，膏唔香唔多，基本嘅蟹醋味道古古怪怪，其餘餸菜蟹粉豆苗、蟹粉伊麵、蛋白蒸蝦仁（玻璃芡好厚）個個餸都淡而無味，蟹粉小籠包送到枱上，5粒有4粒已經破皮流晒啲汁，套餐唔包花雕酒。埋單每位$855-

龍年訂了兩間酒店的盆菜過年，龍苑是其中一間，去年訂過不過不失，不是十分出色也不是難食，所以今年都繼續訂一個二人盆菜打算初二開年食用。記得去年取盆菜時是用兩個背心袋盛載，今年也是一樣，新年流流就咁用個像垃圾袋的白色背心袋裝著，像廉價茶餐廳的外賣，問問職員有沒有紙袋或環保袋，答案是兩樣都沒有！至於盆菜食物亦一樣不敢恭維，雞、鵝、蝦均甩皮甩骨，食材擺放也很馬虎，像一盆隔夜餸，味道也很普通，$728是如此質素，以後也不會再幫襯！

星期五的晚上，慶祝朋友生日，選擇了龍苑，除了因為交通方便，另一原因是朋友是這裡常客，知道有甚麼菜式好食，點選的菜式沒有失手，好味好吃。朋友推介以下必食之選🍽 叉燒可惜今次巳買完，但見職員向每枱客說【沒有叉燒了】，就知道這的叉燒很出名，每枱客都有點這菜式。🍽黃金蝦球不錯，蝦球都爽口彈牙。🍽金銀蒜帶子蒸飯很香，份量也很多，因我們只有二人，所以每人也吃了三碗多。🍽紅燒海參扣鵝掌因沒有叉燒，所以改點了海參鵝掌，這個正常發揮。🍽木桶豆腐花必食之選。這個我在餐牌沒見到，可能沒有留意，朋友說叫就有，於是就點了。豆腐花以桶盛載，端上來是熱騰騰的，豆腐花很滑，份量很多，足夠四人享用，因此，我們每人也是食了三碗多，而且價錢只是98元，性價比超高。今次是在openrice訂位，可享有8折，不過，今次用朋友會藉，有75折更化算。

小學同學生日，我們選擇食中菜慶生，聽聞龍苑中菜很出名，今天突意來試一下。我們被安排坐於一間房中，房內只有四五張枱，空間尚算闊落，不會過於嘈吵。我們點了以下四菜和一湯：1. 杏汁燉豬肺湯當這道湯上桌時，我們就聞到了濃郁的杏仁香氣。湯的口感清甜，非常滋潤。另外還有豬肺和雞腳湯渣的配料，兩者都非常美味。2. 招牌紅酒燴牛尾煲配蒸花卷這道是餐廳的招牌菜，牛尾燉得非常入味，汁料還可以用花卷蘸食，味道絕佳。不過，這道菜比較油膩，吃完後已經飽得差不多了。3. 原個菠蘿咕嚕黑豚肉我本來對這道菜抱有很大期望，但黑豚肉切得太細又碎，再加上子薑的烹飪方式，讓我有點失望。唯一值得稱讚的是新鮮的菠蘿，非常清甜可口。4. 豉汁帶子蒸豆腐這道菜的帶子蒸得剛剛好，口感非常嫩滑，一點也不會過於嚼勁。5. 薑汁芥蘭這道菜很一般，可能芥蘭並不是當造。6. 南北杏雪耳燉津梨我還點了這道甜品，它的甜度適中，非常滋潤可口。這裡的員工服務非常周到，態度友好。整個晚上過得非常愉快，我們對這次的聚會印象深刻。

昨晚朋友同我慶祝生日。因為自己腸胃炎未好，原先訂了西班牙菜在早上決定改中菜，希望食得清淡D。同友人搵了好幾間餐廳都冇位（可能將近冬至），最後去了尖沙咀金域假日酒店的龍苑。四個人吃飯，點了4個餸1個湯。杏汁豬肺湯先上，平時唔食內臟嘅我，都覺得呢個湯好正；碗湯一上枱已經聞到一陣杏仁味，飲後非常有滋潤同和暖的感覺（適逢昨晚只有13-14 度）。真係超正。之後，另一個值得驚喜嘅係砵酒燜牛尾；如果喜歡食牛，呢個好直得推介。4個人，每人分到一舊（我就2舊，因為細size啲），吃落去完全有驚喜，真係燜得好淋，D汁嘅配搭又適中；佢有附上一D小包點比你點D汁來吃（雖然自己D腸胃炎未好，不敢多吃），但可見主廚諗得週到。之後點了的豉計帶子蒸豆腐，薑汁炒芥蘭同原個菠蘿咕嚕肉；味道可以，不過冇以上2款咁出色。值得一贊係招呼我地圍枱的服務員真的很有善；有細心幫我地分埋食物上枱👍🏻總括來講，呢間酒樓，可以再去。

星期六氣溫再度下跌吃火鍋絕對是最適合的美食，如果喜歡打邊爐但又怕熱氣我就推介大家去嘆個蒸火鍋。這夜跟好朋友來到金域假日酒店內的龍苑中菜廳，撐檯脚品嚐味道純美的海鮮柏木蒸氣火鍋。甫坐下來服務員先送上餐前小食、火鍋醬料及粥底配料，就算食蒸火鍋也不怕會味道單調啦。這個給兩位用的海鮮柏木蒸氣火鍋豪華套餐收費為$1768，內裏分別有十款不同種類的生猛海鮮、三款新鮮蔬菜及粥底，絕對可以令喜歡吃海鮮的我大飽口福。柏木火鍋顧名思義用上特製木盒來蒸煮新鮮食材，此吃法能夠保存食材原汁原味好Pure，最重要是不會上火非常適合怕熱氣的我。品嚐這個火鍋蒸煮食材的時間要拿捏非常準確，所以服務員會送來一個煮食計時器！那便不怕火鍋配料會蒸得過火了。侍應姐姐先將新鮮生猛的海中蝦放入木盒內蒸上數分鐘便可享用。蒸起的海中蝦帶上清麗的蝦肉色，吃下肉質爽彈有嚼勁鮮味濃郁好正耶。然後來到品嚐這夜我們最欣賞的波士頓龍蝦，擁有非常飽滿身軀加上晶瑩剔透的肌膚很誘惑。此刻我這個肥師奶煮餸的細胞頓時跑了出來！用上四款醬料中的香口金銀蒜一同蒸熟，粉嫩的龍蝦肉質爽彈又鮮味加上蒜香美味度爆燈。接下來嘆同樣鮮味來至馬來西亞的瀨尿蝦！好友不愛吃瀨尿

📍TST - HONG KONG 📍#椒鹽太湖銀魚本身好好奇咩係銀魚，原來就係白飯魚🤣🤣重條條都好大條，重用左生蒜同熟蒜一齊炒👍🏻一上枱就好香🤪 熱個時重脆，凍左就淋返少少#潮蓮燒黑棕鵝一黎到先幫你淋個汁上去，個鵝重有野熱住佢♨️時間耐少少中間個度會滾咁熱住🤣佢嘅例都有成四分之一隻，鵝肉好香唔靭，皮重脆脆地👍🏻 鵝汁好重五香味，某d位會肥少少但重係可接受範圍內🩷#蟹肉西施蛋白賽螃蟹 佢無用咁多油，係無咁油膩但係相對都無咁滑🥹不過佢因為蟹肉大大舊所以好重蟹味🦀我無落醋嘅習慣，所以覺得佢有d淡口..#飄香荷葉飯重單點左個荷葉飯，比想像中多好多料，有齊冬菇，雞肉粒，瑤柱，蝦乾 同少少鵝粒🍄都係淡口少少，味道正常發揮

話咁快又到食蟹季節，尤其是近排大閘蟹越來越靚，蟹膏開始澎湃，喜歡擦蟹既朋友，又可以開懷大吃一番。當然，下下要成隻拆都幾麻煩，在下此類懶人，最好就有人拆埋煮埋就最好。尖沙咀金域假日酒店龍苑中菜廳，係個人幾鍾意的一間餐廳，自己生日飯，又或者同朋友移民餞行，都試過係龍苑食飯，近排佢又推出［“蟹”逅在龍苑］套餐，原價$888，但優惠價只不過$638，加埋一同茶芥，大約$700左右，看似比其他地方貴，其實當中包含兩隻大閘蟹，比起好多地方只得一隻，真係幾抵食，再想加多一隻，都係$120。龍苑四小碟醉雞. 手拍青瓜.燒腩仔.陳醋雲耳四小碟前菜係醉雞、手拍青瓜、燒腩仔及陳醋雲耳。醉雞是預期的嫩滑帶酒香、拍青瓜清新爽脆、燒腩皮今次有點韌，而雲耳爽口彈牙。鮑魚絲海皇羹除了應有的鮑魚絲之外，更有蝦肉及花膠絲，非常滋補，勾芡亦未有過火，不錯。紫蘇蒸大閘蟹(兩隻)足4兩半重，簡單的紫蘇葉清蒸，蟹膏已見豐富，入口帶點黏嘴，而且仲可以有兩隻食，啱晒喜歡食大閘蟹既朋友。食大閘蟹又點可以無杯花雕呢？加粒話梅入口更可口。花雕蛋白蒸蝦球蛋白火喉拿捏得準，入口嫩滑，又有些少酒香，蝦球早已褪殼，可以啖啖肉，啱我。蟹粉蟹肉扒豆苗

秋意漸濃，又到吃大閘蟹的季節，香港金域假日酒店內的「龍苑中菜廳」，由10月1日至11月30日推出『”蟹”逅在龍苑』盛宴，菜式由總廚張偉彬師傅精心設計而成。原價每位 $888，現優惠價 $638，另收加一服務費，供應期有限，如有興趣請盡早訂位。首先上場的「龍苑四小碟」，包括：惹味鮮嫩的醉雞、爽脆的手拍青瓜、酥脆柔嫩的燒腩仔 和 爽滑有益的陳醋雲耳，四款小吃有水準，是開胃又惹味的前菜。之後係熱辣辣的「鮑魚絲海皇羹」，用料豐盛，每一啖也有豐富的口感，食落亦相當暖胃，好吃。紫蘇蒸大閘蟹（兩隻）～每隻約重4.5両，師傅以傳統的方式蒸煮，盡量保留原汁原味，蟹膏鮮甜、口感細膩綿密；進食時可配上鎮江醋、薑米來調味，滋味無窮！如未夠喉，更可以優惠價港幣$120追加一隻大閘蟹(不限次數)。花雕酒～酒精濃度適中，口感綿滑，回味甘甜；可放入話梅，另有一番風味，更有效化解大閘蟹的滯膩感。花雕蛋白蒸蝦球～鮮甜爽彈的蝦球，配上嫩滑的蒸蛋，在蛋中加入甘香醇厚的花雕酒，更特顯其酒香，惹味好吃。蟹粉蟹肉扒豆苗～每年10月初至2月底也是豆苗最當做的日子，而且它含有豐富的葉黃素和胡蘿蔔素；新鮮的豆苗配上濃郁的蟹粉，更是絕佳組