龍記招牌雲吞 (已結業)

龍記雲吞麵這間雲吞出名大粒，說和乒乓波差吾多大粒。LUNCH時間去，都坐了8成人。有旅客，有附近放lunch。我叫左個淨雲吞食，多青，加油。上菜快，5分鐘就到。沒加調味的湯不算咸，感覺上有鮮蝦味。我加左辣椒油，醋同胡椒粉，感覺好味D，惹味點。雲吞有6大粒，粒粒入面都有蝦2-3小隻，有小小豬肥肉，豬肉，味道不錯，皮也很薄。雲吞應只落了小小調味，所以連辣油湯食好味水d。蝦彈牙，該是新鮮的。基本上，6粒雲吞吾太大食既都夠飽。

✅淨雲吞 拼 鯪魚球 $41又係尋覓健康雲吞嘅時候喇～雙拼嘅話佢會比3粒雲吞同4粒鯪魚球雲吞每粒都有乒乓球size，而且蝦多肉少，每粒都有兩隻蝦喺入面！雖然都有溝肥豬肉，但係比例唔算多所以可以接受😆調味唔算好重，至少比起麥文記少。講到鯪魚球，佢一拎到上嚟，我見到每粒都煮到有少少透明咁，就知道應該溝咗粉☹️咬落都係，冇淨魚肉嗰種彈牙口感。雖然每粒都大過乒乓球但係唔抵食！下次可以嗌淨雲吞就ok，仲平啲添👌🏽想清啲就記住嗌湯底走油～呢間加油菜要$20，埋單都$51，所以喺同類舖頭入面算貴少少🤔下次未必會第一時間想幫襯佢🤧📍龍記招牌雲吞 (尖沙咀)-雲吞排名🏆1. 麥文記全蝦雲吞2. 龍記招牌雲吞TBC!🥳

龍記招牌雲吞喺尖沙咀做嘢咁多年，成日個中午都一定要揀嘢食，通常都係食下茶餐廳。呢間龍記雲吞麵，就係午餐自選之一。宜家個價錢加左好多，由單拼麵$28食到$單拼麵$35！星期一同個同事去咗食，中午時間都叫有位，只係要坐迫d！我食淨雲吞多青少湯，同事食鯪魚球雲吞麵。吾洗5分鐘，就上晒台。淨雲吞多青少湯$35淨雲吞有六大粒，每粒入邊起碼有三隻蝦仔，叫新鮮既，有小小肥豬肉，個皮都好薄，質素一路都叫好。聽阿姐姐講，雲吞係即日包嘅，賣晒叫冇，所以一定新鮮。多辣椒油，多青，小湯，連埋雲吞，好食冇得輸，夠晒香港地道！食晒，都冇得淨！鯪魚球雲吞麵$41鯪魚球及雲吞各有三粒，麵係蝦子麵嚟嘅，鯪魚球都ok，幾彈牙，麵底都叫多。玻璃樽可口可樂$9大食小小嘅人食一定唔夠飽，咁嘅價錢如果想食飽啲真係要去茶餐廳食個飯！

今日P小姐同H先生去shopping下🛍🛍戰鬥完畢後大家都想食餐清清地龍記就係必然選擇💫.1. 牛肉河牛肉🐮食落好有麻油既香味份量都唔少💁🏻‍♂️肉質又新鮮🙆🏻‍♂️上枱時仲有微微地既紅色入口就唔會鞋曬啦🤤.2.淨雲吞雲吞先係重點🤔皮夠曬薄🤩豬肉蝦肉分配得好好🤓蝦肉🍤好爽口令到雲吞一咬落去就更有口感記得加埋佢既秘製辣油🌶🌶食過你一定加分🈵🆒

龍記－聽就知勁！開業二十幾年，員工一直做到今時今日都算難得👍🏻個個五十有多⋯雖然經歷業主加租搬遷，但堅持繼續做落去💪🏻憑著3個字⋯平、靚、正，撐住做到而家👏🏻由佢係尖沙咀加拿芬道食到被迫搬遷去赫德道，見住佢哋由大舖變細舖都有啲心酸😕而家連個入口都好窄😞十幾年前已經好出名，成日大排長龍😫當中仲有旅行團將麵舖作為其中一個必去景點😂😂真係好多各國人士慕名而嚟👍🏻價錢算叫做無大加，舖面面積就當然由大變細啦😢😢撞正晏晝lunch就更加多人🤯搭枱少不免🤔價錢都可以接受👌🏻全店只買3種主要食物，除主打大大粒雲吞之外，就只有生牛肉同鯪魚球，都係乒乓波咁大粒🎱

以前尖沙咀厚褔街有間大粒雲吞店已經搬遷咗去荃灣，依家係尖沙咀嘅人氣店都係最近先發現。款式唔多，只有牛肉雲吞鯪魚球，理應係可以專心做好。我唔食牛所以點咗雲吞鯪魚球雙拼河加芥蘭。去個陣已經接近兩點可能旅遊書有介紹仍然客滿有大班韓國人。雙拼各有三粒，雲吞係大大粒有蝦夠彈牙，至於鯪魚球都大大粒嘅但係就麻麻地好食囉。口感太實又混咗啲細魚骨，要小心食。賣點就係招牌雲吞夠大粒，味道一般般，未去到念念不忘，想翻兜再食。

到附近既K-11行街順便過黎醫肚。良心小店真系好好食。星期六既中午12點前到，唔洗等位直接入。粉麵舖黎講坐得好舒服，雖然系圓枱但都唔會好迫，中間通路好闊落，地下都好乾淨。叫左個三拼米粉。雲吞大大粒，唔會梅又唔會煮唔透。鯪魚球仲大粒好抵食、食落好滑冇骨唔怕腥。鮮牛肉岩岩熟好滑唔會咬唔開，分量都好多。埋單果時同姨姨講d野好好食、佢勁nice多謝番我、話做左咁多年都系做呢3味唔整得好食點得，唔好食就租都交唔起啦，仲叫我得閒要黎。估唔到系遊客地區都有咁人情味既小店、以後定必多多支持

估唔尖沙咀都可以有平野食如果要喺尖沙咀用$33呢個價錢去食一個雲吞麵簡直係超值#雲吞麵（基本係呢間鋪頭嘅明星產品）佢呢間鋪頭嘅雲吞聽姐姐講入邊最少有三隻蝦🍤重點係雲吞本身味道已經好好又彈牙又足料 簡直係令你好回味連個湯底你都會想飲埋佢😂😂如果以一個普通女仔嘅食量來講 一碗份量都已經足夠 （不過我兩個女仔 就加多碟油菜🥗）💁🏻‍♂️男士既話就可能要加底啦😜雖然入邊選擇嘅種類唔太多但係佢就係要做到貴精不貴多所以事先咁受歡迎 所以大家不妨可以去試吓#PS: 我仲想講今日我走嘅時候 門口已經開始排隊仲要係排長龍個種 果然係有實力

以前厚福街有間超好味嘅雲吞麵，雲吞大大粒，蝦肉新鮮彈牙😋 幾年前結業後，以為從此食唔番咁好味嘅雲吞⋯無意中見到營養師分享，原來當年嘅麵店搬咗嚟赫德道😍 急不及待，第二日即刻嚟食！鮮蝦雲吞依然好味，牛肉口感啱啱好，麵爽口👍🏻 下次嚟會記住走油😅

一到午飯時間，尖沙咀區人頭湧湧去搵食。慳家既我又去在龍記食淨雲吞，外帶返公司食。因為貪佢夠平同大粒又多蝦肉。仲可以幾分鐘內叫外賣到離開。快、靚、正。最重要平，因為尖咀是但一個茶記都要五十蚊先落到樓，依碗只係$33碗淨雲吞加$1外賣盒錢咋。

尖沙嘴來說，這家的雲吞麵最好食！先講硬件，環境舒適，中間位置寬闊，不過食客有時需要搭檯，冇計！這裡是尖沙嘴嘛！其次我覺得好的是服務。為食客準備端上食物的都是婆婆級，但是她們都好好人，見有個客走入來說要外賣，遲遲也未選擇到，最好笑是她說要魚蛋河，而餐牌賣雲吞、鮮牛肉、鯪魚球，但婆婆落單好有耐性，食客離開後都沒有「呻」半句，難度這是前輩們以前不怨天不尤人的香港精神？最後講雲吞面，簡單講就夠！湯好味，雲吞大粒，麵彈牙，$33一碗，尖沙嘴地舖好合理！推薦！推薦！

而家啲雲吞麵越來越貴，但係有幾多真係真材實料？今日黎哩間龍記係尖沙咀頗有名氣的麵店。長方形簡單的麵店格局，只有三個選擇，雲吞，牛肉及綾魚球。雖然已經食過好多次，但係都係要食番雲吞麵。無他既，真係太美味喇。雲吞是乒乓球甘大，皮薄餡靚，內裏起碼有三隻蝦，非常有咬口！喜歡食酸的朋友建議落少少紅醋！豬肉&蝦加點紅醋會令到整個豐滿的雲吞增添一種風味！而麵條亦做得很爽身彈牙。哩碗麵實在太滋味整體而言龍記的水準是和麥字頭的雲吞麵店有過之而無不及，最重要是價錢不貴。老實地講，我哋絕不希望佢去開分店，只需要集中一間小店專心做好雲吞就好了。順帶一提呢度有生雲吞供應，大家可以買返屋企自己煮。

One of my favorite wonton noodles restaurants in Hong Kong. It was a hot and sunny Sunday afternoon. Went shopping at TST with my wife. We wanted to have afternoon tea somewhere tasty and fast, so the first shop popped into our minds was this noodles shop. Wonton is their signature item. Both of us ordered a bowl on wontons soup. Total of 6 big wontons with a clear nice fish broth. Wonton Soup:- with green onions, each wonton is mixed with shrimp and pork meat. Extremely delicious. Rate:

Lunch唔知食乜好，星期六周圍都勁多人！為有同同事在公司附近揾食就俾我發現左呢一間龍記！原來係我以前讀書時期，成日去置樂個一間來的！之後我們就各人叫左碗雲吞麵！來到時，同以前食的一樣，都係好像乒乓波咁大粒！雲吞皮薄，餡料甚多，原隻鮮蝦，味道濃郁鮮蝦肉本身十分新鮮，完全沒有腥味！係好味既

我好鐘意食麵，食麵既次數遠比食飯既次數多，可以一日三餐都食麵。今日，黎到尖沙咀配眼鏡，忽然雲吞麵癮發作，打開openrice搜尋一下，決定就試下呢間龍記。今日大約七時多，店舖約有6成人客，不用等位。店內裝潢簡潔，以白色為主，燈光明亮精神。坐下後，發現餐牌簡單，原來龍記主要有3款主要食物，便是雲吞，鮮牛肉和鯪魚球。我們點了一碗雲吞麵，一碗鮮牛肉麵。雲吞雲吞麵一碗只有四粒雲吞，但粒粒都乒乓波咁大，咬開有驚喜，老闆話每粒都有3隻鮮蝦係入面。我並沒有細數內𥚃有幾多隻蝦，但可以肯定既係用料新鮮，鮮蝦爽口彈牙，而且非常大隻，唔係超市買到嘅蝦仁，十分美味。鮮牛肉鮮牛肉亦是非常美味，十分嫩滑，沒有渣沒有筋，食落啖啖肉！至於麵的部分，看到網上評價很差，吃到很苦的鹼水味，我認為並不至於很差，鹼水味可以接受，只是麵煮得稍為腍了，以至口感一般。