龍記牛什粉麵

营业中

休息中

有些事情要做經過紅磡，好少過黎呢頭，唔知邊間好食，就周圍行下，隨便搵間食，行過見無人，自己本身都鐘意食牛腩或牛什，決定入去試下，但真的後悔。叫左碗牛什麵，牛什及麵都係無味，隨真係未食過咁難食。除了無味同難食真係俾唔到其他評語，因為碗野已俾唔到其他感覺我上openrice望過，雖然食評唔多，但都無喊，都是正面，有啲仲話好正抵，真係唔明點解可以差咁遠。我幫襯時間係下午3點幾，已過最忙嘅時段，現場無客，應該唔存在太忙求其整碗上菜，相信呢間鋪嘅食物本來就唔掂。42蚊碗，不算平，但真心難食，無下次。

某天晚上，要去紅磡辦點事，到出發時，心想著食少少野先到達，決定落紅磡市區內快快趣食野時才發現，在何文田站出站原來比紅磡站更近目的地。而在何文田站出了紅磡市區的我，就先要找個地方快食，而沿路，我就找到這《龍記牛什粉麵》，因為可以快吃一個麵。快快趣，也快口說出來，我要的是我平常入雲吞麵店，幾乎都指定會叫的牛腩雲吞麵。湯底是很清的，但有很濃的牛雜香味。可是，牛腩本身並不是很腍，需要少少牙力去應付。這一碗麵雲吞其實係配角，但味道上同口感上，竟然是勝過牛腩，再加上麵條夠爽口，挽回了分數。食麵，配可樂幾乎是絕對的事。而令人開心的，就是此店提供支裝可樂。一大支，夠凍亦夠氣，爽。食物上，感覺是一般啦。勝的地方，就是師父夠快手，渣渣淋整好個麵俾我快食，而且食得飽。當日，味道因素是次要。夠快就足夠令我滿意。

這家餐廳的崩沙腩和三寶腩都非常好吃！崩沙腩的燉煮時間恰到好處，肥瘦適中，很入味。肉質柔軟嫩滑，入口即化。而三寶腩則有齊牛腩、牛筋、牛肚，每種肉質都燉煮得十分入味，肉質鮮嫩多汁，味道豐富。不過，湯的口味稍微有些鹹，需要配飲品。另外，這裡的服務也非常好，服務員熱情周到，讓人感覺非常舒適。

【九龍城區】【龍記牛什粉麵】之前同大家講過蕪湖街唔少嘅美食，咁我講過會一直講落去，就必須要去實行嘅。雖然近排啲 like 數不停下跌，但係我都清楚好似我呢種唔係做「宣傳易」嘅，唔係咁容易受到 marketing 集團嘅幫助，所以屬正常現象。諗起以前自己有啲 post 求求其其，價錢同菜式名都未必齊全，但係竟然收穫幾百甚至逾千個 likes，有時都頗感失德敗行嘅，根本就唔值得。之後慢慢改善，盡量喺資訊上做到幫手嘅作用，味道係意見，資訊係資訊吖嘛，哈哈。講咁耐都未入正題呢啲都係我特色，睇得耐嘅讀者都慣架喇。嚟得呢間標榜牛雜粉麵嘅粉麵店，梗係先以 $44 叫碗「牛腩牛雜粗麵」食吓。估唔到佢細細間舖，入貨嘅牛腩又唔錯，整得都幾好。而牛雜就正常，都整得唔差嘅。食得呢啲潮式粉麵，真係唔會忍住唔叫汽水，用 $10 叫枝「可口可樂」，仲要係玻璃樽裝嘅，特別好氣呀。舖面唔大，似係一家人做再請啲外人經營咁，有時見到有教小朋友嘅畫面，都幾有家庭式經營嘅感覺，係有 feel 嘅。呢間我係有二訪嘅，第二次我就叫咗 $39 嘅「淨四寶丸」，有自製魚蛋魚片、爽滑墨丸、普寧肉丸、紫菜，味道上唔算特別，所以都冇咩好講。

何文田站B出口既牛雜粉面店，每次路過遠遠就能聞到香味，玻璃窗口就能看到牛雜和料理台，十分吸引。店鋪就是香港本地老式粉麵店，餐牌比較簡單，包括各式牛雜，可以加配粉麵，或者米飯，外加各式飲品。即叫即做，新鮮美味，店鋪收現金，大概10分鐘就可以出餐。夜晚9店左右入座，人不算多，河粉已經售罄。點了一碗牛雜粗麵，碗底是粗麵，上面蓋一層牛雜，再撒上蔥花。先喝一口湯，湯底就是清湯，味道不錯，鮮香可口。牛雜切的比較大塊，入口口感豐富，搭配粗麵很合適。

就在住的附近找到了这家牛腩店，性价比高，真香。下次打算试试牛丸类的。最近学生卡还可以送冻柠茶喝，太好了哈哈！三十几元就能饱腹，还靠这么近，幸福了！唯一美中不足只收现金哦

同樣也是3缺1真的不能好好吃個飯啊雖然還是不餓只想坐一下其實也不能選餐廳了吧就是看到哪裡營業又能堂吃便進去平均一條街就2，3家唉（雙拼）牛肚豬手飯 $50本來是想吃麵的結果又變了吃飯加一杯咖啡 $5白飯 秘制豬手牛肚 是分開上的因為餸會被汁泡著另4還有一個碟子讓我們掉骨頭服務到位貼心不過在下不用那麼多啊 😃先把汁撈飯這樣在下更喜歡牛肚炆得軟軟的白蘿蔔很入味豬手的皮有彈性帶爽口就是在下嫌膠質不夠還有點點毛🤔毛吃了對身體不好？🤔不過在下還是直接吃了..才幾條嘛 自己也懶得挑..咖啡也很好喝是茶餐廳Style 傳統的 港式的香 濃 滑 厚身 也香氣撲鼻跟西式的有著不同的風格也同樣的好喝店裡有大電視可以邊吃邊看一下新聞環境很街坊Feel又自在

這家非常不起眼的小店，路過了很多次也沒吸引到大家的注意，食評也不多，不知道好不好。今天友人說想吃牛雜，遇上下雨天不想走太遠，反正這附近吃牛腩牛雜的，好像沒很多選擇，就這家試試吧。店面看來有點歷史，真的不怎吸引，門口的牛雜牛腩看來可以。叫了牛雜和牛腩麵，份量很足。牛腩是坑腩的部位（下單時沒有特別指名部位）正！霖，香，入味！牛雜也非常好，入味，好！真的是意想不到的驚喜！價錢也非常街坊，這樣的價錢和出品，值得推薦

今日超大雨,求其喺屋企附近搵咗一間茶餐廳,入到去幾乎完全冇客.叫咗個性價比超高嘅鴛鴦扒飯,伙記話賣晒,唯有轉洋蔥汁豬扒餐肉飯. 見到呢度既餐湯有少見嘅紫菜湯,梗係叫咗碗啦.紫菜靭靭地,而且冇乜紫菜獨特嘅香味,上枱時紫菜冇撈散,所以會見到一堆紫菜係湯嘅中間,好彩冇沙.湯係非常咸,唔見有瘦肉同埋豬骨之類.入到茶餐廳食飯其實唔預會有好嘅賣相,但係呢碟洋蔥汁豬扒飯擺出嚟又靚靚仔仔喎.飯有少少黐埋一舊舊,但係好輕微啫.所謂嘅蕃茄洋蔥汁其實就係茶餐廳咕嚕肉嗰種汁,但係依個汁完全冇洋蔥.豬扒已經切好一件件,即刻食竟然仲有啲脆,真係喜出望外.但係肉軟得嚟無乜咬口.如果見識過茶餐廳嘅刀功,就會覺得眼前依塊午餐肉簡性係龐然大物,而且雖然睇落又乾又硬,其實係軟冧冧㗎.菜就好爽口,有少少苦澀味,唔知係咪未夠熟.

今日同朋友3個去紅磡買嘢,經過見到呢度好多人喺度食嘢,我地又肚餓跟住入去試吓,我自己叫咗牛腩河,我朋友就叫左牛雜米粉同墨丸河!!牛腩同牛雜好入味又夠腍,好味👍 而且見到地方都乾淨可以放心食！價錢又唔貴呢餐我哋表示滿意😆😆

無無聊聊同老公遊地鐵河～原本想去黃埔附近搵食，點知去錯左站，係何文田b1出口出左去，變左迷途小羔羊，傻人有傻福，個度都幾多小店，老公肚仔餓，就是但搵間嘢醫肚～係門口見到牛什好新鮮，就入去試一試～牛什好足料，好林～超正！雲吞大大粒～湯底好清唔肥～門口就有106巴士返小西灣，一陣係附近閒逛完，好方便返屋企～

行經過蕪湖街，見到新開張牛什店，店面當眼位置掛住d牛什，感覺新鮮吸引😄，鋪面乾淨企理。牛腩煮得好入味，好稔，雲呑有大大隻蝦，好足料，爽口彈牙。另外，豬手係自家制，好彈牙，正。成餐飯好平，總之又平又抵食😋😋😋😋😋

剛放工經過一間新開的粉麵店，見寫自家制雲吞，又見環境整潔便坐下叫了一碗雲吞水餃牛什面，真的好味，雲吞水餃又大又多蝦，牛什又夠味D辣椒油又香又夠辣，下一次一定要再來