龍豬餐廳 (已結業)

途經筲箕灣，見到這間小店茶餐廳，便決定入去食這個經典沙爹牛肉麵😋餐廳雖然不大但光潔明亮，店員好快安排了位置給我坐下，我點了最經典嘅沙爹牛肉公仔麵，火腿奄列，牛油多士半份及凍咖啡😋店員服務快捷，上餐速度很快，牛肉分量唔少，好淋身沙嗲好入味，公仔麵爽口彈牙，最重要係個湯夠曬熱辣辣😋火腿奄列唔會油淋淋，蛋味幾香😋牛油多士小牛油幾脆口，唔會食到滿口油😋凍咖啡的咖啡味香濃😋雖然進食匆匆，但是都很滿足的一餐😋

是日中午突然想食快餐，諗起FB筲箕灣group好多街坊都推薦龍豬餐廳，之前一直都未有機會去食，我就趁今日就行去龍豬搵食門口聚左不少外賣客，不過今日好在入場堂食唔駛等位。入座後即叫炒嘢（滑蛋牛肉炒河）送餐湯，盛惠$56價錢中規中矩，不過勝在快趣，五分鐘左右到，而且真係無介紹錯，此店味道比其他餐廳（嘗x,迫迫x)更有保證，賣相算吸引而且味道唔太咸岩晒我，牛肉份量足而爽滑，仲有唔少雜菇韮黃令營養更均衡下次都想試埋佢哋的下午茶/肉餅/龍躉球，希望無失望啦

食羊腩煲,唔洗去元朗既!黎龍豬餐廳而家都食到,仲要係2人份量唔洗怕食唔曬呢間係茶餐廳都係跟上時代既,會推出好多受歡既港式美食就有羊腩煲2人份喇! 有豆皮 冬菇蔥蒜慢慢煮個汁香濃惹味腩位帶皮連肥肉,入口特別甘香肥美 食到尾各種食材吸曬湯底既濃香更加滋味龍豬餐廳筲箕灣筲箕灣道255號都城大樓地舖平均消費$120評分7/10

·吃在筲箕灣港式小菜龍豬餐廳💛·～～～～～～～～～1️⃣拔絲焗茄汁豬扒飯(~$62)＊龍豬焗一焗真心正，茄汁同芝士配埋簡直一流👍🏽😋有埋菠蘿洋蔥做配料，有蔬菜食下fresh一下😋😋＊豬扒都有好多舊同夠哂厚！😋😋😋唯一挑剔係個炒飯底做得未夠好，啲飯未夠一粒粒個種質感(score:4/5)·2️⃣黑椒薯仔牛柳粒(~$79)＊炒得夠哂鑊氣，餸飯食一流😋😋😋薯仔大大粒，仲有好多舊，牛柳粒份量屬正常，黑椒味都正常，有埋洋蔥同青椒🫑伴碟都唔錯👍🏽(score:4/5)·其他：＊有埋湯飲，有中湯同羅宋湯揀，中湯要睇番當天咩湯，正常味道，羅宋湯反而做得幾出色👍🏽👍🏽配料多，夠哂辣味，衝激下味蕾😋😋😋-評分👑賣相：✨✨✨✨味道：👅👅👅👅價錢：💰💰💰💰推介：⭐️⭐️⭐️⭐️(5分滿分)~~~~~~~~~~

由於疫情關係，最近都減少外出用餐，多咗買外賣返屋企食，今日嚟到呢間係筲箕灣嘅龍豬餐廳🐲🐷黃金粟米煎肉餅 $72好厚好大塊，粒粒粟米份量好多，肉餅又香口又多肉汁，好好食❗️❗️菠蘿黑醋金沙骨 $72菠蘿好甜多汁，金沙骨同入味，肉多，唔會得骨冇肉食，金山骨有好入味，正👍🏻👍🏻👍🏻西蘭花帶子炒蝦球 $88西蘭花好新鮮，又唔會炒得太老，蝦球同帶子都份量好多，大大粒又新鮮，值得推介整體來講質素好高，有機會一定要嚟食

星期五下午我在「筲箕灣道」剛剛光顧享用下午茶之後，眼看當時下午六點「堂食時間」即將完結，所以我選擇了在「筲箕灣道」光顧其他食店，購買外賣自取飯盒作為晚上的晚餐食品。結果我選擇了光顧位於「筲箕灣道」，另一間港式茶餐廳食店「龍豬餐廳」。雖然「龍豬餐廳」店名裡面有「豬」這個字，但是餐廳餐牌實際上，其實還有其他肉類製作而成的食品，例如「咖喱牛腩飯」。而且「龍豬餐廳」店內已經有貼出通告，說明食客購買外賣自取的食品，包括原價港幣六十二元的「咖喱招牌牛腩」飯在內，可以得到食品原價的八折折扣優惠，我馬上決定到晚餐裡面的食品內容。我購買了一份外賣自取的「咖喱招牌牛腩」飯晚餐，至於餐湯方面，我詢問「龍豬餐廳」的侍應之後，知道晚餐裡面餐湯包括有中式老火湯，還有西式的「羅宋湯」之後，我立刻選擇了「羅宋湯」。至於「龍豬餐廳」晚餐裡面沒有包括「免費飲品」在內，食客即使只是選擇一般熱飲飲品，也需要追加至少港幣六元的費用，我寧願放棄「龍豬餐廳」手調飲品，自己在超級市場購買飲品好了。反正在「筲箕灣」購買外賣自取飲品，千里迢迢攜帶飲品，乘搭交通工具不斷轉車和等待塞車，最後只會換來冰凍飲品裡面的冰塊，自然融化成水，糟蹋我本

叱呢間野唔算係我屋企樓下，之前亦無太大意欲，但見尐谷講，咁就即管試下! 點知一試男人就間唔中話要去食XD 原因係 - 羅宋湯第一次去食係下午茶，老細話送多碗俾我地，結果好開心，因為係羅宋湯好好味!肉醬都好正，另外個焗豬都好好食! 不過要投訴既係個意粉底，個意粉唔好食，所以如果可以改個第二個牌子就好啦！而個焗豬個茄汁，真係好開心!中間我地有叫話外賣，夜晚8折，好抵，但無影到另外呢... 個日個set lunch係黑椒牛肉炒烏冬，又係好好食! 不過又有樣唔好，就係得包裝既辣椒油... 但加左辣椒油點又昇華左~小食都唔錯，個菠蘿油都ok!個紅豆冰(唔好意思)方向唔同左XD 好好味!係椰汁，唔水，好開心!所以佢又成為左男人近期新寵

銀芽肉絲炒麵($50)而家係茶餐廳都好少搵到呢味傳統廣東麵食, 要整得好食真係唔容易, 個麵係成件事既重點😍 鐘意食脆卜卜麵既朋友真係唔可以錯過, 佢既銀芽肉絲都整得好好食, 個芡汁既”杰”度啱啱好, 大量既芽菜同肉絲配埋個麵, 又脆又軟又爽口🤤生炒雞絲飯($50)唔好睇佢好似細細碟咁, 食落其實都幾飽肚嫁🤰🏾 啲飯炒到粒粒乾身完全係我鐘意既口感, 味道好好唔會好濃味, 配料既份量都好足料👍🏽拔絲焗鴛鴦扒飯($69)萬眾其待既焗飯💁🏾‍♀️ 鴛鴦既意思係茄汁豬扒加葡汁雞扒🐓 滿滿既醬汁加芝士舖左係啲肉上面, 最底既就係炒過既飯🍚 兩個汁都整得好好味, 特別係個葡汁真係整得好有風味😋 兩個汁撈埋一齊又係另一種風味, 呢個飯驚喜無限🤩黑椒汁雞扒飯($50)是日午餐既A餐📝 呢個飯最有趣既地方就係會跟兩條菜芯🥬 個汁好重黑椒味, 辣辣地再配埋煎過既嫩滑雞扒同白飯真係好滿足😌以上全部都係跟一碗紅湯或中湯🥣 啲湯全部都好大碗, 紅湯即係羅宋湯夠曬辣而且啲湯料都幾多, 胃口細啲飲完都可能飽左😂 中湯果日就係青紅蘿蔔煲豬骨, 個湯好有住家湯既味道, 飲落完全唔味精😃呢間茶餐廳夠曬乾淨企理, 每枱都會有

真自費,非打手~封城在即,出外備糧食之前先去食個下午茶補充體力先~龍豬餐廳上次黎坐滿,而家就無咩人食,咁唔洗排去試下先!走小店風味,幾有人情味,d熟客同阿姐好好傾咁,仲有特製餐牌,搞到我都想試最後都係決定食返下午茶有多士,三文治,西多,小吃配搭,紅豆冰餐最平26蚊起,叫左一份粒粒西多餐配薯條 $36 另外也可選沙律配凍飲加$3,瑞士汁雞脾餐,蠢左轉凍檸茶要加錢,早知飲返紅豆冰唔洗加每份都係即時製作或加熱瑞士汁雞脾浸返熱先上比客,西多就即做雖稱為粒粒西多套餐,但實則應該叫迷你西多比較貼題d講返味道,中間夾層有花生醬,另外牛油一片加一包糖漿,我都係比較喜歡成支糖漿自己加個種食法~外衣夠脆身,麵包鬆軟有蛋香,唔錯雞脾無浸到甩皮甩骨,考功夫架~你自己煮過就知!仲要相當入味,唔太甜,有別於平常既瑞士汁,仲多少少滷水料既味道幾特別,雞脾好大隻,啖啖肉,塊雞皮入曬味超好食檸檬茶都做得唔錯,夠凍,茶味夠濃!!#港式茶餐廳 #龍豬餐廳 #筲箕灣 #西多士 #港式美食 #瑞士雞脾 #瑞士汁#香港美食 

之前無意路過試了一次下午茶已經覺得幾好味。所以今日晚餐叫咗佢哋個signature 焗豬扒飯，真係得喎，個豬扒件上已經加分，完全唔嚡。加上服務態度良好，值得推介！

今日嚟左筲箕灣嘅龍豬餐廳食下午茶其實都開咗一段時間架啦不過我今日先得閒嚟食叫咗個套餐有豬扒包加沙律36蚊 價錢正正常常一嚟到覺得個豬扒包好大個！好抵食！而且係新鮮整嘅 熱辣辣個包外脆內軟厚切豬扒加沙律醬係完美嘅配搭沙律就係普通茶記水果沙律整體嚟講價格合理 食物可以 係一間值回頭嘅茶記回頭：5/5價錢：5/5味道： 4/5（好食）

呢間係新餐廳， 因為社交平台好多人講 所以特意黎試試 ， 食物夠熱！味道岩哂我，海南雞飯超正啊， 💛 唯一覺得可惜係， 見到呢間餐廳好多惡意仲傷既留言 ， 所以專誠黎親身黎試試， 果然無黎錯左啊！ 會繼續支持

點了一個滑旦牛肉飯，送中湯。送來的豬肉湯只是和暖。你想像一吓和暖的肥湯，表面一層油膩，多麽難渴！叫來付責的一位約30歲的女收銀員，她答因為可能湯是刚剛加進大煲中，不够熱，冇辦法！我告訴她上星期幫襯晚餐也是一樣，她跟著冷冷地說每次把湯加進大煲都是要等等才會變熱的。我當然知道湯要時間加熱才會熱啦！天呀，客人怎樣知道你何時加湯入大煲，難道客人每次都要碰運气！不熱的肥湯怎可以供客人呢，喝了之後拉肚子誰付責！

話說：小編收到網上好評， 今天晚上決定經過本店叫外賣小菜～～但剛剛才用完晚膳，不想再點粉麵飯了。。怎麼辦算好。。思前想後， 點選了小菜類中 03號菜式：『 黑椒薯仔炒牛柳粒』回去以後，果然並沒有失望：薯仔有走油， 炒得恰到好處黑椒汁份量剛剛好，不太過量最欣賞的就是牛柳粒， 份量並不吝嗇（講真， 餐牌賣$79 以這個水準真的不會 覺得 貴，整體評分直達五星！！）下次有機會小編會再去試試小菜類中08號菜式：『 蜜椒豬髀仔（孜然系列）』

時菜炒龍躉球 --- 龍躉唔係間間餐廳都有得食，估唔到呢度竟然有得食。而龍躉球亦煮得恰到好處，冇過火冇腥味，肉質還是很嫩滑，龍躉亦都大大片，絕不吝惜。蜜糖黑椒雞中翼 --- 嘩！真係好好味~ 啲蜜糖味好鬼正，如果唔係喺街，真係好想舔隻雞翼囉！仲有腰果做配料，一樣咁惹味，令人食唔停呀。雖然呢個餸確實有啲邪惡，但係大家不能錯過呀！瑤柱海皇蒸水蛋 --- 以為係簡單既餸，其實都唔易整架，呢個係升級版蒸水蛋，攞黎送飯一流。蜜椒豬脾仔 --- 豬脾仔啲肉好腍唔乾，肉同骨好易分離，唔會令人吃得好麻煩。沙律明蝦球 --- 啲蝦好大隻，又剝埋殼，懶人至愛。