龍門冰室 (已結業)

龍門居一排過都是細小的食店，要食扒就當然到龍門冰室食啦！因為款式多，而且大大份，舖滿整個鐵板。今次點了韓式豬頸肉配炸帶子鐵板珍珠飯。令人喜出望外的是，真的配有韓式泡菜，估不到在這個港式餐廳都有泡菜食，非常開胃！帶辣的豬頸肉很爽脆香口！炸帶子都有三大粒呢！珍珠飯亦好香及彈牙！跟餐配有自選蒜蓉汁，加少少撈飯食又好正！餐飲是凍檸賓，沖得剛剛好，甜酸適中，很滿意的一餐！下次可以跟朋友試試窩夫，見隔離枱食，賣相不錯啊！

和朋友去完蝴蝶灣後到龍門居晚餐~朋友到過觀塘的分店後十分推介說一個餐可以吃到很飽 很抵吃這個雞扒鐵板餐份量出奇地多還配有意粉加餐湯和飲品雞皮煎得很香口 皮還脆脆的而且雞肉很嫩滑送來的時候還很吸晴周邊的配菜也有很多剩下的汁可以要來吃意粉呢不夠汁還可以問店員要多一點至於這個香蒜白酒蜆肉意粉份量也十分多蒜味較重 個人比較偏好酒味重一點蜆肉沒有腥味也沒有沙粒這個套餐更配有餐湯 沙律 和飲品沙律份量即使是跟餐 但也很多感覺很滿意2人吃了一百三十左右 但真是超級飽本身想多叫一個甜品 跟餐只是加十多塊 可是真的太飽了

平時真係好少會嚟屯門，如果唔係今日有工作要做，都未必會發現到呢間餐廳。點了一份韓式泡菜鹽水雞蟹柳烏冬配芝士汁。冰室可以有韓國菜真係好少可，上菜時已經覺得好香好吸引，濃濃嘅芝士汁淋上鐵板度嘅聲真係好正。當然要先試下烏冬啦，軟硬度適中，雖然不是很高質的烏冬，但冰室嚟講都好好了！而且芝士汁同烏冬都好夾另外就是鹽水雞，味道唔會好油膩，非常鬆軟可口，有埋芝士汁真係好正，一流呀！點了一款小食，青介辣雞翼。介辣味非常好，配搭雞翼令味道好刺激，而且雞翼又無好乾好難咀嚼，烤得剛剛好。

同同學餞行，於是就落樓下食一餐好嘅下午茶！我就叫左個omlet餐配蕃茄醬同芝士脆皮腸～多士微微烤過，外面有少少脆，但主要都keep番左白麵包嘅軟林口感入面嘅牛油都搽得幾多，絕對重手咸咸地甜甜地好香～之後就當然要提下個omlet啦～我真係估唔到原黎蕃茄醬係會包係omlet入面！好有驚喜蛋皮偏薄，都煎得微焦，超有蛋香味入面嘅蕃茄醬其實應該係叫蕃茄湯！濃度適中，唔會太稀好似水咁蕃茄味好香，入面仲食到其他香料，好似有洋蔥同菜咁又加多幾分口感同味道上嘅多元化絕對推薦試下！脆皮腸都整得啱啱好，一咬落去啲肉汁爆出黎！煮得把握好好～之後仲同同學叫左黑松露薯條薯條一食就食得出係新鮮炸，熱辣辣新鮮出爐脆得黎中間薯蓉又有少少軟，真係外脆內軟呀油膩感其實好少，好似唔係用左好多油炸到全部索晒咁差黑松露醬都好香又滑，配搭住食真係一流呀總括黎講都相當滿足，性價比唔錯，一定係做回頭客！

龍門居呢個位置都幾特別，雖然住咗屯門咁多年，但係都好少過嚟。今日咁岩過嚟呢邊探朋友，見到樓下呢一間冰室，外面嘅感覺係超級懷舊feel嘅一間冰室，點知入到去原來係同出面兩個世界。。估唔到冰室居然有all day breakfast 食，一於就試吓啦！上枱之後發覺比我心目中，分量大好多！真係可以用抵食夾大件來形容佢，早餐食落雖然少咗一份英式嘅感覺，但係就多咗一份港式嘅情懷。朋友點嘅卡邦尼意粉味道偏鹹，絕對係重口味之選！不過分量同樣係超級大份。另外值得一提嘅係黑松露芝士雜菌焗西蘭花，真係兩個人share都夠食。整體而言，呢度嘅價錢平份量夠！絕對係啱晒街坊嘅大眾食堂。

這冰室係好多野食選，基本上咩組合都有。你想要點配都會有。服務都okay。四人等位唔夠位，啲侍應都好客氣咁叫二人由四人位搬去二人位。 由於我朋友住在附近，佢好清楚咩食得唔食得。佢揀左正路的滷水雞翼。個汁都不錯，我基本上借佢啲滷水送飯。食了一隻雞翼，都好正路。我貪平，點的是快餐。滑蛋牛肉飯，估唔到佢的滑蛋係得一粒蛋😂😂😂超伏。牛肉一般般啦。所以我沒有食晒，淨係清晒啲飯😂😂另外佢送飲料，我點了熱巧克力。這個就值得讚嘅，啲巧克力粉和奶都好足。

愛上急步行之後，經常也會到龍門居、新屯門中心一帶遊走，這次急步行後，就來到這間裝潢幾新潮的龍門冰室吃晚飯. 來到餐廳才不過6時多，但接近7:00PM 已差不多滿座，相信定價相宜以及份量十足的食物招徠不少街坊食客~ 黑松露芝士焗雜菌西蘭花 ($48) 晚上盡可能多吃點蔬菜，所以點來了這款焗西蘭花，想不到份量十分之多，3-4人也夠享用. 翠綠的西蘭花配上點松露以及雜菌，既清新又健康. 香蒜牛油帶子意粉配餐湯、沙律& 餐飲 ($72) 雜菜湯 餐湯熱度足夠，還要是我最愛喝的雜菜湯，相當酸甜醒胃的雜菜湯很足料，大量的雜菜被我吃到清光，很滿足! 碎蛋粟米沙律 混和了大量沙律醬的碎蛋沙律，冰凍又好吃. 香蒜牛油帶子意粉 香煎牛油帶子不算大粒，但也有多隻帶子，賣相也是不俗的; 意粉很有嚼勁，惹味的香蒜意粉令人吃不停口. 鐵板海龍皇 ($98) 一份鐵板已有齊龍利柳、帶子、海蝦以及魷魚，還伴以大量翠綠西蘭花以及蟹柳，份量實在驚人. 魚柳炸粉薄薄的，肉質嫩滑; 多款炸物都炸得香脆不油膩; 不過魷魚鬚比較乾硬，個人不太喜歡. 蒜蓉汁是另上的，醬汁不會太鹹亦伴以大量乾蒜

好耐無嚟過屯門喇，之前聽朋友講依度好多嘢食，今日入左嚟探個朋友，順便嚟依度食個扒先！ 一去到門口就見到好多牌係度，真係好多選擇啊，裝修就好有舊式冰室feel，最啱我地依啲中意老香港既人！ 食品既種類真係有好多啊，聽朋友介紹叫左個雜扒餐食，跟餐個羅宋湯好足料啊，好小可餐湯有咁既質素！ 主菜個雜扒餐果然無令我失望，一黎到仲係滋滋聲既，一落汁之後啲香味湧曬出嚟，價錢咁抵食但係用料一啲都無欺場，全部都大大件，連薯條都係即刻炸過既，無得頂！ 芝士焗西蘭花都好出色，煮既時間剛剛好帶小小燶，略嫌芝士吾夠多，所以下面果啲吾太夠芝士味！ 飲品既選擇都有好多，食完煎炸嘢就梗係飲返杯咸檸七啦，青檸原隻上所以好夠味，下次黎再試下童年回憶黑牛先！

去朋友屋企雀局前食個飽飽再發財 哈哈。朋友樓下有好多熟食檔同茶餐廳，講起食 真係唔洗憂，大把選擇。快 靚 正，整個冰室晚餐啦！7點幾，都已經人頭湧湧。有堂食有外賣客，超忙被安排左卡位，不過當晚咁忙，當然最後都要搭枱大鄉里，第一次飲經典飲品---黑牛估唔到可樂同雲呢嗱雪糕咁襯喎 哈哈點左個瑞士雞翼撈丁。雞翼好香好入味，瑞士汁撈面確係一流唔知點解我仲食到少少咖喱味添！好惹味面質硬度岩岩好，撈埋瑞士汁就正嘞～唔乾身又入味，好味見出面咁多人排隊，都係快d埋單上樓發大財嚕哈哈哈哈

好咸。睇完好評過黎試下啦。點知中左招。佢個表面做得幾好。啲餐牌啲食物。睇完個餐牌好似幾好食。叫左個肉醬意粉同邦尼意粉。68蚊個餐。有餐湯又沙律有野飲都幾低。今日啲湯賣曬。轉左個碗仔翅。好咸。個沙律係粟米蛋雜果沙律。唯一一樣正常小小。食得下。個主菜出黎個賣相都可以。但食落真係好咸。個carbonara 個味好單調。只係一個好普通，茶餐廳既煙肉忌廉炒意粉。另一個就肉醬意粉。真係買包好食啲既醬自己係屋企撈都好食過佢。

週三不用上班的下午，我過來龍門居捉精靈的時候，卻開始肚餓了，經過多間餐廳，發現這間龍門冰室的門口，餐廳好像很多選擇，於是便進去吃個下午茶了。店舖座位不算很多，但都很乾淨企理，而且都坐得幾舒服。而除了下午茶餐之外，亦都有許多幾特別的菜式，選擇都相當多，今次我點了流心奄列配多士 (包餐飲)。餐飲除了大路的茶或咖啡之外，我今次揀了許久沒有喝過的檸檬利賓納，甜中帶小酸像提子的味道，又有點檸檬的清香，都很好喝。而這碟下午茶，份量都很豐富，既有新鮮的沙律菜、奄列蛋、雞肉腸和烘多士等，當是一個 late lunch 都很夠飽。奄列裡的流心，有多種味道可以揀，咁我就揀左我最鍾意的龍蝦汁。奄列炒得好滑，濕濕的仍然留有蛋汁的甜味，裡面的流心龍蝦汁，濃淡適中，和蛋香味都幾夾。多士亦烘得好香脆，搽了唔少牛油，一點都唔孤寒呢。雖然呢度係居屋的茶餐廳，座位唔多，但都坐得幾舒服又唔迫夾，而且食物賣相和味道都唔錯，性價比相當高。另外，餐廳到3點開始供應 pancake 等西式下午茶，6點後有鐵板餐，下次一於黎試下。

今日經開屯門探朋友 於是就入左佢樓下既懷舊冰室 一人一杯雪糕紅豆冰 我就vanilla 雪糕佢就朱古力 紅豆冰因雪糕的關係奶味變得更加重 而且入口好滑 紅豆不會太甜 而且不痴牙芝士流心蛋配炸魚柳 一篤開芝士真係係蛋入面流出芝士味十分濃 而且是滑蛋 又不會太咸魚柳沒有雪味 而且脆口 配意粉一流 呢個鐵板餐真係超份量！ 98黎講叫抵 又有帶子 滑蝦 蟹柳 魷魚 魚柳 薯菜 多春魚（for 2個女仔就有少少太多既）龍蝦汁 帶有淡淡的忌廉味 但同時又有龍蝦既鮮其中帶子很軟又咬出一絲絲 個炸皮不太厚 多春魚有重重碳燒味 食慾大增唯蟹柳是面粉味有重點 會飽肚

住在屯門很多年，也有時候會往屯門碼頭那邊走走，但龍門居真是第一次。看見屋苑兩條小巷裡，滿是各式各樣的小食食店，覺得這裡的住客真幸福！🤤晚餐時段選了這間裝潢精緻的餐廳，白色光面階磚讓人感覺乾淨企理。睇睇menu 哇 花多眼亂 😍食物種類實在好多！西冷扒配香草腸 跟薯菜份量非常大的鐵樣餐，拎開牛排就見到成盤薯條😳 成薯條炸得太耐，就算倒左醬汁若去都唔淋 😂 無食哂怕喉嚨痛。西冷扒質素係茶餐廳黎講唔差，起碼大大塊又唔韌。青芥醬蜜糖雞翼是被醬汁吸引🤤青芥醬又唔辣喎，反面甜甜地，幾好味！👍🏻 雞翼炸到脆皮，還好雞肉都算嫩！芝士焗西蘭花勁多芝士，西蘭花都好夠味，好多舊！中和一下食左咁多肉 😛 推介👍🏻👍🏻

一直食左禁多年！早黎幾日吾知係未換左人食物質素差左好多！以後真係要揾個個地方食野！本身龍門最好食就係黎間但吾知咩事過完年就越黎越差！收得幾十一個餐係未應該比返應有質素顧客呢

被老公放飛機，放工就本來打算在附近買些小吃就回家，但見到間冰室外觀不錯，裝修有點像舊式茶餐廳，有種花樣年華、2046嘅感覺，遇岩今日同事講話雞腿正之類的說話係腦海中浮現，就入左去一個人晚餐。看了餐牌，有好多都好吸引，好似係鐵板餐、韓國鍋飯、流心奄列等等，但眼見鄰旁點了超厚切吉列豬排撈丁和鹵水雞腿飯，2樣都想吃！所以我點了鹵水雞腿撈丁。我點的鹵水雞腿撈丁，鹵水雞腿都大隻。公仔麵沒有特別什麼味去形容，但是因為滷水雞翼會是鹹的，麵能中和其鹹的口感，所以兩者必然共存。雞腿炆得好林、入味，用叉子輕輕的撥開肉便發叉起來，滷水的味道完全入晒雞肉裡。還有點柚子蜜原來加2元就可，非常街坊價。後記：其實一間小店收這樣嘅價錢，有這樣嘅品質和份量已經很好不錯