龍門冰室 (已結業)

布癲狗去探朋友順便食餐飯，隨便地去了樓下的一間冰室。晚餐價錢適中，飲品比較中式但是食物比較西式，是融合了中西文化。首先我哋每人叫了一個晚餐來醬肚，粉面價錢大約都是$60至＄80左右。羅宋湯酸咸辣都有齊，質感比較豐富。黑松露雜菌意粉＄78每一條意粉都黏滿了黑松露粒粒，有很多不同大大粒的菇類比較爽口有油香，另外都有酸的小蕃茄。黑松露都算幾香，配搭起來不錯。卡邦尼亞意粉＄68明顯看不到很多卡邦尼醬汁，有一隻生蛋王和很多香草粒，攪拌之後很有蛋香而且鹹香十足。熱菜蜜很濃郁，明顯的西洋菜味！有意思！

最近迷上打高爾夫球，老是愛往屯門跑!今日落左成日大雨，但仍抱著不死的心，到屯門食埋個下午餐先決定!呢間龍門冰室，位於龍門住宅區內，也非常近屯門輕鐵站的高爾夫球中心的!黎到既時候，已是下午2:30，但店內的客人還是非常多，莫非星期六晚起的人很多??哥哥就想清清地咁食下個雪菜肉絲米粉!再加上，店員話呢度雪菜係師父親手整，係用新鮮的菜心整成的!食落去，果然有菜心的爽脆，但又有雪菜的酸味，雪菜比人感覺係霉霉地，但呢度雪菜比人的感覺係爽脆! 非常特別!非常香的粟米薯蓉! 在家老是希望整黎食，但礙於要自己親手做，花時間煮淋薯仔，又要用人手壓爛，所以老是放棄!薯蓉當然非常CREAMY!除左下午茶外，作為女士的我，當然也要珍惜食甜品的機會!$48窩夫真心唔貴!$48窩夫有咁多材料，抵食到爛!兩球朱古力雪糕，4大塊窩夫餅，一大粒一大粒的新鮮士多啤梨，大大CREAM再淋上藍莓醬!呢個陣容，真係好過出面食既窩夫店!窩夫唔會焗到硬身，是非常鬆軟! CREAM打度非常大一球，企身的，滿滿的藍莓醬! 混起一起，非常美味!士多啤梨唔係以碎片的形成出現，反而以四分之一完整式出現! 真係較感動的!我地亦叫左冰室特色飲品

雪菜肉絲公仔麵煮到淋曬，雪菜又變「鮮菜」...又話牛乳炒蛋，我食完覺得似麵粉炒蛋，又實又無蛋味卡邦尼意粉，又係煮到淋，意粉漲曬，無芝士！太過份，又唔係特別平，我自已煮都好食過佢

又週圍搵食，去咗龍門居嘅龍門冰室，去到先知有分店，唔緊要反正到咗，亦都只係行程第一站。冇乜做過research，就咁點咗蕃茄濃湯通粉+3.6牛乳炒蛋+芝士腸、焗雞扒飯、鹵水雞髀意粉。長話短說，個蕃茄通冇乜味，算唔上叫濃湯，亦都唔expect一堆嘢一兜上，個炒蛋都叫幾滑。焗飯炒飯底連啲醬汁都冇乜味，但塊雞扒都好夠味，可以話偏咸，或者係想balance番。最後個鹵水髀算係最出色，加番些少分數，夠味夠嫩。正體黎講唔係差，食物質素係可以的，可能係口味問題啦，價錢都平，所以都算係咁。

整體都ok~Order左扒餐+蜜糖雞翼+芝士肉醬薯條。雖然雞翼唔覺係蜜糖，但味道都係好食嘅～個扒餐有兒時喜歡食嘅炸帶子+炸蝦～～呢個扒餐正過隔離大xx。晚餐時段唔算多人～

本應做街坊生意，賣人情味，一直都食物水準都不錯，但直到擴充後......廚房食物質素大幅下降，似乎係為了節省成本，令食材質素跌跌跌 擴充前鮮茄汁都仲有鮮茄，現在呢？完完全全係茄膏 但現在的價錢不跌反升，認真過份😡 擴充後，每次去食飯，落單後都要等好好好好耐有一次仲要等左成半個鐘，先拎左個用外賣盒裝既意粉黎，實在激氣 其實我明白係的確有好多外賣要做，要整，但你要堂食顧客等咁耐，仲要係出面已經要等位，冷氣又唔係好足😩 最後， 自從擴充後，伙計既態度轉差，連最初所謂的人情味都變淡，咁呢間龍門冰室仲值得我地去食咩？ 若果情況一直持續落去，龍門居咁多食物選擇，仲有人會揀食一間又貴又耐又唔好食的餐廳咩？

對於冰室，沒有特別的喜歡，只是會覺得既有港式麵包和粉麵，亦會加插一些碟頭飯。龍門冰室其中分店，在屯門的龍門居，是順道走去食點東西的地方。在龍門裡，地方不大，人多起來，就賈稍等一下。坐下了，沒有細想，或者吃的幾乎是清一色的粉麵，縱使有米飯，也許提不起勁吧，或者早已設定了要食粉麵吧。3.6牛乳沙爹通粉雖然是一般茶記都有，可是湯底用上3.6牛乳調製，卻又有別於一般的湯底，一般來說，湯底不會由頭喝到尾，只有這牛乳湯底就可以一喝而盡，那奶白的湯卻是很滑，富牛奶味，不過卻因著有沙嗲的辛辣，但辛辣味卻又像似是辣椒發出的那種味道。牛肉還是茶記般的牛肉，沒甚特別。炒蛋奶油多中的炒蛋，尚算幼滑，沒太多的蛋汁，形狀就似是蛋包般，但內裡沒有半點饀料。吃下卻是幾滑的且富有蛋味的。而多士嘛，是一件厚多士，有脆口的口感，沒有太特別。熱奶茶成為今餐的終結，茶香和茶滑是基本的，這茶也離不開。簡簡單單的一餐，只是作為休息停留點的午餐，休息過後，可到下一個行程。

今天有長達有兩小時的午飯時間，於是離學校遠點，選擇了久違的龍門冰室！小店是以半開放式廚房，地方不大，與一般冰室不多，環境舒適光猛。餐廳只有粉麵供應，沒有飯，多種配搭。另外他們以北海道3.6牛乳作主打，炒蛋更是人氣商品，招牌芝士撈丁、蕃茄濃湯等，亦毫不遜色！我點了招牌芝士撈丁套餐（$34），配料選擇了咸牛肉炒蛋，份量頗多，芝士汁呈乳白色，較為稠身，而咸牛肉炒蛋炒得滑嫩，麵底是出前一丁的，味道不會太差，把它們撈勻吃，更為惹味。餐飲則選擇了熱西洋菜蜜，比較甜，喝了一半就放棄。友人的點有營鮮茄濃湯餐（$29，11時後需加$2），配料選擇了午餐肉、煎蛋。淺嚐蕃茄湯底，不是很濃，但仍有蕃茄的香甜味。餐飲是熱奶茶。奇怪的是學生餐的份量是否較一般人多？看見旁邊的學生和一般人相比，分別很大～不過這裡的人情味很重，每次來都感受到他們的熱情！每個店員的服務態度都十分友善，味道又不差，一定會再來

星期日瞓到好晏，不過又想食早餐，一諗就諗到去龍門，因為佢都係all day breakfast我叫咗北海道牛乳滑蛋餐，當然係有我最鍾意嘅雪菜肉絲米，其他地方嘅雪菜係棕色嘅，呢度嗰啲係綠色㗎，仲好爽脆㖭👍滑蛋滑不過有奶味就少咗蛋香，多士好味！老公嘅茄汁雞脾會意粉都好好味，個雞脾係完全唔似係雪雞，勁有雞味，平時老公唔肯等位㗎，不過食完都覺得值得！下次要試下佢杯奶茶，因為都係話用3.6牛乳整㗎！

知道呢間冰室開左一段時間，但一直都無時間去，又見佢經常排長龍，所以一直都未有機會試下，今日放假路過又剛好見無人等位，唔洗諗，即試。坐低望下餐牌，選擇唔多，叫左個沙爹牛肉麵餐飲熱奶茶，沙爹牛肉新鮮，無雪味，沙爹味好香，唔似一般平價貨，再問問靚女老闆娘，原來係自家秘方，唔怪之得帶點香辣之餘又唔會太搶牛肉鮮味，最後不得不贊下個熱奶茶，佢地能夠做齊香濃滑熱，比起好多以港式奶茶自居既餐廳有過之而無不及。廿零蚊一個餐而又用心去做既餐廳係香港已經買小見小，希望呢間港式小店能夠一真保持水準。

十二月的一頓下午茶。看見這間開業沒多久的冰室門外的餐牌，寫了一個有厚多士的茶餐，覺得很是吸引，於是便大步踏進去了。甫坐下就點了那個吸引我進去的茶餐，叫北海道3.6牛乳滑蛋餐，選了雪菜肉絲湯米，炒蛋多士和熱奶茶。雪菜肉絲湯米的雪菜是爽口的，和很多茶餐廳供應的雪菜很不同，但我覺得可以帶多點醃菜的鹹香，會更吸引。湯底味濃，有點像豬骨湯的淺白色，想是有用豬骨煮成的吧，不過我沒有向店家引證。厚多士烘得微脆，是合乎期望了。而北海道3.6牛乳炒成的滑蛋的質感是軟嫩濃稠的，不錯吃，但相較之下，份量就是民華的會多一點點，滑一點點。奶茶是茶餐廳的水準，茶味濃厚，但個人更喜歡再滑一點的質感。感覺，是有用心的。