龍門冰室 (已結業)

大家都知屯門岀名多牛，除左牛仲有岀名就係位於龍門居嘅龍門冰室喇。難得入到去屯門搵朋友，點可以唔去打下卡呢。平日夜晚七點幾去到，等位人數唔算多，大約10分鐘左右就有位，入面唔算大但都坐得舒服，仲要有唔少marvel嘅裝飾，都幾有氣氛黎得依到食，識叫就一定叫佢個招牌瑞士雞翼 ，平時一夜啲黎都叫唔到經常好快賣晒，好好彩今次比我食到我地叫左瑞士雞翼撈丁同麻辣瑞士雞翼同蛋米線，等幾分鐘啲野食好快就到，雖然快但唔係一早整定嘅，食落仲熱辣辣，一啲都唔馬虎依到個麻辣勁香，雖然碗面望落唔夠紅，但平時食得辣嘅我食㕑幾啖都忍唔到，之後試下張啲米線放落瑞士汁到變撈米線，依到啲瑞士汁小少甜，雞翼同蛋都入哂色夠哂味，唔怪得咁搶手。依到啲野食種類多，價錢都合理，份量同味道都好好，值得下次排隊一食

今日我地就醒目啦，早食飯時間一個鐘去龍門冰室，唔使排長龍，叻！好，坐低睇吓有咩好食先，呢度中西日韓樣樣都有啲，特色多元化冰室。我幾年前黎過一次，牆上都係有呢啲掛畫，唔知老闆係Marvel 定DC迷呢？焗肉醬意粉，蕃茄味濃，仲有厚厚芝士，意粉光澤爽口，上枱速度又快意粉又夠熱，唔錯！星級雜扒，一黎到，我朋友仔呆左，點解咁大份架，抵食到離晒譜，仲有煙三文魚，係呢個時候我梗係痴扒食啦！薯菜係西蘭花、椰菜、雜豆，仲有薯角，薯角好粗條，炸到外脆內軟，我鐘意食。D扒到唔錯，食落夠腍，容易切唔韌。呢個餐仲有跟餐湯，羅宋湯足料又夠濃。飲品叫左牛奶和阿華田。

今日放假，同餓底朋友齊齊喺屯門由晏畫到夜晚打大個round, 實行狂街兼食好西👭龍門居自成一角，但週邊開滿各式各樣美食商舖，可以由街頭食到街尾😆 確係呀開餐嘅好去處👍 而且有間平價大超市，食完嘢去濕平😚三點鐘去到這個人氣茶餐廳， 十分旺場😙 我哋坐咗成五分鐘，研究咗一輪🤯至可以點到餐，因為實在太多種類同配搭🤪玉子燒常餐+ 🍅牛肉通粉 🥚~ 多士厚切， 切開個蛋，聞到淡淡黑松露香味， 啲🍄幾多，蛋滑👍通粉正常口味，鮮茄、牛肉份量多😙瑞士汁雞翼湯麵+厚多士煎雙蛋🍲~ 三大隻中雞翼，啲瑞士汁幾好同🐔翼入味， 如果雞翼肉滑啲仲更好😆👩‍⚖ 食物種類選擇多，份量十足、幾大堆頭，而且價錢實惠， 非常之抵，食到飽飽飽🤪

因為懷孕既關係，呢段時間有好多嘢都吾食得，而且口味變得更加有要求😙😙今次幫襯香港人既良心小店，令我讚不絕口,下午茶餐，吾單止價錢超值，而且味道一流👍🏻👍🏻，仲包埋飲品我就叫左個雞翼燒汁炒烏冬，有成三隻雞翼，而且炸得外面好脆，裏面肉汁仍然鎖住😋😋，炒烏冬加左好多菜絲係裏面，好健康🌱🌱另外，老公叫左豬扒甜豉油炒公仔麵，睇吓塊豬扒幾大，個炒公仔麵真係炒得又脆又香所以極力推介大家有時間就去試吓，真心以呢個價錢，而家冇咩地方可以食到又好味又抵食嘅下午茶

龍門冰室非常之受歡迎，出面經常有一大堆人等候，等候大概15分鐘，就可以入餐廳，餐廳面積唔算好大，但非常熱鬧。雞翼煎蛋撈麵去到茶餐廳，當然要試吓撈公仔麵，雞翼煎得好香，外脆內熱，煎蛋亦都唔錯，撈公仔麵最重要係個醬汁，鹹鹹甜甜的，配落公仔麵，味道啱啱好全日早餐茶餐廳仲有另一特色就係有全日早餐，非常豐富，有煙肉、炒蛋、牛油包、三文魚、薯餅、腸仔、茄汁豆等等，又健康又好味，必食推介餐廳食物好味，職員亦都好有人情味，好多街坊幫襯，大家一定要去試一試。

吾想煮早餐，我就會落街搵野食。龍門冰室間吾中都有食下，呢排咁hit梗係再去幫趁一下。基於太多人所以我無選擇堂食，我擇左外賣自取。我就擇左常餐A既鮑片火腿湯通粉配荷包蛋配厚多士，再跟餐叫左熱可力 （$32）。荷包蛋黎講有d乾，蛋黃都過熟，想食個靚早餐黎講係有d失望不過件多士烘得吾錯，仲熱辣辣既時候配溶化緊既牛油，入口爽脆，正啊至於個鮑片火腿湯通粉好大兜，份量都多，湯都吾會話好稀，亦都吾錯，食完呢個早餐飽到晏就。

原本好想去敏華，但係附近睇醫生，見要等半個鐘，於是走去呢度食個早餐，但除咗價錢合埋，無原因再黎食早餐。話係牛乳炒蛋，完全無特別，蛋又無味又唔香，沙爹牛肉麵D麵淋咗D，湯太糊，沙爹牛肉無沙爹，於是食剩晒，即磨咖啡都唔好飲，因為好似係落花奶。

呢度食物種類真係好多，睇Menu都用咗5分鐘。除左普通常餐之外，仲有酸辣粉、鐵板餐、撈丁等等，下午茶餐仲好抵食添！店員俾個餐牌我地既時候 就俾封面上既炒蛋吸引左，所以我就叫左個all day breakfast，估吾到份all day breakfast禁大份，好足料，而當中沙津係另上既，目的令沙律既醬唔會同茄汁豆撈埋一齊，呢個令我覺得比較貼心。晚餐時間用$68包沙律餐湯同嘢飲呀，粟米什果沙律係有心機之作！生果都好多架，絕對唔係得薯仔。冰室吃傳統英式早餐，舊式茶記沙律味道，好懷舊！用料豐富包括德國腸同埋煙三文魚，餐廳以厚牛油多士代替英式鬆餅，加上薯餅，為英式早餐增添幾分港式茶記味！成份好大份，兩個人share都絕對無問題。加上杯紅豆冰，紅豆非常之多，用奶既比例剛剛好，紅豆又唔會好甜，係幾好飲。

今晚比呀媽罰我無飯食，所以要買外賣，今次我終於記得要帶餐盒去買外賣，我叫左個常餐D,有义燒湯意粉配炒蛋多士，再加多杯利賓納义燒湯意粉睇落似勁味精既雞湯，原來佢係忌廉湯，中式义燒配西式忌廉湯，原來都好夾炒蛋多士雖然唔似炒蛋似煎蛋，不過剛剛熟，好滑而多士夠軟熟，凍左都好食要講一講杯利賓納，因為我要求店長要淡d,所以望落會淺色d順帶一提，呢度好樂意我自攜餐盒，我最初比一個佢放湯意，佢仲問我拎多一個放炒蛋，真係好細心，不過美中不足係，我唔記得帶埋飲品杯比佢地，下次一定要記得

支持香港人餐廳，焗飯一流炸雞腿有肉汁，呢度超正!!!D野好好食!!!呢一度對所有人都好好又有禮貌.地方十分乾淨.最緊要有人情味，價錢合理唔貴，直得一去香港加油!

住左屯門好幾年了，甚少到龍門居那邊食飯，今天终於找到空檔到那邊走走，我同朋友一齊食一個午飯！我地行進左一條橫街，發現了一間命名龍門冰室的茶餐廳，眼見門外十分多人在排隊等候進去食飯。當我進入去後，地方不算很大，但也許多人幫襯，一定有它的原因所在！我地叫一個咖喱牛腩飯和一個法式早晨全餐~~🍳🥘🌮 先講咖喱牛腩飯，汁很香濃，一點也不稀，而且牛腩炆得恰道好處，不會冧或太硬，非常入味~🥰🥰👍而那個法式早餐，我可以説一句物超所值，連$70元也不用，已經有這麽豐富的食物了，而且食物很新鮮，除了全餐外，還有水果沙律和跟一碗羅宋湯這餐我和朋友食到，攬住個肚走，才$120元也不用😋😋

聽好多人介紹龍門有條宵夜美食街，因為係一個小社區，暫時未被地產商收購，冇咩大型商場同連鎖餐廳，附近有好多小店經營的地道美食，主要都係做街坊生意，一到晚上就好熱鬧， 成條美食街都香氣勃勃。今晚同妹妹揀咗龍門冰室試一試，7點半門口已經有好多街坊等緊位，我哋等咗20分鐘就有位，極度肚餓。咖哩吉列豬柳飯 $47一來到，嚇左一跳，成塊面咁大嘅豬柳，仲要係切得幾厚身。豬扒肥瘦適中，食到有豬油香味，而且炸得好酥脆，但邊位食落會有少少界口。 咖哩有少少辣，送飯一流。黑松露薯條 $38因為冇曬薯條所以轉左薯皮， 薯皮既調味好似kfc既薯格咁有啲香辣味，因為本身薯皮已經有味再加黑松露醬就好濃味啦。個黑松露醬好好味，好香，我妹好鍾意食。薯蓉焗青口 $38又係嚇一跳，分量超大，以38來講，絕對係物超所值。 呢個小食可以當主餐，食晒會好飽好飽。 薯蓉冇調味過的，面頭鋪滿熱溶芝士。 青口都算幾大隻，但露出嚟嘅部分就焗好乾。吞拿魚芝士玉子燒配炸蝦 加 撈丁$55同想像中的玉子燒唔同，呢個似奄列多啲，但食落都算唔錯，吞拿魚醬好味。 撈丁既醬汁味道好似鰻魚汁， 整係都唔錯。

住係度好多年，睇住佢由一個鋪位既細鋪做到而家咁大規模。以前就放學仆返黎食雞扒撈丁，而家就放假返黎同人迫🤨今日訓醒落樓下見未係好多人，落左黎食之前成日都叫唔到既雪菜肉絲米。12點正已經好旺，坐左幾分鐘就有人埋黎搭檯，不過對隻蛋有啲失望，可能客人太多，隻蛋無以前咁滑，仲要啡啡地色。多士好大塊，要分開食。 無咩可能一啖擺到入口。雖然對我黎講難食左好多，但係個雪菜肉絲米粉都仲合格既。仲係咁好食，不過我要杯水都叫左一陣先黎，無辦法啦，多人就預左。

今日又去龍門冰室食晚餐～一如既往勁多人排隊等左三個字到啦～今次想食下其他嘢男朋友嗌左星級集扒鐵板餐($95)今餐有一個粟米忌廉湯，10分濃郁仲有啲火腿係入邊好多料我哋揀咗黑椒汁有腸仔牛扒雞扒煙三文魚炸帶子好大碟，十分豐富，頸大碟，醬汁都俾咗好多足夠撈所有扒食，我哋煲咗薯菜，菜就見到有嘅反而薯條或者薯仔方面就未有見到～我就帶咗鹹牛肉芝士玉子燒，配炸蝦同埋撈丁($55)，你個餐性價比好高，啲牛肉有好多蛋包住，成嗰碟咁長～小小建議係啲汁可以多少少如果唔係個公仔麵就會好dry同埋芝士都可以多番啲，個整體都好好味好夠飽～仲帶咗蜜糖雞翼($38)，熱辣辣脆卜卜，仲要有好多隻雞翼抵食！如果蜜糖再多啲就更好啦帶咗一杯凍檸蜜($4)凍檸樂($6)香港良心小店一齊撐，下次一齊食呀！

話說係龍門冰室同朋友食下午茶本身叫左花生醬西多，流心芝腿西多配唔記得左咩三文治都係32蚊到佢西多同三文治個包都幾脆可能係廚房比較忙所以都好新鮮可惜流心果個西多就唔多流但好鐘意佢同一般冰室一樣杯凍檸茶用個杯係舊式果d冰杯，茶底又夠濃附帶一提，而家好似有學生証仲有免費d唔知飲品定食物送