龍門冰室 (已結業)

因鄰近上班地點，與同事經常會過來解決lunch，在今時今日的香港，三十幾蚊可以醫飽肚而且好味，非常難得。經常order的下午茶餐包一份迷你版意粉或沙律，拼一項小食例如炸雞脾/鹵水雞脾/瑞士汁雞翼/炸土匪雞翼等，配熱飲只需要$31，轉凍飲也只需要加2蚊（而家好多餐廳起馬要加3蚊㗎！）唔算好大食的話已經夠飽，想再滿足啲仲可以另外加5蚊要一份炒蛋或者好多醬的多士，本人就好欣賞炒蛋，味道好賣相佳，總而言之40蚊樓下就可以食到飽簡直物超所值啊！不得不提得是店員很細心！例如當我們正在查看已下單的食物有什麼還未到，店員主動，係主動走過來問我們還欠什麼未來齊，呢點我覺得好好。最後，也是最重要...小女子今天食完嘢粗心大意留低左銀包，仲要成2個鐘先發現，連喺邊度唔見都唔sure。同事話不如打去餐廳問吓有冇執到啦，點知真係有啊，搵得返真係好開心^^餐廳員工十分誠實！抵讚！！很感激🙇🏻以後也會經常幫襯的^^祝生意興隆 客似雲來！（以上是全部真人真事，絕非打手哈哈哈）

番工要OT, 最後同左同事兩個人去左龍門冰室食飯。我地兩個番工都番到好攰, 已經好肚餓, 一坐低就急不及待叫野食!我叫左個龍蝦汁雞扒流心奄列餐, 同飲黑牛, 好耐無飲過喇, 要充充電!(冰室小教室：黑牛就姐係可樂加朱古力雪糕)其實佢呢度有好多野食, 有d連出面既冰室都未必有, 呢度都算係創意冰室!黑牛好快上到, 佢分開上, 可以比自己即時倒可樂, 更加有氣, 自己倒就最清楚自己想點溝!飲落又多氣又涼快, 飲飲下仲可以食下d朱古力雪糕, 都幾寫意, 好有童年回憶。主菜到了! 龍蝦汁雞扒流心奄列餐我期待以久! 好大件流心奄列同好厚雞扒, 仲有龍蝦汁, 成個餐好邪惡呀~先食流心奄列, 切開d白汁流哂出黎, 裡面d汁好濃郁! 雞扒煎得好脆, 肉質好嫩, 外皮脆卜卜, 好吸引!龍蝦汁同意粉真係絕配, 意粉好彈牙!最後都忍唔住心思思叫左一道小食-蜜糖雞翼。外皮炸得好脆口, 而且帶有少少蜜糖既甜味, 又juicy, 六隻好快就比我地食哂!成餐都好豐富仲要好好味, 唔OT都唔會出街食野, 都算係一個美麗既驚喜! 希望下次黎食唔好係因為要OT啦~

旅行前一陣子一直都秋高氣爽，在嚴夏養懶的性子都跑走了，是時候向外跑跑，朋友叫我出去當跟腿，開車去了他家搬抬，他就請我去了一間有體面的冰室享餐。餐牌就像花海一樣，形形色色的菜式花多眼亂，好想一輪才敢下單。本想點凍奶茶的，誰不知店員推介最近有新出飲品，蜂蜜紅棗茶，感覺很配合天氣，就下定決心點了。蜂蜜和紅棗這個配搭是第一次嘗試， 又出奇地配合和非常滋潤， 紅棗味不算太重， 有淡淡蜂蜜的香和甜，想回家也學學沖這調一下基點了一個碟照燒汁雞翼抄烏冬，份量算大碟抵食，聞落香抄得靚，每一條烏冬都入哂味，唔洗落其他調味。雞翼都炸得可口，入面的肉都入哂味，咬落有肉汁，不乾身，而個餐$30有3隻都算難得基評分: **味道(基基基基基)**外貌*(基基基基)*抵食(基基基基基)**服務(基基基基基)**最後基言:想額外讚一下服務很好，姐姐們都很有善，款式很多，岩貪心鬼的朋友，價錢不貴，又方便泊車

約咗兄弟屯門踼波，打完波鬼咁肚餓，去咗呢間茶餐醫肚。叫幾個餐開心share 牙。韓式鐵鍋飯餐伙配鹽酥雞蟹柳和龍蝦汁，鐵鍋上保存了食物的溫度入口滿是熱辣辣，炸雞單看以為好乾，但食落皮脆雞嫩少辣入味；龍蝦汁好滑溜和Creamy 不會死咸有鮮味，撈飯好好味，D泡菜好開胃兼提鮮。雜扒配薯菜+黑椒汁，D扒好大塊無雪味，醃得入味，條香草腸夠咸香好正；炸帶子個皮炸到好香，黑椒汁香濃無死味精也要讚。奄列魚柳配芝士汁，奄列煎得好嫩滑，蛋味香濃配埋香濃芝士汁好好食。肉醬意粉的肉醬味道恰到好處，意粉烹調的軟腍度拿捏得很好，比大X樂更好味。還有清甜粒粒開花紅豆坐陣，這頓豐富茶記美食，體驗了香港精神，茶記萬歲！

之前同朋友兩個人去左龍門冰室食飯, 兩個人都叫左好多野食, 食到我地好飽, 而家再帶大家同我一齊回憶下啦!我同朋友都點左個忌廉粟米汁龍利柳撈丁配凍檸茶。職員送菜效率都幾快手, 好快就有得食又有得飲。凍檸茶一杯滿, 都有好多片檸檬, 飲得出有茶既甘香同檸檬既酸澀味, 檸檬茶果然係香港茶餐廳既偉大發明!我朋友就飲黑牛, 有好多茶餐廳同冰室都買少見少, 難得呢度有就一定要試下!忌廉粟米汁好濃, 忌廉味好突出, 粟米粒粒飽滿又香甜, 龍利柳都有兩塊, 都幾好味, 魚味都幾出色, 肉質都幾嫩, 值得一提就係呢個撈丁都配有幾多菜, 即食麵都幾彈牙, 唔會煮到過左火, 好似糊左咁, 所以就算撈左汁, 都可以保留一定口感!小食就點左蜜糖雞翼同韓式炸雞。蜜糖雞翼炸得好脆, 而且又相當入味, 出面蜜糖, 食落甜甜地, 幾好食!好少見到冰室有韓式炸雞食, 點都要試下, 送過黎見到都有好多件, 賣相同出面食既有D唔一樣, 食落香脆肉嫩, 少少辣辣地, 幾惹味, 裡面仲有好多肉汁, 估唔到都幾好食! 有D驚喜!總括而言, 呢度既食物種類有D特別同有創意, 同其他既冰室好唔一樣, 而且都好好味, 有驚喜!

好耐都無食過鐵板餐啦，好想好想食，好懷念啖啖肉的滋味！叫埋阿肥和文仔一齊來吃，大家都係屯門友，佢話呢間食過好味道。叫咗個星級雜扒，入面煙三文魚、炸帶子、香草腸、雞扒、牛扒等，扒都好新鮮大大件，薯條係法式好香口，薯味好濃。炸帶子有厚厚麵包糠，加埋D黑椒汁，口感極佳，叫了一杯凍咸檸七，咸咸甜甜，配扒餐好MATCH。友人阿肥係厚西冷配香草腸，厚西冷D牛味好濃，又係好鬼大塊；條腸咸香十足。文仔好細食，叫左個奄列芝士汁魚柳，佢話好味但好快飽，我幫佢食左D，原來芝士好濃，個奄列煎到好嫩滑，蛋味好正，魚柳好脆魚肉夠鬆軟，但真係好飽肚！Q版煙三文魚沙律，D沙律有粟米、雜果，好多沙律醬呀，好味道好開胃。呢餐好味但真係飽到傻咗。

放左工之後同同事去左搵野食, 咁岩見到龍門冰室有扒餐, 而且個價錢都幾合理, 於是就諗住入去食!入到去, 餐廳中掛有好多Marvel既圖片同掛畫, 已經令我心心眼。成間餐廳係都好光猛, 入到去都好醒神!我地肚餓了, 要馬上點野食!我同朋友就點左兩個唔同既扒餐, 大家開心share!扒餐係送餐湯, 我就揀左個紅湯飲, 都好豐富, 有好多材料, 全部都好林, 好入味, 一d都唔單純只有菜味, 紅蘿蔔好甜, 好正! 個湯好濃郁, 有好香胡椒味, 辣辣地, 都幾暖胃!小食我地幾個share一樣, 點左青芥醬蜜糖雞翼, 炸得好香脆, 甜甜地辣辣地, 都幾惹味! 雞肉好嫩而且好juicy, 上面仲有少少沙律菜, 可以去除多餘油膩感。到主菜, 我地點左燒汁西冷牛扒配香草腸同雜扒餐。西冷牛扒又大件又厚身, 煎到恰到好處, 裡面仲鎖住肉汁, 食落唔韌, 好有口感, 仲好濃牛肉味, 根又唔會好多。香草腸有界花, 好得意, 食落外脆內嫩, 香草味都幾濃郁! 好彈牙, 好味! 燒汁唔會過咸, 食完都唔會好口渴!雜扒餐中, 雞扒好出色, 外皮好脆而裡面既雞肉好嫩, 炸帶子粒粒都幾大粒, 不得不提就係我地點左薯菜

放假就同朋友去左行街, 行到攰攰地有d肚餓, 朋友就帶左我去冰室食野, 佢話呢間係佢平時食開。我地入到去, 都見到有幾多人食, 呢間冰室都裝修得幾新同乾淨, 令我對冰室既印象有所改變, 初初以為冰室一定會係比較舊同有歷史。佢地食物種類都幾多, 有好多唔同既選擇, 呢度連甜品都有!我就點左個韓式鐵鍋飯餐, 揀左鹽酥雞同蟹柳配龍蝦汁, 飲凍咖啡醒醒神。凍咖啡雖然係一樣好普通又傳統既飲品, 但可以話一d都唔簡單, 凍咖啡夠哂冰凍, 而且有好濃咖啡味, 又唔會太苦, 好易入口。韓式鐵鍋飯餐熱辣辣送上, 餐中仲有泡菜, 辣辣地, 都幾惹味, 撈埋飯食就變左泡菜炒飯, 鹽酥雞都幾厚肉, 好香口, 又唔會過咸, 配飯一流!蟹柳都有三條, 其實呢個餐都幾豐富!我朋友叫左個扒餐, 就咁睇都覺得豐富又足料, 薯條多到可以變座山!小食叫左個炸雞翼同Q版煙三文魚沙律, 炸雞翼炸得好脆而且好香蜜糖芥末味! Q版煙三文魚沙律, 一碗放到滿滿, 煙三文魚切得細細粒, 可以同埋粟米一齊食, 而且沙律醬好多, 粒粒粟米都占滿沙律醬!樣樣都好好味而且又大件夾抵食

夜晚媽咪無煮飯, 於是就同屋企人去左龍門冰室食飯!之前我地都食過, 覺得唔錯, 所以就再回頭食多次。佢呢度既價錢相宜, 而且份量都幾大碟, 一份都可以食得好飽。我D屋企人個個都叫個扒餐, 好食又抵食, 而我之前都成日食, 今次就試下其他野, 就叫左個波洛尼肉醬意粉配德國紐倫堡腸, 呢個餐仲有沙律、餐湯同飲品送。首先黎既就係我的最愛-熱杏霜, 可以滋補養顏, 杏仁味都幾濃郁, 飲完都有一陣杏仁味留係口腔入面, 都好令人回味!沙律都幾豐富, 有粟米、雞蛋同菠蘿, 好有口感。酸酸甜甜都幾開胃!小食點左蜜糖雞翼同黑松露芝士焗雜菌西蘭花。 蜜糖雞翼有炸過, 再淋上蜜糖, 食落好香脆, 仲有陣陣蜜糖味, 幾好食! 雞翼旁邊都有少少沙律菜, 可以中和油膩感。黑松露芝士焗雜菌西蘭花有好濃黑松露味, 西蘭花上放有好多芝士, 去除左西蘭花原有既菜青味。最後到主菜-波洛尼肉醬意粉配德國紐倫堡腸, 肉醬意粉已經幫你預先撈起, 每一條意粉都占滿肉醬, 德國紐倫堡腸好香香草味, 肉腸好彈牙!試新野都唔會中伏, 仲要幾好食, 邊可以唔再一次幫襯呢~

放假去左屯門踩單車, 踩完好攰就去左食野先, 填飽個肚!我地揀左龍門冰室, 都幾方便!佢呢度有好多扒餐, 岩岩踩完單車都要食番多D肉補番下~我就點左雞扒流心奄列餐, 相信可以填飽我個肚!初初黎既就係凍奶茶, 飲番一啖涼快下自己先! 奶茶好香滑, 奶味好香, 飲落口仲有一絲絲茶既甘香味。無幾耐就到小食, 蜜糖雞翼同黑松露芝士焗雜菌西蘭花。蜜糖雞翼隻隻都好飽滿, 外皮又炸得香脆, 仲有蜜糖既甜味, 咸咸甜甜, 都幾惹味!食咁多肉都要食番D菜平衡一下, 黑松露芝士焗雜菌西蘭花, 成個熱辣辣送上, 食西蘭花既時候都有好香既黑松露同雜菌味, 芝士仲可以拉絲!雞扒流心奄列餐中, 雞扒大大件又厚肉, 食落口啖啖肉, 雞肉比我預期中嫩滑, 奄列好滑, 仲配左飯, 成個餐好豐富! 食完成個人都好飽!我朋友食左個忌廉粟米汁龍利柳撈丁, 都幾大碟, 聽佢講都幾好食, 個麵仲好彈牙, 魚柳都炸得幾香, 未試過咁既配搭, 但都可以出奇地好食又特別!有時黎屯門都唔錯, 又可以踩下單車, 又可以試到一D特別又好食既食物!我地都好滿意!

同幾個朋友去左冰室晚飯, 有個朋友話之前食過幾正, 個餐好大份, 會食到好飽! 佢介紹得一定有佢獨特之處!我地入到去坐低, 地方都好光猛又乾淨, 見到好多人都食扒餐!我都唔執輸, 叫個我最愛既魚柳食先, 有個餐又有魚柳又有奄列, 都幾抵食!我地幾個一齊share一d小食, 點左個q版煙三文魚沙律同青芥醬蜜糖雞翼。飲杯咸檸七潤一潤喉, 咸咸地甜甜地都幾好飲。q版煙三文魚沙律雖然細細碗, 但都有幾多, 中間仲有煙三文魚花花, 幾精緻!食落口好滑, 粟米粒粒都好甜, $15就有煙三文魚沙律, 都幾抵。青芥醬蜜糖雞翼, 件件都有半粒蕃茄仔同青芥醬, 賣相都幾吸引! 雞翼好香脆又好入味, 雞肉都好夠味, 仲有蜜糖味, 甜甜地, 好好味! 蜜糖同青芥末係最夾架!我點左個魚柳流心奄列餐, 奄列大大件, 又好滑。魚柳炸得好脆, 外脆內軟, 魚柳好滑, 個白汁加飯真係好好食!朋友點左個韓餐食, 佢個餐仲有泡菜, 佢揀左個鹽酥雞配蟹柳, 又韓又台, 夠哂特別! 佢都話幾好味, 成個餐都好豐富, 食哂一個都夠哂飽!朋友果然無介紹錯, 真係大份又好食!

今日係重陽節, 我哋一家三口去完善緣掃墓, 就行落龍門居搵食. 見到呢間有全日常餐, 又有好多選擇,  雖然要等位, 都決定一試.叉燒意粉+奶醬多+牛乳炒蛋 $32.00沙爹牛肉麵+奶醬多+牛乳炒蛋 $32.00--多士入口夠脆, 奶醬一啲都唔吝嗇, 好邪惡. --牛乳炒蛋入口充滿奶油香, 而且夠厚身.  基本上食完呢兩樣, 已經飽咗7成. --叉燒意粉嘅叉燒一般, 有幾舊有啲韌, 意粉韌度適中.--沙爹牛肉麵入口有啲辣, 麵不會過林鮮茄濃湯米粉配牛乳炒蛋+餐肉 $31.00--鮮茄湯底夠濃, 加有少許薯仔粒, 百厭仔連湯清晒飲品叫咗奶茶,朱古力, 檸檬水--朱古力, 檸檬水正常無咩特別, 但奶茶真係正, 飲得出奶香又夠滑, 入口唔苦但有茶味, 不愧為茶皇奶茶.

星期日的朦仔依然耐不住寂寞，出街食好西，同友人相約到屯門附近周圍行行，第一站就係龍門，事緣有朋友特意推介依度有間龍門冰室，身處食街中心的龍門冰室，一來已經門口排著少少人，但係好快就到我地，朦仔的心情十分激動，聞到好香的雞翼味道，一問店員先知道係蜜糖雞翼二話不說，坐低睇下菜單先，出乎意料地，菜單十分精美，菜式都好多元化，適合唔同人士，睇番午餐推介，有個特別推介，咖喱牛腩配飯/撈丁/意粉，朦仔選左撈丁，同蜜糖雞翼，飲品我當然係食下特飲雪糕紅豆冰，可以有朱古力同香草兩種口味雪糕選擇（選擇了香草雪糕）！餐廳的環境好舒服，雖然人來人往，不過十分寧靜，裝修設計好摩登，有點鬧市中的綠洲的感覺！雪糕紅豆冰十分精美，紅豆相當足夠，對於紅豆控的朦仔來說是好吸睛的一口紅豆冰加一啖雪糕，好有身處冰天雪地的情境，一股涼意由口部直達到心！等左一陣之後我的咖喱牛腩撈丁就已經到了，咖喱牛腩的色澤好漂亮，仲有少量嘅新鮮沙律菜做伴碟，方便食完濃味咖喱之後，可以作為一個平衡味覺之用，10分有心思份量很足夠，龍門冰室真係值得一推！

本身冇特別留意e間野，見朋友話幾好食於是就入去。間餐廳唔算大，裝修都冇話好特別，一入去同普通茶餐廳冇乜分別，但幾乾淨。見佢有好多set，我就點左個奄列餐，試埋個芝士勞丁，朋友叫左個蕃茄湯面。我比較中意我朋友個面，個湯底好重蕃茄面，唔似一般開粉個d咁，而我個芝士勞丁就冇乜特別，可能因為太多芝士既食物，令到芝士失去左新鮮感。整體而言，間冰室都算ok，應該係sell親民路線，野食冇話好懷舊，好在價錢又唔係話太貴，可能做開街坊生意，見好多中學生入去食野。如果咁岩經過可以試下，但我又覺得唔洗專登走去食。

食過兩次晏兩次都係食意粉 黑松露意粉 太咸牛油香蒜帶子 太淡餐牌上寫可轉扁意粉係呃人 兩次去都話冇沙律幾好食又大兜 唔會令我覺得核核突突唔想食個紅湯嫌有啲酸 但料足雞脾餐好食又抵食 揀左既薯蓉好大份 薯仔控好滿足