龍門金閣海鮮酒家

营业中

休息中

以往,在香江不同傳播媒介,也有不少著墨於忘不了魚的介紹,據云是謂淡水魚之王;傳說歸傳說,若能被得以證實,才會令人信服!身邊有不少懂吃喝精玩樂的好友,這次竟然在本地找到了吃到這種淡水魚之王的食店,地點就是在尖沙咀的--龍門金閣海鮮酒家;好友發起的約局,很多人有迴響,遂向酒家查詢,原來有些懷舊粵菜同時可供選擇,於是乘興就有了一個夾雜著忘不了魚與懷舊粵菜的晚宴!從佐敦或尖沙咀地鐵站步行至酒家的距離也差不多,所以各人都徑自來到目的地;好友與我最先到達,從其外門裝潢來看,已給人一種低調沉實的格調--以紅色底色襯托著醒目的"龍門"二字牌匾,自然而不浮誇!而內裡的裝潢也貫徹這種格調,燈光適度柔和地明亮,有較高的樓底營造較佳的空間感,足夠的冷氣與良好的抽風系統,令人感到相當舒服!由於好友綜合了各人口味喜惡,訂位時也預先訂好了菜單,基本上只等人腳到齊就可上菜;差不多八時了,友人也先後到達,酒家經理與好友交談了一下,就馬上起菜;第一道上來的懷舊叫化雞,感覺是將著名小說裡的現實化了--以鋁箔加上一層荷葉包著一整隻鮮雞,外層裹以仿泥土般的面粉類食材做成的脆漿,以多重介質密封著鮮雞去焗製;這樣做的好外就是把雞油

今日假期都要返公司做嘢，同事由朝忙到晚，幫老板成功接到一單大生意，所以老板請我們食飯，佢訂左尖沙咀龍門金閣海鮮酒家。話果間D菜式不錯，又有懷舊中菜，重好好味！放工我們就一同前往。老板點了幾度菜式。避風塘瀨尿蝦肉，我喜歡食瀨尿蝦，因為蝦肉非常鮮甜，但我又怕剝殼好麻煩，這度菜就最岩我，已去殼的蝦肉加上薄薄的脆漿，炸過之後用炸蒜再炒，啖啖肉，又香又甜真美味！避風塘百花釀鮮魷，侍應介紹鮮魷是印尼新鮮運到的，特別厚肉和鮮甜，中間釀入蝦滑再泡油，之後用加入大量炸蒜，爽口彈牙好特別的口感，味香又鮮甜。脆皮炸豬手，豬手都好大隻，將皮炸至金黃色脆卜卜，肉質鮮嫩又入味。配中式芥末醬甚滋味！秘制黑醋骨，個秘製黑醋汁相當惹味，酸甜度適中，排骨肉質軟嫩有口感。生炒臘味糯米飯，除了臘味，還有蝦米仔、花生和芫茜。糯米飯炒得夠味，加上有臘味伴炒，令味道更香更惹味！黃金蝦球，大蝦球加入脆漿炸至金黃色，再用咸蛋黃炒過，外層口感酥脆，味道咸香，內面的蝦球好爽口。飯後店家還有糖水送，芋頭面米露，滿足的一餐，多謝老板！臨走見到龍門老板在整理新菜單，同事們齊說下次再來試試喔！

星期日, 我們一家到了尖沙咀睇戲行下街，大約到了晚飯時候，行經一間中菜餐廳。＂龍門＂見到食客人數好多，相信食物質素一定有所保證，所以我們就入了去！環境尚算大，店員既服務態度同樣相當不錯，見我有個大書包就拎多張椅比我放，體貼呢！黃金蝦球：黃金是以咸旦黃所炸成的蝦球，顏色是金黃色的；咸旦黃不會太咸，但保留左咸旦黃的香味。當中既蝦球，十分爽口又彈牙，兩者一同食用，味道十分配合。油份不會太過油膩啊！避風塘瀨尿蝦：以避風塘炒成既瀨尿蝦，嗅落已經知道鍋氣十足！師傅已經將瀨尿蝦刷好肉出來，完全方便了食客們食用，令我可以一口就食到原隻瀨尿蝦，超正！瀨尿蝦入面依然保留到適當既水份，食起來不會覺得乾，鮮味同樣地保留，不錯啊！加埋避風塘炒既粒粒食用，更加惹味！避風塘百花釀鮮魷：同樣以避風塘炒成，依款鮮魷吾同街外既鮮魷。因為鮮魷入面釀左隻蝦入去，果然令我好驚喜，覺得好特別！食用時有多重既口感，鮮魷比較實肉，而當中既蝦是爽口的，一次過可以食出兩種鮮味，真的不錯啊！百花釀鮮魷炸至金黃色，同時又不油膩而是惹味啊～脆皮炸豬手：本身個人對於豬手是毫無興趣，因為覺得太普通。但依間既炸豬手大大隻，仲有好多肉食；而最重點是真

今個月是我生日，幾位朋友請我去食飯慶祝生日，他們知我喜歡食懷舊中菜，就推介尖沙咀龍門，因為之前其中一位朋友父親節去食過，味道吾錯，今晚就讓我去試試！朋友知我喜歡食豬手，所以首度菜是脆皮炸豬手，豬手皮已經起肉，皮炸得相當脆，想濃味一點可以點芥末醬，味道不錯。再來一個秘製黑醋骨，個黑醋汁調製得很好，酸酸甜甜好夠味，排骨也很鮮嫩。避風塘百花釀鮮魷，將蝦膠釀入魷魚，我是第一次食，好特別的口感，蝦膠鮮味，鮮魷彈牙，配合炸蒜一起食，零舍好味。另一樣避風塘瀨尿蝦肉也很惹味，瀬尿蝦肉用薄薄的脆漿包住炸，外面有脆口感覺，蝦肉鮮甜，同樣也可以配炸蒜食，味道很香甜。黃金蝦球也是一惹味菜式，外面香脆，蝦球彈牙，鹹蛋黃包住每粒蝦球，鹹香味濃郁。最後是生炒臘味糯米飯，臘味切粒，加入糯米飯一起炒，糯米飯吸收了臘味的香味，味道香濃又有口感。食到最後還有糖水送，芋頭西米露，好香芋頭味，甜甜的味道為我的生日飯劃上完美的句號！

爸爸出左trip成個月終於返港, 今晚同佢補祝父親節飯, 知道佢中意食中菜, 就特意搵左間網上評價比較高既中菜酒家食dinner。呢間酒家唔算好大, 幸好有預先book檯, 正正晚飯時段, 餐廳內已經座無虛席。父親節飯當然爸爸發板, order左幾款佢中意既菜式, 其中亦係酒家所主打推介款式。【秘制黑醋骨】HK$108糖醋汁平均附於每件表面, 算幾多以食, 入味得黎又夠林, 甜甜地, 送飯一流!爸爸知我中意食"避風塘”, 所以order左兩款都係以"避風塘”煮法~【避風塘瀨尿蝦】HK$288平時食瀨尿蝦, 剝殼剝到手痛又麻煩, 呢度既瀨尿蝦已被預先去殼再炸, 非常貼心, 可以大口大口直接放入口, 瀨尿蝦炸得脆, 脆皮亦很薄, 稍嫌肉質乾左少少, 不過夾集炸蒜食, 少少辣又夠香口【避風塘百花釀鮮魷】HK$128鮮魷size超大隻, 老闆介紹為自家到印尼直接取貨, 所以新鮮之餘, 價錢都平d!鮮魷非常爽口, 鮮魷中亦釀左手打蝦膠, 同樣時鮮甜彈牙, 雙重彈牙口感, 正!! 而且炸皮薄而不帶油膩, 絕對是色香味俱全之一! 推介!!【黃金蝦球】HK$148炸皮炸至金黃, 上檯時已聞到陣陣鹹蛋黃

爸爸節食飯 緊係食返中餐啦 呢間係d auntie介紹 佢話咩節日都黎呢間食 尖沙咀都幾就腳 發覺呢期成日去尖咀食野😂 咁岩老細係度 不斷介紹呢度招牌菜 為左令爸爸可以回味家鄉味道 先點呢款八寶鴨先 八寶鴨入面有 蓮子，百合，冬菇，蝦米，臘腸，金華火腿，瑤柱等等 原隻上 熱辣辣 入晒味 連個汁都好正 龍蝦崧生菜包 越南式食法 用生菜包住黎食 好食 鮮味 如果龍蝦肉再大粒d就更正啦🤣 酥炸咸豬手 呢個好正 炸到好脆 皮肉之間肥d筋好黏口 食到停唔到口 可以點芥末 但我like原味食😍 炸大腸 清得相當乾淨 點埋個甜酸汁 完全冇so味真係無介紹錯架

為咗氹老人家開心，我哋決定將父親節同母親節一齊慶祝～餐廳方面都係想以中菜為主！我屋企人就好得意，出去食飯阿媽永遠都係會講＂點啲屋企煮唔到嘅嘢＂(皆因佢都係廚藝高手😎✌🏻🤣)為咗滿足佢哋，呢一餐真係費盡心思🤣＂懷舊叫化雞＂方法好特別，要用錘仔卜開d荷葉皮！外表平平無奇但一打開已經香氣撲鼻🤤金黃色嘅嫩滑雞肉，配合紅棗、冬菇、木耳等等嘅配料底下層次豐富。係一個相當需要技巧嘅菜式！呢碟外脆內軟＂脆皮炸大腸＂真係必點！咬落勁香口而且又唔會多肥膏！超正！＂生炒臘味糯米飯＂有人話最高境界嘅生炒糯米飯係可以粒粒分明，食落嗰種油香係平均分佈滿每一粒飯粒，鹹度適中。呢個糯米飯正正係我食過最好食嘅糯米飯！呢一條＂清蒸忘不了魚＂係鎮店之寶，雖然係河魚但係冇泥味，而且魚肉肉質好有彈性，幾乎係每一台必點之選。最後嘅甜品以綠豆沙結尾，係呢啲咁熱天氣，綠豆沙正正可以下火，長輩都非常滿意呢一餐🤤💓

以前香港人想食海鮮就話去鯉魚門，依家想食海鮮就有好多選擇，週日趁放假就和屋企人輕鬆食返餐。望吓menu, 除了食海鮮，仲有多款出名既古法菜式，例如鷄疍焗魚腸，叫化鷄，八寶鴨等等。七咀八舌之後，就落单點菜，叫了八寶鴨，奄仔蟹，群翅鷄湯泡粗糧，生炒臘味糯米飯和富貴花龍鳳球。先食八寶鴨，我食這隻鴨之前就先考吓囡囡和女婿，問佢地知唔知八寶鴨既八寶係乜野食材，佢地即時口啞啞，其實放於鴨腹內烹調的八款食材是糯米，蓮子，茨實，百合，粟子，薏米，冬菇和鹹蛋，這八款食材一起放於鴨腹內烹調，這道上海名菜，相傳是乾隆最喜歡的菜式之一，但烹調過程繁複，現在已不是太多厨師肯花時間烹煮這款菜式了。富貴花龍鳳球，富貴花即西蘭花，把西蘭花舖切放於碟中央，龍鳳球即燒鷄肝和蝦塗上少許麵粉鮮炸，特色是入口即感覺有少許剌鼻，原來加入了介末醬和沙律醬，所以味道颇似日式燒物刺身。奄仔蟹上枱，從未見過咁大隻奄仔蟹，把蟹蓋打開即見滿滿金黄的蟹膏，仲以為伙記俾錯咗黄油蟹，原來巨型奄仔蟹產自菲律賓，用淮鹽，香檳和牛油烤焗，遠遠已聞到淮鹽香味，這道中厨西煑的奄仔蟹味道頗有特色。群翅鷄湯泡粗糧，名字很特别，用群翅鷄湯做湯底食材，點講都唔係屬

柯士甸路是一條頗長的街道，連接金巴利道和添咸道，但搭地鐵步行約十五分鐘到達這間海鮮酒家，老友話呢間酒家老板係一名海鮮批發商，很多著名酒家的海鮮都係由佢批發海鮮，依家佢自己兼營呢間海鮮酒家，所以值得一試喎。既然講到咁，自稱食神既我又點好意思推却，一於就過九龍試菜。一去到就已經覺得位置好面善，原來前身就係係度經營多年兼專做名人生意果間。一坐低老友就介紹了幾道菜式，先食富貴花龍鳳球，脆脆的龍鳳球一咬開，先有一陣刺鼻的感覺，原來裏面包有蝦和燒鷄肝鮮炸再抹上介末醬加沙律醬的醬料，唔知仲以為係wasabi，但醬料味道颇有創意。一大盤的群翅鷄湯泡粗糧，湯底有群翅外，亦有淮山，云耳，西芹，脆肉瓜，廿荀，秀珍菇和蕃薯一起煑，令湯底帶糊狀，這道菜式健康兼配料豐富，當然除了食材外，就一定要連湯底都飲埋，因營養豐富。成日以為生炒臘味糯米飯係冬天先有得食，估唔到夏天都可以係呢度食到，糯米入口黏味十足，配上半肥瘦的臘腸，這道臘味糯米飯彈牙不油腻，夏天不妨一試。八寶鴨全隻，八寶鴨一切開，鴨胸包有蓮子，粟子，薏米，百合，鹹蛋黄，茨實，冬菇和糯米八種不同食材，所以稱之為八寶鴨，所有食材撈在鴨胸一起炆，食材全溶在鴨胸內，

家人想吃懷舊菜，於是到了尖沙嘴新開的”龍門金閣海鮮酒家”。此酒家主打海鮮和懷舊菜式，正合我心意，一於同親人們去試試。餐廳位於柯士甸路，港鐵佐敦站出來大概5分鐘的路程都很方便，怪不得十分滿座。酒家門外有魚缸，裏面都是些生猛海鮮店員熱情招呼我們就坐，還介紹些菜式給我們，十分殷勤有禮。《八寶鴨一隻 $498》歷史悠久的一道懷舊菜色，聽就聽得多，這還是第一次嚐，鴨外表色澤油亮，鴨身飽滿汁潤，店員介紹顧名思義有八寶釀左喺鴨入面，輕輕一切開見到入面好豐富呀，塞满好多材料，鮮味四溢，當中包括有蓮子、白合、蛋黃、糯米、茨實、薏米、栗子和東菇，連鴨肉一起在其中，味道好香好特別，果然名不虛傳。《鹽焗香檳奄仔蟹一隻 $476》店員介紹這道用的是菲律賓奄仔蟹，並不是平時本地食到的”奄仔”，看賣相我諗這隻應該是奄仔王吧，膏和肉都爆出來了，用上牛油鹽香檳焗，看見親友們食得十分滋味，他們說連殼都有香濃的牛油味，第一次食這種煮法，大家都大讚。《桂花炒鮮蟹肉 $168》是一道好少見的菜色，好少用蟹肉這樣做法，用碎蛋連桂花碎和蟹肉混炒，三種味道一起都好夾，口感味道相互都做到提鮮提味的效果。《生炒臘味糯米飯 $88》店員介

今天揸車去尖沙嘴工作，順便食晚飯，想食中菜，經過柯士甸路見到這間新開的龍門金閣，一於試試入到餐廳都幾滿座，相信都冇嚟錯。今天老闆介紹我食奄仔蟹和推薦我食餐廳拿手的壞舊菜，一於試試，而且餐廳原來今年1月份才開張，本身是做海鮮批發的，所以海鮮的貨都特別靚和成本較低，可以以平民的價錢食到上等貨，十分期待。《鹽焗香檳奄仔蟹一隻 $476》這樣的做法都未試過，老闆介紹製法過程都有些喬妙，所以特別入味，用的是菲律賓奄仔蟹，比本地大隻好多，平時食到的都是小小的，這隻真的好大隻，而且膏和肉都好豐富實在，用上牛油鹽香檳焗，味道好香，連殼都有香濃的牛油味，真的回味無窮。《富貴花龍鳳球 $268》外表睇落真的猜不到是甚麼材料，入口外層是彈牙的蝦球，裏面原來還有的是燒雞肝，配搭有新鮮感，口感味道層次增添不少，配上日式芥末醬，別有一番風味。《群翅雞湯泡粗糧 $88》我見菜單有這道群翅雞湯泡粗糧，見到好健康清清地，平衡一下，當中有群翅、淮山、木耳、翠玉瓜、番薯、秀珍菇、香菇、紅蘿蔔和西芹，湯都好清甜，材料豐富，而且都是健康食品，味道不錯。《生炒臘味糯米飯 $88》老闆十分自豪的一道菜色，讓我們一定要試試，光看賣相

朋友知我愛吃中菜, 尤其是傳統的懷舊菜. 這天帶我來的這家開業不久的地址有點熟悉, 之前好像也是一家中菜館. 朋友邀請的關係, 已預早訂了些菜式, 不用選擇而只需吃便行了. 第一道菜, 先上傳統菜式裡我最喜歡的便是叫化雞. 現代的做法自然不會是埋在土裡再用火燒了. 先把不同的菇菌類(金針,木耳,冬菇等)紅棗放在雞肚內, 封好後用錫紙包好再包上荷葉, 麵粉去燒焗. 出來的成品自然是雞肉香嫩, 尤其是雞肚裡的菇菌最是入味. 添加了雞油的香鮮味. 八寶鴨也是較傳統的菜式, 不容易在一般酒樓吃到. 裡頭的材料有八寶, 我吃得出的有冬菇, 蝦仁, 蓮子, 糯米等. 肉質軟糯入味, 份量及飽肚感十足. 很喜歡的一道菜式. 最後還是要點份蔬菜平衡一下, 以雞湯浸的菜膽入味非常, 配上咸鮮的火腿很可口, 配上鮮味雞湯一流.今晚人數較少只有4人, 可以點的菜式不多. 看到鄰枱正在吃的"忘不了"有點令人羨慕. 下次可以來試試. 

朋友們聚會，大家也喜愛中式的味道，其中一位朋友得知，這店出了六十年代的懷舊菜宴，於是大夥決定追隨味道的步伐而再來。酒家實而不華的裝飾依然沒變，是傳統小酒家的特式之一，枱上的杯碟，也是傳統的方式。經已預訂菜式的我們，邊談天，邊期待懷舊的味道。不知不覺地，酒家已為我們預備好了。細數印象深刻的菜式。懷舊叫化雞，俗稱「乞兒雞」，這個菜很久也沒再聽過，真的有點意外。酒樓員工打開後，原來雞肚中還有乾坤，內藏著金針、木耳、紅棗、冬菇等，單是這樣，已經令人食慾大增。雞油的香，熔入進雞肉中，令雞肉滑滑，金針、木耳、紅棗、冬菇等，令雞的香味更進一步提升。清蒸忘不了魚，這種難得再現的河鮮，想不到可以品嚐。上枱之時，還有魚鱗一起，原來連同魚鱗一起清蒸，可保魚肉的中的油脂香味。吃之前，職員才會代為去除魚鱗，而且魚鱗還可以吃的。去除魚鱗後的樣子，那種網紋的外形，非常特別。魚肉入口肉質爽勁，很有咬感，完全不似是魚肉的口感，而以河鮮來說，鮮味也很十足。不消多久，先前的魚鱗再上枱，以避風塘式炸香，除了入口之香，口感脆脆，有點像薯片一樣，與啤酒同吃非常配合，這個魚鱗真的很令人意外。肘子雞湯浸菜膽，青青黃黃的菜膽，襯托著片

位於尖沙咀嘅龍門金閣海鮮酒家有好多懷舊有出名嘅菜式都可以喺呢度食到。雖然我哋都係年輕一代，但其實好想食下以往六，七十年代，香港起飛果時出晒名魚翅撈飯嘅菜式。懷舊菜叫化雞真係唔係度度可以食到，而且做法複雜。 出面用咗錫紙同埋一層類似泥土既嘢一齊烤焗，食之前要卜碎個外殼，卜完之後芬香撲鼻。叫化子雞焗出嚟嘅雞肉特別嫩滑，由於 雞內填滿咗十幾種鮮材料，例如金針雲耳等等， 焗完之後雞肉入晒配料味道，不同凡響。 講起70年代梗係唔少得 魚翅喇。桂花炒魚翅，魚翅條條分明，唔乾身，口感有絰。而且桂花加入蛋碎炒，食落好香口，每一啖都有魚翅一嘅口感，我終於食到魚翅撈飯嘅感覺啦。 呢度又係另一度懷舊菜，蓮子八寶鴨。鴨內又係填滿咗 好多種材料， 例如冬菇，蓮子，糯米飯等等。食落鴨肉鮮嫩，口感層次好豐富。窩貼大明蝦， 蝦肉非常之彈牙，而鍋貼口感有啲似多士咁鬆脆。配合彈牙嘅蝦同埋醬汁一齊食 ，口感好特別好豐富。 呢個生炒臘味糯米飯係我咁多年以嚟食過最好食嘅糯米飯之一。首先糯米飯一啲都唔油膩，臘味味道芬香撲鼻，而糯米飯鹹度適中，最緊要嘅係佢糯米飯有一種黏口感，卻粒粒分明，食落唔會漿實晒咁，做工真係好出色。

今晚同一大班朋友黎到尖沙咀聚餐，我地十幾個好多人，所以簡左間有大圓枱既龍門，原來呢度仲要係全日免茶芥免加一，酒家黎講真係第一次聽。簡左個「六十年代懷舊菜宴」，剛好我們個個都未出世，菜色都未食過，對我地黎講都算試新野，其中有幾樣我都幾鐘意。🥢懷舊叫化雞原隻雞用泥土、荷葉包裹好，將炒香既餡料塞入雞腹，再用烘烤方法整既一道特色菜。色澤棗紅明亮，芳香撲鼻，雞肉嫩滑。🥢乾隆龍蝦鬆生菜包龍蝦比整隻手掌仲要大隻，米粉用熱油炸好墊底，將肉粒、蔥花等炒香，再以生菜包裹進食🥢桂花炒鱼翅炒桂花翅，用魚翅、雞蛋、金華火腿等炒成，從材料到炒功，都好考手藝，魚翅非常彈牙有口感，亦充滿蛋香味，每口都係鮮味。🥢蓮子八寳大鴨如菜名一樣，就係將八種材料塞入已經去骨既大鴨內，八種材料蓮子、栗子、金華火腿......等等，係一道需要耐性既巧手功夫菜，鴨肉好淋，我最鐘意食入面D料，蓮子相當綿好食。🥢生炒臘味糯米飯美味唔肥膩既生炒糯米飯，真係非常難得，糯米飯香香QQ，粒粒分明夠哂鑊氣，絕對係我食過最好食既糯米飯。🥄海帶綠豆沙食完甘多正野，食返個綠豆沙可以清下熱氣，估唔到呢度既綠豆沙一樣懷舊，出街已經好少食到加左海帶煮既綠豆沙，真