龍鳳冰室 (蘇杭街) (已結業)

想食常餐，叫網上外賣平台外賣，見到龍鳳order 下。叫左一個沙嗲牛肉麵早餐（$41）， 沙嗲牛肉湯意粉常餐(跟多士同火腿蛋)（$70), 菠蘿包餐 （$43)一到左。。嘩嚇死我。。首先，網上外賣平台mark up 左都算，明知外賣，唔分湯？今時今日deliver 外賣基本嘢啦。已經mark up 左十幾蚊一個餐，多個碗分湯都無？啲麵淋曬常餐只可揀意粉都算（公仔麵要加$12🤑🤑）. 70蚊餐個粉, 肉同汁少過41蚊餐個麵？兩個碗sizes 都爭好遠。70蚊餐個沙嗲牛完全無沙嗲味，同普通牛肉清湯無分別，仲要少牛肉過早餐d肉。原來多劣評係有原因。唸住常餐唔會差得去邊。收呢個價唔該做好啲呀。如果半價都仲值嘅。早知order 返平時叫開個間。無下次。

好少有機會去上環開工，做完野已經過左午餐時間，用開飯望下附近有咩食，見到呢間出名炒蛋既茶記，即管叫左個豬扒炒蛋菠蘿包試下。出餐時間比app預定早，唔使去到等。門口有少量人等緊位／外賣，下午茶時間黎講以佢既舖位位置都算係旺。個炒蛋唔係滑蛋黎，但又唔會太老，係啱啱好熟，豬扒煎得幾香，係個包無平時食菠蘿包果陣香酥味，失色左，但夠大份，一個大男人無食午餐都夠飽，值得試。飲品叫左茶走，茶底就係一般茶記飲開果隻味，甜落得太多，以為攪勻左飲到底都仲係好甜。

星期日上環真係好難搵野食，好多間食店都唔開，早午晚要搵食頭痛到癲。搵早餐食搵到去蘇杭街見到呢間龍鳳冰室，咁就試吓啦，雖然食評好一般。望完餐牌，叫咗兩份早餐外賣，一份係沙嗲牛肉麵，另外一份叫咗餐蛋治。沙嗲牛肉麵跟埋一片多士加炒蛋，多士同炒蛋味道真係好掂！至於個麵，唔算有驚喜但唔可以叫做差，下次試吓轉做出前一丁。唯一係個牛肉可唔可以切片唔好切一條條？口感冇咁好。餐蛋治好正，我覺得最正係炒蛋，呢間野嘅炒蛋冇得輸。

_____好味指數：🌟🌟🌟抵食指數：🤑🤑🤑呢間餐廳比我嘅印象就係招牌好有特色。第一次食佢係喺灣仔，而家經過上環又見返就決定再試下✅珍寶法蘭西多士一上碟就覺得份量十足，西多士用兩塊厚切方包做成，外層炸到金黃香脆，質感相當鬆軟，中間就搽滿咗香甜軟滑嘅粒粒花生醬，再配埋香甜嘅糖漿同芳香嘅牛油一齊食，不錯✅鴛鴦扒配炒蛋意粉有雞扒同豬扒，兩種扒兩種做法，雞扒炸完幾酥脆，豬扒煎完幾香口，炒蛋幾滑同有口感，加埋意粉夠晒飽肚

有好被搵笨的感覺，神級係點定？可一不可再😩.見人少少有位諗住試下，夜晚要OT，下午茶當埋晚飯。.餐牌同店內外特點係好多搶眼嘅食物相，啲相的確好吸引，而且光猛同主打龍鳳呈祥嘅紅顏色，好精神嘅感覺，糖包又用懷舊兼印有餐廳名字嘅漱口盅裝，好有feel，加上有名人效應，心情上都有啲期望。.先睇餐牌👇有香港特色嘅菠蘿包餐、焗飯等。.👇下午茶餐同早餐都分別有兩頁.👇仲有其他選擇.👇下午茶餐 神級XO牛坑腩撈麵 $50⭐️⭐️無睇錯，係兩星，想再俾低啲。撈麵叫神級XO，神級不知係點嚟定，XO唔知係講緊等級上還是係XO醬，兩者都唔係，碗麵無乜汁，似豉油撈麵，無乜味，除左鹹。我要自己狂加辣椒油去調味。.👇牛坑腩同樣無乜味，有少少煲完湯嘅湯渣無晒味咁。.👇奶茶⭐️⭐️⭐️💫 (3.5分)總體而言，都係幾失望，真係唔好食得來有好求奇嘅感覺。照計有名氣都要顧下形象吧，應該短期內唔會再去，起碼唔會再去呢間。

伏到一個點…先係杯咖啡係我人生飲過最難飲嘅齋啡！真係難飲到不得了！由於朝早只係食咗兩隻蛋&一個奇異果，已經超肚餓，但又唔可以食太飽，然後睇中個下午茶望落似有兩條腸仔就點咗個六寶（走蟹柳）諗住食上面D餸，點知嚟到我食緊串雞嘅時候發現腸仔唔見咗變咗兩片司華力腸，大佬呀！我唔食司華力腸，你無腸仔係咪要講聲我知先？！話補一塊午餐肉比我，我都唔想食午餐肉！份炒蛋又明顯得一半，豬頸肉兩片比我的尾指還要小！個撈麵淋到一夾就斷！個明星仔退股後真係越做越差！

估唔到65蚊牛餐可以咁難食..個combo真係唔掂..都唔緊要..分開每樣野,好食就ok..雞扒..乾到CLS..意粉..個硬到OK..但無汁,係完全無! 滑蛋放係乾意粉上..諗到都驚

煙三文魚蕃茄意粉意粉：唔落鹽烚，又無炒過（個Menu 好多湯意，估計係湯意撈出來）煙三文魚：仲結冰個陣直接放入熱水解凍，搞到個顏色好似熟三文魚咁，之後直接達係一灘茄膏加水既茄汁上面，見到都唔開胃，味道同果口感都勁怪伴碟：d 粟米係前日烚完賣唔出？菠蘿冰：完全無菠蘿既香甜味，又酸又怪，d 水仲要係罐頭菠蘿水嘅味道，沉底有啲紅色野搞完之後食到辣椒味總結：小弟最憎食湯意，然後佢比左份無湯既湯意我，諗住煙三文魚無得輸，點知輸得仲勁過意粉，菠蘿冰我寧願你直接用罐頭菠蘿，都好過用唔新鮮嘅菠蘿配菠蘿罐頭水，然後加辣椒，呢杯野究竟乜嘢黎。越食越頹，越食越灰每樣野咬左兩啖就拜拜，多謝85蚊，餓食熱死都唔幫襯你。

垃圾，70蚊既蕃茄牛坑腩意，牛腩唔係坑腩，係普通牛腩，仲要每一舊都起渣，痴牙，無牛味個汁都係大獲野，只係平時早餐茄湯通個湯，無鮮茄味之餘仲勁稀同淡，意粉係完全撈唔到汁，然後佢所有野都係分開整，牛還牛，薯仔還薯仔，汁（湯）還汁，成件事錯哂另外意粉同餸咁樣分開上，極度唔方便食野個碗仔太細，放兩舊牛腩都跌出來咁滯

從來冇食過一啲咁難食嘅野，所謂招牌嘅咖哩坑腩又鞋又硬，完全咬唔到，咖哩汁D油好厚， 飯又乾又散， 零分 老公嗌咗個雞翼飯 雞翼又乾又黑又硬 好明顯係返炸又返炸， 佢標榜嘅爆辣 只不過係揼咗一大堆辣粉落去..... 仲有塊豬扒我以為自己食緊個杯墊 總之中大伏...下次唔使錢都唔食

Very thick piece of toast which is good, but just with peanut butter on top seemed a bit boring because then the bread was just too dry if you didnt get any peanut butter in your bite. Eggs were nice and fluffy and runny, everything else was classic and basic style cha chaan teng, so dont expect too much except a cheap price which is always good. Happy they had English translations on the menu which made it easy for me as you can expect the staff to not speak English.

今日lunch time 逛逛下黎到呢間龍鳳冰室，見佢圖片同裝修不錯就入黎一試。叫咗個龍鳳特餐，揀咗菠蘿包跟招牌炒蛋配火腿，另外仲有個秘製雞翼意粉，飲品我揀咗凍檸茶。食物到齊，我就試咗個意粉先，味道唔錯軟硬度適中，幾好食嘅。跟住就食秘製雞翼，略嫌偏鹹同肉質鬆散，我自己就覺得麻麻地。再到招牌炒蛋，呢個味道都唔錯，但係唔夠熱，感覺好似整定攞出黎咁。我食晒呢幾樣野最後先食菠蘿包，我仲意將最鍾意食嘅嘢放喺最後，點知最失望 😞就係呢樣，好硬同好實，一堆粉咁。。。。。我捱唔到最後，無食晒就放棄了。個凍檸茶個茶底都係一般。成個餐食完好後悔。。。我相信我唔會再幫襯了。☹️

22-9-2019下午同友人去上環文娛睇舞台劇, 中午先來個lunch。假日既蘇杭街都有好多選擇, 尤其特色cafe, 我地本來坐左一間食意粉既cafe, 但眼見佢生意好好, 我地驚要等好耐, 唯有轉場😣😣心諗冰室應該快靚正, 而且龍鳳冰室望落去都幾ok (幾有喜慶氣氛😂😂), 所以入左去。舖內鏡璧上貼滿龍鳳推介, 賣相好吸引。友人叫了極辣芝麻雞翼配炒蛋飯, 我就叫左豬扒配炒蛋意粉。其實配炒蛋已經有點奇怪, 加上我碟意粉, 汁同粉分開的, 要自己撈, 味道唔均勻。最伏係塊豬扒, 又唔係厚切, 又唔算好熱, 雖然有2大塊, 但盛惠$67, 覺得唔抵😓 反而朋友叫既芝麻雞翼, 味道較好。另叫凍飲, 但佢地用左用完即棄既透明膠杯, 感覺唔好😌

龍鳳冰室係香港有好多間，聽聞係藝人林子善開既，究竟藝人開既餐廳會係點既質素?餐廳裝修算企理，有小小懷舊feel，算係新潮小小既茶記。食物選擇上都算多啦，有普通常餐特餐，有飯有意粉。我叫左個龍鳳神級XO滑蛋蝦仁飯，個名好好聽，但係食落就麻麻地，XO醬份量唔算多，蛋上面有好大浸油，可能係XO醬既油啦，但本人唔太Appreciate, d蝦都算脆既，但食落都feel到係雪藏蝦來，雖然大大隻，但係食唔出鮮甜味，做得最好既可能就係個滑蛋，有d似蛋包飯既上面既滑蛋，質感ok但係淡荗荗... d飯係加左d醬汁去調味既，但係同d個蛋同蝦味道唔夾，單獨食可以，但係整體就怪怪地咁..同事就叫左炭燒肉鬆雞扒配招牌炒蛋，掛住食唔記得影相，睇住menu個樣先。個雞扒應該係炸既，食落都係麻麻地。同事加15蚊轉配杯龍眼冰，但係味道太甜，都係麻麻地。成餐食完感覺好油膩，用好多食野既quota得來又冇咩食好野既快感，結果食完個胃頂住頂住左成個晏晝...証明真係好油膩😓

呢間野平日晏晝去食，會有好多上環嘅上班族身影。講到香港人平時最鐘意食嘅茶餐廳，最大一個特色就係多肉少菜，大大份肉就好似係香港普通茶記嘅特色咁，呢間都唔例外。呢間野大部分lunch item 都係60蚊或者以上，貴貴地唔會太離譜。但上菜你會發現佢份量真係好大，D 肉有成兩大塊之餘仲要有份炒蛋同意粉。味道係唔錯，但係對我講營養唔均衡，冇菜但肉佔左成個餐嘅5-6成，食完會好飽又唔係好健康。環境方面，入面唔知點解好熱好熱，加上人好多，坐得好鬼迫。