龍鳳祥餃子館 (裝修中)

我為左冬陰功湯底而黎，入門口之前都問咗仲有冇冬陰功湯底先，冇諗住就吾食，好彩有冬陰功湯底要加$18，餃子要左10隻白菜豬肉餃$47一上個鍋就好有睇頭，其他湯底嘅湯餃都係用碗上，只有冬陰功湯底會有金色小鍋，下面仲有過火幫你熱住，食到最後個湯都仲會出煙。一上嚟我即刻試咗啖湯先，酸酸地好開胃，我個人認為唔辣，但重椰香味，好好飲。但個湯底入面真係乜嘢都冇，加左$18，如果有啲菇就好啦。至於餃子就還好，包得好結實，唔會散開，個皮吾算薄，豬肉比平時食開嗰啲深色，可能做過調味，白菜就冇咩口感，但餃子都好大隻同飽肚。後記：飲完個湯成晚好口渴

最近係佐敦附近返工，經過見到一間價錢合宜，賣相吸引，於是就入去試下。餐廳不算大，座位間比較擠迫。餐廳人流較多，全場坐滿人，更有一批熟客仔經常來吃。牆身掛了數個由木板製作的餐牌，相當吸睛。韭菜豬肉煎餃 （10隻）$55即叫即炸👍🏻👍🏻大大隻煎餃，即使是煎餃，也不油膩。 分量十足😋😋麻醬冷麵 （牛展）$54有兩款配料可選擇，有雞絲和牛展。小編簡了牛展。牛展分量多多，厚薄適中，肉質的柔嫩。冷麵配有雞蛋、甘筍絲、青瓜和芫荽。正在減肥的你，一定要試下，食完都唔會覺得有負擔🤣配上一杯豆漿，真的很滿足。餐牌如下。除了有餃子外，還有湯麵/ 飯、絆麵/ 飯、冷麵、涼菜和小食。

份量又大又好食 🙌🏻🌟 加 $18 配小食飲品各一 雞絲拌粉皮 $25粉皮超級入味~ 韌勁十足 好好食🤩雞絲偏粗條 都幾大方 👏🏻加埋青瓜絲同麻醬🥢 食落好開胃🤤肉三鮮餃子 5隻 粗麵 $49 + 正宗泰式冬陰功湯(+$18)肉三鮮入面有韭菜、豬肉、蝦仁🍤食材新鮮 份量又足 食落好多汁😋配埋個特式湯底冬陰功湯 🥘 味道都幾夾👍🏻味道尚算正宗 唔太鹹亦唔太辣 5小🌶程度無論配餃子定就咁飲都幾好味☺️口水雞翼 + 豆漿 (+$18)雞翼好大隻🤣 味道不錯 少少辣 幾入味仲有杯豆漿🥛 成個餐非常豐富

睇完其他foodie專登過黎試入黎見到話新出左冬蔭公湯所以湯餃加左$18配冬蔭公湯底湯餃揀左肉三鮮每一隻入面都有一隻蝦 粒粒都漲卜卜 而且韮菜味濃郁鍾意食韮菜應該好岩食湯餃相對煎餃個皮會厚少少 但係個皮好滑又有啲煙煙韌韌咁 都唔錯另外有少少驚喜 冇諗過一鍋咁上 仲有個火熱住湯餃再加$18 轉餐可以揀一個小食同一杯野飲揀左醉香雞翼同無糖豆漿雞翼就不過不失 聞落都香酒味 但食落隻雞翼就唔夠酒香煎餃揀左孜然羊肉餃皮薄餡靚 煎到孜香孜脆咬落仲爆晒肉汁真係要小心辣親嘴🙈🙈擔擔面真係好驚喜好耐冇食過咁香嘅擔擔面同行嘅朋友原來一直覺得擔擔面好垃圾今次真係令佢改觀晒湯底香濃花生醬味 加少少肉碎每一條面都掛晒湯好似中式沾面咁冇諗過本身係為食餃子而黎 結果係個擔擔而令我地印象最深刻

作為餃子發燒友🥹 真係見到餃子都忍唔住試下餐廳裝修係中國風～ 用嘅都係木枱木凳～有別於其他餃子餐廳！佢地有好多涼菜、小菜如果朋友唔中意食餃子都有可以食拌麵/飯～🤍酒香醉雞翼超濃酒味！凍嘅小食夏天食就啱哂☀️仲好大隻🥹🫶🏻🤍口水雞翼上面嘅口水醬好惹味🤪 唔會太辣🤍爽口醋木耳只係附加小食份量都咁多🥹 下面仲有好多青瓜～🤍千層醬豬耳 $29我同朋友們最中意的！😋😋😋好少見到咁樣形狀豬耳 大大舊好正🥰🤍孜然羊肉煎餃 $63好正嘅羶味🥹 煎餃大大隻 但唔會太乾或者太硬皮🥰～上菜熱辣辣又夠脆！🤍蕃茄雞蛋冬蔭公湯餃 $49 +轉湯底新奇嘅組合 有蕃茄口感 又有甜味！冬蔭公湯 酸辣比例啱啱好😋 都唔會太咸！用鐵窩+蠟燭上枱仲可以keep住唔會凍💯🤍芝士牛肉煎餃 $63超豐富餡料！中意佢有洋蔥～ 好有口感！有芝士味但仲keep到牛肉味～整體評分：🤍🤍🤍🤍🤍餃子大隻 味道選擇多～小食份量好足！係好有心嘅小店🥰

等咗5分鐘執埋枱就入得係IG見到原鍋冬陰公湯底就黎試下，點知賣晒，蕃茄、酸辣湯都賣晒，就叫咗清湯試下清湯肉三鮮 5隻配麵餃子都唔錯，每隻入面都有隻蝦仔 加埋韭菜幾香芝士牛肉 10隻煎餃煎得幾好，咬落去仲爆汁 好彩隔離無人坐 唔係實彈到隔離d野食，不過就無咩芝士感覺雞絲粉皮 (細)正常，最緊要食到尾都仲有麻醬汁豬扒 +$18就有一份同豆漿，豬扒淋 幾好，不過有d偏肥期間聽到唔少食物都賣晒，湯底、韭菜餃、豆漿，有一枱應該係琴日黎過 食唔到，今日又賣晒，最終決定走人，如果想多d選擇建議早d黎

佐敦呢一間餃子店CP值超高又平又大碗又抵食，入到去見到姐姐包餃子😂 有人情味同新鮮嘅感覺孜然羊肉餃子+ 泰式正宗冬陰功湯泰式冬陰功湯份量好大😂 好有睇頭👍🏻不過怕辣嘅朋友就要注意啦一定要配豆漿，因為都有少少辣孜然羊肉餃子唔會好羶，都有好多肉汁💯肉三鮮（韭菜、豬肉、蝦仁）煎餃外皮煎得很脆，裏面好多汁，所以食嘅時候要小心，會爆汁出黎😂千層醬豬耳個調味醬唔會好辣，層次分明，口感好爽脆👍🏻凍豆漿食餃子就是要配凍豆漿🈵🈵整體嚟講呢間餃子店好抵食，質素都唔差，唔好睇我叫得好少嘢咁，但係已經飽到上心口😂👍🏻 附近工作同住的朋友仔一定要試吓呀🤗

今日做完Treatment就去左食下午茶，因為我好鍾意食餃子，所以見到呢度有咁多款式嘅餃子就入黎食下😍我叫咗套餐A，簡左蕃茄雞蛋餃子配麵，見佢新出咗個冬陰功湯底，所以就升級加錢試吓！佢個冬陰功湯底好有驚喜，因為佢會用個蠟燭熱住個爐，所以個湯會keep住好熱，食麵嘅時候都會熱辣辣，第一次食蕃茄雞蛋餃子，覺得幾特別，雖然係似平時屋企會食嘅蕃茄炒蛋，但係用餃子嘅形式重新去製作，又有新1番味道！而且佢皮薄餡多😆佢個湯底酸酸地又開胃，冬陰功味濃，正！佢套餐真係好抵，仲配咗個小食同飲品！小食我叫咗就酒香醉雞翼，個雞翼好重酒味。因為食冬陰功會有啲辣，所以我就叫咗杯豆漿去中和下，一路食一路飲豆漿好解辣解渴！

上完興趣班後,孖住同學仔去白加士街嘅龍鳳祥餃子館開餐！餃子店採用全實木檯實木四腳長板凳,墻上掛有用竹簡寫嘅招牌菜式,頗有傳統中國特色！惠顧任何餃子/飯/麵加$18可轉套餐,配小食同飲品各一。有優惠,先來二杯味道不太甜有豆味嘅豆漿,解解渴先。芹菜豬肉餃配粗麵五隻餃子皮不算太薄,但勝在餡料足,豬肉加芹菜入味,湯底清清哋,加埋爽脆椰菜,十分健康！肉三鮮煎餃,餡料有韭菜、豬肉、同蝦仁。一客淨餃子有十隻,隻隻脹卜卜煎到金黃色,一口咬落去外面脆口,內裡肉多汁,加上韭菜獨特香味,每一隻都有蝦仁。點埋豆瓣醬同醋更好味！豬扒煎得腍軟,少少黑椒味,啖啖肉冇骨,有驚喜！吃完两個套餐,有啲意猶未盡。再追加淨白菜餃子😂😂有特色嘅店舖,見到員工正在包餃子,果真新鮮人手制造,而且有不用包法。下次會再來試試特色湯底同龍鳳冬陰功湯餃！

去完九龍公園游水，之後落佐敦搵食平平地簡單一餐為主見到有間新開張嘅小店，食餃子，睇落健康，貼地，價錢親民就直接入去下午1點幾，滿左等下位，一個人，等5分鐘就okmenu 都幾多野睇有飯，又有麵下午茶好似再平d孜然羊肉煎餃 淨餃10隻$63見到有羊肉餃，稔都唔洗稔直接叫，麵都唔洗小見，羊肉lover 一定會咁叫新鮮煎，好脆，爆汁，羊肉味好夠唔食羊嘅唔好叫跟餐+$18 可以有杯飲品加小食我再叫多個雞翼口水雞翼 同 酒香醉雞翼兩個都有特色口水雞，重口味人士必叫酒香醉雞翼 酒香味好重，入哂味豆漿就正正常常

每次去完隔離澳牛都會經過呢間餃子館，但每次都食到飽飽地所以冇入去試，今日下午茶時間，見到佢有套餐，好似幾平又多嘢食。叫咗A1套餐$37，五隻韭菜餃，小食叫咗香煎豬扒，再配凍嘅無糖豆漿。侍應極力推介佢哋新推出嘅冬陰功湯底(+$18)，我屋企平時食餃子都係點呷醋，就一於試吓新嘢啦。上枱嘅時候真係好有泰國風情，下邊有蠟燭熱住。湯本身夠酸，辣就唔算太辣，就算唔食辣嘅朋友都應該接受到嘅。韭菜餃細細隻，皮算薄而且多韮菜，而且本身調味都夠，我諗如果係煎嘅應該仲好食d。個人覺得都係分開韭菜餃同冬陰功湯底會好啲。兩樣嘢分開都好食，但夾埋就有啲格格不入。反而香煎豬扒夠鬆，食落有啲炭香味，夠晒惹味。自己都好驚喜竟然可以揀無糖豆漿咁健康，最後仲嗌多咗一杯添。加左兩隻醉香雞翼($14)，雞翼好大隻，本身用筷子試味嘅時候覺得啲汁酒味較重，而且係鹹甜味都有齊，但係食落反而酒味唔算太出。總結：我唸煎餃應該會更加出色，見到好多人都係叫煎餃，不過我自己覺得呢個下午茶都幾抵食，經過嘅朋友絕對可以一試。

真係好少見餃子店會有冬陰功湯底🥟好有泰國fusion菜嘅感覺🇹🇭酸酸辣辣 勁惹味 估唔到配餃子又幾夾喎‼️嗌咗個肉三鮮餃子 入面有豬肉🐷蝦🦐同韭菜 好鮮甜 而且個面底好索湯 好開胃呀👍🏻

我在九龍公園遊走一輪後，漫無目的逛佐敦寶靈街和白加士街，這兩條街道食店林立，各式各樣美食任君選擇，而且豐儉由人。我在佐敦白加士街(龍鳳祥餃子館)吸引店舖裝潢好中國feel而且我看見店員現場即場包餃子，感覺好新鮮和食得安心。下午茶時段我嗌兩套餐1.蕃茄蛋餃子配粗麵+豬扒+凍豆漿~蕃茄蛋餃子濃厚蛋味香噴噴，口感不鬆散，而且還帶有新鮮蕃茄味2.擔擔麵+口水雞翼+凍豆漿~擔擔濃郁芝麻醬，碎花生，肉末，川冬菜......等，其麵條細滑3.酒香醉豬手~醉汁混有香料味和酒味很有層次感，豬手皮爽肉嫩，零油膩感4.爽口醋木耳~一朵朵木耳爽口彈牙，甜甜酸酸，開胃醒神，炎炎夏日最佳凉伴美食5.三鮮餃子(九菜，鮮肉，鮮蝦)~每一隻都是手工餃子，饀料豐富圓潤，喜歡九菜獨特的味道食客，一定愛上這款餃子，鮮嫩多汁帶鮮蝦味餃子🥰🥰

今日係佐敦上完堂，諗住醫埋肚先返屋企，呢邊一連幾條街都好多餐廳，超級方便，揀咗一輪就決定食龍鳳祥餃子館。舖頭細細但乾淨光猛，全部用木枱木凳，牆上掛住傳統中國風裝飾嘅各款招牌菜。枱上面放咗醋、豉油同豆瓣醬，任客人自己調醬，啱曬我呢啲無醬不歡嘅人！蕃茄雞蛋淨餃（$49）好特別嘅內餡，餃子皮算薄，見到入面嘅特別紅黃蕃茄雞蛋內餡，咬落感覺少少甜又好有鮮味。唔鐘意淨嘅話可以加錢轉湯底，有秘製牛犇、惹味酸辣、閞胃蕃茄同冬陰功湯底比客人揀。肉三鮮煎餃（$60）餡料有韭菜、豬肉、蝦仁，外皮煎到金黃色好香脆，一咬落去啲汁係爆出嚟嫁！惠顧任何餃子或者麵飯+$18配小食同飲品，我哋就叫咗口水雞翼同無糖豆漿，雞翼皮爽肉嫩，口水汁唔會太辣好惹味！牛展麻醬冷麵（$54）拌冷麵份量都幾大，滷水牛展切條鋪咗係面，配料有青瓜、紅蘿蔔、青椒、紅椒、烚蛋，麵底係白幼麵，配上一大碗麻醬，撈埋一齊食，非常豐富！臨走見到呢度仲有外賣生餃同快餸小菜$42一款、$78兩款，如果住附近買返屋企加餸都幾正！

平時都知道佐敦呢頭有好多平民美食，價錢非常經濟，同出名多餃子店，今次經過呢間龍鳳詳餃子店外面裝修望落去都充滿古色古香，好有古代文化氣息風格，望落去係一間平民小店座位唔多所以如果繁忙時間都應該要等位。我哋要咗兩款餃子一款係蕃茄雞蛋蒸餃，可見餃子粒粒飽滿，餡料充足，皮薄餡靚。肉三鮮煎餃，餡有韭菜、豬肉同蝦仁，餃子皮煎得外脆唔會太有油膩感，我哋中加咗轉套餐有小食同豆漿一杯小食要咗麻辣豬耳同陳醋雲耳，注意夠爽脆，充滿花椒香，10分推介。另外我哋再要咗個醉雞翼試一試，呢個好有驚喜，雞翼散發陣陣酒香都好入味，做冷盤一流。整體價錢經濟實惠鍾意食餃子嘅人絕對唔可以錯過。