龍點心 (Eastcore)

营业中

休息中

這家新潮的點心店菜式精美味美，不僅點心好吃，其他菜式也很令人滿意。店內環境光鮮，裝潢新潮且懷舊，令人食得起勁，點菜以 QRcode下單方便快捷，閒來食下都唔錯。茶位收費 $10/位一龍大滿足 $68點心多款花多眼亂，每款各一的確滿足。松露野菌晶瑩餃：餃皮呈紫色，露香氣濃郁，配合野菌餡料，口感豐富；龍蝦汁墨魚燒賣：口感彈牙，咬落爆汁；酸菜魚鳳眼餃：微辣花椒味醒胃刺激，餡料蝦肉酸菜，加上魚塊，神還原酸菜魚的味道，好有特色；筍尖蝦餃皇：蝦餡飽滿，鮮甜彈牙；豌豆桃子：豌豆味道清淡；蟹粉菠菜香蝦餃：青綠色的菠菜餃皮，包住三文魚籽和蝦肉餡料，加入上微量蟹粉，用心之作。一口豆腐 $52外皮炸粉超薄呈金黃色，豆腐軟滑入口即化，外脆內軟口感強烈，少許椒鹽調味，非常推薦。黑金流沙包 $38賣相精美，奶黃內餡豐富，流沙口感十足，非常美味。鰻魚荷葉飯 $80飯係粒粒分明，味道清香，配料豐富有雞粒、香菇、蝦仁和蛋料，主角鰻魚肥美厚實，無令人失望，金箔點綴增添貴氣，值得一試。

再訪龍點心，APM成日都好多人，通常都係去附近嗰幾座嘢食building，向前行少少Eastcote電梯上一樓，會見到間裝修好精美，新潮嘅龍點心，出邊放咗兩個吉祥物，好得意嘅龍仔。職員好有禮貌，親切。一坐低已經可以有茶飲，有壽眉、鐵觀音、菊普、普里可選如果兩個人食嘅話可以試吓個籠點心，乜都有啲，但上次食過今次於是試其他嘢。QR code落單，非常方便，即時有得睇返張單，非常清晰一定唔會計錯數。唔使好似舊式酒樓咁去到收銀先計幾錢只有寫大中細點既單，然後就好徬徨，哈哈。拉絲菠蘿包這個是甜品，入邊係軟既嘅拉絲芝士菠蘿包香脆鬆軟，面入邊軟芝士，全港首創，專業推介厚切叉燒腸粉真係好厚切嘅叉燒好足料，口感豐富。鳳爪拼金錢肚（辣）松露野菌晶瑩餃 紅油抄手點心籠六角形印左個「龍」字，有心思，鳳爪拼金錢肚兩拼依然份量不減，晶瑩餃內裡有菇粟米，饀多結實。紅油抄手大大隻，不錯。最後加多個豆腐布丁甜品，滿足，飲茶首推。

觀塘Eastcore面積唔大, 但都開咗成六間食肆, 每星期總會過嚟食一次. 其中有間啲點心係成日食, 紅米腸粉係必嗌, 煙韌得嚟又有脆脆哋嘅口感, 加埋沙律醬同泰式辣醬一齊食幾有驚喜🫰🏻記住嗌埋蘿蔔絲酥同肉鬆馬拉糕先好埋單🙃💛個人必食推介: 紅米腸粉, 蘿蔔絲酥, 肉鬆馬拉糕返食指數: 🥑🥑🥑🥑 (5🥑滿分)#脆脆富貴紅米腸粉 ($48)#蘿蔔絲酥 ($40)#一龍大滿足 ($68)#擔擔麵 ($50)#肉鬆馬拉糕 ($38)@lungdimsum ______________________________龍店心📍觀塘道398-402號 Eastcore 1樓4號鋪#instafood #instafoodie #foodiegram #drinkdrinkeateatuide #drinkdrinkeateatguy #觀塘道 #觀塘 #觀塘美食 #食好西 #DE九龍篇 #龍點心 #點心 #新派點心 #原創點心 #港式 #灣仔

今日去觀塘接朋友放工，順便食埋晚飯先走，我朋友話觀塘有間點心外型好靚嘅點心店，所以一齊就去試吓。一龍大滿足 ，上到枱已經好吸睛，6粒點心都整得勁靚，又夠創新，真係唔可以同人share,因為每粒都唔同款，想全部都試吓，全部都係創作點心，真係每粒都有驚喜，我就覺得全部都好好食，真係呢款係必點。大澳蝦醬鮮魷卷，炸得非常香脆，外面唔係一般嘅炸粉，而係似越南春卷果d網狀外皮，食落口感好特別，d涵又勁香蝦醬味，魷魚好彈牙，食菇好惹味。炸饅頭豬柳漢堡，呢個中西合璧嘅點心好有創意，外面饅頭炸到勁脆，但一d都唔油膩，中間夾住芝士，豬柳同沙律茶，估唔到又咗match。肉鬆馬拉糕，馬拉糕嘅質感好鬆軟，唔算太甜，上面鋪滿肉鬆，夾埋一齊食，咸咸甜甜，又幾唔錯。一口咸水角，外皮個顏色勁吸引，2個橙色，2個綠色，食落外皮煙煙韌韌，而入面d豬肉涵又夠juicy,好食。最尾店員仲送咗甜品比我地，真係勁靚，晶瑩剔透嘅玫瑰花，食落原來係桂花糕，唔算太甜，食落好清新嘅桂花香味。

門面望落很有特式，一直好想試，今日見唔駛排好耐，於是入去試下。可能坐左近出菜位，感覺唔夠冷氣，有點熱。食物款式不像一般茶樓咁多選擇，但望落款款都好精緻。點了兩個蒸飯，臘腸蒸雞飯和章魚肉餅飯，臘腸蒸雞飯尤其出色，可能有臘腸關係，入口每啖充滿油脂香，雞肉好滑夠味，小朋友食不停口；肉鬆馬拉糕香甜鬆軟，配以肉鬆咸香，兩者味道配搭有新意得來好夾；咸水角做成混色的小丸子，未入口已悅人眼目，食落外層香脆內層軟糯，而且饀料豐富，有驚喜! 炸豆腐香口唔油，底層有類似食四川酸辣粉常見的炸黃豆，整體味道不錯；口水腸粉有口水雞的辣勁，腸粉本身同內饀味道偏淡；至於蝦餃、燒賣、叉燒包水準ok，但以這個價格來說有點貴。

飲茶除咗去酒樓仲可以去【龍點心】餐廳店內設計好有特色，五光十色嘅霓虹燈，加上有龍嘅造型公仔🐲好有氣氛！晚餐兩個人叫咗以下六樣嘢，推薦食物順序由上而下🔸龍燒賣 $46入面有四款燒賣～懷舊燒賣、滷水鵪春蛋燒賣、龍蝦汁墨魚燒賣、麻辣牛肉燒賣！懷舊燒賣係傳統嘅豬肉燒賣，入面仲有少少蝦好彈牙！滷水鵪春蛋燒賣主要係成粒鵪鶉蛋，好香！龍蝦汁墨魚燒賣入邊包住啲龍蝦汁，一咬爆汁，有啲似食緊墨魚丸！麻辣牛肉燒賣個味道好好食，有特別！🔸炸饅頭豬柳漢堡 $46個饅頭炸到好脆，配上沙律醬+切件豬柳，好惹味！🔸榨菜麻辣牛肉飯 $52佢個麻辣味道同麻辣牛肉燒賣係一樣😂但原來配飯都係幾好食，麻辣味係好突出！🔸鳳爪排骨飯 $58鳳爪同排骨都整到好入味，排骨啲肉好嫩滑👍🏻🔸厚切叉燒腸 $42叉燒真係厚，皮都相對地厚，飲茶都係要點🔸拉絲菠蘿包 $38本身以為入邊係芝士餡，原來係雞尾包餡可能放咗一陣，所以入邊已經無拉絲＊茶位每位$10，另收加一服務費＊

觀塘觀塘道 Eastcore 的龍點心，是一間新派的點心店，餐廳裝修新潮有特色，坐得舒適。Menu 頗多款式，必食推介、滋潤燉湯、即叫即蒸、即拉腸粉、風味炸物、飽肚主食、飲品及甜品……。鳳爪排骨飯，鳳爪調味好好，醃得好入味，而且還有條菜心。鹵水鵪鶉蛋燒賣，鵪鶉蛋鹵得都頗入味，燒賣味道食落有少少麻辣， 是平時食不到的燒賣的特色味道。 燒汁肥牛腸粉，腸粉軟滑，裏面肥牛份量頗多，有牛肉好牛味，所以食落感覺軟滑而且啖啖肉的感覺。 懷舊燒賣有四隻，瘦肉新鮮，食落爽口，而且面上有少少蟹子，更增加口感及香。桂花糕兩件，桂花糕上枱令人眼前一亮，非常漂亮的紅玫瑰，入口軟滑香甜，而且淡淡的桂花香味，食得又睇得~~~

呢間龍點心之前就聽朋友提過好好味🤤今次終於輪到我去試啦😊果然佢哋嘅質素真係唔錯，幾值得去試脆脆富貴紅米腸粉($48)呢個紅米腸粉係用煙煙韌韌嘅腸粉皮🤤包住蝦春卷咁嘅餡料🤤所以食落口感好豐富😝配埋佢附上嘅三種醬料，真心又香又滿足芝士鮮蝦腐皮卷($40)佢嘅鮮蝦腐皮卷都好正😊腐皮煎得夠香但又唔會太脆口，加埋鮮味十足嘅鮮蝦同濃郁嘅芝士醬，真係特別又好味炸饅頭豬柳漢堡($45)佢哋嘅炸饅頭真係炸得又香又脆又鬆軟👍🏻中間夾住豬柳同沙律菜，食落好似一個真漢堡😊真係幾好食蘿蔔絲酥($40)佢哋嘅蘿蔔絲酥都唔錯😝外面嘅酥皮整得又香又脆😘入面嘅蘿蔔絲食落鹹香得黎又帶點蝦皮味，鍾意食蘿蔔絲酥嘅朋友可以試吓酸菜魚鳳眼餃 4隻($42)呢個酸菜魚鳳眼餃推薦大家一定要試👍🏻餃皮夠晒煙靭👍🏻配埋入邊酸酸辣辣嘅酸菜魚餡料🤤食落真係又香又辣又好味，超推薦大家試麻辣牛肉燒賣 4隻($38)佢哋嘅麻辣牛肉燒賣食落肥瘦適中👍🏻唔會太油膩或者太硬，配埋佢哋麻辣嘅調味，食落真係幾惹味豆腐布丁($28)想食甜品嘅可以試吓豆腐布丁👍🏻食落香滑得黎又幾香豆腐味👍🏻加上上面嘅配料同醬汁，食落酸酸甜甜，幾開胃

我最近品嚐了一間精美的「龍點心」點心批盤外形十分獨特，由不同顏綠色組成，每個點心都十分精緻，製作非常細心，無論是藍色的外皮還是綠色的餡料都富有質感。在品嚐這份點心時，感受到它的獨特風味和口感。餡料是由鮮嫩的蝦肉和特製的調味料混合而成，味道鮮美，並帶有一點微辣的口感。而外皮則是十分鬆軟，口感極佳，入口即化。除了點心本身的美味，我還欣賞這個店家的用心和細心。他們在製作每一個點心時都認真，追求完美的質量和口感。而店內的裝潢和服務也精美，讓人感受到舒適和愉悅。總體來說，值得品嚐的龍點心，不僅外形精美，而且味道和質感都非常出色。如果您喜歡中國的傳統美食和文化，我強烈推薦您到這店品嚐一下他們的點心。

員工態度勁差Book 左位特燈講左有BB車但安排門口人流最多的位置 根本無留位俾預約人士 最後安排左係員工換鞋地方前一張枱加左櫈 俾我地 但每一位員工出入都要我地企起身 俾佢地出入主管同員工態度勁差 同區其他觀塘點心店 都唔會有咁態度惡劣的員工不會推介俾任何人去食

其實都幾鐘意而家嘅食點心文化，以前食點心就要去茶樓，呢幾年多咗好多專食點心嘅舖頭，咁唔使排長龍又唔會好似酒樓咁貴茶錢，最近就去咗觀塘龍點心，所有點心都係即叫即蒸。上檯熱辣辣而且質素唔差，CP值高👍👍🥟 一籠大滿足 : 內有六種點心，比你一次過試齊6款野，有酸菜魚鳳眼餃、蟹粉菠菜香蝦餃、筍尖蝦餃皇丶松露野菌晶瑩餃丶鹹蛋黃墨魚燒賣和豌豆桃子，總括來講全部都做到皮薄，我最欣賞佢個墨魚燒賣，用料新鮮一咬落去仲有爆汁蛋黃，呢個要小心食，超好味👍另一個我最愛係豌豆桃子：迷你壽包，超軟熟，入面綠色豌豆蓉，唔太甜。好味👌🍚 鰻魚荷葉飯:賣相超靚，頂有小小金箔，鰻魚肉質夠肥厚，撈埋荷葉飯內一起食，夠惹味，份量夠兩人食🧁 肉鬆馬拉糕：馬拉糕都好鬆軟,用沙律醬痴住肉鬆，好得意，唔錯👍🥩 燒汁肥牛腸粉：腸粉做到皮薄餡靚，佢內裹係一片片肥牛而唔係碎牛，所以牛味重啲，食時點小小鼓油，完美配搭 👍

平時都係去中式酒樓飲茶多，今次路過觀塘eastcore商場見到呢間專食點心嘅專門店就入去試吓飲夜茶，餐廳都闊落光猛而且裝修都幾特別幾色彩繽紛，門口仲有自家設計嘅公仔擺設，幾得意又搶眼，而且都適合同朋友慢慢坐低飲茶閒聊餐單都幾多元化，除咗傳統常見嘅蝦餃燒賣之外，仲有多款創新精美嘅點心同燉湯，用QR code落單，茶錢十蚊位，價錢都同一般酒樓相近，全部即叫即整熱辣辣，仲要味道有水準，份量非常足料！不過我同臭屁熊今次就冇嗌到啲咩特別嘅menu，主要食番傳統嘅點心，下次有機會再去試吓其他!_➤臘腸潤腸蒸雞飯🫖$58相當有水準嘅一個蒸飯，飯硬度同雙腸肥瘦適中，滑雞件冇骨得泥大大件份量又多，臘味嘅油脂同雞油索哂個飯裏面，撈埋甜豉油一齊食，好正好惹味！➤厚切叉燒腸粉🫖$42三條腸粉，全部預先一分為二，方便食，腸粉皮厚度適中，食落軟滑煙韌，而且個名完全冇呃人，真係包住大大舊厚切叉燒係入面！➤荀尖蝦餃皇🫖$40蝦肉足料大隻，夠爽口彈牙，有蝦味，仲有少少肉汁，皮薄但唔會一夾就爛，好味!➤懷舊燒賣🫖$38大大粒，面頭鋪上蟹籽點綴，口感實淨，豬肉蝦肉飽滿，唔乾身，味道正路➤笑口叉燒包🫖$32一籠三個，都算正常

到達時間係8:40店員話last order係9:00極速落單點心好多都賣晒,選擇比較少食左20分鐘左右店舖就話9:30要關門要你即刻離開咁樣,完全唔會理你食晒野未趕客入座時候完全無講明9:30關門咁急未必食入去食啦一碟點心平均都$40-$50下次未必再去

@lungdimsum 龍點心🐲新派創意點心專門店將多國經典美食概念糅合 全新演繹中式點心包括麻辣牛肉燒賣 酸菜魚鳳眼餃等 創意十足分店位於觀塘 灣仔及葵芳 深受上班族喜愛·🥟一龍大滿足餐廳創意點心種類實在太多 所以推介叫這拼盤一口氣試六款精選點心 不論賣相 味道都好出色酸菜魚鳳眼餃🥢將酸菜魚肉加入餃子中 神還原蟹粉菠菜香蝦餃🥢鮮蝦帶蟹粉香氣 菠菜清新感筍尖蝦餃皇🥢皮薄晶瑩剔透 大蝦仁爽滑彈牙松露野菌晶瑩餃🥢黑松露x野生菌 顏色好獨特鹹蛋黃墨魚燒賣🥢兩者出奇地夾 流心效果澎湃豌豆桃子🥢造型可愛 撕開綠色 一抹淡綠清新·🥧龍燒賣懷舊燒賣🥢精選豬肉鮮蝦 爽口Q彈 口感鮮美麻辣牛肉燒賣🥢麻辣層層釋放 牛肉味香濃龍蝦汁墨魚燒賣🥢爽口墨魚膠包裹龍蝦湯汁滷水鵪鶉蛋燒賣🥢餡料渾圓飽滿 鵪鶉蛋好入味·🌯脆脆富貴紅米腸粉香港好少地方有紅米腸粉 係腸粉界的天花板外軟腍內香脆 蝦仁爽口Q彈 層次豐富好好味淋上沙律醬 更可按喜好蘸豉油 花生醬 辣椒醬·🍤鳳尾蝦多士炸至金黃色 麵包酥脆 口感香濃 加上彈牙蝦肉再配搭千島醬 令多士更昇華 重拾童年回憶·🍲臘腸潤腸蒸雞飯臘味油脂渗入粒粒香米 香氣撲鼻 再淋上豉油不論

早幾日喺平台買左幾張用$90買到$100嘅coupon，今日就同🤴🏻特登過嚟觀塘食，今次係第五次食龍點心，🤴🏻話今次嘅CP值好高！😁😁～～～口水汁龍脷魚腸粉～～～有三條大大嘅腸粉包住厚厚嘅龍利柳，皮厚又肉厚，令人每啖都非常有質感，再加上小辣多麻嘅口水汁，墊底嘅大量青瓜🥒，彷彿好似食咗兩個小菜！😆😆～～～馬拉小籠包～～～啡色嘅小籠包，🤴🏻食到有滷水味，味道唔錯，但小心皮太薄好易夾爆！😂😂～～～普通擔擔麵～～～上海麵彈性掛湯，花生味好香、湯夠濃仲有陣陣嘅麻香味，雖然叫普通，但都好好味😋😋～～～黃椒醬排骨～～～雖然唔太特別，比普通酒樓嘅大份，肉質、調味亦高過酒樓嘅質素！☺️☺️