龍點心 (Eastcore)

营业中

休息中

餐廳定位為新潮手工點心店 每款點心都各具特色😝裝修走港式舊情懷風格 但採用色彩繽紛鮮艷色調 用馬賽克磚同霓虹招牌作裝飾 門口的一對龍公仔擺設亦好可愛😜嚟飲茶但一啲都唔老土而飲茶嘅特色佢地亦有保留 即係入座時問我地飲咩茶同食嘢前先洗筷子碗杯🤣個人覺得可以俾我繼續體驗飲茶嘅習俗幾好另外落單時係以 QRcode落 幾方便!⭐️⭐️一龍大滿足 HKD$58⭐️⭐️一籠入面有6件唔同嘅精緻點心每款都係少見嘅fusion配搭😎🔸筍尖蝦餃皇 蝦肉餡料飽滿 鮮甜彈牙🔸酸菜魚鳯眼餃 有一小片魚塊放在鳯眼餃上 入面有酸菜蝦肉餡 因為有少許花椒味 味道微辣又開胃🔸松露野菌晶瑩餃 黑松露味香濃突岀 以粒粒野菌作餡料 有咬口不錯🔸蟹粉菠菜香蝦餃 賣相特別 綠色菠菜餃皮包裹蝦餃同蟹粉 上面放上三文魚籽 頗juicy 配搭夠創新🔸糯米燒賣 感覺將臘腸糯米飯變為一口臘腸糯米燒賣 食到粒粒臘腸 油香四溢不過略嫌糯米飯硬咗少少🔸豌豆桃子 好似迷你壽桃包 賣相可愛 餡料的也好吃味道：🌕🌕🌕🌖🌑⭐️⭐️一口鹹水角 HKD$32⭐️⭐️有別於傳統鹹水角形狀 化身為圓形鹹水角串串 外層微脆 內層餡料同平時差不多味道：🌕🌕🌕🌗🌑⭐️⭐️肉鬆馬拉糕

今次同埋媽媽去飲茶～室內裝潢好有特色～呢間龍點心好有特色～當日同朋友黎到都有唔少西裝友入黎用餐～一龍大滿足 $58一龍有6款唔同嘅招牌餃，色彩繽紛好靚！碗豆桃子裡面有綠色餡料都幾好味～筍尖蝦餃皇皮薄蝦餡料滿～蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子、臘味糯米燒賣龍燒賣 $38有4款唔同既燒賣，當中麻辣牛肉燒賣都幾出色，因為都幾辣下～龍蝦汁墨魚燒賣咬入口幾彈牙～懷舊燒賣、麻辣牛肉燒賣、滷水鵪鶉蛋燒賣、龍蝦汁墨魚燒賣脆脆富貴紅米腸粉 $426條紅米腸粉，裡面好似炸兩皮咁脆脆再包住蝦肉，附有3個醬汁，分別為沙律醬、泰式辣醬同埋豉油，我同朋友一致應為紅米腸粉沾沾豉油最好食櫻花果凍天鵝酥 $48天鵝酥勁靚！岩哂女仔打卡用！外層超脆裡面包坐紅豆餡～都幾好味，中間既係櫻花果凍配焦糖醬。焦糖醬味道偏甜，如果配黑糖醬會更加好吧～羊肚菌瑤柱雞湯 $52健康既湯品～飲一飲湯清一清口腔都幾舒服～茶位 $8@1

我間唔中都鍾意去飲茶，不過有時候傳統點心真係食到有D悶，所以最近就去左 【龍點心】試下。【龍點心】 本身裝修就超可爱同卡通復古，而食物就非常創新。一龍大滿足：有六款特色蒸餃包括筍尖蝦餃皇、酸菜魚鳳眼餃、松露野菌晶瑩餃、蟹粉菠菜香蝦餃、糯米燒賣、豌豆桃子。完全可以滿足選擇困難症，因爲一次過可以試曬。個人比較推薦松露野菌晶瑩餃、糯米燒賣同豌豆桃子。松露野菌晶瑩餃松露味滿滿、糯米燒賣軟軟糯糯、豌豆桃子有D似斑斕味奶黃包，又幾好食。一口鹹水角：一口一個，新鮮炸起，皮又唔係好厚拉絲菠蘿包：好少見係芝士餡，甜甜既菠蘿外皮再加鹹香芝士，好特別。脆脆富貴紅米腸：腸粉包住左蝦春卷，外面軟、裹面脆。不過食得多有D膩。櫻花果凍天鵝酥：櫻花果凍本身無味但加左黑糖。而天鵝酥入面係紅豆餡，打卡一流。

平時返工比較少飲茶，到放工有時想飲茶，現可以選擇飲夜茶，之前在觀塘道等巴士時見到龍點心，一於來個飲茶作晚餐，熱辣辣點心加飲杯茶，特別暖胃。晚巿有八折優惠，每個蒸籠都有個龍字配埋金色茶壺，好吸精。 一龍大滿足，價錢$58，外觀很精緻，一口一啖，籠內有六款不同的點心，有蝦餃、牛肉、仲有不同顏色外觀的餃款和桃形包。黑金流沙包、價錢$32，黑色包皮內含熱辣辣香滑流沙，流沙包香甜，正!鰻魚荷葉飯，價錢$78，荷葉飯味香噴噴，鰻魚放在飯面，鰻魚味香濃且口感彈牙，份量亦剛剛好。 鳳尾蝦多士，價錢$48，蝦多士熱滕滕炸得金黃，一碟三件，配上醬點多士，停不了的好吃，推介!紅油抄手，價錢$42，特別喜歡其醬汁，不太辣但又野味。

🔖特色精緻點心，以為多數好睇唔好食，點知出奇地好吃！各式各樣唔同嘅特色點心都有！茶價$8/位。🍽一籠大滿足$58兩個人叫呢個就岩哂！咩都試下！一籠6款點心，全部都各有特色，除左個包同糯米燒賣一般，其他都幾好食㗎！真·唔喺度度試到！🍽大澳蝦醬鮮魷卷$48一黎到勁濃既蝦醬味！！入口非常酥脆，餡料非常香，啖啖都食到魷魚，鍾意蝦醬嘅必點！味道會較濃。🍽龍蝦汁墨魚燒賣三隻$42咬落去，原來會爆汁⋯燙死人🫢龍蝦汁味唔算重，但口感唔錯，幾好食。🍽黑椒汁金錢肚蒸腸$38金錢肚每舊都好大舊，濃烈嘅黑椒味，底下就係全部腸粉，腸粉就無乜特別。🍽普通擔擔麵（辣）$48呢個名幾好笑😂係咪相比其他咁有特色既點心，所以佢係好普通？？但我覺得都好食，呢個擔擔麵係比較偏辣既擔擔麵，味道夠濃！🍽豆腐布丁$22🌟🌟🌟🌟🌟嘩！呢個好食啊！！！有驚喜！！中間一粒粒既草莓乾酸酸地加上少少熱情果汁配上豆腐布丁，中和左味道，食落更開胃！布丁質感細滑，食丁明顯既豆腐味！好食！

今次第二次食呢間，絕對唔係得個樣比人打卡，唔單只點心精緻，味道亦有驚喜😍外賣都keep到水準！✨醬汁鳳爪醬汁濃郁，鳳爪軟硬適中，厚肉🤤個底唔係平時既花生，係大大粒既紅腰豆，都幾夾👍🏻✨黑椒汁金錢肚蒸腸粉金錢肚夠淋，最驚好似橡筋咁🙈黑椒味都夠，少少嘅辣，好入味～墊底既腸粉又係一個驚喜！索晒醬汁味，好正！😍✨黃椒醬排骨第一次聽黃椒醬，有微微既辣，有黃椒既香，幾特別！排骨都夠滑，份量亦足夠～✨芝士鮮蝦腐皮卷呢個十分香口，蝦又足料，大大粒好爽口，芝士係入面又幾夾，唔會太漏，味道都唔錯，推介！！🍽 龍點心觀塘道398-402號Eastcore1樓4號舖

約咗朋友喺觀塘收工食飯，見到呢間點心店晚市做緊八折優惠，叫咁抵就試試！餐廳主打新派中式點心，門口有兩個吉祥物公仔都幾搞笑😆本身好鍾意食燒賣蝦餃，就叫咗佢哋招牌嘅龍燒賣（$38）、龍餃子（$42），有八款唔同嘅燒賣蝦餃，貪佢每樣都可以試啲。當中最鍾意松露野菌晶瑩餃，入口好香黑松露味，另外龍蝦汁墨魚燒賣零舍爽彈，可能用咗墨魚滑關係，龍蝦汁嘅鮮甜亦可呈現出嚟👍🏻大澳蝦醬鮮魷卷（$48）入口好香蝦醬味，好酥脆鹹蛋黃燒賣（$42）一咬落去蛋黃醬即刻流出嚟，充滿蛋黃香味！脆脆富貴紅米腸粉（$42）平時食開腸粉白色，呢度係紅色，咬落去仲有層脆皮，好過癮普通擔擔麵（$48）惹味香辣，好香花生醬味，大大碗一定夠飽雪梨南北杏湯（$42）清甜滋潤，估唔到點心店都有燉湯飲

好多傳統茶樓少見嘅點心款式、例如有肥牛腸粉、芝士波蘿包、龍蝦汁墨魚燒賣，全部都好新奇有創意。下午茶同晚市時段都有8折，可以揀尼啲時間去平啲又無咁多人。餐廳係用qr code落單脆脆富貴紅米腸粉 $42好符合菜名，真係好脆，薄薄嘅紅米腸粉包住炸蝦，粉漿都好薄，另外仲有啲馬蹄，增加脆脆口感，3種醬汁都好夾，有沙律醬、酸甜醬同平時點腸粉啲豉油。一龍大滿足 $58一籠可以試到6款點心好滿足，有酸菜魚餃、蝦餃、糯米燒賣、豌豆包、蟹粉菠菜香蝦餃、松露野菌晶瑩餃。個人最鍾意松露餃酸菜魚鳳眼餃 $36好新奇嘅蒸點，似食緊濃縮版酸菜魚，有幾片魚，唔係好酸，香濃花椒辣椒味，雖然好辣但都幾過癮，唔食得辣記得叫啲甜品解辣。筍尖蝦餃皇 $36皮晶瑩剔透，都幾薄，煙韌有咬口，餡料都算飽滿。黑金流沙包 $32一咬開奶皇漿就湧出，甜甜地夾雜左鹹蛋黃粒，細細個唔會食完一個就飽到食唔落其他嘢食。茶位 $8/位

因為突然間想食點心，所以決定試吓！由於我們一共七個人，所以要分開兩枱座！但侍應很好，安排我們坐在一間房，只是分開兩枱坐，大家仍可以share 食物😄😄因為限用膳時間為一小時，我們一坐低就立即order,由於樣樣都想試吓，所以差不多每一個item 而order😁😁同事推薦一口豆腐及一口鹹水角，外型已經好吸引😁，當然也十分好味我就覺得龍蝦汁墨魚燒賣幾特別，有同事一不小心咬一口就流汁出嚟😂，創意十足👍👍我至愛甜品，所以一定order 豆腐布丁!打卡一流，表面的粒粒好似係山楂，所以少少酸，但配上豆腐布丁，出奇地好好味

依間位於觀塘嘅點心其實我已經幫襯過三次，都算係比較新派點心。今次第三次幫襯都見到餐單上面比前兩次多咗款式選擇，水準亦都保持到。💚大澳蝦醬魷魚卷如果你鍾意食蝦醬一定要試，因為蝦醬同魷魚呢個配搭本身就係好夾，魷魚卷炸得香脆可口，魷魚彈牙。💜松露野菌晶瑩餃一放上枱已經聞到濃郁黑松露味，咬開個皮後都見到入面有好多餡，個皮煙靭唔會太厚皮。💛脆脆富貴紅米腸粉我每次嚟到一定會叫！一上枱已經覺得好靚因為紅色腸粉好吸晴😍腸粉皮非常煙靭，中間包着脆米紙非常酥脆，而內裡餡料亦都非常多，咬落去啖啖蝦肉！配合埋沙律醬/ 泰式甜辣醬/豉油，不同醬了口味亦都唔同❤️💙黑金流沙包流沙包真係要趁熱食，係好食嘅不過平凡同其他點心舖質素差唔多。💙懷舊燒賣味道正常，始終我叫懷舊燒賣唔係新派燒賣所以冇乜特別都正常吧😛下午茶、晚市佢有八折優惠會更加抵食！不過依間餐廳就坐得唔耐，唔會好似茶樓咁俾你任坐，而且冷氣亦都唔夠，飲住熱茶食住熱辣辣點心就會出晒汗🥵如果你都想試下一啲新派點心，不妨試吓啦😊

👀 一龍大滿足 入邊有六種餡料，包括筍尖蝦餃皇，酸菜魚鳳眼餃，松露野菌晶瑩餃，蟹粉菠菜香蝦餃，臘味糯米燒賣，豌豆桃子🍑每一款都好驚喜，好好食😋🥪 炸蝦多士佢係用新鮮蝦整嘅，唔係普通蝦膠，係原隻大蝦🍤 佢炸到好鬆脆😍配埋個沙律醬勁好食！🤤 一口鹹水角平時食鹹水角都係要食幾啖，第一次見一口嘅鹹水角，就算怕熱氣都可以食一口就可以☺️而且整得又靚，食完都唔會有罪惡咁😜龍點心 (觀塘)觀塘觀塘道398-402號Eastcore1樓4號舖

《龍點心》今次二訪🤩終於試到上次賣曬嘅嘢🤩高質創意點心🥳未睇上一集嘅快啲掃落啲揾翻個post開嚟睇😈不是廣告亦都無人揾過我地傳宣，全自費--🧀拉絲菠蘿包($36)好少見到呢個配撘😆面包夠軟熟，菠蘿包面好好好香 甜，反而芝士味較淡，一啲都吾漏😆 🍚鰻魚荷葉飯($78)有驚喜!!!!!!!本身以為得齋飯加鰻魚，但佢入面超足料!!!簡單嚟講佢就系鰻魚糯米雞😹飯入面有蝦仁，雞粒，冬菇，肉碎!!仲有系多料食到尾仲有，好夠味 ，一啲都吾乾個飯 濕度岩岩好，無諗過糯米鷄同鰻魚都可以夾到🤪 🍤脆脆富貴紅米腸粉 ($42)紅米腸粉包住炸蝦滑😍面頭上有沙律醬!!!!個人覺得掂泰式辣醬好食😈 個蝦滑炸得好酥脆 幾好食(係有少少漏) 🥟松露野菌晶瑩餃($36)上一次食過已經念念不忘 再叫一次！(松露愛好者🖤)必食！超重松露味，入面好多菇菇好有口感，出面個皮煙煙韌韌🤪 ---(5🧸為滿分)賣相：🧸🧸🧸🧸味道：🧸🧸🧸🧸環境：🧸🧸🧸價錢：🧸🧸🧸服務：🧸🧸🧸---龍點心地址: 觀塘觀塘道398-402號Eastcore1樓4號舖電話: 23900166

📍 龍點心 Lung Dim Sum🌍 觀塘觀塘道398-402號Eastcore1樓4號舖Shop 4, 1/F, Eastcore, 398-402 Kwun Tong Road, Kwun Tong📝 整體評分：８／10懷舊風格裝潢，鮮艷色彩，影相會好靚。連晚市都有八折優惠，好抵!🥢炸饅頭豬柳漢堡🥢 $42極力推介！平時普通炸饅頭已經好好食，不過漢堡做法甜甜地香脆饅頭加埋咸咸的芝士豬柳，好特別而且小巧，唔怕食得太飽試唔到好多野。🥢厚切叉燒腸粉🥢 $42呢個都係必食之一，大大粒叉燒，皮薄滑身，叉燒本身都好有味，唔蘸豉油都好good。🥢龍蝦餃🥢 $42筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃。蟹粉菠菜香蝦餃要encore，皮薄煙韌，菠菜蝦肉餡唔會好濟，仲有粒粒爆珠三文魚籽，咸鮮~🥢龍燒賣🥢 $38懷舊燒賣、麻辣牛肉燒賣、龍蝦汁墨魚燒賣、滷水鵪鶉蛋燒賣。My favourite龍蝦汁墨魚燒賣，鮮味十足，加入彈牙墨魚膠而且內裡流心龍蝦汁。🥢大澳蝦醬鮮魷卷🥢 $48好多鮮魷，仲要蝦醬都幾重下！🥢紅油抄手🥢 $42大大粒雲吞拌香麻十足既辣醬。🥢黑椒牛肉球🥢

📍KT - HONG KONG 📍蕃茄蛋春卷整體偏甜 可能怕蕃茄酸 有蝦粒 少少蕃茄粒茄汁味濃除咗果皮之外入邊口感都係會淋身d口水汁龍利魚腸粉汁好食 夠辣夠麻🌶重要包左魚係入面 惹味嘅都一龍大滿足就正正常常 不過就勝在咩都d可能試哂蟹會腥少少 🦀個人覺得松露好食d返工lunch 都係一個唔錯嘅選擇

觀塘近年近開嘅Eastcore商廈進駐左唔少餐廳，「龍點心」就係其中之一🐉突破固有傳統框架，創新設計不同Fusion創意點心，讓大家感受不一樣的粵式風味😋.從餐廳裝潢已經好有fusion味，大量採用霓虹招牌、馬賽克磚、舊式圍欄，仲有獨特嘅吉祥物🐲明亮光猛，完全同一般茶樓、點心店唔同❣️.🍴龍燒賣、龍餃子💰$38、$42餐廳招牌點心🌟總共8款創意燒賣、蝦餃💕內有懷舊燒賣、麻辣牛肉燒賣、龍蝦汁墨魚燒賣、滷水鵪蛋燒賣、筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃✨麻辣牛肉燒賣幾特別，好少何食燒賣會又麻又辣🤣酸菜魚鳳眼餃有少少估佢唔到，完全冇諗過酸菜魚同蝦餃可以做mix and match🤓.🍴脆脆富貴紅米腸粉💰$42顏色鮮艷好吸睛😍咬啖先係煙靭帶米香嘅外皮，中間脆米紙酥脆可口，內裏蝦肉彈牙鮮嫩😋 加咗少許沙律醬亦有提味作用😚.🍴鹹蛋黃燒賣💰$42喺墨魚燒賣中放入流心蛋黃醬，墨魚做嘅燒賣份外爽彈😆中間流心充滿鹹香👍🏻.🍴大澳蝦醬鮮魷卷💰$48入口非常酥脆，然後餡料好香蝦醬味😍鮮魷彈牙😙非常獨有嘅點心，鍾意蝦醬嘅一定要叫😉.🍴普通擔擔麵💰$48估唔到茶樓嘅擔擔面都咁高質🤪湯底濃郁花生香