龍手工涮涮鍋

营业中

休息中

幾年前已經聽人講話好味🤔機緣巧合下 終於去試咗一入到去 店員就推薦唔同菜式叫咗秘製雞煲小辣 好濃郁發現都幾有驚喜👍🏻👍🏻👍🏻店員直接幫我將魷魚放埋入煲吸哂味 好惹味 好食🤤之後仲推介台山蠔不嬲都對街邊生蠔，冇乜信心嘅我見店員極力推介就試咗價錢唔記得 但有成9隻又肥又厚肉 仲洗到白雪雪感覺非常新鮮同乾淨一咬就驚訝 好鮮甜 絕對抵叫🙈加多份都仲得值得一提係環境衛生都唔差廁所都算係乾淨總括而言，煲底惹味 雞件唔少食材新鮮 有誠意之作絕對會encore🤚

好耐無試過，食到咁好既火鍋店。啲材料樣樣都好好👍無得頂。舒服態度，衛生環境，都是滿分💯好多人都好花得起錢，響食個方面。依間店，真係物超所值。同等既價錢食到同等既食材。香港真係少之又少。

今日黎到呢間餐廳，心情正興奮過過山車。首先，「秘製手撕雞」搶鏡到我差啲以為自己喺電視節目搵食去啦！🌶️雞肉嘅口感無得輸，軟滑得嚟又有啲輕微嘅彈性，食落去話咁滋味，就算唔落醬汁我都會光光抹光！再嚟那醬汁，想形容正宗但又覺得唔夠，佢簡直係色香味俱全，滿滿的香辣味啲雞肉浸透晒，蜜汁嘅唔過是絲毫堪比。接著，「手切PRIME級靚牛」肉質滑而唔膩，每一口嚼落去齒頰留香，簡直係肉中之王嚟㗎！ But wait！仲有「牛胸尖」，呢一曲驚喜之旅簡直令人一試難忘。為咗配合呢啲肉中珍品，我仲點咗手打四寶丸、脆脆豆卜同菜幫腔。🥬四寶丸好味到我想即刻學整，而脆脆豆卜入口即化，清新得令人心靈都跟住爽朗咗起嚟。啖啖肉之下，當然要對啲湯水嚟個總決賬喇！「秋天正適合食火鍋」，我嘅味覺深深嘅獲得呢個真理嘅認可。呢度嘅湯頭香濃得來又唔會太厚重，駕馭得到湯料，真係食好過催命。呢餐食，無論係同朋友傾心事，定係純粹享受美食，都係難忘嘅。🍲味蕾飄香，心情都跟住飛揚起嚟，唔係講笑，我真係體驗到咩叫做「食得是福」啦！

見咁多人寫話好食，諗住試椰子鷄....一試完全冇椰青水清甜。。。叫咗象拔棒老闆話大概八百倒。。。買咗返完全冇俾我睇就直接加工！好。。都算！問過一仟倒加二百幾加工費！食.起身係幾鮮甜。。所以算數！除咗牛ok...其他一般晤會有下次。。。呢度一共2仟

疫情下因為限聚令好已經好耐無岀街食飯啦，今次一放寛返即刻同朋友黎個飯局☺️之前有朋友推薦呢間火鍋店，今次我地都親身黎試下先火鍋店樓面不算很大，但環境還是很乾淨舒適的，店員服務還很熱情，為我地介紹食物由於我地星期日聚餐，所以預先訂位，訂位時原來也有海鮮可預先訂，即日新鮮入貨的，於是我地就揀黎個象拔蚌入返正題講下野食方面先，我地叫左一個烤魚煲，一個雞煲當食物到既時間，眼前一亮，大家都掛住相機食先😂😂😂俾大家眼睛旅行一下先仲有其他可以之後再睇，影完相後，我地迫不及待就開餐嚕天啊~好好食，真心真係好好食，好好好食，重要❗️要講三次佢呢個秘制得黎同一x雞煲/元朗有某間烤魚問題接近，但呢個有多種說不岀的好味，推薦一定要試呢個煲，而雞煲方面可能我地揀小辣，所以沒有太大驚喜，但還是很不錯的兩個煲到齊後，到我地一早預訂既象拔蚌岀場啦好新鮮好鮮甜，果完真係即日拎貨啊，無呃我地😂😂😂最後有樣食物想讚既就係，蝦乒老油條呢個我係香港生活左咁多我第一次食，好食岀色，推介總括，食物質數高，價錢合理，店員有禮，會再次光顧

21年11月14日同老公入粉嶺整車，所以就入到來聯和墟睇吓有咩食，天氣凍所以想食下酸菜魚同打下邊爐，行左3個圈又見佢OpenRice 都比較多好評就入去試吓，一定要讚下嘅係店務員服務一流首先一座低就比醬油配料我地，又怕我地熱，幫我哋較冷氣，又有介紹同詳細解釋食物嘅野，又不停幫我地fill嘢飲同收拾枱面垃圾，最細心係我食唔到辣，佢除左幫我用雞湯溝淡湯底，重幫我夾起啲辣油同泡泡，真係淨係食細心嘅服務都好難得，食物方面全部真材實料，好新鮮～本人極力推介比大家竹蓆茅根自家製，唔會太甜清下熱下火一流酸菜魚啲魚非常新鮮同勁滑我同老公食晒呢盤牛超級讚，咩款式都有之餘重要全部都幾乎好好味，係牛肚比較硬身，重有我至like嘅牛骨髓豬潤大家記得唔好淥太耐

今日嚟到粉嶺打邊爐～～先嚟一個蘿蔔粟米豬骨鍋，好多材料，有幾隻雞腳，同充滿骨膠原嘅豬手，所以湯底好鮮甜～～仲有大量蘿蔔同粟米，食湯料都半飽～～呢度嘅金沙魚皮係即炸，新鮮魚皮即炸，好香脆，配蛋黃炸更香口～～另外，椒鹽粟米都好正，椒鹽好入味，粒粒粟米爽甜～～蝦滑加入咗蟹籽，增加口感，香滑爽彈蝦滑～～帝皇蟹柳好大條，鮮味啖啖肉～～竹蓆茅根清熱解暑，打邊爐啱晒～呢度服務都幾周到，員工好快手腳執枱同上菜～～

今日特登入去粉嶺探位朋友，相約到聯和墟一齊食返餐，聯和墟食肆林立，路過見到戀姐龍手工涮涮鍋既時候俾佢個名深深吸引，二話不說就入去幫襯店員安排好座位就提供QR CODE網上落單。網上落單方便又快捷，好抵讚。店員服務非常有禮好客，一路介紹唔同菜式配料，我地亦聽從店員意見落單。椰子雞鍋（半隻）打邊最重要當然係湯底。湯底送到時配上半隻走地雞，店員主動將雞件落鍋。奶白色椰子雞湯聞落非常香濃。唔洗一陣湯底滾起即時飲返碗湯，椰子雞湯味道濃郁，椰子味非常出眾，走地雞件肉質嫩滑但不差咬口感，而且雞味同樣出眾，配埋湯一齊享用無得彈。手工即炸魚皮魚皮全手工製作，絕對唔係叫貨返。上到黎熱辣辣非常脆口。 手工即炸響鈴響鈴同樣即叫即整，唔油膩又乾身。響鈴食落非常鬆脆，即時食或者浸一浸湯食都唔錯。蝦兵愛上老油條將蝦滑同油條配合炸成，蝦滑彈牙，油條香脆，當餐前小食絕對唔錯。竹庶茅根點左咁多煎炸野當然要清下熱氣。竹庶茅根餐廳自家製作，並無添加任何糖水糖漿，所以味道清甜，入口舒服。餃餃震三款手工餃分別有鮮蝦雲吞、黑松露水餃、韭菜水餃。每一款係餐廳自己包自己製作，絕對好食過其他鋪頭工場來貨。個人最喜歡鮮蝦雲吞，食落原隻鮮蝦

「龍手工涮涮鍋」睇個名就估到係打邊爐🍲而且湯底選擇多花款，有雞煲、烤魚、胡椒 豬肚、仲有唔同湯底，實有款岩～～原本只係晚市會開，但疫情嘅關係午市都可以食到啦～堂食有得散外賣回家返屋企打邊爐又可以！🔸椒鹽粟米$68🔸黑椒蜜汁雞中翼$88等待雞煲滾緊嘅時候就叫咗兩個小食食住先😆呢兩款都令到我舔舔脷🤤椒鹽粟米🌽椒鹽味好香又突出到粟米本身嘅甜味 💛 黑椒蜜汁雞中翼黑椒同蜜糖係完美嘅拍檔😍蜜糖嘅甜到令到個雞皮脆脆地又帶點辣辣地，雞翼都好嫩口😘🔸胡椒豬肚雞鍋$188首先淨係食啲雞肉同豬肚先，之後先落其他配料打邊爐。趁湯底係最清甜，但湯咁飲左幾碗～～酸菜嘅味道啱啱好，唔會鹽到嗱喉。唔可以唔講呢隻雞🐔，係走地雞所以肉質係好嫩滑🤤🔸手打黑蒜墨魚滑 $88這些手打系列是老闆娘親自手打👐🏽餐廳內有個開放式嘅廚房，看到老闆娘精心炮製💛將黑蒜加埋墨魚打成滑，好特別呀！因為蒜原本既味道係會有點刺鼻的辛辣的，當以高溫加工蒸熟蒜，變成了黑蒜那食辛辣的味道亦會消失，是變成了甜的味。所以墨魚滑再加上了黑蒜，呈現左甜甜的味道，那種甜是很自然的，也有墨魚粒係入面好有口感！ 🔸黑松露水餃 $78聽侍應姐姐講水餃都係老闆娘親身包

襯呢兩日又凍返，去整返個羊腩煲暖一暖身！正宗黑草羊羊腩煲 $328羊肉一啲都唔羶，入口軟腍，勁惹味！熱辣辣Heat住食真係夠晒嘆！配料包括紅蘿蔔、馬薺、枝竹、粟米等，都滾到入晒味，甜美可口！就算係細Size，都相當足料！羊肉夾極都有，仲要附送爽嫩生菜，必食推介！蝦兵愛上老油條 $78係中式版嘅蝦多士，以油炸鬼代替方包，就咁食又得，淥一淥先食又得，蝦滑爽彈甜美！手打黑松露墨魚滑 $88超香！每一啖都充滿黑松露的香氣和墨魚的鮮甜味，而且仲要幾彈牙，正！手打豬肉丸 $68手打牛肉丸 $68Order後，水吧位傳來啪啪聲，原來老闆娘即席入去撻啲丸出黎，即叫即製！手打的肉丸口感比一般機製的更為軟綿，又易熟，而且肉味更為濃郁！竹蔗茅根 $38清涼微甜，是打邊爐的良伴！

中午去滾龍手工涮涮鍋地址: 粉嶺聯和墟和泰街27號地下F鋪電話: 95158153===============屋企人小想屋企打邊爐食到的食物種類唔多，傾向出街食，點菜時又更多選擇。第一步涮涮鍋湯底，$218 東方美人 ，有花膠桃膠蟲草花同竹笙，半隻雞岩2-3人食，充滿膠原蛋白，對皮膚好。加了娃娃白菜煮完湯清甜有雞味，湯盛上來是奶香色，不論男女都適合滋潤一下。手打丸及餃子是店家信心之選, $88 9 粒餃拼，有蝦雲吞， 韮菜，同黑松露，食落皮薄有肉味，唔會似現成咁落一堆添加物。即炸響鈴酥脆，快速沉湯1-2秒食得。長身蟹柳，幾得意。魚飄鮮的好難見，快焯一下就食得。熟了會卷起，口感像魷魚，點豉油就好好食啦。店家自家煲制架竹芧根水，微甜雪到涼快好飲。職員好好幫我地加湯，又主動換骨碟。very good 邊爐湯底同配料都可以外賣，真係要再encore

今餐飯結論放喺前面 四個字 真材實料🤩可以話係近半年食過嘅打邊爐入面最滿足最好食嘅一次🤩一坐低就上佐一大瓶竹蔗茅根😚係佢哋煲噶，唔係市面上既飲品～非常之清甜😍襯打邊爐感覺都冇咁熱氣，又解辣啊🤩先講個東方美人鍋☺️一上個煲即刻湧上嚟一陣好香嘅雞湯味，淨係個湯底我都飲咗不下10碗，真係好好飲！同個老闆娘傾計先知個湯底原來係用咗走地雞同埋豬骨煲成，真係難怪佢咁香濃！之後個煲入邊有半隻雞、桃膠、花膠、竹笙、蟲草花等等 ，隻雞係湯煲滾後再焗三分鐘㗎🤩肉質好滑而皮好脆，老闆娘話係走地雞呢我食完都相信係走地雞，之後嗰啲桃膠花膠嘅配料好多，食極都仲有！淨係個美人煲已經好高評價😎手工鮮蝦雲吞🦐一入舖頭就見到老闆娘喺度包緊雲吞，所以就試吓雲吞～雲吞入邊有啲黑木耳同埋好完整嘅蝦，黑木耳同蝦嘅配搭唔會違和，蝦幾爽口！手打鯪魚滑，蟹籽雙色滑入面係蝦滑墨魚滑🦑呢度嘅鯪魚滑同雙色滑同我平時食開既唔同！市面上嘅蝦滑墨魚滑普遍都係得少少味，但係呢度嘅蝦滑墨魚滑就好濃蝦味墨魚味同埋好彈牙～鯪魚滑好濃魚香味，聽老闆娘講得原材料手打而成冇溝其他嘢😳果然真材實料！嚟到呢度要試一試！好快枝竹蔗茅根俾我地清嗮就嗌多枝天地一號～呢枝係

這一個寒冬，本來對火鍋店是一個黃金時間，不過這個疫情真的很大打撃，所以我在冬天就來支持一下小店，吃一下他們的招牌火鍋！這一家店算有名了，晚市一向都是滿座，所以午市一向都不開門最近就改為連午市也開門，做一做火鍋外賣，為什麼要吃他們？他們很多配料都手作，餃子，丸類都有，比街市的多了一份誠意！一般火鍋醬油，夠新鮮，鮮辣椒很不錯前菜系：椒鹽粟米＄６８簡而精，爽口而且非常甜，椒鹽吊起了粟米的甜，非常好吃！蝦兵愛上老油條＄７８新鮮炸起的油炸鬼＋蝦膠，油炸鬼非常爽脆，蝦膠有夠彈牙，即吃或放湯都可以雞煲 半隻（大辣）＄１８８他們把雞份切得比較細，很容易分，而且大辣也不算很辣，反而有種椒麻味，很惹味！加湯火鍋，首先吃個黃沙豬膶＄４２，啤水時間非常充足，加了少量花生令其光亮，厚度十足，放湯煮不太久就可以了，非常彈牙！牛胸油＄８８非常稀有而且貴價的部位，口感非常爽脆，味道有像脂肪但其實是牛筋+牛油，煮一會就熟，老闆娘把他們切得有相當厚度，入口更爽脆，不錯！西洋菜＄３２很大盤！超誇張的量，這盤真的很爽脆又好吃，西洋菜很綠非常惹味～老闆娘現場手打丸類＄９８，墨丸非常彈牙，豬肉丸肉的比例高，這手打丸真的很特別，也

呢幾日又凍咗，打算同朋友食一人一鍋，因為餐廳連星期六日既午市都有得食。主餐牌既野食物4點前仲會有9折！嚟到餐廳之後比枝竹羊腩煲吸引咗，覺得暖暖胃都唔錯，於是轉咗食細羊腩煲~點完餐好快就上菜，因為餐廳選用蒙古黑草羊，所以羊肉肉質軟稔，味濃而不羶，而且成個鍋唔會好油。雖然我地係點細羊腩煲（送生菜），但份量依然唔少，我地一人至少有兩、三碗羊腩！至於其他配料都好足，枝竹同冬菇吸哂d汁既精華，正！另外仲有生菜、紅蘿蔔同粟米，感覺健康~我地都食咗韭菜餃、松露餃同蝦雲吞。韭菜餃包得好靚，望落去脹卜卜，食落好足韭菜，好香韭菜味，好滿足！松露餃嘅松露味唔會極濃烈，而係好適中，味道唔會太搶，最估唔到配合紅蔥碎，隻味好夾，好香濃。鮮蝦餃入面真係有原隻蝦，隻蝦好彈牙好新鮮！飲品方面，我地點左竹蔗茅根，自家製比出面樽裝健康好多，落足料煲又唔會得個甜字。味道清甜，有竹蔗同馬蹄嘅清香，天氣乾燥飲完好滋潤。

聽朋友講，呢間小店主打手工美食， 而家呢個年代，實屬難得， 所以就算佢位於粉嶺， 都刻意揸車入嚟食！！首先叫咗嘢飲先， 真係估唔到連嘢飲都係自己煲， 仲暖暖哋㗎！ 仲好足料添！！鍾意呢個竹蔗茅根唔會太甜！！老公就嚟支啤酒, 夠曬gur!! 龍爺烤魚鍋非常之多香料同配料， 惹味微辣， 當中嘅配料有豬皮 、蓮藕 、大豆芽菜、 京蔥、 青辣椒、 腐皮.....等等主角當然係呢條桂花魚啦！！ 非常厚肉，落鍋前已經炸過，口感十足！！手打四寶丸手打的確係特別彈牙，而且有四款， 絕對啱曬貪心嘅我！！爽爽牛胸尖第一次食呢個部位 ，其實係牛胸前面嘅脂肪，以為會軟淋淋，點知係極度爽口，只需簡單放15秒就食得。鮮蝦雲吞68蚊6粒，以手工食品嚟講， 真係超值！！一咬開真係見到原隻鮮蝦size仲要幾大添！唔怪得之咁爽口喇～油麥菜份量算係幾多，而且鮮嫩翠綠， 吸曬惹味嘅湯汁，別有一番風味！椒鹽豆腐坊間一般都會用板豆腐，呢度就用咗玉子豆腐， 除咗預期中既嫰滑之外，不得不讚外層只係薄薄的一層炸漿， 真係非常考功夫！！食到捧住個肚走，都係呢個價錢，仲要出面食唔到呢種風味，抵呀！