龍拉麵 (已結業)

從來冇寫過食評，但今次食完龍拉麵之後，實在唔寫個負皮唔得碗拉麵啲雲耳完全冇味拉麵嘅份量又細拉麵嘅質素好似喺阿信屋買一包麵煮嚟食咁隻溏心蛋又好鹹塊叉燒好似稍為好少少，但食落去都好唔新鮮最重要係個湯底完全冇質素可言，好似開粉嘅湯如果40至$50嘅價錢我覺得可以接受呢個質素但係佢至少$78一碗，真係完全唔值連筍都冇食完真係覺得好唔憤氣飲品選擇有汽水和波子水總共有三款拉麵可以揀俾佢好似好勁嘅裝修呃左我一定唔會再去食第二次

(跪求看晒此文先好去考慮去不去食,因我後悔沒看openrice去食咗間垃圾！)十月七日晚，我一人拖著疲倦…而且肚餓到核爆嘅身軀，行過呢間所謂嘅拉麵店，首先我選好麵之後付款，就到隔離店面入座…………等…………等………等………其間隔離煮麵位就喝采聲………同大聲講大聲笑，我都不以為然………之後見到男侍應好抱歉地對先過我嚟嘅某客人致歉，原來某客人已經等咗好耐………再經我細心觀察發現，原來煮麵男掛住一路飲酒，一路招呼佢自己嘅朋友……好啦～～～煮麵男班朋友走，先至見到一班拉麵岀嚟………一岀岀六七碗………見到我都無言………咁錢到比咗，又肚餓………一嚟就緊係食～點知嚟錯麵………係辣嘅………真係食唔到………咁個男侍應見到即時同我換………其實邊碗麵去邊到………係煮麵男先知………係佢自己搞錯………其實碗麵真係唔好食，因為都無心煮個麵比你………而且只係扮日式拉麵………得個樣比你，就收你日式拉麵嘅價…………(即係明明買咗飛睇林峯演唱會點知演唱會一開係胡楓，擺明搵笨實)食食下………其間個沒酒量又要飲嘅煮麵男就不停係到揾咩原因點解會比錯麵………就大爆一句“小小辣都唔食得”咁我一聽到呢一句即係話“作為人客嘅我就算你煮

幾年前新開張食過一次，當時只係得一個鋪位，六個位食拉麵。今日已經變成兩個鋪位，客人坐嘅位置自然都闊落左，食都食得無咁拘謹。第一次食個陣對厚切日式叉燒印象深刻，事隔咁耐，依然保持到水準，用料非常充足。上次食「白龍」，今次試下「黑龍」，叉燒固然又厚又好味，而櫻花蝦同黑松露都好足料！湯底濃得黎感覺唔會太膩，配合幼麵個口感好好味，仲有全隻溏心蛋都非常出色，如果有埋竹筍就完美啦！支持小店💛尤其好欣賞店主唔貪心，只賣三種拉麵，白、黑、赤三款都各有特色，追求素質而唔追求數量👍🏻

今次都係講拉麵。 屯門區別一間我同朋友都好喜歡。 比較近市中心， 由坐得8個客架小店變成兩間店架鋪頭。 老闆有心機做麵， 同聲同氣香港人， 湯底有白， 紅， 黑龍。 分別是豬骨湯， 擔擔麵辣辣地， 黑松露。 各有特色， 清清地食白， 辣辣地食紅， 重口味啲食黑。 叉燒夠厚， 每舊上枱前老闆都會燒香， 糖心蛋都好入味。 麵底， 叉燒， 蛋都可以加。 不過大家叫果時量力而為， 叫多左， 食唔晒老闆會唔開人架。 要飲兩柸架朋友可以叫酒嘅， 但因不是居酒屋， 所以有人排隊就飲完就可能要去其他地方先慢慢飲啦。 😁好食嘅拉麵， 一般都湯底比較濃同高卡。 怕肥架朋友， 都是食點菜和生果先去食就會健康一啲啦。 😋

好耐之前去食過，個時剩係得吧枱位，係舖頭出面排隊，排到咁上下就會有人叫你落左單先，選擇唔多，得幾款俾你揀。舖頭細細，個廚房已經霸佔左一大半既空間，兩個廚師係入面整野食，再一個L型既食客位，個個圍住個廚師食麵，坐得未算最舒適，但都可以接受既，底底有個籃俾你放雜物，仲有成個水煲俾你自己斟水，設計都幾貼心。鍾意食辣既我就叫左個赤龍，佢係中式擔擔麵湯底黎，而我本身就麻麻擔擔麵既，因為覺得佢要辣不辣咁，唔知想點，但依個擔擔湯係辣既，所以尚可接受，而其他野，例如粟米、木耳、紫菜同蛋個啲就基本野啦，冇咩好講。但個叉燒就真係要讚下，廚師切開叉燒後，應該係再用火槍燒一燒（唔知佢用咩燒啦，應該係火槍），食落好香口，平時我食拉麵會覺得啲麵同個湯係主角，今次依碗，個叉燒真係搶晒foc。好！好！食！但佢擴充左之後，好似多左好多負評，好似冇左之前既水準，要考慮下先會再去食

從來沒有想過，日本的拉麵熱潮捲襲香港，香港人學會了之後，把這一個日本味道本地化，繼承了拉麵熱潮之後，再將其發揚光大。在市面上，有不少香港人自家創立的拉麵小店，質素同熱誠，絕對是勝過眾多日本過江龍品牌的。近些日子，在屯門的新墟，發現了一間名叫《龍拉麵》的小店。這店，間中有人龍，而且看得出是由本地人經營的。於是，我一直把這店放在我的屯門 wish list 之中。拜訪的那天是我同太太分頭前往屯門的一天，當日就立定決心，一定要來食返碗拉麵。個體戶的拉麵店，是由老闆親自帶領團隊上陣服務同製作拉麵。小小店，大部份的座位都是面對著 open kitchen 的吧台位。在香港、在日本食過咁多次拉麵，最好 feel、最開心、最有風味，都係坐上吧檯，面對著蒸氣，面對著高湯的香味來享受師父的拉麵。《龍拉麵》提供三款拉麵。有簡單的豚骨湯 "白龍"、加了黑松露同櫻花蝦的 "黑龍"、還有就是同中式擔擔麵 crossover 的 "赤龍"。看來看去，黑松露同櫻花蝦好像比較吸引，所以，我選擇了 "黑龍"。黑龍拉麵，配上了一片厚切的醬烤叉燒，一隻美味的溏心蛋，大量的粟米，木耳，而最矚目的，是一大堆的蝦乾，是櫻花蝦乾。

一向都係拉麵迷 見呢間野個外型裝修幾靚 仲要係黃店 諗住一試 但入到鋪個裝修完全係西式餐廳 唔講以為自己去咗打卡cafe我點左個赤龍 友人點左白龍 白龍似係出前一丁湯溝淡左 麵係生麵王 完全唔係拉麵 個蛋一D味都冇 🤮 赤龍 就似係只加左D麻辣醬 間野聲稱自己係黃店 但我聽到店員講野操鄉音嘅😰人頭消費約$100 唔知自己食左D咩 🤬好垃圾 未試過食到咁嬲要打食評 好懷疑個老闆開間鋪對唔對得住自己良心 寧願喺屋企煮公仔麵冇咁嬲🤯🤯🤯如果唔係cm最少要一粒星 會全部0星

湯底其實夠濃郁,而我食拉麵好多時會飲D湯,但可惜正如張相咁,D湯真係有D少都推介『黑龍』,係黑松露同櫻花蝦口味,兩者都幾夾,而湯底極濃郁,味道香口。櫻花蝦、青蔥、黑松露醬鋪到滿滿係表面~睇相都見到而白龍就無咩特別, 食完好口喝。先付款後食 (不過員工態度唔係咁好) 再去食既機會唔大。龍拉麵 地址:屯門德政圍16-34號海盛大廈地下11號地舖電話號碼: N/A營業時間:星期一至日12:00 - 23:00

一個港島人,深入香港大西北地區的屯元天重鎮,是一個非常罕有的機會。其實,我只是再一次屈服在女朋友手上,去了元朗區的千島湖行山,落山後剛好是下午茶時間,想找一間黃店,卻誤打誤撞遇見了一生中最可怕的日式拉面店。門面貼滿支持香港手足的文宣,名字又非常有霸氣,女朋友又快餓死,所以就不加思索直接選擇了這間拉面店。他們只提供三種拉面,必須先付款才可以入內就座。拉面店的位置較細小是很正常的事情,因為都只想盡快客人吃完離開加快客人流轉的速度,這一點我可以理解。店員的服務態度似乎沒有其他食評寫的那麼差,但就是我全程沒有跟她接觸過,好像自助餐一樣。白龍拉面 - 0/5分 :這碗是我人生中最感到恥辱的拉面,可以俾負分的話,我會俾無窮負分。拉面的精髓一定是湯底,這家店表面打著「新鮮豬肉豬骨煲湯無味精無雞粉」,但味道明顯是以醬油添合大量熱水,味精及雞粉而成的垃圾湯底,毫無豬骨味,飲了兩啖我就完全不想再飲,打破了我每逢日式拉面必殲滅湯底的神話。面條方面,除了太幼身之外,就算我選擇了普通的硬度,煮出來卻異常堅硬,而且份量只及其他拉面店的一半。面條自身亦相當難吃,相信是超級市場中最劣等的產品。糖心蛋正常；日式叉燒比較

期望太大而已事實上都不過不失，只不過好多餐廳都忽略左最基本的抺碟，而導致到碟邊好多碎碎，感覺上真係扣左分。.在於湯底真係唔錯湯底濃郁而不膩，麵條都鬆軟，唯獨叉燒口感粗糙但有其他配料青蔥、櫻花蝦、黑松露醬用作調味其實已經足夠老實講我幾鐘意呢個新穎嘅配搭.溫馨小提示：黑龍拉麵係有附有溏心蛋唔需要額外再加架喇🙇🏻‍♀️除非你好鐘意食蛋

屯門VCITY的對面便是新墟，雲集許多特色餐廳，今天便來試試這個CROSSOVER日式中式的拉麵店。店內所有拉麵都是豚骨湯底熬製，很足料，而且每天限量200碗，賣完便沒有了！而且店內只有三款麵，今天叫了黑龍，是黑松龍和櫻花蝦做的，這間拉麵的湯底比日式拉麵的湯底不這麼濃，我來說，是比較易入口的。湯底有陣陣黑松露的鮮味，拉麵我選擇了軟身，吸收了很多濃湯的精華。另外我再叫了一個赤湯，湯底是用中式擔擔麵作為湯底，而且第一點辣，整個配搭很有趣。配料，叉燒煮得很熟腍，似乎是慢煮了很久，果然十分細心。另外流心蛋也挺不錯，可惜質地還是差了一點，但是湯汁實在太高質素，完全沒有扣分。我非常推介這間餐廳，是屯門新墟的一個小店選擇，而且烹調十分細心，用料十分豐富，值得大家一試!

龍拉麵剛開張時，小妹都試食過一次，當時感覺，味道唔差，不過有啲似自己煮嘅即食麵feel，以佢賣嘅價錢，確實有啲唔值.......事隔年幾兩年，見佢咁黃，就同老公比多次機會佢啦😞點知仲失望過第一次首先：义燒厚切，只係令人感覺好似好抵食，你整得唔好，盞嘥嘢二：我完全食唔出個湯底係咩嚟......剛開張時明明標榜自己係每日新鮮淆製豬骨湯㗎，果陣都尚算可以，點解而家會變成咁？三：啲麵質，真係去超市買包味X拉麵自己煮都好食過佢四：配菜有粟米、木耳、大量蔥仲有隻蛋，但係我都揀唔到一樣係有味道。今次用餐經驗，真係令我好失望，唔知以為你轉咗手比人，不過見煮麵果個仲係之前果個，咁就希望可以檢討一下究竟發生咩事

星期日去諗住新墟街市買餸，未食早餐，諗住沿途睇下有咩好食啦。咦！文具店已不知不覺變左拉麵店，平時除左帶貓睇醫生，好少行呢個位，一於就試下呢間啦！可能地方問題，佢分左兩間舖兩個門口，我要係左邊舖頭落左order 同比左錢先，再被安排坐係右邊間舖，大家遷就下無問題入到去坐低覺得好涼爽，因為我地係12點幾左右來到，烈日當空，見佢咁細間舖都有三部天花機，即刻加分👍我好中意留意d 餐具同枱面油唔油，嗯，呢間好新淨同好乾淨。，Pass🤗我地好似叫左一碗白龍，一碗黑龍，唔係好記得Tim兩碗都幾好味，我地都中意佢個溫泉蛋同超厚叉燒，個人覺得唔鞋，湯底都幾好味，食完唔會好口渴，下次可以encore, 希望下次想食時間舖仲係度啦🥳

自己本身係屯門返工，話說有日Lunch突然想食拉麵，見呢間嘢開咗一段時間都仲做得住，而自己又從未試過，一於就去睇睇咩料‼️入到去鋪面好細，位置唔多，好彩都啱啱好有位！今次叫咗碗🌸櫻花蝦拉麵🌸一上就已經覺得好爆！真係滿滿櫻花蝦呀😍又幾足料喎！望埋塊叉燒，哇！又幾厚切喎🤤真心覺得屯門嚟講，算係好有誠意嘅日式拉麵店啦。份糧都好多，恐怕一個女仔可能會食唔哂！湯底都幾濃郁，拉麵就不過不失啦👍🏻始終最吸引都係嗰塊叉燒💕

依間拉麵店係新開嗰陣勁多人去食，到後來無乜人去食，所以我就去試下啦。我同我朋友就叫各叫咗一碗，一碗係豬骨湯底，一碗係有埋櫻花蝦。對我而言，佢地整嘅麵同湯底都比較普通，同其他拉麵店相比就真係遜色。但唯一優點就係佢地嘅日式叉燒，每一舊都會厚切，食每一啖都好滿足，肥同瘦嘅比例都可以接受。我問啲朋友講過，去得依間食拉麵，都只係為咗依舊叉燒。所以我同場都見到有客人加底叉燒。我覺得如果對拉麵有一定要求嘅朋友，你就可以唔洗試依間啦，但對叉燒有興趣嘅，都可以一試