影片
营业时间
今日营业
07:00 - 23:30
星期一至日
07:00 - 23:30
公众假期
07:00 - 23:30
公众假期前夕
07:00 - 23:30
以上资料只供参考，请与餐厅确认详情
优惠
73折
点心二人餐 (堂食) -创新点心专门店 新派点心美食!
$188
$260
9折
$100 现金券 点心专门店【 龙点心】**无限兑换**
$90
$100
今晚同閨蜜約左去睇演唱會，打算睇之前響海防道食D野先過紅館，呢帶各式各樣既美食包羅萬有，閨蜜話不如食點心啦。好彩我地到店比較早，找到座位後，一坐低餐廳已是座無虛席。我地各自點左D王牌點心：1. 筍尖蝦餃皇 - 皮薄餡多，蝦肉飽滿，啖啖蝦肉的爽甜。2. 鳳爪拼金錢肚 - 鳳爪煮得軟爛入味，金錢肚Q彈可口，兩種不同口感相輔相成。3. 脆脆富貴紅米腸粉 - 米粉薄而不破，外層酥脆，裡面的蝦肉餡鮮美多汁。 4. 鳳尾蝦多士 - 蝦肉肥美彈牙，多士炸得好乾身，好脆口。5. 羊肚菌牛肉球 - 肉餡鮮香，配上爽口既羊肚菌，口感層次豐富。6. 懷舊燒賣 - 餡料飽滿，皮薄而不破，入味而不咸。整體黎說，龍點心選擇相當豐富，既有經典又有創新，係一個幾好的選擇!
继续阅读
上星期同在尖沙咀爸媽行街，行到咁上下要搵個地方食下野及休息下😊見到呢間點心專門店的招牌相當搶眼，就決定入去啦～位於尖沙咀的「龍點心」是一間點心專門店，主打新派創意中式點心，每一件點心賣相精緻，打卡一流。呢度的點心全部即叫即蒸，上枱時熱辣辣的❗️歎世界燒賣拼盤 $70推介‼️呢個拼盤有6款不同味道的燒賣，分別是黑蒜帶子燒賣、黑松露珍香燒、泡菜蒜辣燒賣、冬蔭功泰辣燒賣、俄式羅宋燒賣 及 芝士墨魚燒賣。每款都非常特別及美味，尤其喜歡其中2款會爆汁的燒賣，就是冬蔭功泰辣燒賣及俄式羅宋燒賣。冬蔭功及俄式羅宋燒賣一咬爆漿多汁，湯汁濃郁，好似飲緊冬蔭功及羅宋湯🤩 松露野菌晶瑩餃 $38一入口就食到濃郁的黑松露味，配搭埋野菌，味道豐富，加埋紫色的外皮，又靚又好食❤️羊肚菌牛肉球 $46牛肉球配上清甜的羊肚菌，味道鮮甜，加上一啖咬落去牛肉球時，爆漿多汁🤭整體口感層次豐富。 厚切叉燒腸粉 $48即叫即拉的腸粉🤩師傅拉出透、薄、香、軟的腸粉，然後再包裹著厚切叉燒，腸粉口感軟滑，而且啖啖都食到叉燒，非常足料，真係好滿足。 臘腸膶腸蒸雞飯 $58蒸飯面頭鋪滿材料，包括臘腸、潤腸、蒸雞及菜😊臘腸及潤腸都切成小塊，方便食用👍🏻臘腸味道甘香油潤，配搭膶腸味道更香濃，而雞肉肉質嫩滑，蒸飯都盡吸3款身材的味道，倒入豉油一齊食非常惹味😍奧利給登頂雪山 $88估唔到食點心的舖頭都有刨冰食😋呢個係Oreo味道的刨冰，外型好似雪山咁🍧，賣相相當吸晴，份量十足❤️以朱古力雪花冰及黑珍珠為底，外面加上忌廉，面頭以Oreo餅乾、焦糖餅乾、百力支點綴😋食晒面頭的配料，再加入椰奶同雪花冰一齊食，味道層次豐富，炎炎夏日食完真係透心涼🧊 茶位 $12/位
继续阅读
*.+゜尖沙咀即製高質爆汁彈牙燒賣 ✨🥢｡+.*祝大家父親節快樂！ Iby 今晚就跟家人來到「龍點心」，品嚐了各種精緻點心，燒賣及腸粉尤為驚喜！😋✨⸜♡⸝ 歎世界燒賣拼盤 70ʜᴋᴅ一龍大滿足 70ʜᴋᴅ口水汁龍利魚腸粉（辣） 48ʜᴋᴅ南北杏菜膽燉豬肺 52ʜᴋᴅ拉絲菠蘿包 38ʜᴋᴅ桃氣寶藏冰 98ʜᴋᴅ可口可樂 15ʜᴋᴅ白灼蘭花苔 48ʜᴋᴅ一口豆腐 58ʜᴋᴅ馬拉小籠包 4隻 48ʜᴋᴅ宮廷桂花糕（2件） 28ʜᴋᴅ加倍開心果露（熱） 58ʜᴋᴅ茗茶/熱水 12ʜᴋᴅ*2荷花酥（2件） 38ʜᴋᴅ豆腐布丁 30ʜᴋᴅ✩‧₊ 💬- 歎世界燒賣拼盤 70ʜᴋᴅ：粒粒彈牙又爆汁，不愧是招牌菜！Iby最喜歡冬蔭功味，家人最喜歡芝士味🥟- 一龍大滿足 70ʜᴋᴅ：可以一次試到幾款點心，包類較差，其他都中上🥟🥢- 口水汁龍脷魚腸粉（辣） 48ʜᴋᴅ：辣味較淡但甜度及層次十足，家人說是他試過最美味的口水汁，而且皮薄滑，餡料多又十分新鮮，讓Ivy 驚喜不已！口水汁的美味和龍脷魚本身的鮮嫩口感絕配，回味無窮！🔥🍜- 拉絲菠蘿包 38ʜᴋᴅ：拉絲菠蘿包沒有拉絲亦不夠脆，有些失望；- 南北杏菜膽燉豬肺 52ʜᴋᴅ：清淡鮮美的湯底搭配軟嫩的豬肺，足料又滋補！🍲- 桃氣寶藏冰 98ʜᴋᴅ：清涼爽口的桃氣寶藏冰，帶來一陣陣鮮桃的香甜，加上花奶、薏米等食材，頗有創意，味道也不太差。🍧🍑- 可口可樂 15ʜᴋᴅ：可口可樂冷凍度不足🥤- 白灼蘭花苔 48ʜᴋᴅ：清爽爽口的蘭花苔，竟然有薑絲而且味道較普通，這讓人有些意外，因為蘭花苔通常搭配特製醬汁才能展現出獨特的風味，或許可以調整醬汁的配方，並汆水辟走澀味。🌿- 一口豆腐 58ʜᴋᴅ：口感細軟滑嫩的豆腐，搭配酥脆外皮，入口即化，又炸得剛好🍲- 馬拉小籠包 4隻 48ʜᴋᴅ：外皮薄又能盪鞦韆，湯汁是肉骨茶，Iby 首次嘗試，感覺肉鮮味濃，比一般湯汁美味，但家人不喜歡。🥟- 宮廷桂花糕（2件） 28ʜᴋᴅ：香甜可口、彈牙美觀，又重桂花香🍰- 加倍開心果露（熱） 58ʜᴋᴅ：暖心的開心果露，濃郁細滑，可惜甜度過高，像在吃糖漿☕️- 茗茶/熱水 12ʜᴋᴅ*2：點了普洱，可惜茶味極淡，屬茶餐廳質素🍵- 荷花酥（2件） 38ʜᴋᴅ：外脆內軟又沒油味，甜度足又有層次🌸🍪- 豆腐布丁 30ʜᴋᴅ：滑嫩細軟、重豆腐味，鋪面的莓凍乾更是相得益彰🍮
继续阅读
👏🏻已經係二訪嘅餐廳 環境 服務 同埋食物質素都非常唔錯 地點又方便 💃🏻Happy Friday 想同朋友搵食 傾計 真係超級推介🙌🏻Fusion 手功即蒸點心 又多款 又充滿驚喜🤩 仲有唔同類型嘅中西式甜品🤤 仲有好啱而家夏天嘅沙冰系列🤭 朋友們第一次嚟都覺得好唔錯👍🏻🤭打卡必叫點心👏🏻✌🏻嘆世界燒賣拼盤 $70▫️黑蒜帶子燒賣 ▫️俄式羅宋燒賣▫️芝士墨魚燒賣▫️冬陰功泰辣燒賣▫️黑松露珍香燒賣▫️泡菜蒜辣燒賣鍾意佢哋成日都會鑽研唔同新口味 每粒都有獨特嘅味道 好有驚喜 而且味道濃郁 係有誠意嘅製作👍🏻✌🏻酸菜魚鳳眼餃 $42酸菜魚味道香濃 用呢個味道製作餃子 非常特別 外型精緻又好味💛✌🏻鳳尾蝦多士 $56😋酥脆惹味 配少少千島沙律醬 絕對係一個開胃小食👍🏻✌🏻拉絲菠蘿包 $38菠蘿包口感軟身 唔算好甜 微微芝士香 唔會太漏 唔錯👍🏻✌🏻肉鬆馬拉糕 $38fusion 有驚喜 超鬆軟 好香花生味嘅馬拉糕🤤 再配合滿滿嘅肉鬆 既香口 又特別😍 ✌🏻口水汁龍脷魚腸粉 $48呢個好有驚喜🤩 鍾意食辣嘅朋友真心唔可以錯過 🤤麻辣口水汁 用魚做餡料嘅腸粉 真係第一次食 😋口感好滑捋捋 好滋味👍🏻 一致認為係是日MVP😝✌🏻臘腸潤腸蒸雞飯 $58💛暖胃之選 最鍾意呢種粒粒飯 而且臘腸&雞嘅油香滲晒落啲飯到 就咁食啲飯都好好味 加上豐富嘅臘腸潤腸蒸雞 真係會唔覺意食多咗飯😋✌🏻抹茶雪山冰 $88🤭之前已經見識過呢度嘅甜品 非常適合打卡😍 抹茶雪山冰 淡淡嘅抹茶香 入口即溶嘅沙冰 仲有粒粒果凍 成個甜品食落口感都幾豐富 而且份量好足 四個人分都夠晒滿足👏🏻
继续阅读
#20241112 🤍📍 #龍點心 @lungdimsum 尖沙咀海防道38-40號中達大廈1樓 🍽️觀塘觀塘道398-402號Eastcore 1樓4號舖灣仔軒尼詩道216-218號地下A&B號舖➖➖➖➖➖➖➖➖➖➖➖➖➖➖➖➖➖#茶芥 $12/位.#翡翠響鈴腸粉 $48💭 模仿炸兩既做法，將入面個油炸鬼變左做響鈴，出面再用綠色既腸粉皮包住，但響鈴比油炸鬼更乾身，點醬並無改善到乾既口感，點流質既汁應該會好啲，不過用日式芝麻醬而唔用傳統麻醬is a nice try🙂.#一龍大滿足 $70 🥢 #酸菜魚鳳眼餃 #鹹蛋黃墨魚燒賣 #蟹粉菠菜香蝦餃 #松露野菌晶瑩餃 #筍尖蝦餃皇 #斑蘭麻蓉桃子 💭 極度欣賞呢度可以一大籠每樣一粒既叫法，就算一個人都可以試晒咁多味，菠菜蟹粉好種菠菜但無乜蟹味，鹹蛋黃一咬會爆汁要小心食，松露餃同酸菜魚餃都超重味，矇住眼都食得出🤪.#歎世界2點0燒賣拼盤 $70 🥢 #德國鹹豬手燒賣 #中國金華火腿燒賣 #西班牙辣肉腸燒賣 #印度黃咖喱燒賣 #日式鰻魚燒賣 #星加坡黑胡椒蟹燒賣 💭 有得叫拼盤都未係最抵讚，最正係佢啲拼盤入面啲野唔會overlap咁先friendly丫嘛👍🏼身為香港人都唔知原來燒賣可以有咁多整法，樣樣望落都奇奇怪怪咁，但食落又幾夾，每粒都對得住個名，係唯獨個胡椒蟹無咩蟹味，反而似板燒雞腿包陣味，不過總括都一試無妨既🤗.#肉鬆馬拉糕 $38💭 呢個最特別既地方都只不過係一個普通既馬拉糕面頭多左啲肉鬆，係個糕入面係無既，而且個糕食落亦比較實，唔夠鬆軟，老實講就係可以skip左唔使試😓.#羊肚菌牛肉球 $46💭 同平時啲牛肉球都幾唔同，首先佢口感係平時果啲咁爽口，面頭有塊羊肚菌代替左山竹，但索唔到喼汁既味，牛肉球入面有啲醬，芫荽味都好重，鐘唔鐘意食真係見仁見智喇🌿.#龍炸拼 $78 🥢 #龍芋酥 #一口鹹水角 #大澳蝦醬鮮魷卷 #蘿蔔絲酥 💭 最後一個拼盤全部都係炸野，芋頭酥入面好香芋頭味，食落有啲漿口，鹹水角同蘿蔔絲酥就同平時酒樓食果啲差唔多，蝦醬鮮魷卷亦唔多食到蝦醬味，同埋呢碟野每款有兩件，自己一個食就未必叫到喇🤔.#🐷在尖沙咀 #🐷在觀塘 #🐷在灣仔 #🐷_食
继续阅读
您可能会有兴趣的...