影片
电话号码
26345208
附加资料
有點心及任飲任食火鍋
可攜紅/白酒,不可攜啤酒
設有卡拉ok
营业时间
今日营业
06:00 - 00:00
星期一至日
06:00 - 00:00
以上资料只供参考，请与餐厅确认详情
食家推介
畢竟係屋邨酒樓偏細，可以選擇嘅點心同飯餸都唔多。椰汁紫米露好足料夠濃稠，唔會太甜唔錯。乳鴿味道唔錯，皮脆，比較細隻，但肉質唔鞋。金錢肚夠肥夠腍幾好食，醬汁味道幾好。菜居然得一款，菜心，但粗幼不一，缺水同偏老，唔甜亦唔好食。腸粉皮超厚，唔好食。
继续阅读
驚喜食 - 平日去食係因為近，費事諗費事行就會去呢度食，尋晚唔知點解咁好食。第一次响呢度食北菇花膠扣鵝掌，花膠雖係碎膠咋咋地貨色，但焾得嚟不失少少爽脆口感，最重要佢掛到汁，鵝掌焾得嚟無茸茸爛爛，連底下埶煲嘅唐生菜🥬都係脆㗎。片皮鴨一向有食，今晚熱騰騰，留兩髀免斬，皮脆肉瘦，手揸住噬落去，好正喔🤤瘦叉瀨更不得了，啲瀨粉係透明噶，滑嘟嘟又無斷開一截截，放耐咗都唔會索晒啲湯焾晒，單食齋瀨我都開心😃呀⋯⋯仲有係叉燒瘦得嚟都無柴口，不過我下次都係叫番齋瀨，大碗啲😝
继续阅读
入到去無人招呼無人帶位，自己搵枱坐仲要係張張枱走晒都無人執。本身已經唔多客，啲紫色衫仲要黑口黑面，明知我叫佢仲要扮睇唔到。完全無問過我幾多位就自把自為落咗三個茶錢，見到我寫單就大大聲講無呢樣無果樣。到寫好晒要搵人落單又唔見晒人，真係咁大個人都未試過一間咁衰服務質素嘅酒樓！！！如果唔想做就摺埋啦⋯⋯成個商場得兩間食肆，唔係要陪老人家飲茶都唔會去呢間，唉.....下次寧願搭車都出大圍飲！！！呢間垃圾啲嘢又唔好食，下次咪洗再幫襯😡😡😡😡
继续阅读
今日去同大姨丈飲早茶，到了近佢屋企的茶樓！在商場2樓，有電梯直達。環境唔係好寬敞，乾淨明亮；服務也不錯，友善有禮！點心有早晨優惠紙（有孖寶、抵食點心、雙拼）點了：1. 鮮蝦蒸腸粉蝦不是太大隻，但爽口，腸粉普通滑2. 生菜鯪魚球粥綿綿的粥，足料、鯪魚香滑配有陳皮，有薑絲去鯹3. 咸魚豬肉餅飯咸魚鹹香又大塊，飯的口感不錯，豬肉餅不會太咸，細細碗幾好4. 鮮蝦菜苗餃菜好滿滿，餃皮好軟，鮮蝦細細隻5. 煎三色糕點包了蘿蔔糕、芋頭糕、馬蹄糕，蘿蔔糕好咸，芋頭糕好脆好香、馬蹄糕軟香甜美6. 流沙包蛋黃香滑，流沙的，麵包香軟，比較膩7. 蒸雞絲粉卷粉卷的口感比較硬，包埋雞肉、木耳、紅蘿蔔絲8. 蒸滑雞扎雞扎包了腐竹、魚肚、火腿條、芋頭、豬肉、雞肉
继续阅读
中午叫左個c餐 餐包括一碟河粉，菜，腸粉，薄撐 其餘食物都還可以 唯獨是個乾炒肉片河 肉片就搵唔到喇 肥肉就搵到一大碟 個經理仲死都要同我講果d係肉片唔係肥肉 講大話岀色過689👍🏾
继续阅读
您可能会有兴趣的...