影片
港铁上环站 A2 出口, 步行约5分钟
继续阅读
营业时间
星期一至四
11:15 - 21:00
星期五
11:15 - 22:00
星期六
11:45 - 22:00
星期日
全日休息
以上资料只供参考，请与餐厅确认详情
第一次黎呢間餐廳呀，店員好nice好鐘意呢度❤️蟹肉蟹膏卷食落真係有鮮味，見到啲蟹肉真係吾少👍🏻 中間包住牛油果，好味呀😋日式煎餃子煎得好靚，底部金黃色夠香脆👅 咬開肉汁都吾少，吾錯😉日式炸豆腐熱辣辣，一切開就見到入面又白又滑既豆腐😍 加左明太子同木魚絲，好惹味啊👍🏻
继续阅读
依日行完元創坊有點肚餓了～想食日本野嘅男朋友見到有日本餐廳就想入去試一試😆一入到去有種日式居酒屋嘅感覺，黃光令到成間餐廳感覺都變得溫馨～首先我地點左個日式炸豆腐，豆腐炸得外脆內軟，因為浸係啲醬油汁入面，所以個外層都掛左汁，好正！另外我地都點左個日式煎餃，咬落有肉汁，一啖一隻👍🏻👍🏻我地仲點左個油甘魚鮫，因為出面好少見依款菜式，出於好奇點左黎試下，本身以為無咩肉食，點知原來收埋左勁多魚肉，魚肉好嫩滑同充滿油脂，送酒一流！食食下冷烏冬都上枱喇～烏冬彈牙，配埋高湯一啲都唔寡，反而愈食愈鮮！😋👍🏻食完冷烏冬就想食下啲熱嘢，所以點左兩碗茶碗蒸，茶碗蒸好滑，入口即溶，食落充滿海鮮嘅鹹香！推薦推薦！！
继续阅读
經朋友介紹，嚟到中環依家CP值高嘅日式居酒屋。日色嘅裝修同佈置，令人感覺真係去咗日本一樣，而且座位寬躺舒適。牆上更有唔少經典嘅日劇、動漫等海報，勾起唔少童年回憶，打卡一流！午市套餐選擇多，而且價錢適中，CP值高。築地一口和牛丼定食依個和牛丼與眾不同嘅地方在於加入左大量菇菌，令到整體味道唔會單調，又冇蓋過和牛嘅味道，做到互相襯托。和牛粒牛味濃郁，肉質細嫩肥美，油脂分布平均，肉汁喺口入面不斷爆發，每一口都好滿足! 原條蒲燒鰻魚飯定食原條鰻魚有成隻碟咁長，賣相相當震撼，而且非常厚身肥美。表面燒至微微香脆，散發淡淡炭火香味，但入面嘅肉身則爽彈有口感，醬汁經過師傅秘製，稠身且味道濃郁，甜到剛好，加埋蛋絲同漬物，送飯一流。
继续阅读
今日喺中環做開野，晏晝諗吓諗吓想食下日本定食，所以搵咗間幾有特色嘅日本嘢試吓🤩入到舖頭見到好多動漫嘅海報，老闆一定係日本動漫迷🤭——————🐽 築地一口和牛定食估唔到中環咁嘅價位可以食到咁抵食，咁大碗嘅定食，一口牛入口好濃牛味，廚師特登落咗不同嘅雜蘑一齊炒，再加埋溫泉蛋一齊食真係好夾🐽 原條蒲燒鰻魚飯定食$100左右就可以食到原條嘅蒲燒鰻魚飯，鰻魚入口即溶，配上蛋絲令整啲飯唔會太單調，同埋份量真係好多🤤
继续阅读
同朋友都鍾意周圍去食下唔同日本嘢，前排在中環發現了這間CP值高的日本料理。餐廳佈置好有心思，貼滿日本海報，主打各款日式料理，環境舒適之餘，好似暫時遠離中環，去了日本居酒屋relax下🏮有張海報更加係我最鍾意、最有回憶嘅千與千尋😍和朋友點了幾款日本料理，每款都幾用心，精緻。🍣蟹肉蟹膏海之卷真的非常多「蟹」字頭，鮮拆蟹肉與蟹膏撈在一起，配上蟹子，口感好好之餘味道好鮮甜，配上下面的軟香牛油果和青瓜，配搭得非常好。值得一讚的是，壽司飯份量適中！🐟鹽燒油甘魚鮫煎到好香，肉質嫩滑，加上檸檬後味道鮮甜，食材幾好！特別欣賞他們的醬料配搭，酸酸甜甜的調和了油甘魚肉的膩感。🐔唐揚炸雞的雞肉香嫩，而且每一件都好多肉，份量十足😋個人覺得日本紫薯餅食必食的款式，真的非常獨有及有心思。紫薯餅入面的紫薯蓉香滑，甜度適中，還夾了粟子粒粒，口感一流，有機會要再來食。🥟日式煎餃子的餃子皮薄香脆，配搭酸酸的醬料，格外開胃非常欣賞他們每款食物都配了特色醬料，食品製作也好有心思，真係是中環難得的高質得來CP高的日本餐廳
继续阅读